Tag Archive: արձակուրդային

Dec 06 2018

Անհրաժեշտ է հաշվարկել արձակուրդային

Մարիամ.

Բարև ձեզ, որ խնդրեմ կարո՞ղ եք օգնել: Անհրաժեշտ է հաշվարկել արձակուրդային աշխատավարձ 2018թ.-ի փետրվարի 12-ից։ 5-օրյա աշխատանքային շաբաթով աշխատելու դեպքում: 12 լրիվ ամիսների աշխատավարձը, ներառյալ լրավճարները, միասին կազմում է 2 280 000 դրամ, ամսեկան աշխատավարձը 210 000 դրամ է: Նախապես շնորհակալություն:

Nov 26 2018

Որքա՞ն կկազմի վերջնահաշվարկը

Աննա.

Ես 2018թ․ մարտի 1-ից մինչև դեկտեմբերի 3-ը աշխատելու եմ ամսական 110 000 մաքուր աշխատավարձով: Ունեմ 12 օր չօգտագործված արձակուրդային օրեր: Կասե՞ք` ինչքան վերջնահաշվարկ պետք է ստանամ:

Nov 26 2018

Արդյո՞ք աշխատակիցը ունի վերջնահաշվարկի իրավունք

Անահիտ.

Բարև ձեզ:
Գրանցված աշխատող եմ 1 տարի ու 8 ամիս արդեն, աշխատավարձը 70.000 (ֆիքսված), ցանկանում եմ աշխատանքից դուրս գալ, ինձ հետաքրքրում է` վերջնահաշվարկ պահանջելու իրավունք ունե՞մ, և որքա՞ն կկազմի այն: Արձակուրդից օգտվել եմ մեկ անգամ` 7 օրով: Շնորհակալություն:

Nov 23 2018

Ինչպե՞ս է կատարվելու արձակուրդայինի հաշվարկը

Աստղիկ.

2017 թվականի հերթական արձակուրդիցս հետ եմ կանչվել 10 օր շուտ իմ համաձայնությամբ` ելնելով անհրաժեշտությունից: 2018-ին գնալու եմ արձակուրդ իմ 24 աշխատանքային օրվա համար (6 օրյա աշխատանքային ռեժիմ), միևնույն ժամանակ ցանկանում եմ, որ գումարվի նաև նախորդ տարվա չօգտագործածս 10 օրը: Ցանկանում եմ իմանալ` վճարումն ինչպե՞ս է կատարվելու` 24 օրվա համար, թե՞ արդեն 34: Կանխավ շնորհակալություն:

Oct 25 2018

Արդյո՞ք աշխատողին վճարում են արձակման նպաստ

Լաուրա.

Եթե աշխատողի (հայեցողական պաշտոն) արձակուրդը ավարտվելուց հետո նրան ազատել են աշխատանքից առանց գրավոր զգուշացման, արդյո՞ք նրան վճարում են արձակման նպաստ: Արձակուրդային վճարվել է: Շնորհակալություն:

Oct 22 2018

Աշխատակցին չի վճարվել վերջնահաշվարկ

Անահիտ Ս.

Հարգելի գործընկեր, հարցս հետևյալն է. Նախկին աշխատակցին, ով ՏԻՄ – ում աշխատել է 1999-2017թթ ընկած ժամանակահատվածում, ունեցել է չվճարված արձակուրդ 1999-2006թթ-ի համար: 2017թ-ին համայնքների խոշորացման հետևանքով ազատվել է աշխատանքից, և նրան հաշվարկվել և վճարվել է վերջնահաշվարկ 2003-2006թթ-ի համար, իսկ մինչև 2003թ-ը չի վճարվել, քանի որ չկա այդ ժամանակահատվածի համար կնքված պայմանագիր: Հիմա այս աշխատակիցը դիմել է դատարան և պահանջում է 1999-2003թթ ընկած ժամանակահատվածի համար չվճարված գումարը: Խնդրում եմ պատասխանել հետևյալ հարցերին.
1. վերջնահաշվարկ հաշվարկելիս ո՞ր ժամանակահատվածի աշխատավարձն են ընդունում միջին ամսեկան աշխատավարձ՝ 1999-2003թթ-ին ստացած աշխատավարձը, թե ըստ աշխ. օրեսգրքի 195 հոդվածի նման պահանջ առաջանալուց ամսվան նախորդող վերջին տասներկու ամիսների ընթացքում տվյալ գործատուի կողմից աշխատողի համար հաշվարկված աշխատանքի վարձատրության բոլոր տեսակների (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ և այլն) ընդհանուր գումարը տասներկուսի բաժանելու միջոցով:
2.Ճի՞շտ է արդյոք, որ վճարվել է 2003-2006թթ-ի համար` 60 օր տևողությամբ, քանի որ աշխատանքային օրենսգիրքը գրվել է 2005թ-ին և հետադարձ ուժ ունի ընդունումից երկու տարի առաջ ծագած հարաբերությունների վրա, այսինքն սկսած 2003թ-ից հետո պետք է վճարվի: Կանխավ շնորհակալ եմ:

Oct 18 2018

Արձակուրդայինի հաշվարկ

Lilit Harutyunyan.

Բարև ձեզ: Խնդրում եմ պատասխանել` ֆիզ. արձակուրդից հետո ամենամյա արձակուրդը հաշվարկելիս հիմք ենք ընդունում աշխատած բոլո՞ր ամիսների եկամուտները:

Sep 11 2018

Արդյո՞ք աշխատակիցը իրավունք ունի վերջնահաշվարկ պահանջելու

Բարև ձեզ, գնացել եմ արձակուրդ, հաշվարկվել է արձակուրդային, որը ես ստացել եմ, հետո հետ կանչում է արվել, որի համար ստացել եմ աշխատավարձ: Խնդրում եմ ինձ պատասխանել` ես իրավունք ունե՞մ վերջնահաշվարկ պահանջելու:

Jul 05 2018

Արդյո՞ք աշխատակցին չի հասնում վերջնահաշվարկ

Լալա Հ.

Բարև ձեզ:
Մի հարց ունեմ վերջնահաշվարկի վերաբերյալ: Քաղաքացին աշխատել է աշխատավայրում 49 տարի: Ստացել է մոտավոր 86 000 դրամ ամսեկան աշխատավարձ: Ցանկանում է դուրս գալ իր դիմումի համաձայն: Օգտագործել է իր բոլոր տվյալ և նախորդ տարիների արձակուրդները: Նրան ասել են, որ այս պարագայում վերջնահաշվարկ չի հատկացվում: Խնդրում եմ, կարո՞ղ եք պարզաբանել` ճի՞շտ են ասել արդյոք: Եվ արդյո՞ք գոնե երկար տարիների աշխատելու համար ազատման նպաստ չի հատկացվում: Շնորհակալ եմ շատ նախապես:

Jul 05 2018

Վերջնահաշվարկի կատարում

Անի.

Բարև ձեզ:
Հարց – բարձրագույն հաստատության դասախոսի պայմանագիրը լրանալուց հետո, նրան պետք է տրամադրել վերջնահաշվարկ: Արդյո՞ք վերջնահաշվարկում պետք է հաշվի առնել հասանելի 35 արձակուրդային օր: Կանխավ շնորհակալություն:

Jun 29 2018

Ինչպե՞ս է վճարվում արձակուրդայինը

Վերջինե.

Բարև ձեզ: Քաղծառայողը եթե աշխատում է դպրոցում որպես ուսուցիչ, դա համարվու՞մ է համատեղություն: Ինչպե՞ս է վճարվում արձակուրդայինը:

Jun 21 2018

Արդյո՞ք հաշվարկվում է արձակուրդային օր

Էդգար.

Ողջույն: Խնդրում եմ պատասխանեք հետևյալ հարցին` արդյո՞ք հաշվարկվում է արձակուրդային օր և վճարվում, եթե աշխատակիցը ունեցել է մեկ կամ ավել բացակա և չվճարվող արձակուրդ, և եթե հաշվարկվում է, ապա ո՞ր կետի համաձայն:

Jun 14 2018

Ու՞մ է հասնում արձակման նպաստ

arpine.

Եթե աշխատողը աշխատել է մեկ կամ երկու տարի, արձակուրդներն օգտագործել է և ազատվել է, եթե անգամ ունեցել է արձակուրդային, դա էլ է հաշվարկվել ազատման ժամանակ, կա՞ արդյոք նաև առանձին արձակման նպաստի անհրաժեշտություն, շնորհակալություն:

Jun 06 2018

Բացակայի և չվճարվող արձակուրդի օրերի համար տրամադրվում է արդյոք ամենամյա արձակուրդ

Արտակ.

Ողջույն: Խնդրում եմ պատասխանեք հետևյալ հարցին` արդյո՞ք հաշվարկվում է արձակուրդային օր և վճարվում, եթե աշխատակիցը ունեցել է մեկ կամ ավել բացակա և չվճարվող արձակուրդ, և եթե հաշվարկվում է, ապա ո՞ր կետի համաձայն:

May 17 2018

Ինքնաթիռների երթևեկության անվտանգության տեխնիկներ

Գեղամ.

Խնդրում եմ ասացեք` ու՞մ նկատի ունի կառավարության 11.08.2005 թ. N 1384-Ն որոշումը հավելված 1-ի 12-րդ կետում. “Ինքնաթիռների երթևեկության անվտանգության տեխնիկներ” ասելով:

Nov 15 2017

Արդյո՞ք անձն տվյալ դեպքում ստանում է վերջնահաշվարկ

Larisa.

Բարև ձեզ: Անձն աշխատել է մի տարի և 3 ամիս, որից 7 ամիսը` 80 000 դր, իսկ 8 ամիսը` 100 000 դր. աշխատավարձով: Ազատվել է իր դիմումի համաձայն, և վերջին մի տարվա ընթացքում ստացել/գնացել է ամենամյա արձակուրդը: Արդյո՞ք անձն այս դեպքում ստանում է վերջնահաշվարկ (ԱՕ 130 հոդված), և ի՞նչ բանաձևով է այն հաշվվում: Խնդրում եմ նշել կոնկրետ ձևով հաշվարկվող հասանելիք գումարը: Շատ շնորհակալություն:

Sep 29 2017

Ինչպե՞ս պետք է կատարվի հաշվարկը

Anna K.

Բարև ձեզ: Կարո՞ղ եք օգնել ինձ մեկ հարցում: Եթե աշխատակիցը այս տարվա մեջ` ապրիլին օգտագործել է 2016 թվականի ամենամյա արձակուրդը, այժմ 2017 թվականի արձակուրդը տրամադրելու դեպքում ինչպե՞ս պետք է կատարվի հաշվարկը:

Aug 24 2017

Ինչպե՞ս է հաշվարկվում արձակուրդայինը

MARIAM.

Հարգելի անդամներ,
ինչպե՞ս է հաշվարկվում արձակուրդայինը, եթե աշխատողը աշխատում է ժամավճարով:

Aug 03 2017

Վերջնահաշվարկի հետ կապված

Անահիտ.

Բարև ձեզ, հարգելի հաշվապահներ, խնդրում եմ օգնել մի հարցում: Հարցս հետևյալն է՝ 1994-2017 թվականը աշխատել եմ համայնքապետարանում: 2017 թվականի հունվարից ազատվել եմ աշխատանքից: Աշխատանքային պայմանագիր գործատուի հետ կնքվել է 2006 թվականին: 1994 -2006 թվականները ամենամյա արձակուրդ չեմ գնացել և վերջնահաշվարկի ժամանակ տվել են վերջին 3 տարվա արձակուրդայինս, այժմ անցել է 6 ամիս, և ես ցանկանում եմ բողոքարկել մնացած արձակուրդայինիս համար: Խնդրում եմ ասել` իրավունք ունե՞մ բողոքարկելու և եթե այո` օրենքի ո՞ր կետով:Նշեմ նաև, որ ունեմ գործատուի հետ համաձայնագիր վերջնահաշիվս ստանալու պահին:

Jun 12 2017

Արդյո՞ք աշխատողին կվճարվի արձակուրդային գումար

Syuzi.

Բարև ձեզ, հարգելի հաշվապահներ: Ես դպրոցում եմ աշխատում ու դեկրետ եմ գնալու հունիսի 19-ից, իսկ ուսուցիչների արձակուրդը սկսվում է հուլիսի 3-ից: Ինձ հետաքրքրում է` այս դեպքում ես արձակուրդային կստանա՞մ, թե՞ միայն դեկրետային գումարը:

Mar 28 2017

Արձակուրդայինի հաշվարկ

asmik.avagyan.

Արձակուրդի հաշվարկի մեջ պարգևատրման գումարը երկրորդ անգամ կարո՞ղ է մտնել հաշվարկի մեջ, եթե տվյալ ամիսը մտնում է հաշվարկի մեջ: Կանխավ շնորհակալություն:

Mar 22 2017

Եթե աշխատանքը հերթափոխային է

Nara.

Հարգելի հաշվապահներ, խնդրում եմ օգնել` եթե աշխատանքը հերթափոխային է 24-ժամյա կամ 12-ժամյա, ապա տվյալ դեպքում ինչպե՞ս է հաշվարկվում ամենամյա հերթական արձակուրդը` հնգօրյա, թե՞ վեցօրյա:

Կանխավ շնորհակալություն!

Mar 15 2017

Աշխատակիցը մեկնել է արձակուրդ ու հետ է կանչվել

Թամարա.

Բարև ձեզ, խնդրում եմ օգնել: Աշխատակիցը հրամանով գնացել է արձակուրդ ու հետ է կանչվել, որի արդյունքում վճարվել է ամբողջ արձակուրդային վճարը և չօգտագործված օրերի համար աշխատավարձ: Վերջնահաշվարկ կատարելիս վճարված, բայց չօգտագործված արձակուրդային օրերը ենթակա՞ են վերջնահաշվարկի, թե՞ ոչ:

Jan 31 2017

Վերջնահաշվարկ

Գառնիկ Մ.

Բարև ձեզ, ես էսպիսի հարց ունեմ` կապված արձակուրդայինի հաշվարկի հետ, կոնկրետ իմ դեպքում` վերջնահաշվարկ: Եթե ենթադրենք իմ աշխատավարձը կազմում է 80 000 դրամ, + ամեն ամիս ստանում եմ KPI բոնուս 20 000-ի չափով, ունեմ արձակուրդային 60 օր, ինձ ինչքա՞ն գումար կվճարեն աշխատանքից դուրս գալու դեպքում, և ի՞նչ բանաձևով է հաշվարկվում դա: Շնորհակալություն:

Jan 30 2017

Ինչպե՞ս կատարել աշխատողի վերջնահաշվարկը

Սասուն.

Բարև ձեզ, խնդրում եմ օգնեք. ինչպե՞ս պետք է կատարեմ աշխատողի վերջնահաշվարկը, եթե 20 տարի արձակուրդ չի գնացել և ազատվել է աշխատանքից դիմումի հիման վրա, նա աշխատել է համայնքի ղեկավար: Ինձ իրավաբանը ասեց` պետք է հաշվարկը անեմ 2005 թվականից սկսած, քանի որ նոր աշխատանքային օրենսդրությունը ուժի մեջ է մտել 2005 թվականի հոկտեմբերի 22-ին:

Dec 14 2016

Արձակուրդայինի հաշվարկ

Մարինե.

Բարև ձեզ, հարգելի մասնագետներ: Դիցուք աշխատողը գնում է արձակուրդ սեպտեմբերի 1-ից: Նրան անհրաժեշտ է վճարել արձակուրդային առնվազն երեք օր առաջ (ՀՀ աշխատանքային օրենսգրքի 169 հոդվածի համաձայն), այսինքն առնվազն օգոստոսի 28-ին: ՀՀ աշխատանքային օրենսգրքի 195 հոդվածում նշվում է. “Աշխատողի միջին ամսական աշխատավարձի չափը որոշվում է այդպիսի պահանջ առաջանալու ամսվան նախորդող վերջին տասներկու ամիսների ընթացքում տվյալ գործատուի կողմից աշխատողի համար հաշվարկված աշխատանքի վարձատրության բոլոր տեսակների (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ և այլն) ընդհանուր գումարը տասներկուսի բաժանելու միջոցով:” Խնդրում եմ պատասխանել այսպիսի հարցին. պահանջ առաջանալու պահը համարվում է սեպտեմբերի 1-ը, թե՞ օգոստոսի 28-ը: Կանխավ շնորհակալություն:

Oct 06 2016

Աշխատողը երկար տարիներ չի օգտվել հերթական արձակուրդի իրավունքից

Գևորգ.

Հարգելի գործընկեր, հարցը կայանում է նրանում, որ աշխատողը ընդունվել է աշխատանքի 2008 թվականին և առ 2015թ. ներառյալ չի օգտվել ամենամյա արձակուրդից: 2016թ. օգտվել է ամենամյա արձակուրդից: Արդյո՞ք ընկերությունը պարտավոր է 2008-2015թթ.-ի չօգտագործված բոլոր արձակուրդների համար վճարել աշխատողին և համաձայն Աշխատանքային օրենսգրքի ո՞ր հոդվածի:

Sep 05 2016

Արձակուրդայինի հաշվարկ

Արթուր.

Բարև ձեզ, խնդրում եմ օգնեք հաշվել վստահորդիս արձակուրդայինը: Աշխատում է վեցօրյա ռեժիմով: Ստանում է ամսական 700 000 դր. մաքուր աշխատավարձ: Օգոստոսի 8-ից մինչւ օգոստոսի 20-ը գտնվել է արձակուրդում: Անհրաժեշտությունից ելնելով՝ ցանկանում ենք իմանալ` ինչքա՞ն արձակուրդային պետք է ստանար և ինչքա՞ն աշխատավարձ օգոստոս ամսվա համար: Խնդրում եմ, եթե հնարավոր է, մանրամասն նշել հաշվարկը: Կանխավ շնորհակալ եմ:

Aug 23 2016

Որքա՞ն կկազմեն արձակուրդայինը և աշխատավարձը

Կարինե.

Բարև ձեզ:

Խնդրում եմ օգնեք հաշվել արձակուրդայինս: Ստանում եմ ամսական 102 000 դր. աշխատավարձ և օգոստոսին 10 օր արձակուրդ եմ վերցրել սեպտեմբերի 1-ը ներառյալ (22օգ.-1սեպ.), հիմա ես ցանկանում եմ իմանալ` ինչքա՞ն արձակուրդային պետք է ստանամ ու որպես օգոստոսի աշխատավարձ ինչքա՞ն պետք է ստանամ:
Խնդրում եմ հնարավորինս մանրամասն նշել հաշվարկը:

Կանխավ շնորհակալ եմ:

Aug 23 2016

Ամենամյա արձակուրդի հետ կապված

Արմենուհի.

Բարև ձեզ: Արձակուրդների հետ կապված հարցեր ունեմ, եթե կարող եք, խնդրում եմ օգնեք:

1. Քաղաքացին 17 տարի աշխատել է ՏԻՄ-ում և չի օգտվել տարեկան արձակուրդներից: Ազատվելու դեպքում ինչպե՞ս է կատարվում վերջնահաշվարկը: Ում ինչ պատասխանատվություն է սպառնում այդ չօգտագործած արձակուրդների հետևանքով առաջացած պարտքի համար:

2. Քաղաքացին 2014թ. ապրիլի 1-ից աշխատում է գրասենյակում և երբևէ չի օգտվել իրեն հասանելիք արձակուրդից (նույնիսկ 1 անգամ մերժվել է անհիմն): Հիմա կազմակերպության ղեկավարը պատրաստվում է լուծարել կազմակերպությունը: Ի՞նչ կերպով է կատարվում այդ աշխատողի վերջնահաշվարկը:

Հնարավորության դեպքում խնդրում եմ պատասխաններն հիմնավորել համապատասխան իրավական ակտերով:

Aug 15 2016

Արդյո՞ք աշխատակցին հասնում է վերջնահաշվարկ

Հերմինե.

Աշխատակիցն ընդունվել է աշխատանքի 1989թ-ի օգոստոսի 31-ին: Յուրաքանչուր տարի օգտվել է հասանելիք արձակուրդից: Այս տարի նույնպես արձակուրդի է գնացել հուլիս ամսվան: Չունի հուլիսի աշխատած օրեր: Օգոստոսի 1-ից իր դիմումի համաձայն ազատվել է աշխատանքից:

Հարց. Արդյո՞ք աշխատակցին հասնում է վերջնահաշվարկ: Երկար տարիներ աշխատանքային ստաժի համար ևս հասնու՞մ է արդյոք լրացուցիչ գումար:

Aug 15 2016

Արդյո՞ք աշխատողը ունի չօգտագործված արձակուրդի օրեր

liana.

Խնդրում եմ պարզաբանել` ես 2013թ. սեպտեմբերի 2-ից աշխատում եմ դպրոցում ուսուցչուհի, 5 օրյա աշխատանքային ռեժիմով: Տարվա համար հասնում է 35 օր: Ազատվում եմ աշխատանքից 19.08.2016թ: Օգտագործել եմ այդ տարիների արձակուրդը 2013-2014 ուս. տարվա համար՝ 35օր, 2014-2015՝ 35օր և 2015-2016՝ 35օր: Արդյո՞ք ունեմ արձակուրդի օրեր:

Jul 04 2016

Ի՞նչ ձևակերպումներ պետք է տալ

Arsine.

Հարգելի հաշվապահներ,
ի՞նչ ձևակերպումներ պետք է տալ արձակուրդայինի հաշվարկի և վճարման դեպքում:

Կանխավ շնորհակալություն:

May 16 2016

Որքա՞ն կկազմի արձակուրդային գումարը

Alina.

Բարև ձեզ, հարգելի հաշվապահներ, խնդրում եմ ասել ինձ, իմ աշխատանքային 10-րդ ամիսը կլրանա հունիսի 19-ին հիմնական դպրոցում որպես գրադարանավարուհի, աշխատավարձս կազմում է 54 000 դրամ, ես կարո՞ղ եմ ստանալ արձակուրդային և ինչքա՞ն:

May 07 2015

Արդյո՞ք աշխատողը իրավունք ունի չօգտագործված արձակուրդի փոխհատուցում ստանալու

Gayane.

Բարև ձեզ:
Ես ուսուցչուհի եմ դպրոցում, սակայն մտադիր եմ աշխատանքից հեռանալ սեպտեմբեր կամ հոկտեմբեր ամսին: Կուզենայի իմանալ` ես իրավունք ունե՞մ հուլիս ամսվա արձակուրդայինը ստանալու: Շնորհակալություն:

Apr 16 2015

Միջին աշխատավարձի հաշվարկ

Նաիրա.

Հարգելի հաշվապահներ, խնդրում եմ պատասխանել` եթե աշխատողին հաշվարկում ենք ամենամյա վճարովի հերթական արձակուրդ, և միջինը հաշվարկելիս մեկ ամիս աշխատողը գտնվել է չվճարվող արձակուրդում: Արդյո՞ք այդ ամիսը մտնում է միջինի հաշվարկման մեջ, և աշխատավարձը բաժավում է 12-ի, թե՞ չի ներառվում, և բաժանվում է 11-ի : Խնդրում եմ նշել նաև այն աղբյուրը, որտեղից հնարավոր է կարդալ հարցի պատասխանը: Կանխավ շնորհակալություն:

Apr 08 2015

Արձակուրդայինի հաշվարկ

Իրինա.

Հարգելի հաշվապահներ, խնդրում եմ պատասխանել հետևյալ հարցիս:
Աշխատողը աշխատում է շաբաթական 3 օր, 8 ժամյա գրաֆիկով: Արձակուրդ ուղարկելիս հաշվի են առնվում իր աշխատա՞ծ օրերը, այսինքն նա հանգստանում է իր աշխատանքայի՞ն օրերին, թե՞ շաբաթվա բոլոր օրերին: Դրանից է կախված արձակուրդայինի հաշվարկը, խնդրում եմ օգնել:

Apr 02 2015

Արդյո՞ք աշխատողը արձակուրդից օգտվելու իրավունք ունի

Nana.

Ուզում եմ իմանալ` եթե մարդը իր մատուցած ծառայությունների համար ստանում է վճարներ ամբողջ տարվա կտրվածքով, ոչ ստաբիլ աշխատավարձ, ապա այդ աշխատողը արձակուրդից օգտվելու իրավունք ունի՞: Եթե այո, ապա ինչպե՞ս է հաշվարկվելու նրա արձակուրդային վճարները: Նախապես շնորհակալություն:

Feb 19 2015

Աշխատողը ստացել է արձակուրդային գումար, սակայն չի մեկնել արձակուրդ

Արև.

Հարգելի հաշվապահներ, հարցս հետևյալն է. եթե աշխատողին դուրս են գրել արձակուրդային, նա ստացել է արձակուրդայինի գումարը, բայց արձակուրդ չի գնացել և ներկայացել է աշխատանքի, այս դեպքում իրեն պե՞տք է արդյոք վճարվի այդ ամսվա համար լրիվ աշխատավարձ, և արդյո՞ք պետք չէ հետ գանձել արձակուրդայինի գումարը:

Feb 10 2015

Միջին աշխատավարձի հաշվարկ

Լուսինե.

Հարգելի հաշվապահներ, արդյո՞ք միջին աշխատավարձը հաշվարկելիս հաշվի է առնվում նաև արձակուրդային գումարը, թե՞ միայն տվյալ ամսվա հասանելիք աշխատավարձը:
Նախապես շնորհակալություն:

Jan 30 2015

Արդյո՞ք աշխատակիցը չօգտագործված արձակուրդի փոխհատուցման իրավունք ունի

Ալինա.

Բարև ձեզ։ Ներկայացնեմ իրավիճակը` աշխատակիցը 5 տարի աշխատելուց հետո դուրս է եկել ընկերությունից, սակայն այդ 5 տարիների ընթացքում ոչ մի անգամ արձակուրդ չի գնացել: Ինքը ունի՞ արդյոք իրավունք պահանջել այդ 5 տարիների չվճարված արձակուրդայինի գումարը: Կանխավ շնորհակալ եմ:

Jan 14 2015

Աշխատավարձի և արձակուրդայինի գումարների հաշվարկ

Armine.

Բարև ձեզ, հարգելի հաշվապահներ, խնդրում եմ ասել ինձ կայքի հասցե, որի միջոցով կարելի է հաշվարկել աշխատավարձի և արձակուրդայինի գումարները: Կանխավ շնորհակալություն:

Dec 03 2014

Քանի՞ աշխատանքային օր է հասնում վեցօրյա աշխատանքի դեպքում

Տոմա.

Բարև ձեզ, խնդրում եմ օգնել ինձ արձակուրդ հաշվարկելու հարցում.
1. Քանի՞ աշխատանքային օր է հասնում վեցօրյա աշխատանքի դեպքում
2. Եթե աշխատողը 2013 հունվար ամսին գնացել է արձակուրդ, ե՞րբ է արձակուրդ հասնում և անփոփոխ 80 000 աշխատավարձի դեպքում ինչքա՞ն է կազմում արձակուրդայինը, կանխավ շնորակալ եմ:

Dec 01 2014

Գործարքային աշխատավարձ ստացողին արձակուրդային հասնու՞մ է

astxik.

Բարև ձեզ, հարգելի հաշվապահներ, խնդրում եմ պատասխանեք.
1. Գործարքային աշխատավարձ ստացողին արձակուրդային հասնու՞մ է
2. Արտոնագրով հանրային սնունդը, եթե տարածքը 28 քմ է, ինչպե՞ս է հաշվարկվում` օրենքում մինչև 50 քմ համար է գրված, իսկ փոքր տարածքի համար տարբերություն կա՞, թե՞ ոչ:
Շնորհակալություն:

Nov 24 2014

Ո՞ր ամսվա հաշվետվության մեջ պետք է արտացոլել արձակուրդային գումարը

Աննա.

Խնդրում եմ օգնել: Աշխատողը գնում է արձակուրդ 01.08.2014թ-ից, արձակուրդային գումարը փաստացի ստացել է 27.07.2014թ: Ո՞ր ամսվա հաշվետվության մեջ պետք է արտացոլել արձակուրդային գումարը` հուլի՞ս, թե՞ օգոստոս:

Sep 03 2014

Ինչպե՞ս լրացնել եկամտային հարկի հաշվարկը

Արմեն.

Բարև ձեզ, հարգելի հաշվապահներ: Շնորհակալ կլինեի, եթե պատասխանեիք` ինչպե՞ս լրացնել եկամտային հարկի հաշվարկի էլեկտրոնային տարբերակը: Աշխատակիցը հուլիսի կեսից օգոստոսի կեսը արձակուրդի մեջ է, հուլիսին վճարվել է արձակուրդային գումարը (արդեն պահումները արված), սակայն հուլիսին հասանելիք գումարը արդեն նշվել է հուլիսի հաշվետվության մեջ, օգոստոսին հասանելիքը հաշվետվության մեջ նշելիս տալիս է հարկի տարբերություն ի սկզբանե պահված հարկից: Ինչպիսի՞ մոտեցում տալ, որ ճիշտ լինի: Աշխատավարձից ավել (կամ պակաս) հարկի տարբերությունը պահել (կամ վճարել) էլեկտրոնային հաշվետվությունը ձեռք չտալ, թե՞ հաշվետվության մեջ պետք է նշել տարբերությունը, եթե ցույց չտամ էլեկտրոնային հաշվետվության մեջ, պարզապես աշխատավարձը վճարելիս հարկերը փոխեմ (ավելացնեմ կամ պակասեցնեմ առաջացած տարբերությունը), ճիշտ կլինի՞ այդպես: Նախապես անչափ շնորհակալ եմ:

Aug 03 2014

Քանի՞ օր արձակուրդ է հասնում աշխատողին

Սյուզի.

Դիմում եմ ձեզ հետևյալ հարցով.

Աշխատողը երեք տարի աշխատել է ընկերությունում, յուրաքանչյուր տարի սահմանված կարգին համախատասխան նրան տրամադրվել է արձակուրդ 20 աշխ.օր տևողությամբ: 2014թ. հասանելիք ամենամյա արձակուրդից առաջ աշխատողն իր նախաձեռնությամբ վերցրել է 60 օրացույցային օր չվճարվող արձակուրդ (երկու ամիս): Չվճարվող արձակուրդի ավարտից հետո դիմելու է ամենամյա արձակուրդի տրամադրման խնդրանքով: Աշխատողին ամենամյա արձակուրդը հատկացվելու է 01.12.2013-01.12.2014թթ. ընկած աշխատանքային ժամանակահատվածի համար: Հաշվի առնելով այն հանգամանքը, որ վերոհիշյալ ժամանակահատվածի համար փաստացի աշխատած ժամանակահատվածը կազմում է ոչ թե 1 տարի, այլ ընդամենը 10 ամիս, արդյոք չի՞ պակասում աշխատողին հասնելիք արձակուրդի տևողությունը` տվյալ դեպքում 10 x 1.67= 16.7, կլորացնելով 17 աշխ.օր:

Արդյո՞ք ճիշտ եմ մեկնաբանում ՀՀ ԱՕ 165 հոդվածի դրույթները` աշխ. տարում, որի համար տրամադրվում է ամենամյա արձակուրդ, ներառվում են.
1. Փաստացի աշխատած աշխատաժամանակը
2. Այն ժամանակահատվածը, որի ընթացքում, օրենսդրությանը համապատասխան պահպանվում են աշխատողի աշխատատեղը և աշխատավարձը ամբողջությամբ կամ մասամբ:

Եթե 2 ամիս աշխատավարձ չի ստացել, բայց պահպանվել է աշխատատեղը, արդյո՞ք ամենամյա արձակուրդի տևողությունը մնում է նույնը` 20 աշխ. օր, թե՞ տրամադրվում է փաստացի աշխատած աշխատաժամանակի համար:

Կանխավ շնորհակալություն:

Jul 25 2014

Արձակուրդայինի և վերջնահարշվարկի հաշվարկները բանաձևերով

Gohar.

Բարև ձեզ: Հարգելի հաշվապահներ, կարո՞ղ եք ինձ ուղարկել արձակուրդայինի և վերջնահարշվարկի հաշվարկները բանաձևերով excel-ում gohar.ghazaryan90 շնիկ gmail.com Կանխավ շնորհակալություն:

Jul 16 2014

Ինչքա՞ն կկազմի արձակուրդային վճարը

Կարինե.

Խնդրում եմ պատասխանել իմ հարցին` ինչպե՞ս հաշվարկել ուսուցչուհու արձակուդայինը.
1. Աշխատավարձը 65 000 դրամ
2. մինչ սեպտեմբերի 1-ը գտնվել է երեխայի խնամքի համար արձակուրդում, աշխատանքի է անցել սեպտեմբերի 1-ից
3. բացակայություններ չունի
4. 6 օրյա աշխատանքային շաբաթ
Ինչքա՞ն կկազմի արձակուրդային վճարը

Շնորհակալություն:

Jun 27 2014

Ինչպե՞ս կհաշվարկվի արձակուրդային գումարը

Մերի.

Հարգելի հաշվապահներ, խնդրում եմ օգնել, շտապ է.
1. Եթե դպրոցի աշխատողը աշխատում է համատեղությամբ` որպես փոխտնօրեն (հիմնական աշխ.) և ուսուցիչ, ինչպե՞ս հաշվարկել արձակուրդայինը: Արդյո՞ք այն կհաշվարկվի միայն հիմնական աշխատանքի համար` 25 օր, թե՞ առանձին` 25 օր հիմնականի համար և 35 օր ուսուցչի:
2. Եթե աշխատողը գտնվել է չվճարվող արձակուրդում, արդյո՞ք այդ ամիսը ներառվում է միջին աշխատավարձի հաշվարկում: Կանխավ շնորհակալություն:

Older posts «

Loading...