Երեխայի խնամքի արձակուրդի հետ կապված
Արմիդա․
Բարև ձեզ։ Եթե աշխատողը փետրվարի մեկից դեկրետի մեջ է 140 օրը լրանում է հունիսի 20-ին։ Ի՞նչ պետք է անել՝ ազատել աշխատանքից այդ օրը, թե՞ նշել որ արձակուրդի մեջ է։
Մայրության նպաստի հետ կապված
Գոհար.
Բարև ձեզ, հարգելի հաշվապահներ: Ես առաջին անգամ պետք է ներկայացնեմ ու հաշվարկեմ աշխատողի հղիության և ծննդաբերության արձակուրդի հաշվարկ։ Կխնդրեմ ինձ օգնեք թե ինչպես լրացնեմ հաշվետվությաննների ներկայացման էլեկտրոնային մատյանում։ Աշխատողը աշխատում է 1 տարի, կես դրույք և ստանում է 50 000 աշխատավարձ։ Կխնդրեի նաև ասեիք՝ թե ինչպե՞ս է գործատուն վճարում, իսկ պետությունը երբ և ինչպես է փոխհատուցում։
Փոխառության վերադարձ
Հայկ․
Բարև Ձեզ: Խնդրեմ կասե՞ք՝ 2021թ. ընթացքում ՍՊԸ-ն իր հիմնադրին կանխիկ եղանակով դրամարկղից անտոկոս փոխառություն է տվել՝ մոտ 5 մլն դրամ՝ երկու տարի ժամկետով: Հիմա, եթե հիմնադիրը վերադարձնի հուլիս ամսից հետո, պարտադի՞ր է, որ փոխանցումով լինի: Ի՞նչ ուրիշ տարբերակներ կան: Կխնդրեմ օգնեք։
Փոխարժեքի ամսաթիվ
Ռիտա․
Բարև Ձեզ։ Վերագնահատման, արտարժույթի փոխանակման ժամանակ պարտադի՞ր է վերցնել արտարժույթի նախորդ օրվա կուրսը։
Աշխատավարձի բարձրացում
Արմինե․
Բարև Ձեզ։ Աշխատողիս տեղեկանք է պետք բարձր աշխատավարձով բանկին ներկայացնելու համար, հիմա ի՞նչ տարբերակով բարձրացնեմ աշխատավարձը, հրամանով կարո՞ղ եմ։
ՍՊԸ գրանցելու համար
Սանասար․
Բարև ձեզ։ ՍՊԸ գրանցելու համար կա՞ արդյոք որևէ վճար, և արդյո՞ք դա կախված է ծավալած գործունեությունից։
Անհարգելի բացակայություն
Անի․
Հարգելի հաշվապահներ, եթե աշխատակիցը անհարգելի բացակայել է, աշխատավարձից պետք է պահել բացակա օրվա համար։ Օրենքի ո՞ր հոդվածով և ըստ հերթականության՝ ինչպե՞ս է կարգավորվում, հրաման, նկատողություն պե՞տք է։
Գործունեության դասակարգիչ
Սոնա Հայրապետյան․
Կազմակերպությունը համարվում է կառուցապատող: Ի՞նչ տնտեսական գործունեության դասակարգիչ գրեմ։
Արձակուրդի տեղափոխում
Ֆլորա․
Բարև Ձեզ։ Ո՞ր դեպքում է ամենամյա արձակուրդը տեղափոխվում: Աշխատողը 2022թ. պետք է օգտվի ամենամյա արձակուրդից 01.03.2021-01.03.2022թթ. ժամանակահատվածի համար, սակայն չի գնացել: Արդյո՞ք նա պետք է 01.03.2022թ. դիմում գրի արձակուրդը տեղափոխելու համար և արդյո՞ք պետք է ընդհանրապես դիմում գրել, թե՞ դա կատարվում է գործող տարվա վերջում և նման հարց ունեցող աշխատողների արձակուրդը տեղափոխվում է 2023թ.:
Պարգևավճարի ներառում վերջնահաշվարկի մեջ
Բարև ձեզ։ Հարցս հետևյալն է․ աշխատողին վերջնահաշվարկը կատարելու դեպքում, եթե նա ունեցել է պարգևավճար, այդ դեպքում այդ գումարը հաշվի է առնվու՞մ, թե՞ ոչ։
ՀԿ ներքին կանոնակարգման օրինակ
Սամվել․
Բարև ձեզ։ Հարգելի գործընկերներ, անհրաժեշտ է հասարակական կազմակերպության ներքին կանոնակարգի որևէ օրինակելի ձև: Առկայության դեպքում խնդրում եմ ուղարկել samvel.gulkanyan շնիկ internet.ru էլ. հասցեին:
Նախապես շնորհակալություն:
Ներմուծում 3-րդ երկրից
Լիլիթ․
Բարև ձեզ։ Երրորդ երկրից ՍՊԸ_ով ապրանք ենք ներմուծել՝ պլոմբանյութերի փորձանմուշներ (դեղագործական)։ Արդյո՞ք դրոշմապիտակի հաշվետվություն պետք է ուղարկեմ և ի՞նչ է նշանակում ինքնահաշիվ դուրս գրել, ինչպե՞ս են անում։
Վերջնահաշվարկ
Զարինե․
Ընդունել ենք աշխատանքի 17.09.2019թ.-ին, 16.05.2022թ․ ազատվել է աշխատանքից, վերջին արձակուրդը եղել է01.03.2022թ.։ Վերջնահաշվարկ հասնու՞մ է։
Հրաման ուսումը շարունակելու համար
Արմինե․
Բարև ձեզ։ Մի հարց ունեմ․ եթե մանկապարտեզում դաստիարակը (ուսանող) աշխատել է, հիմա տեղեկանք է բերել թույլտվության, որպեսզի գնա շարունակի հեռակա կարգով ուսումը՝ հրամանի մեջ ո՞ր հոդվածը պետք է նշեմ։ Նրան հիմա մեկ ուրիշ դաստիարակ է փոխարինում։ Նախապես շնորհակալություն։
Կամավորական աշխատանք
Արմինե․
Հարգելի մասնագետներ, խնդրում եմ ինձ օգնել հետևյալ հարցում․ կամավորական աշխատանքը ՀՀ ո՞ր օրենսդրությամբ է կարգավորվում, կամավորի հետ աշխատանքային պայմանագիր կնքվու՞մ է, եթե աշխատանքը 5 օրով է կատարվելու և կամավոր աշխատողը 16 տարեկան է: Կանխավ շնորհակալություն։
Լիցենզիա հաշվապահների համար
Անի․
Բարև ձեզ։ Խնդրում եմ ասեք՝ 2023 թվականից որպես գլխավոր հաշվապահ աշխատելու համար պարտադի՞ր է արդյոք լիցենզիա ունենալը։
Ամենամյա արձակուրդ
Գայանե.
Բարև Ձեզ։ Կասեք՝ եթե աշխատակիցը աշխատում է շաբաթական 4ժամ, տվյալ աշխատակցին ամենամյա արձակուրդ հասնու՞մ է, թե՞ ոչ։
Ազատման դիմումի հետ կապված
Լիաննա.
Բարև ձեզ։ Եթե աշխատակիցը ազատման դիմում է գրել և ազատման ամսաթիվ նշել է 06/06/2022թ., արդյո՞ք ազատման օրը համարվում է աշխատանքային օր, թե՞ ոչ։
Մանկական հագուստի արտադրություն
Լիլի․
Բարև Ձեզ։ Ցանկանում եմ մանկական հագուստի բիզնես սկսել։ Գնել եմ կտորները, գտել աշխատող, մտածել անվանումն ու լոգոտիպը, սակայն ցանկանում եմ իմանալ քայլերիս հերթականությունը՝ ինչը որտեղ, ինչպես գրանցել ընթացակարգերը, վճարները և այլն, օրինականության շրջանակում գործունեություն ծավալելու և արտադրանքը շրջանառության մեջ դնելու համար։
Անտոկոս փոխառություն
Հայարփի.
Բարև ձեզ, հարգելի հաշվապահներ։ Եթե հիմնադիրը անտոկոս փոխառություններ է տալիս իր կազմակերպությանը (շրջհարկով աշխատող) և վերջում չի կարողանում մարել, արդյո՞ք հարկային պարտավորություններ է առաջանում և ինչպիսի՞։
Մայրության նպաստ քաղիրավական պայմանագրի դեպքում
Հերմինե․
Բարև Ձեզ։ Աշխատում եմ 2 բուժհիմնարկում: Որոնցից մեկը հիմնական, մյուսը` քաղիրավական պայմանագրով: Կասեք՝ ֆիզարձակուրդ գնալիս քաղիրավական աշխատատեղից 1 տարվա աշխատավարձի քաղվածքը ներկայացնեմ հիմնական աշխատավայր, թե՞ միայն հիմանական աշխատավայրի աշխատավարձի հիմնան վրա եմ ֆիզարձակուրդի գումար ստանալու։
Քանի՞ ժամ պետք է աշխատի բուժքույրը
Սեդա․
Բարև ձեզ։ Կարո՞ղ եք ասել՝ մանկապարտեզի բուժքույրը քանի՞ ժամ պետք է աշխատի, եթե դրույքաչափը 0,75 է, մանկապարտեզն աշխատում է 8 ժամ։
Զուտ շահույթ
Արմեն․
Հարգելի բարեկամներ, ուզում եմ մի հարց տալ․ երբ իմ ՍՊԸ-ի հաշվապահն ասում է, որ նախորդ տարվա զուտ շահույթը 01.01.2022 դրությամբ ենթադրենք 750 000 դրամ է, դա նշանակում է, որ այդ օրվա դրությամբ ՍՊԸ-ի հաշվին պետք է լինի 750 000 դրա՞մ։ Ճի՞շտ եմ հասկանում, որ մաքուր շահույթը պետք է հավասար լինի առկա դրամական միջոցների հանրագումարին, թե՞ ոչ։
Օնլայն վաճառք իրականացնելու համար
Աննա․
Բարև ձեզ։ Զբաղվում եմ նոթատետրերի արտադրությամբ։ Ցանկանում եմ ինստագրամյան և ֆեյսբուքյան հարթակներում օնլայն վաճառք իրականացնել։ Կասե՞ք խնդրեմ՝ ՀԴՄ սարք պարտադի՞ր է ձեռք բերել և ի՞նչ հարկեր պետք է վճարել (վճարումը կատարվելու է միայն անկանխիկ եղանակով)։
Ֆիզ․ անձը ծառայություններ է մատուցում
Մերի․
Բարև Ձեզ։ Եթե ֆիզիկական անձը ծառայություններ է մատուցում ՀՀ բուժհաստատություններին և միջազգային կազմակերպությանը, և եկամուտը ամսական հնարավոր է կազմի 1մլն դրամից ավել, ապա հարկեր պարտավո՞ր է վճարել։ Եթե այո, որքա՞ն։ Եվ ի՞նչ խորհուրդ կտաք՝ արժե՞ բացել Ա/Ձ։ Գրեք խնդրեմ նաև ԱՁ-ի վճարումների չափը։
Պահակի աշխատավարձի հաշվարկ
Անահիտ․
Բարև Ձեզ։ Խնդրում եմ, շա՜տ եմ խնդրում ինձ հստակ կպատասխանե՞ք՝ 24 ժամյա հատուկ կատեգորիայի ցանկում ներառված պահակի աշխատավարձը որքա՞ն կկազմի մայիս ամսվա համար, եթե աշխատանքային պայմանագրով կնքվել է 88 312 դրույքաչափ (սոց․ վճար կատարող չէ) և ծառայում է ամեն 3-րդ օրը։
Դրոշմանիշային վճար
Սոֆա․
Բարև Ձեզ։ Մի հարց՝ եթե աշխատողը գրանցված է ոչ լրիվ դրույքով, աշխատավարձը եկամտային հարկի հաշվարկում 60 000 է, մաքուր աշխատավարձը հուլիսի 1-ից, որ փոխանցեմ, 1 500 դրոշմանիշային վճարը պիտի հանե՞մ:
Շնորհակալ եմ։
Տեղեկանքի օրինակ
Արմինե․
Բարև Ձեզ։ Ինձ ուղարկվել է Ռուսաստանի Դաշնության կենսաթոշակային հիմնադրամի Մոսկվայի մարզային վարչությունից գրություն, համաձայն որի պետք է տամ ռուսերենով տեղեկանք տվյալ անձի աշխատած ժամանակահատվածի և աշխատավարձի վերաբերյան։ Կարող եք օգնել՝ ինչպե՞ս գտնեմ այդպիսի տեղեկանքի օրինակ։
Մաշվածության հաշվարկ
Թագուհի․
Բարև Ձեզ, հարգելի հաշվապահներ։ Եթե կա տրանսպորտային միջոցի մաշվածության հաշվարկի ձև, խնդրում եմ տրամադրել, եթե ոչ, խնդրում եմ ասեք ինչպե՞ս մաշվածության հաշվարկ կատարեմ։
Ա/Ձ բացելու հետ կապված
Աշոտ․
Բարև Ձեզ։
Խնդրեմ մեկ հարցով կարո՞ղ եք օգնել ինձ։ Կասեք՝ հնարավո՞ր է երկրորդ անձը իմ անունով Ա/Ձ գրանցել, թե՞ իմ ներկայությունը պարտադիր է։ Կանխավ շնորհակալ եմ։