Արտյոմ․

Բարև Ձեզ։ Ո՞վ կասի՝ էլեկտրոնային դրամարկղային գրքի մեջ ամենավերևի աջ կողմում «Օրդերի համար» տողը ինչի՞ համար է նախատեսված։ Այդտեղ ինչ-որ բան գրվելու՞ է։ Շնորհակալ եմ։

Կարինե․

Բարև Ձեզ։

Շնորհավորում եմ Ձեր տոները։ Հարցս հետևյալն է՝ Կազմակերպության հրամանները անհրաժե՞շտ է գրել հրամանագրքում, եթե այո, որտեղի՞ց ձեռք բերենք հրամանագիրք։

Վահագն․

Բարև Ձեզ։ ԱՁ-ն զբաղվում է ավտոտեխսպասարկմամբ։ Միկրոձեռնարկատիրության հաշվետվության 256 ձևում լրացվելու է “ծառայությունների մատուցում” տողը, թե՞ “աշխատանքների կատարում” տողը։

Ալլա․

Բարև Ձեզ։ ՏՏ ոլորտի բոլո՞ր ԱՁ-ներն են ներկայացնում հաշվետվություն ԲՏԱ նախարարություն: Եթե այո՝ ի՞նչ հաշվետվություններ են, և ե՞րբ պետք է ներկայացնել։

Նելլի․

Բարև Ձեզ, ֆիզ․ անձը Ա/Ձ-ին վարձակալությամբ տարածք է տրամադրել 2023 թվականին։ Խնդրում եմ կհուշե՞ք՝ արդյո՞ք հենց ինքն էլ հարկային համակարգում 163 ձևը պետք է ներկայացնի, թե՞ Ա/Ձ տարեկան 165 ձև կարող է ուղարկել և վերջ։ Կանխավ շնորհակալ եմ։

Նունե․

Բարև Ձեզ, խնդրում եմ պատասխանեք, թե ինչպե՞ս լրացնել իրավական ակտերի մատյանը: Կանխավ շնորհակալություն։

Գոհար․

Բարև Ձեզ։ Մի քանի հարց ունեմ, խնդրում եմ օգնեք․

1. Եթե ԱՁ կամ ՍՊԸ-ն դադարեցված է եղել, այս տարվա համար պե՞տք է հարկատեսակի համար հայտեր ներկայացնել և փակել 2023-ի տարեկան հաշվետվություններն
2. ԱԱՀ-ով աշխատող ԱՁ-ի շրջանառությունն 0 է եղել։ Տարեկան ի՞նչ հաշվետվություն և հարկային պարտավորություն ունի

Ժակլինա․

Բարև ձեզ։ Ցանկանում եմ զրոյից վարսավիրանոց բացել, որ խնդրեմ կասե՞ք քայլ առ քայլ ինչ պետք է անեմ։

Աստղիկ․

Բարև Ձեզ, հարգելի հաշվապահներ: Խնդրում եմ օգնեք և պատասխանեք հարցերիս։ Միկրոյով աշխատող Ա/Ձ-ն տարածք է վարձակալել ֆիզ. անձից:
1. Ֆիզ. անձի քայլերը, գործողությունները
2. Վարձակալության պայմանագիրը որտե՞ղ պետք է վավերացվի
3. Ա/Ձ-ի քայլերը, գործողությունները

Բարև Ձեզ։

Ա/Ձ ունի ավտոլվացման կետ, շրջհարկով է  աշխատում։ 2024թ-ից կարո՞ղ է աշխատել միկրոձեռնարկատիրության համակարգում։

Շնորհակալություն։

Լիանա․

Բարև Ձեզ։ Գյուղացուց փաստաթղթավորված (ոչ էլեկտրոնային) ձեռքբերումը կարո՞ղ ենք շարունակել ծախս ճանաչել։ Հարցս վերաբերում է շրջանառության հարկով և ԱԱՀ- ով հարկվող կազմակերպություններին։

Հարութ․

Բարև Ձեզ, հարգելի հաշվապահներ, խնդրում եմ ինձ օգնել հետևյալ հարցում. ԱՁ-ն տարածք է վարձակալել ֆիզ. անձից, արդյո՞ք պայմանագրի սկիզբ է համարվում հարկային մարմնում հատարարագրման օրը, և վարձավճարը կարող եմ վճարել ամբողջ տարվանը դեկտեմբեր ամսին և հանձնել հաշվետվություն միայն այդ ամսվա համար, թե՞ պետք է ներկայացնել զրոյական հաշվետվություն մյուս ամիսների համար, և կարո՞ղ է արդյոք ԱՁ-ն վարձավճարը ֆիզ անձին վճարել կանխիկ։

Քրիստինե․

Բարև Ձեզ, մի խնդրանք հաշվապահներին, կարո՞ղ եք մի փոքր ինֆորմացիա տրամադրել կապիտալ ծախսերի արդիականության վերաբերյալ, կանխավ շնորհակալություն։

Լյուդմիլա․

Բարի երեկո։ Իրական շահառուների հայտարարագիրը խմբագրել և ստորագրելուց հետո, տեղեկացնում է, որ ստորագրելը հաստատված է, և վերջում նշում է, որ հայտարարագիրը հանձնելու համար պետք է կատարել վճարում 10 000 դրամ։ Նախորդ տարի նման վճարում չէր պահանջվում։ Ո՞վ է տեղյակ՝ սա օրենսդրական փոփոխություն է, թե՞ ինչ որ բան սխալ եմ արել։ Նախապես շնորհակալություն պատասխանելու համար։

Սուսաննա․

Բարև ձեզ: Հնարավո՞ր է ՍՊԸ-ի տնօրենին ոչ լրիվ աշխատաժամանակով ընդունել աշխատանքի:

Աշոտ․

Բարև ձեզ։ Եթե ԱՁ-ն ուզում է ՍՊԸ բացել, որտեղ կլինի միակ բաժնետերը և տնօրենը, և աշխատելու է ԱԱՀ-ով, ԱՁ-ն նույնպե՞ս դառնում է ԱԱՀ վճարող, թե՞ ոչ։

Հայկ․

Բարև ձեզ: Շրջհարկով աշխատող ԱՁ-ն 2023թ. հունվարի 19-ին ներկայացրել է գործունեությունը դադարեցնելու հայտը: Հանձնվել է միայն 2023թ. 1-ին եռ. շրջհարկի հաշվարկը: Արդյո՞ք 2024թ. պետք է հանձնել 240 և 244 ձևերը: Եվ արդյո՞ք առաջանում է դրոշմանիշային վճար: Շնորհակալություն։

Հապետ․

Հարգելի հաշվապահներ, անհատ ձեռնարկատերը 2023թ-ին գործունեություն է իրականացրել ընդհանուր հարկման ռեժիմում: Ինչպե՞ս կարող է տնօրինել ձեռնարկատիրական գործունեությունից ստացված եկամուտը (շահույթը): Խոսքը դրամարկղում առկա գումարներին է վերաբերվում։

Նաիրա․

Բարև Ձեզ։ Ես վերանորոգման ծառայություններ եմ ցանկանում առաջարկել, ԱՁ պետք է բացեմ։ Տվյալ դեպքում գործունեությունը համարվում է միկրոձեռնարկատիրություն, թե՞ շրջանառության հարկ պետք է վճարել։

Հասմիկ․

Բարև Ձեզ։

1․ Ոչ ֆինանսական կազմակերպությունը իրավունք ունի՞ փոխառություն տրամադրել աշխատողին կամ էլ հիմնադիրներից որևէ մեկին

2․ Արդյո՞ք փոխառության պայմանագիրը նոտարական վավերացում պետք է ստանա, կարգը ինչպե՞ս պետք է լինի

Ընկերություն՝ VDA DIAMONDS LLC
Հասցե՝ ք. Աբովյան Էդ. Պետրոսյան 16/1
Հեռախոս՝ +374 77 09-34-91
Էլ․ փոստ՝ miqaelyantatev89@mail.ru
Թափուր աշխատատեղ՝ Հաշվապահ
Աշխատանքի նկարագրություն՝

– Հաշիվների դուրս գրում, քաղվածքի անցկացում
– Դրամարկղային գործառնությունների իրականացում
– Հաշիվ-ապրանքագրերի համակարգչային ծրագիր ներմուծում
– Ապրանքների մուտքերի և ելքերի վարում
– Դեբիտորական և կրեդիտորական պարտքերի վարում
– Աշխատավարձի հաշվարկ
– Վիճակագրական հաշվետվությունների իրականացում
– ԵՏՄ անդամ պետություններից ներմուծման և արտահանման համար անհրաժեշտ բոլոր հաշվետվություների պատրաստում
– Կադրերի հաշվապահական մասի վերահսկում
– Նպատակասլացություն
– Բարձր պատասխանատվության զգացում
– Առնվազն 2 տարվա աշխատանքային փորձ:
Պահանջներ՝ ՀԾ-7 հաշվապահ 7.3.9, E-invocing, Ms word, Ms Excel,
Ms Access, Ms power point, Corel Draw, Adobe Photoshop, Ms publisher, Internet
Աշխատավարձ՝ 150 000 – 200 000
Այլ նշումներ՝ Աշխատանքային գրաֆիկը 5 օրյա , ժամերը 9:00-18:00

Արամ․

Բարև ձեզ, հարգելի հաշվապահներ։ Եթե ԱՁ-ն լիզինգով շինտեխնիկա է ձեռք բերում, ո՞ր դեպքում չի վճարում ԱԱՀ-ն։ Խնդրում եմ օգնեք հասկանամ՝ ի՞նչ տարբերակներ կան, նախապես շնորհակալություն։

Մելինե․

Հարգելի հաշվապահներ, եթե ՍՊԸ-ն ժամկետից շուտ մարում է երկարաժամկետ վարկի գումարը, ի՞նչ ձևակերպում է տրվում: Խոսքս վերաբերում է չկրած տոկոսային ծախսեր հաշվի մնացորդին: Եվ փաստացի վճարած վարկի գումարը փոքր է 411 հաշվում առակա գումարից։ Դա ի՞նչ անել։

Կարեն․

163 ձևը գործում էր մինչև 31․12․2023 թվականը, այժմ ո՞ր ձևով պետք է տալ վարձակալության եկամտային հարկի հաշվետվությունը։

Մարիամ․

Բարև Ձեզ, հարգելի հաշվապահներ։ Ձեր տոները շնորհավոր🎄 Հարցս հետևյալն է․ ընկերությունը մասնակցել է պետական գնումների, ընկերությունը պետությանը վճարել է պայմանագրի գնի որոշակի տոկոս, ծառայության մատուցման ավարտից հետո, որակի չափանիշներին համապատասխանելու դեպքում պետությունը վճարելու է այդ գումարը, պայմանագրի գնի հետ։ Այդ գումարը, որը սկզբում վճարվում է, որպես ծա՞խս պետք է ձևակերպվի, և եթե այո, ի՞նչ ծախս։ Կանխավ շնորհակալ եմ։

Մարիամ․

Բարև ձեզ։ Քաղաքաբնակ եմ, աշխատանքից անցել եմ դեկրետի։ Ուզում եմ սկսել նոր գործունեություն և բացել ԱՁ, արդյո՞ք կզրկվեմ միչև երկու տարեկան երեխայի խնամքի նպաստից։ Շնորհակալություն։

Աննա․

Հարգելի հաշվապահներ, շրջհարկով աշխատող ՍՊԸ -ն շուկայից ապրանք է գնել (մինչև 300 000), գնման ակտով դրամարկղից ելքագրելու թղթակցող հաշիվը 2282 ճի՞շտ է։

Ալմաստ․

Բարև ձեզ։ Նոր բացված ՍՊԸ-ն խանութ է կարո՞ղ է ապրանք գնելիս վճարել կանխիկով, և էլեկտրոնային դրամարկղի գրքում ելքի օրդեր պետք է ձևակերպել։

Վահե․

Բարև ձեզ։ Կասե՞ք խնդրում եմ՝ ՍՊԸ-ի հիմնադիրները կարո՞ղ են արդյոք մեկնել գործուղման և ծախսերը կարո՞ղ են ծախսագրվել։

Արթուր․

Բարև ձեզ, սիրելի խմբակիցներ։ ԱԱՀ-ի հաշվետվություն է ներկայացվել մարտ ամսին, որտեղ ներմուծման ԱԱՀ-ն հաշվացվել է, սակայն գումարը վճարվել է 20-ից հետո, դեկտեմբեր ամսին եկել է ծանուցում, որ տրվի ուղղում՝ հաշվանցվի այն ամսում, որ ամսում որ վճարվել է։ Խնդրում եմ օգնել տալ հաշվապահական ձևակերպումները։

Արթուր․

Բարև Ձե։ Եթե ԱՁ-Ն աշխատում է շրջհարկով և պետք է իրականացնի ապառիկ վաճառք, խնդրում եմ ասել 1. Արդյո՞ք պետք է գրվի հաշիվ Բանկի անունով, թե՞ գնորդի անունով պետք գրվի միայն, իսկ եթե գնորդի, ապա բանկի հետ ինչ որ թղթաբանության հարց առաջանու՞մ է։

Նշեմ նաև, որ առք վաճառք է իրականացնում, ինչպես նաև մատուցում տեղադրման ծառայություն, այս դեպքում տեղադրումը կհարկվի այլ-ով չէ՞, ճի՞շտ եմ հասկանում։

Սուսաննա․

Բարև Ձեզ։ Կասե՞ք՝ ՍՊԸ-ն ի՞նչ վիճակագրական հաշվետվություններ է ներկայացնում։

Մանուշակ․

Բարև Ձեզ, կխնդրեի հարցիս պատասխանել, եթե հնարավոր է։ Աշխատողը աշխատում է 01.12.2009թ-ից։ Աշխատողը 2013-ին գնացել է արձակուրդ երեխայի խնամքի հետ կապված 2 ամիս, դրանից հետո ամեն տարի իրեն տրվել է ամենամյա վճարվող արձակուրդ, 2024 դուրս գալուց աշխատանքից վերջնահաշվարկի ժամանակ չեն տալիս 2024 հասանելիք արձակուրդի գումարը, դա օրենքի սահմաններու՞մ է։

Ընկերություն՝ «Թի Ըքաունթ» ՍՊԸ
Հասցե՝ ՀՀ, քաղաք Երևան, Իսրայելյան 37 1/1
Հեռախոս՝ 011 408 608
Էլ․ փոստ՝ hr@taccount.am
Թափուր աշխատատեղ՝ Ավագ հաշվապահ
Աշխատանքի նկարագրություն՝

• Ստացված/դուրս գրված հաշիվների ձևակերպում ՀԾ-ում
• Բանկային գործառնությունների ձևակերպում
• Ապրանքանյութական արժեքների մնացորդների վերահսկում
• Հաշվապահական հաշվեկշռում առկա մնացորդների, տողերի վերահսկում
• Հարկային պարտավորությունների, գերավճարների հաշվառում և վերահսկում
• Դեբիտորական, կրեդիտորական պարտքերի, կանխավճարների հաշվառում և վերահսկում
• Առհաշիվ անձանց տրված գումարների հաշվառում, հաշվետվությունների կազմում
• Աշխատակիցների ընդունման, ազատման, պաշտոնի փոփոխության և այլ գրանցման հայտերի պատրաստում հաշվետվությունների ներկայացման էլեկտրոնային համակարգում
• Աշխատավարձի և դրան հավասարեցված վճարումների, նպաստների հաշվարկների իրականացում
• Հիմնական միջոցների հաշվառում և վերահսկում
• Եկամուտների և ծախսերի հաշվառում
• Հարկային, վիճակագրական և այլ պետական մարմիններ ներկայացվող հաշվետվությունների կազմում
• Ֆինանսական հաշվետվությունների պատրաստում
• Գրությունների կազմում և ուղարկում համապատասխան պետական մարմիններ
• Հաշվապահական հաշվառման, հարկային օրենսդրության և հարակից օրենքների, ինչպես նաև այդ իրավական ակտերում պարբերաբար կատարվող փոփոխությունների մասով խորհրդատվության տրամադրում գործընկերներին և խմբի աշխատակիցներին
• Գործընկերների հետ արդյունավետ համագործակցության ապահովում
• Աշխատանքային պարտականություններից բխող այլ անհրաժեշտ գործառույթների կատարում:
  Պահանջներ՝
• Բարձրագույն կրթություն տնտեսագիտության, ֆինանսների կամ հաշվապահության ոլորտում
• Առնվազն 3 տարվա համապատասխան աշխատանքային փորձ
• Հաշվապահական հաշվառման ստանդարտների, ՀՀ հարկային օրենսդրության և հարակից օրենքների գերազանց իմացություն
• ՀԾ հաշվապահ 7 և ՀԾ առևտուր ծրագրերի, Tax Service համակարգի իմացություն
• MS Office փաթեթի, մասնավորապես Excel ծրագրի լավ իմացություն
• Հայերենի գերազանց, անգլերենի և ռուսերենի լավ իմացություն
• Բանավոր և գրավոր հաղորդակցման գերազանց հմտություն
• Առաջնորդելու և ուղղորդելու հմտություն
• Թիմում աշխատելու ունակություն
• Առաջնահերթությունների և ժամանակի կառավարում
• Աջակցելու և համագործակցելու պատրաստակամություն
• Մանրուքների հանդեպ ուշադրություն
• Պատասխանատվություն, պարտաճանաչություն
• Ինքնատիրապետում
• Նախաձեռնողականություն:
  Այլ նշումներ՝ Ինչ առավելություններ է տալիս «Թի Ըքաունթ» ՍՊԸ-ն իր աշխատակիցներին՝ • Կայուն աշխատանք • Մրցակցային աշխատավարձ • Լրացուցիչ վճարովի արձակուրդային օրեր • Անվճար LUNCH • Կորպորատիվ միջոցառումներ • Աշխատակիցներին տրամադրում է օրենքով սահմանված բոլոր արտոնություններն ու իրավունքները:

Անի․

Բարև Ձեզ, հարգելի մասնագետներ;

Հարցս հետևյալն է. Կարո՞ղ է արդյոք ՍՊԸ-ի հիմնադիրը կանխիկ միջոցներ դնել դրամարկղում որպես փոխառություն: Եթե այո, կա՞ արդյոք սահմանափակում։

Մարի․

Բարև Ձեզ, հարգելի հաշվապահներ։ Հարցս հետևյալն է․ ՏՏ ոլորտի հավաստագրված կազմակերպությունը, որը գործում է ԱԱՀ դաշտում, գրանցվել է 2023 թվականի փետրվար ամսին, սակայն հավաստագրվել է հունիս ամսին։ Ճի՞շտ եմ հասկացել արդյո՞ք, որ շահութահարկի արտոնությունը կիրառվելու է հունիսից իրականացված գործարքների վրա, և հաշվարկելու ու բյուջե եմ վճարելու փետրվարից մինչև հունիս առաջացած շահութահարկի պարտավորությունը։ Կանխավ շնորհակալ եմ պատասխաների համար։

Նաիրա․

Բարև Ձեզ, հարգելի հաշվապահներ։ Եթե ուզում եմ Ա/Ձ բացել և տանը առողջարանային մերսման ծառայություններ մատուցել, լիցենզիա պե՞տք է։

Արմինե․

Բարև Ձեզ, ինձ կասե՞ք՝ արևային պանելների օգտակար ծառայության ժամկետը քանի՞ տարի է։

Սաթինե․

Բարև ձեզ, հարգելի հաշվապահներ։ Ես առաջին անգամ պետք է վարեմ Wildberries – ի հաշվապահություն: ԱՁ-ն գրանցված է որպես վաճառող, տեղական շուկայից գնում է ապրանքներ և հանձնում Wildberries – ի լոգիստիկ կենտրոն, այնուհետև` ստացման կենտրոններ, որտեղից էլ վաճառք է իրականացվում: Հարցս հետևյալն է. պե՞տք է արդյոք Wildberries – ին հաշիվ դուրս գրել: ԱՁ-ն աշխատում է շրջհարկով: Շնորհակալություն:

Դավիթ․

Բարև Ձեզ։ Մետադրամով, թղթադրամով և քարտով աշխատող վենդինգ մեքենա (սնունդ և ոչ միայն) տեղադրելու համար, ինչպե՞ս է հարկումը կատարվում։ ՀԴՄ-ի տեսանյունից, հնարավո՞ր է էլեկտրոնային ՀԴՄ-ով հարցը լուծել։ Ի՞նչ հավելյալ քայլեր կան։ Նախատեսում եմ ՍՊԸ-ով աշխատել։ Նախապես շնորհակալություն։

Նաիրա․

Բարև ձեզ։
Ուզում եմ դպրոցական էքսկուրսիաներ կազմակերպել։Խնդրում եմ ասեք՝ ի՞նչ հերթականությամբ պետք է գործեմ և ի՞նչ հարկեր պիտի վճարեմ բացելուց հետո։

Նարեկ․

Բարև Ձեզ: Խնդրում եմ օգնեք հետևյալ հարցում: Մարզպետարանը ՀՄ-ներ է հանձնել դպրոցին: Գրանցման և շահագործման հանձման ակտի մեջ պետք է նշվի մատակարար հաշիվը, սակայն տվյալ ՀՄ-ն որպես նվիրատվություն է պետք ճանաչել, և եթե գործառնությունները չենք գրանցում, անալիտիկ և սինթետիկ հաշիվների շեղում է առաջանում: Նշեք խնդրեմ՝ ինչպե՞ս վարվեմ:

Գուրգեն․

ՏՏ ոլորտում գործունեություն ծավալող Ա/Ձ-ն կարո՞ղ է միկրոձեռնարկատիրության հարկի դաշտում աշխատել։

Մարի․

Բարև Ձեզ, խնդրում եմ ասել՝ արդյո՞ք կազմակերպության (ՍՊԸ) տնօրենը կարող է նաև իրեն պատկանող ԱՁ-ով ծառայություն մատուցել ՍՊԸ-ին։ Տնօրենը չի հանդիսանում հիմնադիր։

Նելլի․

Բարև Ձեզ։ Խնդրում եմ ասել՝ ԱՁ-ն, ով Երևան քաղաքում զբաղվում է հացի արտադրությամբ և աշխատում է միկրոձեռնարկատիրության համակարգում, արդյո՞ք համարվում է հանրային սնունդ և պե՞տք է վճարի պետ․ տուրք։

Արմինե․

Բարի օր, հարգելի հաշվապահներ, խնդրում եմ օգնել։ ՍՊԸ-ն աշխատում է շրջանառության հարկով, 2021թ-ից մինչ օրս կազմակերպության հաշվարկային հաշվից գումարներ են ելքագրվել դրամարկղ (հիմնականում ծախսվել են անձնական նպատակով` հիմնադիր ու տնօրեն նույն անձն է), ինչպես նաև ժամանակ առ ժամանակ դրամարկղից ելքագրվել է հաշվարկային հաշիվ։ Ինչպե՞ս ճիշտ ձևակերպել այդ գումարները, եթե ստեղծման օրից առ այսօր շահաբաժին չի վճարվել, նույնիսկ շահույթ չի հաշվարկվել (արդյոք դա պարտադի՞ր է)։ Նախապես շնորհակալ եմ։

Արթուր․

Բարև ձեզ։ Յուրաքանչյուր անգամ եռամսյակային հաշվետվությունը ներակայացնլուց հետո, ՊԵԿ հաշվետվությունների ներկայացման էլեկտրոնային համակարգի «Հարկային պարտավորություններ» բաժնի «ԱՀՔ դիտում» ենթաբաժնի «ՀԱՇՎԱՐԿՎԱԾ ՏՈՒՅԺ» սյունակում ձևավորվում է տույժ։ Ամեն անգամ տարբեր թվային արտահայտմամբ։ Նման փորձառություն ունեցե՞լ եք, ի՞նչն է պատճառը։ Շնորհակալ եմ։

Աշխեն․

2002-2015թթ համար աշխատանքային գրքույկը կորել է։ Խնդրեմ նշեք՝ որտե՞ղ դիմել վերականգնելու համար։

Պետրոս․

Բարև Ձեզ։ Ներմուծմամբ զբաղվող ԱՁ-ի դեպքում, որն աշխատում է ԱԱՀ դաշտում և չունի աշխատող, շահութահարկ հաշվարկելիս ինչպե՞ս ստանալ զուտ շահույթը Շնորհակալություն։