Աղունիկ.

Հարգելի հաշվապահներ, խնդրում եմ ասեք, արդյոք նվազագույն ամսական աշխատավարձի չափը փոխվել է: Եթե այո, ապա երբվանի՞ց և որքա՞ն է կազմում: Կանխավ շնորհակալ եմ:

Գագիկ.

Բարև Ձեզ: Ես ՀԿ-ի աշխատակից եմ և ձեզ եմ դիմում հետևյալ խնդրանքով: Աշխատում եմ այդ նույն ՀԿ-ի 2 ծրագրերով, երկրորդ ծրագրով հրամանագրվել եմ սեպտեմբերի մեկից, բայց ստացել եմ միայն առաջին ծրագրի աշխատավարձը: ՀԿ-ի հաշվապահի պատճառաբանությամբ դրա պատճառն այն է,որ ես սեպտեմբերի 6-17-ը եղել եմ արձակուրդում, մինչդեռ մինչ արձակուրդն ու արձակուրդիցս հետո էլ ես աշխատել եմ, գրել եմ կատարած աշխատանքի հաշվետվություն: Որքանո՞վ է օրենսդրորեն ճիշտ պատճառաբանված նման քայլը, կխնդրեի մասնագիտական վերլուծության ենթարկեք և ձեր նկատառումները նշեք և, եթե կարելի է, գրեք, թե ինչպես իրավատերը դառնամ սեփական աշխատավարձիս:Կանխավ շնորհակալ եմ:

Արևիկ.

Խնդրում եմ, ներառեք նաև աշխատավարձի հաշվարկ, արձակուրդային, նաև ֆիզ ուղարկելու համար ի՞նչ հաշվարկներ են պետք:

Nata.

Հարգելի գործընկերներ, աշխատանքային պայմանագրում պայմանագրի առարկան աշխատավարձի մասին կետերը և այն ամենը, որ գրված է 84 հոդվածում նույնն են ինչ որ հրամանում,դա նշանակում է ,որ պետք է բովանդակությունը նույնը լինի ,թե ամբողջությամբ կրկնի հրամանը. օրինակ՝ հրամանում գրում ենք ընդունել աշխատանքի,իսկ պայմանագրում , որ աշխատողին տրամադրվում է աշխատանք դա ճիշտ է , թեˋ ոչ:

Կարինե.

Եթե բարձրացվում է կազմակերպության բոլոր աշխատողների աշխատավարձը, ապա միայն ներքին իրավական ակտով դա ցույց տալը բավական է, թե՞ բոլոր աշխատողների հետ պետք է առանձին-առանձին համաձայնագիր կնքվի:

Արմեն.

Հարգելի հաշվապահներ, 24 ժամյա աշխատանքային գրաֆիկի ժամանակ աշխատավարձի հաշվարկ ինպե՞ս է կատարվում, եթե սահմանված ամսական դրույքաչափը 30 000 դրամ է:

Ալլա.

Խնդրում եմ, խնդրում եմ, ու նորից…
Ասացեք խնդրեմ, 9 տարվա ընդհանուր ու 6 տարվա մանկավարժական ստաժ ունեցող ուսուցիչը, որ դասավանդում է միջին դպրոցում շաբաթական 7 ժամ, ավագ դպրոցում ոչ հոսքային 9 ժամ, ընդամենըˋ 16 ժամ, ունի նաև դասղեկություն, որքա՞ն աշխատավարձ պետք է ստանա: Ակնկալում եմ հստակ պատասխան, իմ հաշվապահին վստահելու համար: Շնորհակալ եմ:

Թերեզա.

Բարև Ձեզ: Ես ուզում եմ իմանալˋ գանձապահի աշխատավարձը ինչպես է հաշվարկվում:
Խնդրում եմ արագ պատասխանեք, շտապ է:
Կանխավ շնորհակալություն:

Անի.

Բարև Ձեզ, կարող եք օգնել ինձ գտնել “Աշխատավարձը ՓՄՁ-ներում և դրա հաշվարկը” թեմայի մասին որևէ նյութ:

Լիանա.

Բարև Ձեզ, խնդրում եմ օգնեք, որտե՞ղ կարող եմ կարդալ 13-րդ աշխատավարձի մասին և ինչպե՞ս է կարգավորվում այն:

Լիանա.

Բարև ձեզ: Խնդրում եմ օգնեք մի հարցում: Աշխատողը աշխատել է մայիսի 3-ից օգոստոսի 9-ը, օգոստոսի համար վերջնահաշվարկ պե՞տք է արդյոք: Ես հաշվել եմ 3 ամսվա համար: Եթե պետք է, ինչպե՞ս հաշվեմ: Աշխատավարձը ամսական 120 000 դրամ է: Նախապես շնորհակալություն:

Anush.

Բարև ձեզ: Ցանկանում եմ աշխատել մի կազմակերպությունում որպես չգրանցված հաշվապահ:Կազմակերպության աշխատակիցները 2-6 հոգի են: Այս պահին 2-ն են աշխատում, հետագայում (երկու ամսվա ընթացքում) 6-ը:Այն աշխատելու է հաստատագրված վճարով:Խնդրում եմ պատասխանեք հետևյալ հարցիս:Որքա՞ն աշխատավարձ է նախատեսված նմանատիպ աշխատանքներ կատարելու համար:Կանխավ շնորհակալ եմ:Դուք ինձ շատ կոգնեքˋ պատասխանելով հարցիս:)

Տաթև.

Հարգելի հաշվապահներ, հարցս վերաբերում է հղիության և ծննդաբերության նպաստի հաշվարկին: Եթե աշխատողը ընդունվել է 10.06.2010թ., անաշխատունակության թերթիկը ստացել է 30.09.2010թ. – 19.02.2011թ. (140 օր) համար, քանի որ հունիսին ընդունվել է ամսի 10-ից, հետևաբար միջին ամսականը հաշվարկում եմ օրերով, այսինքն՝ կլինի (20+31+31) 82 օր, այդ ամիսների հաշվարկված աշխատավարձը համապատասխանաբար կազմում է (75000+75000+75000)=225000, հաշվում եմ միջին օրականը՝ 225000/82=2743.9, այնուհետև՝ 2743,9*140=384146, որից ոչ մի հարկ չեմ պահում:
Խնդրում եմ, գրեք, արդյո՞ք ճիշտ եմ հաշվել:

Նախապես շատ շնորհակալություն: Կարող եք գրել նաև tatushik01111983 շնիկ mail.ru էլ. փոստի հասցեին:

Էրիկա.

Հարգելի հաշվապահներ, խնդրում եմ պարզաբանել, եթե շինարարության համար կազմվել է նախահաշիվ, որի մեջ նշված է օգտագործվող նյութերը և մեկ տողով այլ ծախսեր, ապա կատարվող աշխատանքի համար աշխատավարձի գումարը պետք է հաշվարկվի առանձին թե ոչ, օրինակ ըստ նախահաշվի տեղադրվելիք մեկ շքամուտքի լուսավորման լամպի համար նյութեր- 6.69, վերադիր ծախսեր-0.34, չնախատեսված ծախսեր-0.13, այս նախահաշվի հիման վրա ինչպե՞ս հաշվարկել աշխատավարձը և նյութերի ձեռքբերման ծախսերը: Նախապես շատ շնորհակալություն:

Կարինե.

Խնդրում եմ պատասխանեք այս հարցիս. օրինակ նվազագույն աշխատավարձի տասնապատիկը կամ հիսնապատիկ ինչքա՞ն կլինի:

Նատալի.

Խնդրում եմ ինձ ասեք՝ բյուլետենի հաշվարկման ժամանակ, եթե նախորդ 3 ամիսներից 1-ի ընթացքում աշխատողը գտնվել է ամենամյա արձակուրդում, ապա միջին ամսականը որոշելիս ավելի ճիշտ կլինի՞ վերցնել 2 լրիվ աշխատած ամիսների դրույքաչափերը և ավելացնել արձակուրդում գտնված ամսվա դրույքը՝ բաժանած տվյալ ամսվա աշխատանքային օրերի թվով՝ բազմապատկած տվյալ ամսում աշխատած օրերի թվով՝ ավելացրած արձակուրդայինի 1/12-ը, թե՞ ավելի նպատակահարմար է 3 ամիսների դրույքները գումարել, ստացվածը բաժանել 3 ամիսների աշխատած օրերի թվին և բազմապատկել 30,4-ով: Եթե հնարավոր է խնդրում եմ մանրամասնել, թե որ դեպքում է պետք բաժանել աշխատանքային օրերի թվին և որ դեպքում՝ օրացուցային: Ես օգտվել եմ Ժամանակավոր անաշխատունակության մասին ՀՀ օրենքից, եթե կան նաև այլ նյութեր խնդրում եմ նշել: Նախապես անչափ շնորհակալություն:

Նատալի.

Աշխատանքային օրենսգրքի 195 հոդվածի համաձայն,
Աշխատողի միջին ամսական աշխատավարձի չափը որոշվում է այդպիսի պահանջ առաջանալու ամսվան նախորդող վերջին տասներկու ամիսների ընթացքում տվյալ գործատուի կողմից աշխատողի համար հաշվարկված աշխատանքի վարձատրության բոլոր տեսակների (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ և այլն) ընդհանուր գումարը տասներկուսի բաժանելու միջոցով: Կարդալ ավելին “Աշխատանքային օրենսգրքի 195 հոդվածի համաձայն” →

Արմեն.

Բարև ձեզ, հարգելի հաշվապահներ, խնդրում եմ օգնեք հետեվյալ հարցում, մեր կազմակերպությունում կան աշխատողներ, ովքեր աշխատում են հերթափոխով, շաբաթ և կիրակի օրերը աշխատելու դեպքում ինչպե՞ս պետք հաշվարկել նրանց աշխատավարձը, պե՞տք է կրկնակի վճարել, թե ոչ: Շնորհակալություն:

Լիլիթ.

Խնդրում եմ արձագանքել հարցիս, եթե տեղեկացված եք:
Կապալի պայմանագիր ունեմ, հաշվարկում եմ աշխատավարձ, գիտեմ որ 3% չպետք է պահեմ, բայց չեմ հասկանում 30 000 նվազեցում պե՞տք է կատարեմ, թե ոչ:
Կանխավ շնորհակալ եմ:

Արմինե.

Բարև ձեզ, հարգելի կոլեգաներ: Ես սկսնակ հաշվապահ եմ: Մեր հիմնարկի նախկին հաշվապահը բոլոր բյուլետեններից եկամտահարկը պահել է 10 տոկոս՝ առանց մինիմալ աշխատավարձը հանելու: Խնդրում եմ, ասեք՝ ճի՞շտ է արդյոք նա վարվել, և հիմա ես ինչպե՞ս հաշվեմ: Նախապես շնորհակալություն:

Նաիրա.

Բարև ձեզ, խնդրում եմ պատասխանեք` միջին աշխատավարձը 103.500 դրամ է, աշխատել է 8 ամիս և պետք է արձակուրդ գնա: Իմ հաշվելով արձակուրդը 26 օր է, մաքուր աշխատավարձը հաշվել եմ 128.154 դրամ, իսկ պահումները հանած` 112.448 դրամ: խնդրում եմ, եթե սխալ եմ հաշվել, ինձ գրեք ճիշտ պատասխանը մանրամասնորեն: Կանխավ շնորհակալություն:

Նարինե.

Աշխատանքային օրենսգրքի փոփոխվելուց հետո ես առաջին անգամ եմ հաշվում ամենամյա արձակուրդ: Եթե հնարավոր է, ինձ օգնեք հաշվել. աշխատավարձը 125.000 դրամ է, արձակուրդը 32 օր է: Խնդրում եմ մանրամասն հաշվել և գրել:

Հայկ.

Բարև բոլորին:
Խնդրում եմ օգնել մի հարցում:
Եթե աշխատողը գտնվում է ՀՀ-ում գործուղման մեջ, ընդ որում նա գործուղվել է շինարարական աշխատանքների իրականացման համար և այդ աշխատանքի համար նա վարձատրվում է: ՀՀ օրենսդրությամբ նախատեսված կարգով շաբաթ և կիրակի օրերին նա հանգստանում է, բայց շարունակում է մնալ գործուղման մեջ և այդ հանգստյան օրերի համար ստանում է գործուղման օրապահիկի գումար: Այս դեպքում չաշխատած օրերի համար, բացի գործուղման գումարից արդյոք պետք է աշխատողի համար հաշվարկվի և վճարվի նաև աշխատավարձ:
Շնորհակալություն:

Արմեն.

Բարև ձեզ, ներեցեք մի հարց ունեմ, այսպես, եթե կազմակերպությունը աշխատում է գործավարձով և յուրաքանչյուր աշխատող աշխատավարձ ստանում է գործը վերջացնելուց և հանձնելուց հետո, այսինքն 1,5 ամիսը մեկ և որի դիմաց նա ստանում է 70.000 դր աշխատավարձ, այդ դեպքում սոց. վճարը կատարվում է այդ 70.000-ից, թե՞ հաշվվում է ոչ թե 1,5, այլ 1 ամսով և վճարվում 46.666-ից:Խնդրում եմ պատասխանել:

Armine.

1) Բարև ձեզ ես սկսնակ հաշվապահ եմ, աշխատում եմ սպորտդպրոցում, սեպտեմբերի 15-ից ընդունել եմ նոր աշխատող, նրա դրույքը 42900 դրամ է, 6 աշխատանքային օրով, աշխատավարձը հաշվել եմ այսպես 42900/26*14, խնդրում եմ ասեք ճի՞շտ է, թե չէ:

2) Աշխատողիս ընդունել եմ սեպտեմբերի 15-ից, խնդրում եմ ստուգեք, ես ճի՞շտ հաշվել եմ աշխատավարձը, դրույքը 62300դրամ է, 62300/26*13:

Արտյոմ.

Հարգելի հաշվապահներ, կխնդրեյի պատասխանել իմ հարցին…ինչպե՞ս ենք հաշվարկում և վճարում աշխատողի Ֆիզ. արձակուրդը, եթե նա արձակուրդում է գտնվում, այսինքն նախորդ 12 ամսիներին որևէ եկամուտ չի ստացել…ո՞րն եմ վերցնում միջին աշխատավարձը…և ընդհանրապես, ո՞նց եմ հաշվարկում և վճարում, նախապես շնորհակալ եմ….

Էլլա.

Բարև Ձեզ, ինձ շատ անհրաժեշտ է իմանալ (2*12+10/30.4)*2.34=56.9, այսինքն օրական գործակիցը գտնելու համար նման բանաձև օրենսգրքում որ մասում է գրված: Շնորհակալ եմ:

Արթուր.

Բարև Ձեզ:
Ասացեք խնդրեմ, Աշխ.Օրենսգրքի Հ.185, 2-րդ մասի փոփոխության համաձայն վարձատրումը տոնական և հիշատակի օրերին, եթե այն նախատեսված է աշխատանքի ժամանակացույցով, պետք է կատարել ժամավճարի կրկնակի չափով: Այսինքն, եթե օրինակ պահակները աշխատում են այնպիսի ռեժիմով, որ մի աշխատանքային օր համընկնում է տոնական օրվա հետ, ապա այդ օրվա 1 ժամվա վճարը կազմում է սահմանված ժամավճարի կրկնակի՞ չափը: Եվ եթե, այդ օրը նրա հերթափոխը գիշերն է, ապա նաև գիշերվա համար հավելո՞ւմ պիտի տրվի:
Նախապես շնորհակալություն:

Պ.Արթուր.

Հարգելի հաշվապահներ խնդրում եմ պատասխանեք վերջնահաշվարկը դա չվճարված աշխատավարձ և չվճարված արձակուրդի գումա՞րն է: Եթե կարելի է, ասեք, թե որտեղից կարող եմ դրանց մասին կարդալ:

Ժաննա.

Հարգելի հաշվապահներ,
Ասացեք խնդրեմ, մեր հիմնարկության նախկին հաշվապահը սոց. վճարը եվ սոցի 3% հաշվել է այսպես.
51 աշխատողի համար ԱՎՈՒՄը =2116435
3%=63493
սոց վճարը =521465
նա փոխանցել է սոց. վճար 584958, բայց նորից սոց3% փոխանցել է 63493:
Արդյոք նա ՃԻՇՏ է:
Շնորհակալություն:

Skristin.

Բարև ձեզ հարգելի հաշվապահներ.
1.մինչև փոփոխությունները պայմանագրում կետ կար, որ արտաժամյա կամ ……օրերի աշխատավարձը ներառված է դրույքաչափում, այժմ կարծես արգելել են
2.աշխատաժամանակի հաշվարկում հոդված147 կետ 1 ուրբաթ օրը 1ժամ պակա՞ս ենք ցույց տալու, թե դա վերաբերվում է միայն տոն օրերի նախօրյակին: Կարդալ ավելին “ԱՕ փոփոխությունների վերաբերյալ” →

Լիանա.

Բարև հարգելի հաշվապահներ, այսպիսի մի հարց. եթե աշխատանքային պայմանագրեր կնքելուց հետո փոխվում է աշխատողների բանկային հաշվեհամարը, պետք է արդյոք փոփոխություն կատարել պայմանագրում:
Շնորհակալություն:

Ani.

Հարցս ամենամյա արձակուրդի վճարմանն է վերաբերում. արդյոք հաշվարկված արձակուրդայինի հետ վճարվում է նաև տվյալ ամսվա մեջ մինչ արձակուրդ գնալը աշխատելու դիմաց վճարման ենթակա աշխատավարձի գումարը: Խնդրում եմ հղում տալ համապատասխան հրահանգը: Կանխավ շնորհակալ եմ:

Մանուշ.

Բարև Ձեձ, ես ինքս հաշվապահ եմ, աշխատում եմ համայնքապետարանում ու արձակուրդ եմ գնացել օգոստոսի 17-ից մինչև սեպտեմբերի 13-ը ներառյալ 28 օրացույցային օրով, իհարկե չիմանալով ԱՕ օրենքի փոփոխության մասին, հիմա ուզում եմ իմանալ, իմ սեպտեմբեր ամսվա աշխատավարձիս հաշվարկը անելիս ինչպե՞ս պետք է հաշվեմ 14.09-30.09.2010թ. աշխատած ժամանակահատվածի համար` աշխատանքային օրերո՞վ հաշվարկս անեմ, թե՞ օրացուցային օրերով, եթե աշխատավարձիս մեկ ամսվա չափը 55000 դրամ է:
Շնորհակալություն:

Աննա.

Հարգելի հաշվապահներ, խնդրում եմ պատասխանեք իմ այս հարցին.
Ֆիզ. արձակուրդ գնալու ժամանակ միջին օրական աշխատավարձը հաշվարկվում է 30.4 գործակցով, թե` 21:
Խնդրում եմ, եթե հնարավոր է, շտապ պատասխանեք, որովհետև ինձ ասացին, որ ֆիզի ժամանակ 30.4 գործակիցն է կիրառվում:

Anush.

Բարև ձեզ, ԱՕ փոփոխություններից հետո գանձապահի աշխատավարձին գումարվող հավելավճարը դառնում է 50%-ի փոխարեն 30%: Գանձապահի աշխատավարձը պակասեցնելու դեպքում ինչ իրավական ակտ պետք է կազմել:

Վրույր.

Ես ստանում եմ ամսական 100 000 դր, 5 օրյա աշխատանքային օրով: Օգոստոսի 9-ին գնացել եմ արձակուրդ 20 օրով: Օգոստոսի 6-ին ստացել եմ թե արձակուրդայինս, և թե 1-8 աշխատանքային օրերի աշխատավարձս: Վերադարձել եմ արձակուրդից և աշխատել եմ 30/08-ից: Ուզում եմ իմանալ, թե օգոստոսի 30-ի և 31-ի համար ես որքան գումար կստանամ:

Լիլիթ.

Խնդրում եմ ինձ օգնել հետևյալ հարցում.
Աշխատակիցը աշխատում է ամսվա մեջ 20օր(160 ժամ),որից 10 օրը(80 ժամ) գիշերը: Ինչպե՞ս հաշվարկել գիշերային ժամանակի համար վարձատրության չափը,եթե դրույքաչափը 35000 դրամ է:
Կանխավ շնորհակալություն:

Armen.

Բարև Ձեզ:
Խնդրում եմ բացատրեք, ինչպե՞ս է հաշվարկվում աշխատավարձը, երբ գտնվում ես արձակուրդում:
Օրինակ՝ ես ստանում եմ հարկերը հանած 320,000 դրամ(մաքուր) միջին ամսական աշխատավարձս կազմում է 300,000 դրամ: Ես գնացել եմ արձակուրդ 2010 թվականի օգոստոսի 2-ից 15-ը ներառյալ: Որքա՞ն գումար ես պետք է ստանամ տվյալ ամսվա համար (աշխատավարձ + արձակուրդային):
Կանխավ շնորհակալություն

Anush.

Բարև ձեզ, հարգելի հաշվապահներ:
Կա՞ օրենքի նոր փոփոխություն, որով սկսած 60000դ աշխատավարձի դեպքում աշխատավարձը վճարվում է բանկի միջոցով:

Ժաննա.

Հարգելի Հաշվապահներ, ասացեք խնդրեմ, ինչպե՞ս հաշվեմ վերջնահաշվարկը, եթե աշխանողը արձակուրդից վերադարձել է 16.07.2010 եվ ազատվել է աշխատանքից 04.08.2010: Աշխատավարձը 62500 է, եթե կարելի է` բացատրելով գրեք: Նախապես շնորհակալ եմ:
Սկսնակ հաշվապահ:

Լուսինե.

Եթե աշխատանքային պայմանագրում նշված չէ, որ կատարել նաև գանձապահի պարտականությունները, ապա աշխատավարձ վճարելիս պե՞տք է վճարել նաև գանձապահի աշխատավարձի 30%-ը: Ասեմ,որ գանձապահը արձակուրդի պետք է գնա և պարտականությունները պետք է ստանձնել ընկերության աշխատակիցը:

Աննա.

Բարև Ձեզ հարգելի կոլեգաներ!
Խնդրում եմ պատասխանեք հետևյալ հարցիս`միջին օրեկան աշխատավարձը ստանալու համար միջին ամսականը պետք է բաժանել 30.4-ի վրա: Ա/Օ-ում տեղի ունեցած փոփոխություններից հետո արդյոք միջին օրեկանը ստանալու համար պետք է բաժանել 25-ի վրա(վեցօրյա աշխատանքի դեպքում):
Նախապես շնորհակալություն!

Սաթենիկ.

Խնդրում եմ, օգնեք: Եթե աշխատում եմ 2 ընկերությունում համատեղությամբ, գրանցված եմ, և կատարվում են սոց. վճարումները, ինչպե՞ս է հաշվարկվում հղիության թերթիկը: Կարո՞ղ եմ ներկայացնել այն ընկերությունում, որտեղից ավելի շատ աշխատավարձ եմ ստանում:

Գուրգեն.

Բարև:
Կխնդրեմ պատասխանեք հետևյալ հարցին:
Պահեստապետի պարտականությունների վերագրումը կազմակերպության որևէ աշխատակցին պահանջում է արդյոք լրացուցիչ վարձատվություն:

Եթե այո, ապա ինչ չափով: Ըստ հաստիքագրքի, թե ըստ փոխադարձ պայմանավորվածության:

Շնորհակալություն:

Աստղիկ.

Բարև հարգելի գործընկերներ:
Խնդրում եմ ինձ օգնել, այն շատ շտապ է: Մահացել է աշխատակից: Ու՞մ իրավունք ունեմ տալ նրա աշխատավարձը և վերջնահաշիվը և ինչ փաստաթղթերի առկայության դեպքում : Խնդրում եմ ասեք նաև, թե որ օրենքն է դա կարգավորում: Կանխավ շնորհակալություն: Ակնկալում եմ շտապ պատասխան:

Marine.

Ո՞ր դեպքերում իրավունք ունեն կատարել հետպահում աշխատավարձից:

Լուսինե.

Բարև Ձեզ,խնդրում եմ պատասխանեք հետևյալ հարցիս.ինքնուրույն հայտնաբերել եմ աշխատավարձի սխալ հաշվարկ 2009թ. և 2010թ.-ի մինչև հուլիս ամիսը:Արդյոք կարող եմ վերահաշվարկ կատարել հուլիսին 2010թ.ի աշխատավարձերը,իսկ օգոստոսին 2009թ.-ի վերահաշվարկը,և արդյոք կարող ենք աշխատավարձը և վերահաշվարկը վճարել միևնույն ցուցակով այն դեպքում,երբ աշխատողներ կան ազատված:

Գագիկ.

Խնդրում եմ մանրամասն ներկայացնեք փորձաշրջան անցնող աշխատակցի վարձատրության կանոնները`նշելով,թե աշխատանքային օրենսգրքի որ կետին է արվել հղումը:Շնորհակալ եմ:

Գուրգեն.

Բարև Ձեզ:
Խնդրում եմ պատասխանեք հետևյալ երկու հարցերին:
Ինչպե՞ս է հաշվարկվում Գանձապահի աշխատավարձի հավելավճարը:
Որտե՞ղ կարելի է գտնել Կառավարության որոշմամբ հաստատված վտանգավոր կամ վնասակար աշխատանքների ցանկը:
Շնորհակալություն: