Անի.

Հարգելի հաշվապահներ, խնդրում եմ, եթե դժվար չէ, ինձ ուղարկեք Ֆինանսների Նախարարության հաշվապահի որակավորման քննության հարցերը, պատասխանները և խնդիրները իրենց լուծումներով: Իմ էլ. փոստի հասցեն` ani.agasevna շնիկ gmail.com

Կանխավ շնորհակալություն:

Սաթիկ.

Բարև ձեզ:

Ես դպրոցում ընդունվել եմ աշխատանքի 2012թ. սեպտեմբերի 1-ին: 2016թ. հուլիսին գնացել եմ հերթական ամենամյա նվազագույն արձակուրդ, վերադառնալուց հետո նույն թվականի դեկտեմբերից գնացել եմ ֆիզ. արձակուրդ: 2019թ. հունվարի 7-ից վերադարձել եմ աշխատանքի: Խնդրում եմ, ասեք` ե՞րբ կարող եմ գնալ հերթական արձակուրդի և քանի՞ օրով: Իմ արձակուրդը 20 աշխատանքային օր է: Նախապես շնորհակալ եմ:

Արփինե.

Հարգելի հաշվապահներ,
մի քանի օր առաջ գրանցել եմ ԱՁ, գործունեությունը՝ ապրանքների ներմուծում և վաճառք, հայտարարություն եմ տվել շրջհարկով հարկվելու համար, ունեմ լիազորագրի մուտքանուն և գաղտնաբառ, սակայն չկարողացա մուտք գործել։

Խնդրում եմ ուղղորդել հետագա գործողություններ համար: Արդյոք պարտադի՞ր է բանկային հաշիվ ունենալը, որտե՞ղ է արտացոլվելու շրջանառությունս՝ բանկային քաղվածքներո՞վ, թե՞ այլ տարբերակներ կան, ինչպե՞ս եմ կատարելու ներմուծած ապրանքի (կոշիկ) մաքսազերծումը, ի՞նչ չափով եմ հարկվելու, և խանութների հետ ապրանքի դիմաց վճարները կարո՞ղ են կանխիկ լինել, թե՞ միայն հաշիվ-ապրանքագրով։ Ունեմ հաշվապահության մինիմալ գիտելիքներ, կցանկանայի ինքս վարել այն։

Կանխավ շնորհակալություն:

Արմին.

Բարև ձեզ: Եթե աշխատողը համատեղում է նույն գործատուի մոտ, ապա տվյալ գործատուն ինչպե՞ս է վճարում մայրության նպաստը:

Սաթենիկ.

Հարգելի հաշվապահներ, ո՞ր ծրագիրն է ավելի հարմար մանրածախ առևտրի մեջ՝ 1C-ը, թե՞ ՀԾ-ն: Խնդրում եմ, օգնեք կողմնորոշվել:

Ընկերություն` Տանժեռ
Հասցե` Կասյան 7-11
Հեռախոս` 010 275310, 091 291892, 077 291892
Էլ. փոստ` info շնիկ tanger.am
Թափուր աշխատատեղ` Ֆինանսական տնօրեն (արտադրական ընկերություն Լոռի մարզում)
Աշխատանքի նկարագրություն` Պարտականություններ՝ ֆինանսների կառավարում և վերահսկողություն։ Պահանջներ՝ բարձրագույն կրթություն, նշված ոլորտում առնվազն 10 տարվա փորձի առկայություն, որից 3 տարին ղեկավարի պաշտոնում։ MS office ծրագրի իմացություն, ՀԾ և 1C ծրագրերի իմացությունը ցանկալի է։ Ռուսերենի և անգլերենի իմացությունը ևս ցանկալի է։ Աշխատանքային գրաֆիկ՝ 6-օրյա
Աշխատավարձ` (մաքուր) 400 000 – 600 000 դրամ
Այլ նշումներ՝ Ուղարկեք Ձեր ինքնակենսագրականը info շնիկ tanger.am էլ․ փոստի հասցեին՝ վերնագրում նշելով «ֆինանսական տնօրեն»։

Քրիստինե Կիրակոսյան.

Բարև ձեզ:

Մենք պատրաստվում ենք կազմակերպություն բացել և որոշակի հարցեր ունենք: Մասնավորապես՝ արդյո՞ք անհրաժեշտ է լիցենզիա ունենալ տուրիստական գործունեությամբ զբաղվելու համար:

Լիանա.

Բարև ձեզ: Կարո՞ղ եք օգնել: Ընտանեկան ձեռնարկությունում ներգրավված անձը (տնօրենը) կարո՞ղ է այլ ընկերությունում մինչև 20 տոկոս բաժնեմաս ունենալ և շարունակել համարվել ընտանեկան ձեռնարկատիրության սուբյեկտ:

Կանխավ շնորհակալություն:

Վարդան.

Բարև ձեզ:

Կարո՞ղ է արդյոք կազմակերպությունը ունենալ միաժամանակ երկու տնօրեն:
– Եթե այո, ինչպե՞ս է դա գրանցվում/արձանագրվում:
– Եթե այո, նշանակու՞մ է արդյոք, որ երկուսը կրում են հավասարաչափ պարտականություններ և պատասխանատվություն:
– Կնշանակի՞ արդյոք, որ բոլոր հրամանները միաժամանակ ստորագրվում են երկուսի կողմից և կարող են համարվել անվավեր, եթե տնօրեններից մեկի ստորագրությունը բացակայում է:
– Եթե ոչ, ապա ի՞նչ workaround-ներ կան երկու համահիմնադիրներով կազմակերպությունում:

Հայկ.

Բարև ձեզ: Ես Ա/Ձ եմ, ԱԱՀ վճարող եմ: Իմ հաշվետվությունը և գոյացած հարկերը պիտի վճարեմ եռամսյակը մե՞կ, թե՞ ամեն ամիս:

Սոնա.

Բարև ձեզ:

Հարցս հետևյալն է: Պայմանագրով աշխատանքի եմ ընդունվել որպես ֆիզ. արձակուրդում գտնվողի փոխարինող։ Ներկայումս ես ինքս գտնվում եմ ֆիզ. արձակուրդում։ Հնարավո՞ր է աշխատանքից դուրս մնամ, եթե իմ՝ ֆիզ. արձակուրդում գտնվելու ժամանակ վերադառնա աշխատանքի նա, ում փոխարինում եմ ես։

Կանխավ շնորհակալություն:

Արևիկ.

Բարև ձեզ: Խնդրում եմ, օգնեք: Եթե ԱՁ-ն աշխատում է շրջ. հարկով և ցանկանում է բեռնափոխադրումներ կատարել դեպի Պարսկաստան, ի՞նչ հարկային պարտավորություններ կառաջանան:

Աննա.

Բարև ձեզ: Մասնավոր մանկապարտեզի համար լիցենզիա ստանալու ընթացակարգի հարցում ո՞վ կկարողանա օգնել:

Արփի.

Ողջույն: Խնդրում եմ ասել գործատուի անվանափոխության դեպքում աշխատակիցների հետ կնքվում է համաձայնագի՞ր, թե՞ պետք է լուծել պայմանագիրը և նորը կնքել:

Քրիստինե.

Հարգելի հաշվապահներ, եթե հրամանում նշվում է, որ աշխատանքից ազատման օր է համարվում մայիսի 2֊ը, այդ օրը արդեն չի՞ հաշվարկվում վերջնահաշվարկի մեջ, այսինքն՝ արդեն աշխատանքային չէ՞։

Մանան.

Բարև ձեզ: Խնդրում եմ, պատասխանեք, պարտադի՞ր է աշխատողի աշխատանքային առաջին տարվա 6 ամիսը լրանալուց հետո տրամադրել ամենամյա արձակուրդ:

Լուսինե.

Խնդրում եմ ասել՝ որտեղի՞ց կարող եմ գտնել հիմնական միջոցների օգտակար ծառայության ժամկետները և նախատեսված տոկոսները: Կանխավ շնորհակալություն:

Ընկերություն՝ Փարվանյան Քոնսալթինգ ՍՊԸ
Հասցե՝ ք․Երևան, Ազատության 13/1
Հեռախոս՝ +374 10 206100
Էլ. փոստ՝ hr շնիկ pconsult.am
Թափուր աշխատատեղ՝ Ավագ հաշվապահ
Աշխատանքի նկարագրություն՝ Աշխատանքային պարտականությունները • Հաշվապահական հաշվառման աշխատանքների կազմակերպում ՀՀ հարկային և աշխատանքային օրենսդրության, ՀՀ հաշվապահական հաշվառման ստանդարտների ու այլ իրավական ակտերի պահանջներին համապատասխան • Հարկային և ֆինանսական հաշվետվությունների պատրաստում և ներկայացում ՀՀ հարկային տեսչություն, Ազգային վիճակագրական ծառայություն, ինչպես նաև՝ այլ պետական կամ տեղական ինքնակառավարման մարմիններ՝ ըստ անհրաժեշտության • Հաշվապահության բաժնի ղեկավարում • Ոչ ընթացիկ և ընթացիկ ակտիվների հաշվառում • Երրորդ երկրներից և ԵՏՄ տարածքից ներմուծված ապրանքների համար ինքնարժեքի հաշվարկում, օրենսդրությամբ սահմանված հաշվետվությունների կազմում և ներկայացում • Աշխատավարձի և աշխատակազմի հետ կապված այլ ծախսերի հաշվարկում և ձևակերպում • Գնորդների և մատակարարների գծով դեբիտորական և կրեդիտորական պարտքերի հսկողություն • Բանկերի և դրամարկղի միջոցով կատարվող գործարքների հսկողություն • Ընկերության կողմից կնքվող պայմանագրերի ֆինանսական մասի ուսումնասիրություն • Փաստաթղթաշրջանառության և նամակագրության վարում • Ընկերության գործունեությանն առնչվող իր իրավասության մեջ մտնող այլ հանձնարարությունների կատարում • Համագործակցել խորհրդատվական ծառայություններ մատուցող ընկերության հետ • Ղեկավարության կողմից տրված այլ հանձնարարությունների կատարում։
Պահանջվող որակավորում • Բարձրագույն կրթություն (ցանկալի է տնտեսագիտական) • Հաշվապահական հաշվառման և հարկային օրենսդրության իմացություն • 1C, Word և Excel ծրագրերի գերազանց աշխատանքային հմտություններ • Հայերեն լեզվի գերազանց իմացություն՝ գրավոր և բանավոր (ռուսերեն և անգլերեն լեզուների իմացությունը ցանկալի է) • Աշխատանքային օրենսգրքի հիմնական դրույթների իմացություն • Օֆիսային էլեկտրական սարքավորումների շահագործման կանոնների իմացություն: • 3 (երեք) տարվա աշխատանքային փորձը ցանկալի է։

Ընկերություն՝ Փարվանյան Քոնսալթինգ ՍՊԸ
Հասցե՝ ք․Երևան, Ազատության 13/1
Հեռախոս՝ +374 10 206100
Էլ. փոստ՝ hr շնիկ pconsult.am
Թափուր աշխատատեղ՝ Գանձապահ
Աշխատանքի նկարագրություն՝ Աշխատանքային պարտականությունները • Կանխիկ գործառնությունների իրականացում • Դրամարկղային մուտքի և ելքի օրդերի կազմում և դրանց հիման վրա հաշվետվությունների կազմում • Դրամարկղի գրքի վարում • Հաճախորդներին կանխիկ գումարի տրամադրում և նրանցից գումարի ընդունում • Բանկային գործառնությունների իրականացում և ձևակերպում հաշվապահական ծրագրում • Գնորդների և մատակարարների գծով դեբիտորական և կրեդիտորական պարտքերի հաշվառում • Համագործակցել խորհրդատվական ծառայություններ մատուցող ընկերության հետ • Գլխավոր հաշվապահի կողմից տրված այլ հանձնարարությունների կատարում։
Պահանջվող որակավորում • Բարձրագույն կրթություն • 1C, Word և Excel ծրագրերի գերազանց աշխատանքային հմտություններ • 1 /մեկ/ տարվա աշխատանքային փորձը ցանկալի է։

Ընկերություն՝ Փարվանյան Քոնսալթինգ ՍՊԸ
Հասցե՝ ք․Երևան, Ազատության 13/1
Հեռախոս՝ +374 10 206100
Էլ. փոստ՝ hr շնիկ pconsult.am
Թափուր աշխատատեղ՝ Հաշվետար
Աշխատանքի նկարագրություն՝ Աշխատանքային պարտականությունները • Պարտադիր դրոշմավորման ենթակա ապրանքների համար դրոշմապիտակների ձեռքբերման հայտի ներկայացում ՀՀ ՊԵԿ • Պարտադիր դրոշմավորման ենթակա ապրանքների դրոշմավորման համար ձեռք բերված դրոշմապիտակների օգտագործման վերաբերյալ էլեկտրոնային եղանակով գրանցումների և վերագրումների կատարում «Վերոսիստեմ» համակարգում • Հսկողություն իրականացնել, որ ապրանքների վրա փակցված դրոշմանիշերը (դրոշմապիտակները) համապատասխանեն հարկային և մաքսային մարմնի կողմից սահմանված տեխնիկական պահանջներին, ինչպես նաև՝ լինեն չվնասված, ամբողջական և դրոշմավորված ապրանքի տեսակին, ենթատեսակին (նկարագրին), տարողությանը (ծավալին, քաշին կամ տվյալ ապրանքատեսակին բնորոշ չափման այլ միավորին) համապատասխանող • Համագործակցել խորհրդատվական ծառայություններ մատուցող ընկերության հետ • Ավագ հաշվապահի կողմից տրված այլ հանձնարարությունների կատարում։
Պահանջվող որակավորում • Բարձրագույն կրթություն • 1C, Word և Excel ծրագրերի գերազանց աշխատանքային հմտություններ • Աշխատանքային փորձը ցանկալի է։

Ընկերություն՝ Փարվանյան Քոնսալթինգ ՍՊԸ
Հասցե՝ ք․Երևան, Ազատության 13/1
Հեռախոս՝ +374 10 206100
Էլ. փոստ՝ hr շնիկ pconsult.am
Թափուր աշխատատեղ՝ Հաշվապահ
Աշխատանքի նկարագրություն՝ Աշխատանքային պարտականությունները • Հաշվապահական ծրագրով իրականացնել պատրաստի արտադրանքի կալկուլյացիա • Պատրաստի արտադրանքի իրացումների, տեղափոխությունների և վերադարձի հարկային հաշիվների, բեռնագրերի և ճշգրտող հարկային հաշիվների դուրսգրում e-invoicing համակարգով և համապատասխան ձևակերպումների գրանցում հաշվապահական ծրագրում • Համագործակցել խորհրդատվական ծառայություններ մատուցող ընկերության հետ • Ավագ հաշվապահի կողմից տրված այլ հանձնարարությունների կատարում։
Պահանջվող որակավորում • Բարձրագույն կրթություն (ցանկալի է տնտեսագիտական) • Հաշվապահական հաշվառման և հարկային օրենսդրության իմացություն • Աշխատանքային օրենսգրքի հիմնական դրույթների իմացություն • 1C, Word և Excel ծրագրերի գերազանց աշխատանքային հմտություններ • Հայերեն լեզվի գերազանց իմացություն • Օֆիսային էլեկտրական սարքավորումների շահագործման կանոնների իմացություն • Աշխատանքային փորձը ցանկալի է։

Քրիստինե.

Ինչպե՞ս կարող եմ ձևակերպել՝

Հաշվարկային հաշիվ է մուտքագրվել գնորդի պարտքը՝ ապառիկ վաճառված արտադրանքի դիմաց՝ 147 000 դրամ:

Արման.

Բարև բոլորին: Ո՞վ կօգնի գտնեմ անշարժ գույքի գործակալության համար պայմանագրերի ձևեր, մասնավորապես՝ գործարքների մեջ որպես միջնորդ հանդես գալու պայմանագրերի օրինակները:

Կանխավ շնորհակալ եմ:

Արմինե.

Բարև ձեզ: Արդյո՞ք թոշակ ստանալու համար կա մինիմալ աշխատանքային ստաժ, և ո՞րն է դա: Հարցատուն աշխատել է 80-90-ականներին։

Ընկերություն՝ Զոլոտոե Պոլե ՍՊԸ
Հասցե՝ ք.Աբովյան, Է.Պետրոսյան 1/31
Հեռախոս՝ 094206896
Էլ. փոստ՝ tat.ev.1995 շնիկ mail.ru
Թափուր աշխատատեղ՝ Հաշվետար
Աշխատանքի նկարագրություն՝ Հաշիվ-ապրանքագրի դուրսգրում
Աշխատավարձ՝ 100 000 դրամ
Այլ նշումներ՝ Ցանկալի է դիմեն 22-26 տարեկան անձինք ք.Աբովյանից

Արման.

Բարև ձեզ: Խնդրում եմ, օգնեք հաշվել: Եթե իմ մեքենայի տարեկան գույքահարկը 38 000 դրամ է, և ես չեմ վճարել 3 տարի, ես պետք է վճարեմ 3*38000+տույժ, ճիշտ հասկացա՞նք: Այսինքն՝ տույժը դա իմ մեկ օրվա չվճարած գումարի 0.15% է, այսինքն՝ 38000*360 օրվա հավասար է 105 դրամ՝ իմ մեկ օրվա չվճարած գումարը, որի 0.15%-ը կազմում է 0.1575 դրամ՝ իմ մեկ օրվա տույժը: Այսինքն՝ 0.1575*3 տարի, այսինքն՝ 1080 օր:

Պետությունը Հարկային օրենսգրքի փոփոխությունների նախագծով նախատեսում է շրջանառության հարկի շեմը վերականգնել 115 մլն դրամ` սակայն միայն այն հարկ վճարողների համար, ովքեր մինչ օրենքն ուժի մեջ մտնելու պահը չեն գերազանցել 58.35 մլն դրամի շեմը:

«Արմենպրես»-ի հաղորդմամբ՝ ԱԺ տնտեսական հարցերի հանձնաժողովի կողմից կազմակերպված խորհրդարանական լսումներին այս մասին ասաց ՀՀ ֆինանսների փոխնախարար Արման Պողոսյանը՝ ներկայացնելով Կարդալ ավելին “Իրացման 58.35 մլն դրամը գերազանցող հարկ վճարողները կշարունակեն գործել ԱԱՀ համակարգում” →

Շողեր.

Աշխատանքային գրքույկ լրացնելը պարտադի՞ր է:

Ընկերություն՝ Ասեթս հաշվապահական ընկերություն
Հասցե՝ Երևան, Ֆուչիկի 27/41
Էլ. փոստ՝ info շնիկ assets.am
Թափուր աշխատատեղ՝ Հաշվապահ
Աշխատանքի նկարագրություն՝ Ասեթս հաշվապահական ընկերությանը անհրաժեշտ է հաշվապահ❕ 💽 ՀԾ-հաշվապահ 7 ծրագրի իմացություն 2⃣ Տնտեսագիտական բարձրագույն կրթություն 📈 Առնվազն մեկ տարվա աշխատանքային փորձ 🕛 Ժամանակը ճիշտ կառավարելու և արագ կողմնորոշվելու ունակություն 📊 Պատասխանատվության բարձր զգացում 🔛 Թիմային կոմունիկացիոն աշխատանքի ունակություն: CV-ները ուղարկեք ✉ info շնիկ assets.am էլ.փոստով՝ թեմա դաշտում նշելով «ՀԱՇՎԱՊԱՀ» բառը:

Գայանե.

Բարև Ձեզ: Ասացեք, խնդրեմ, կարո՞ղ է գործատուն կրճատել աշխատավարձը առանց համաձայնագրի և ի՞նչ հիմքով: Շնորհակալություն:

Լուսինե.

Բարև ձեզ, եթե աշխատակիցը ընկերությունում աշխատում է 2012թ.-ից, սակայն 2014թ.-ից մինչև 2019թ.-ի ապրիլի 24-ը գտնվել է ֆիզ. արձակուրդում, ինչպե՞ս է հաշվարկում վերջնահաշվարկը, այսինքն՝ արդյո՞ք ֆիզ. արձակուրդում գտնվելու շրջանի համար արձակուրդային օրեր են հաշվարկվում:

Արամ.

Հարգելի գործընկերներ, նոր բացված ՍՊԸ-ի կանոնադրական կապիտալը կարո՞ղ ենք օգտագործել ընթացիկ ծախսերի համար (դրամարկղի գրքով մուտք ու ելք անեմ):

Անի.

Բարև ձեզ, հարգելի հաշվապահներ: Դպրոցում ընդունվել եմ աշխատանքի 15.02.16թ., պետք է ազատվեմ աշխատանքից 01.05.19թ.։ Աշխատում եմ շաբաթական 5 օր։ Կեղտոտ աշխատավարձս 105 684 դրամ է, մաքուրը՝ 78 000 դրամ։ Այս տարի արձակուրդս չեմ օգտագործել։ Որքա՞ն է կազմելու վերջնահաշվարկը։

Լևոն.

Ֆինանսական հաշվետվությունների բաղադրիչները որո՞նք են:

Արմինե.

Բարև ձեզ, կօգնե՞ք ձևակերպել և մեկնաբանել հետևյալ գործառույթները:
1. Ստացվել է տրանսպորտային կազմակերպության հաշիվը ապրանքների տեղափոխման համար՝ 35 000 դրամ:
2. Փոխանցված կանխավճարի հաշվին ստացվել է արտադրական գույք՝ 460 000 դրամ:
3. Հաշվարկվել է աշխատավարձ վարչական աշխատողներին՝ 460 000 դրամ:

Մարիամ.

Բարև ձեզ: Ինչպե՞ս առանց ծրագրի լրացնել ՀՀ ֆինանսների նախարարի 2017թ. հունվարի 30-ի թիվ 27-Ն հրամանով հաստատված փաթեթը:

Արշակ.

Բարև ձեզ: Հարկադիր պարապուրդի ընթացքում թույլատրվու՞մ է անաշխատունակության /ֆիզ/ արձակուրդի փոխարեն այլ անձի աշխատանքի ընդունել:

Պետիկ Բունիաթյան.

Ինչպե՞ս և որտեղի՞ց ստանալ e-invoicing ծրագրի լոգինը և ծածկագիրը:

Ընկերություն` Ակսեպտ ՍՊԸ
Հասցե` Ք.Երևան, Կորյունի 19-ա
Հեռախոս` +374 10 58 49 45, +374 99 58 49 45, +374 94 58 49 45, +374 55 58 49 45
Էլ. փոստ` info շնիկ accept.am
Թափուր աշխատատեղ` Հաշվապահ
Աշխատանքի նկարագրություն` Կազմակերպության մասին` ալկոհոլային (ոգելից) խմիչքների ներմուծում: Պարտականություններ` ընթացիկ հաշվապահական փաստաթղթերի կազմում և մշակում, փաստաթղթավարություն, հիմնական միջոցների հաշվառում, հարկային հաշվետվությունների պատրաստում, բանկային հաշիվների վարում, պահեստի շարժի վերահսկում: Պահանջներ` բարձրագույն մասնագիտական կրթություն, համակարգչային գիտելիքներ՝ MS Office, 1C (8.1), E-invoicing ծրագրերի լավ իմացություն, օպերատորի փորձ՝ առնվազն 1 տարի, անգլերեն և ռուսերեն լեզուների լավ իմացություն: Անձնական հատկանիշներ` թիմային աշխատող, հաղորդակցման հմտություններ, ուշադիր, ջանասեր, ճշտապահ անձ:
Այլ նշումներ` Հավելյալ տեղեկությունների համար այցելեք մեր կայքէջը՝ www.accept.am կամ զանգահարեք հետևյալ հեռախոսահամարներով՝ +374 10 58 49 45, +374 99 58 49 45, +374 94 58 49 45 +374 55 58 49 45:

Հասմիկ.

Բարև ձեզ:

Արդյոք գործատուն իրավունք ունի՞ հղիին ուղարկելու չվճարվող արձակուրդ: Աշխ. օրենսգրքի ո՞ր հոդվածին կարող է հղում անել հղին: Եթե ոչ, ի՞նչ տույժեր և ի՞նչ փոխհատուցումներ են նախատեսվում նման դեպքերում:

Ալինա.

Բարև ձեզ: Ես, իմ ցանկությամբ, ցանկանում եմ ազատվել աշխատանքից, որի համար 1 ամիս առաջ տեղեկացրել եմ ղեկավարությանը: Նոր աշխատող գտնելուց հետո, իմ գործատուն ինձ տեղեկացրեց, որ ես այլևս կարող եմ չգալ աշխատանքի: Նույն օրը ես գրեցի, ազատման դիմում, սակայն չընդունեցին, ասացին, որ ուղարկեմ փոստային ծառայության միջոցով: Ես հաջորդ օրը ուղարկեցի: Սակայն մինչ այժմ ես տեղեկացած չեմ՝ ազատվել եմ արդյոք աշխատանքից, թե ոչ, ինչպես նաև՝ չի իրականացվել վերջնահաշվարկ: Գործատուն ինձ ոչ մի տեղեկություն չի հայտնում: Ես ինչպե՞ս կարող եմ այդ ամենը պարզել և արդյո՞ք ես խնդիրներ չեմ ունենա:

Հասմիկ.

Բարև ձեզ: Որ խնդրեմ, կասե՞ք աշխատավարձի հաշվարկը, բայց մաքուրից կեղտոտ, պարզ է, որ հարկերը հանում ենք: Տեսեք՝ եթե ասում ենք, որ մաքուր աշխատավարձը 150 000 դրամ է, ապա 150 000-ի կեղտոտը ինչպե՞ս հաշվեմ: Շնորհակալ եմ շատ:

Նարինե.

Հարգելի հաշվապահներ,

Արդյո՞ք օրենքը սահմանում է բարդ ընթացակարգով ծննդաբերության դեպքում (կեսարյան հատում) երեխայի խնամքի նպաստի գումարին հավելումներ: Եթե այո, որքա՞ն է հավելման չափը: Նախապես շնորհակալություն:

Ռոման.

Ողջույն։ Կխնդրեի աջակցել հետևյալ հարցում։ Երբ աշխատողը հիվանդությամբ պայմանավորված չի ներկայանում աշխատանքի, գրում է դիմում՝ նշելով, որ գտնվում է ամբուլատոր բուժման մեջ, և պարտավորվում է աշխատանքի վերադառնալիս ներկայացնել անաշխատունակության թերթիկ, ապա ես պե՞տք է արդյոք դադարեցնեմ նրա աշխատավարձը մինչև նրա փաստացի աշխատանքի ներկայանալը ու բացակա օրերի դիմաց անաշխատունակության թերթիկով վճարել նպաստ, թե՞ այլ բան է սահմանում օրենքը, և ո՞ր օրենքի ո՞ր հոդվածն է այն կարգավորում: Աշխատանքային օրենսգրքում նման բան չեմ գտնում:

Արման.

Ողջույն, հարգելի գործընկերներ: Կազմակերպությունը անցյալ տարվա ընթացքում համարվել է շրջանառության հարկ վճարող, սակայն անցել է ԱԱՀ շեմը` այս տարվանից հայտնվելով հարկման ընդհանուր համակարգում: Հարց. ինչպե՞ս են կատարվում կանխավճարները, եթե շահութահարկի հաշվարկը ներկայացվել է մարտի 20-ից հետո:

Մարինա.

Բարև ձեզ:

Ո՞վ կարող է ինձ օգնել: Ինձ պետք է հասկանալ՝ ո՞ր օրենսդրության տակ են ընկնում միջազգային կազմակերպության ներկայացուցչությունները, և ո՞րն է նրանց տարբերությունը ՀԿ-ներից։ Կարո՞ղ եք արդյոք ուղարկել լինքը։ Նաև եթե գիտեք, տարեկան պարտադիր աուդիտի տակ ընկնու՞մ են այդ կազմակերպությունները, թե՞ ոչ։

Կանխավ շնորհակալություն:

Ֆլորա.

Բարև ձեզ, հարգելի հաշվապահներ: Եթե կարող եք, ինձ օգնեք:
Կազմակերպությունը գործընկեր օտարերկրյա կազմակերպության ներկայացուցչին հյուրընկալել է և հոգացել նրա որոշակի ծախսեր: Արդյո՞ք հարկավոր է այդ գումարը հարկել եկամտային հարկով (ոչ ռեզիդենտի համար) և քանի՞ տոկոսով պետք է այն հաշվարկել:

Տաթևիկ.

Այսպիսի հարց ունեմ: Իմ կազմակերպությունը ուղարկում է ինձ վերապատրաստման: Ես փաստացի լինում եմ արտերկրում 4 օր, որից 3 օր զուտ վերապատրաստումն է: Արդյո՞ք պետք է իմ կազմակերպությունը ինձ վճարի օրապահիկ 4 օրվա համար: Նշեմ նաև, որ թռիչքի օրը ընտրված Է իրենց կողմից և հյուրանոցը վճարվում է: Եվ արդյո՞ք ուղևորափոխադրումը օդանավակայանից հյուրանոց և հակառակը նույնպես օրապահիկի մեջ է մտնում:

Կանխավ շնորհակալություն: