Category: Այլ

Անի․

Բարև ձեզ, հարգելի մասնագետներ։ Հարցս հետևյալն է՝ ԱԱՀ վճարող կազմակերպությունը եթե կիրառում է 5 տոկոս զեղչ մանրածախ վաճառքում, դա պարտադիր պե՞տք է երևա ՀԴՄ կտրոնի վրա։

Աստղիկ․

Բարև ձեզ, ունեմ ԱՁ՝ լեզվի դասընթացներ և վերապատրաստում անցկացնելու գործունեություն է, ցանկանում եմ ստանալ լիցենզիա, որպեսզի ինձ մոտ ուսուցանողը կարողանա օգտվի եկամտային հարկի վերադարձից։ Ու՞ր պետք է դիմեմ, և ի՞նչ գործընթաց է։ Շնորհակալություն։

Նարե․

Բարև Ձեզ, հարգելի հաշվապահներ, շրջ․ հարկով աշխատող կազմակերպությունը, որն իրականացնում է ինտերնետ ծառայությունների մատուցում, այլ կազմակերպության վաճառել է իր հիմնական միջոցներից և արագամաշ առարկաներից, վաճառված բոլոր իրերը եղել են կապի սարքավորումներ և մալուխներ։ Խնդրում եմ օգնել` վաճառքի մասով շրջ․ հարկի հաշվարկի ո՞ր տողը պետք է լրացնել և վերջում տնտեսական գործունեության ի՞նչ դասակարգիչ նշել։

Լիլիթ․

Բարև ձեզ, հարգելի՛ գործընկերներ։ Խնդրեմ կուղղորդե՞ք, թե ինչ հարկման ռեժիմով պետք է աշխատի գարեջրատունը և ինչպիսի առանձնահատկություններ կան՝ կապված տվյալ գործունեության հետ։ Շնորհակալ եմ նախապես։

Կարեն․

Բարև ձեզ։ ԱՁ մահից հետո կինը ստացել է ժառանգություն ամուսնու խանութի ապրանքները։ Նոտարը դրանք գույքագրել է, գնահատող կազմակերպությունն էլ գնահատել։ Կինը ապրանքները իրացնելու համար բացել է նոր ԱՁ, որը աշխատում է ԱԱՀ դաշտում։ Կարո՞ղ է արդյոք նվազեցնել այդ ապրանքների իքնարժեքը։

Բարև Ձեզ, ԱՁ-եմ, Շրջանարության հարկման դաշտում, մատուցում եմ հեռահար ՏՏ ծառայություններ։ Հաճախորդներս տարբեր երկրների (նաև ՀՀ) իրավաբանական և ֆիզ․ անձիք են։ Իրավաբանական հաջախորդների հետ աշխատում եմ հաշիվ-վավերագրերով, սակայն ֆիզ․ անձերի հետ աշխատելուց, հաշիվ-վավերագիր գրելու համար հարկավոր է հավաքագրել ֆիզ․ անձի անձնագրային տվյալները, ինչը միշտ չէ, որ հնարավոր է (ուղղակի անհիմն են համարում դրա տրամադրումը)։

Ուսումնասիրելով օրենքը, ըստ ՀՕ Հոդված 55, 4-րդ կետի, 10-րդ մասի “գ” կետի՝ պարտադիր է լրացնել ֆիզիկական անձի անունը, ազգանունը, բնակության վայրի հասցեն, անձնագրի (կամ անձը նույնականացնող այլ փաստաթղթի) սերիան և (կամ) համարը։ Ստացվում է, եթե ես այս տվյալները չունեմ, ապա կազմված հաշիվ-վավերագիրը օրինական չէ։ Մյուս տարբերակն է, ունենալ ֆիզիկական ՀԴՄ սարք և վճարումը արտածել ՀԴՄ-ի տեսքով, սակայն այստեղ էլ հարց է առաջանում՝ ինչպե՞ս տրամադրել ՀԴՄ-ը կտրոնը այլ երկրում գտնվող հաճախորդին։

Իհարկե, նաև տարբերակ է օգտագործել էլեկտրոնային ՀԴՄ, սակայն այստեղ էլ հարցեր կան՝ օրենքը պահանջում է ունենալ կայք կամ հավելված, որը պետք է բավարարի պահանջներին՝ https://www.arlis.am/hy/acts/224310 (ԻՆՏԵՐՆԵՏԱՅԻՆ ԿԱՅՔԻՆ ԿԱՄ ԷԼԵԿՏՐՈՆԱՅԻՆ ՀԱՎԵԼՎԱԾԻՆ (ԷԼԵԿՏՐՈՆԱՅԻՆ ԱՌԵՎՏՐԱՅԻՆ ՀԱՐԹԱԿԻՆ) ՆԵՐԿԱՅԱՑՎՈՂ ՊԱՀԱՆՋՆԵՐԸ)։

Պետք է նշեմ, որ կայք չունեմ, ծառայությունները մատուցվում են մեսսենջերի կամ էլ․ փոստի միջոցով։ Ին՞չ տարբերակներ կառաջարկեք աշխատելու։ Կամ եթե կա որևէ պարզաբանում ՊԵԿ-ից նման կերպ աշխատելու վերաբերյալ, խնդրում եմ կիսվել հղումով։

Անի․

Բարև Ձեզ, ցանկանում եմ բացել ԱՁ և վաճառել գիպսից պատրաստված տարբեր իրեր։ Խնդրոում եմ կասե՞ք՝ ի՞նչ է անհրաժեշտ անել դրա համար, և ի՞նչ հարկեր պետք է վճարել և նման մանրամասներ։

Անահիտ․

Բարև ձեզ։ Խնդրում եմ ուղղորդեք՝ ի՞նչ պիտի անել. կոսմետիկ միջոցների խանութը պրոբնիկներ է ստացել զրո դրամով, որոնք վաճառքի ենթակա չեն։ Դրանց QR-ները ո՞նց պիտի հանենք։

Վազգեն․

Բարև Ձեզ։ Ճի՞շտ եմ հասկանում, որ բժշկական ծառայություններ մատուցող ԱՁ-ի համար էլեկտրոնային հսկիչ դրամարկղային մեքենայի կիրառումը պարտադիր է, եթե միացած ես “Էլեկտրոնային առողջապահության համակարգին”։ Հակառակ դեպքում կարո՞ղ ես չունենալ։

Անահիտ․

Հարգեկի հաշվապահներ, մի հարց ունեմ՝ կապված շարժիչի յուղի վաճառքի հետ: Շարժիչի յուղը ձեռնարկատերը ձեռք է բերել ձեռք բերման թղթով և վաճառք պետք է իրականացնի։ Խնդրում եմ կասե՞ք՝ ի՞նչ ընթացակարգի համաձայն է կատարվելու վաճառքը, ըստ QR կոդի, թե՞ ուղղակի ՀԴՄ – ով վաճառք է ցույց տալիս: ԱՁ շրջանառության հարկ վճարող է։

Լիանա․

Բարև ձեզ։ 24 մլն դրամը գերազանցելու դեպքում արդյո՞ք անհրաժեշտ է ՀԴՄ կտրոնի վրա ապրանքի անվանումը և ԱՏԳ ԱԱ կոդը տպել նույն պահից, թե՞ հաջորդ տարվա հունվարի 1-ից։

Նարե․

Բարև Ձեզ։ Հարգելի հաշվապահներ, ՀԴՄ կիրառման մասին օրենքում նշվում է, որ եթե ուղևորափոխադրման ժամանակ վաճառվում են տոմսեր, ապա կարելի է ՀԴՄ չկիրառել, ապա այդ դեպքում վարորդը գումարը հավաքում է իր մոտ, օրվա վերջում մուտքի օրդերով գումարը մուտքագրում դրամարկղ, իսկ այս դեպքում արդյո՞ք կիրառվում են կանխիկ գործարքների սահմանափակումները։
Կանխավ շնորհակալ եմ։

Էլեն․

Հարգելի հաշվապահներ, այսպիսի մի իրավիճակ, կա նորաբաց շինարարական ընկերություն, որն ունի գրանցված աշխատողներ, սակայն որոնք դեռ աշխատավարձ չեն ստանում, քանի որ աշխատանք չկա փաստացի, բայց պետք է նրանց գրանցված լինելը քանի որ մասնագետների անունով են լիցենզիաների ներդիրները:

Մի քանի օր առաջ հարկայինից ինչ-որ ծանուցում էր եկել, որ աշխատակիցների 189 ձևը 0 ական – ով է հանձնում, և դա ռիսկային (կոնկրետ չգիտեմ ծանուցման բովանդակությունը), հաշվապահը բոլորին ինքնակամ ազատել է՝ առանց տնօրենին զգուշացնելու։

Հիմա ի՞նչ տարբերակներ կարող եք առաջարկել աշխատողներին պահելու մինչև աշխատանք լինելը առանց աշխատավարձ տալու (նրանք բոլորը համատեղ աշխատում և դեմ չեն՝ հասկանալով իրավիճակը) օրենքի սահմաններում, որ հարկայինը ինչ որ անօրինական գործունեություն չդիտարկի, և 2 հարց՝ հաշվապահի քայլը ազատել աշխատողներին մասնագետներին արդյոք լիցենզիան կորցնելու պատճառ չի՞ դառնա։

Արսեն․

Բարև ձեզ։

Խնդրում եմ պարզաբանել հետևյալ հարցը․

Մեր կազմակերպությունում առկա են 2022 թվականից մնացած կրեդիտորական և դեբիտորական պարտքեր (կախված մնացորդներ)։ Դրանք չեմ կարող ճանաչել որպես անհուսալի պարտք, քանի որ գումարները գերազանցում են 300,000 դրամը։

Կարո՞ղ եք հուշել, թե ինչ հաշվապահական թղթակցություններ պետք է տամ, որպեսզի այդ գումարներն արտացոլվեն արտահաշվեկշռային հաշվում կամ պահուստային ֆոնդում։

Ներկայումս մնացորդները կախված են 224 և 5231 հաշիվներում։

Կանխավ շնորհակալություն պատասխանելու համար։

Անահիտ․

Մի քանի րոպե խլեմ։ Հացի փուռ է, գտնվում է մարզում, միայն իր արտադրանքն է վաճառում և միայն տեղում, աշխատում է միկրոյով․

1. Բացի միկրոյի շրջանառության հաշվետվությունից կա՞ն էլի հաշվետվություններ որ պետք է հանձնեմ, օրինակ ֆիզիկական ծավալների ու գների վերաբերյալը մտքովս անցավ։ Աշխատողների գծովը գիտեմ։
2. Մեր դեպքում խնդի՞ր է, եթե ծախսեր ցույց չենք տալիս։ ՀԴՄ-ն տպվում է նորմալ, շրջանառությունը շատ փոքր է, բայց բացի ՀԴՄ սպասարկումից այլ հաշիվներ չենք ստանում։
3. Նաև, բոնուսային հարց, կարող ե՞նք ասել՝ տարածքը անվճար են տրամադրել։
   Նախապես շնորհակալ եմ։

Նունե․

ԱԱՀ ով աշխատող ՍՊԸ-ն տարիներ շարունակ աշխատել է շահույթով և չի վճարել շահաբաժին։ Պարտադի՞ր է արդյոք վճարել շահաբաժին, և օրենքի ո՞ր հոդվածն է պարտադրում։

Աննա Գրիգորյան․

Բարև Ձեզ, ցանկանում եմ ներմուծել էլեկտրական մեքենաների համար լիցքավորման կայան։ Նայեցի ԱՏԳԱ կոդերով 0% ԱԱՀ-ն։ Ճի՞շտ եմ նայել արդյոք, և ի՞նչ մաքսատուրք կամ այլ վճարներ կան։ Շնորհակալություն։

Եվա․

Խնդրում եմ ասել՝ սանիտարական գրքույկ ո՞ր դեպքերում է անհրաժեշտ ունենալ, ինչպես նաև խնդրում եմ նշել սանիտարական գրքույկ ստանալու կարգը։ Շնորհակալություն։

Արմինե․

Բարև Ձեզ, կազմակերպության վերակազմակերպման ժամանակ ի՞նչ հարկային պարտավորություններ են առաջանում, մասնավորապես առանձնացման դեպքում։

Նարե․

Բարև Ձեզ, հարգելի հաշվապահներ, եթե ՓԲԸ-ն պետք է իրականացնի միջհամայնքային և ներհամայնքային կանոնավոր ուղևորափոխադրումներ, ապա 1.ի՞նչ հարկատեսակով կարող է գործել, 2. ի՞նչ հաշվետվություններ պետք է ներկայացնի, 3. ուղևորներից վճարումները կանխիկ գանձելու դեպքում պե՞տք է ուղևորին որևէ փաստաթուղթ տրամադրի

Լիլիթ․

Հարգելի հաշվապահներ, ես ունեմ ԱՁ, որի հաշվին նստում է գումար ստացված ՌԴ-ում գործող կազմակերպությունից։ Նաև նույն գործունեություն և ծառայությունը ես մատուցում եմ անհատական։ Հարցս հետևյալն է՝ ինչպե՞ս կարող եմ անհատներից ստացած ծառայության դիմաց գումարը փոխանցել ԱՁ հաշվեհամարին։ Խնդիրը նրանում է, որ անհատները ՌԴ-ից չեն կարողանում գումար փոխանցել անմիջապես իմ ԱՁ-ի հաշվեհամարին։

Դավիթ․

Բարև Ձեզ։ Ինչպե՞ս փոխենք ՊԵԿ էլեկտրոնային համակարգում գրանցված լիազորին։

Անահիտ․

Բարև Ձեզ։ Մի քանի «մութ» պահեր կան ՀԴՄ–ի վերաբերյալ, կօգնե՞ք խնդրեմ։ ԱՁ-ն նոր է գրանցվել, հացի փուռ է, տարածքը վերցնում է վարձակալությունով, բայց ումից որ վերցնում է պայմանագիր կնքել չի ուզում, այսինքն ոչ մի փաստաթուղթ չենք ունենալու, որի հիման վրա այդ տարածքում ենք իրականացնում գործունեությունը, դա խնդիր է՞ միայն ծախսագրում անելու անհնարինության համար, թե՞ ՀԴՄ չենք կարողանա տեղադրել առանց փաստաթուղթ, ստուգումների ժամանակ հարցեր կառաջանա և այլն։

Նաև ուզում եմ հերթականությունը հասկանալ, ԱՁ–ն հաշվեհամար է բացում, ՀԴՄ սարք գնում և գրանցման հայտ տալի՞ս այդ տարածքում։

Լիլի․

Ողջույն, հարգելի հաշվապահներ։ Հարցս հետևյալն է՝ արդյո՞ք ընկերությունը, որը զբաղվում է հանրային սննդի գործունեությամբ, կարող է շարունակել աշխատել շրջանառության հարկման համակարգում, եթե հանդիսանում է գործակալական պայմանագրի կողմ, և ստանում է հաշիվ հանձնարարողի անունից։Խնդրում եմ օգնել։

Լիլիթ․

Բարև Ձեզ, հարգելի խմբակիցներ։ Արդյո՞ք 2026թ․ ընթացքում ստացված ատամնաբուժական ծառայությունների դիմաց կատարված ծախսերն այլևս չեն համարվելու որպես սոցիալական ծախս եկամտային հարկի վերադարձի տեսանկյունից։Կարո՞ղ եք օրենքի հղում տրամադրել։ Շնորհակալ եմ նախապես։

Արտակ․

Եթե ԱՁ-ն գրանցված է որպես միկրոձեռնարկատիրություն և սեփական արտադրանք է մատակարարում խանութներին՝ դուրս գրելով հաշիվ վավերագիր, արդյո՞ք կարելի է գումարը կանխիկ ստանալ։

Արմեն․

Ողջույն։ Ցանկանում ենք բացել էլեկտրական մեքենաների լիցքավորման կայան, նախատեսում ենք ձեռք բերել արևային էներգիայի կայաններ, որոնց միջոցով ստացված էլեկտրաէներգիան լիցքավորիչների օգնությամբ տրամադրելու ենք մեքենաների լիցքավորման համար։ Արդյո՞ք այս գործունեությունը համարվում է արտադրական գործընթաց և կարող է հարկվել շրջանառության հարկի 7% դրույքաչափով՝ կատարված ծախսերի 5% նվազեցման հնարավորությամբ։ Եվ առհասարակ ի՞նչ նրբություններ կան այս ոլորտում։ Նախապես շնորհակալություն։

Քրիստինե․

Բարև Ձեզ, հարգելի հաշվապահներ։ Կոսմետիկայի խանութը տրամադրում է նվեր քարտեր հաճախորդներին՝ 5 000, 10 000 և 20 000 դրամ արժողությամբ։ Կասե՞ք՝ ինչպե՞ս ձևակերպել նվեր քարտի տրամադրումը։

Մարգարիտա․

Բարև Ձեզ։ Իմ հարցն այսպիսին է․ Եղբայրս Ռուսաստանում ունի ՍՊԸ, որը զբաղվում է պաղպապաղակի արտադրությամբ։ Հիմա ուզում է իր ՍՊԸ-ով ուրիշ ռուսական ընկերությունից պաղպաղակ ներմուծել Հայաստան։ Կարո՞ղ է արդյոք իր ՍՊԸ-ով, թե՞ պետք է Հայաստանում ԱՁ բացի։ Ի՞նչ փաստաթղթեր են անհրաժեշտ ներմուծման համար, ի՞նչ հարկեր պետք է վճարել։ Բացի այդ, Ռուսաստանում պաղպաղակների վրա կա “Честный знак” QR code։ Դա Հայաստանում անցնու՞մ է, թե այստեղ էլ է անհրաժեշտ ձեռք բերել QR code։ Կանխավ շնորհակալ եմ։

Անահիտ․

Հարգելի գործընկերներ, խնդրում եմ մանրամասնել էլեկտրոնային ՀԴՄ-ների պարտադիր կիրառման վերաբերյալ տեղեկատվությունը։ Արդյո՞ք ատամնաբուժարանների համար էլեկտրոնային ՀԴՄ ունենալը պարտադիր պահանջ է։