Գարիկ.

Հարգելի հաշվապահներ, կինս 2008թ. մինչև 2011թ. աշխատել է մի հաստատությունում, իսկ 2011թ. փետրվարից տեղափոխվել է մեկ այլ հաստատություն, այս հունիսից նա անցել է ֆիզ. արձակուրդի: Ինչպե՞ս է հաշվարկվում նրա ֆիզ. արձակուրդի գումարը, արդյո՞ք պետք չէ նաև նախկին աշխատանքի վայրի աշխատավարձը հաշվի առնել, խնդրում եմ հնարավորության դեպքում հիմնավոր գրեք: Կանխավ շնորհակալ եմ:

Մեսրոպ.

Բարև Ձեզ: Ես համայնքային ծառայող եմ: Խնդրում եմ պատասխանել իմ հարցին: Աշխատանքային օրենսգրքի փոփոխության հետ կապված` ՀՀ կառավարության 2005թ. 1384-Ն որոշման մեջ փոփոխություներ կատարվե՞լ են, թե՞ ոչ: Լրացուցիչ արձակուրդը հաշվում է օրացուցայի՞ն օրերով, թե՞ աշխատանքային օրերով: Կանխավ շնորհակալություն:

Tigran.

Բարև Ձեզ, խնդրում եմ, ինձ կարո՞ղ եք ասել` կա տարբերություն պետական կամ քաղաքացիական աշխատանքի մեջ, աշխատանքային գրքույկում դա ինչպես է լրացվում, եթե կատարվում է քաղաքացիական աշխատանք: Եվ արձակուրդ հասնու՞մ է, թե՞ ոչ:

Լիաննա.

Հարգելի մասնագետներ, խնդրում եմ ինձ օգնել այս հարցում: Աշխատողս ինձ մոտ աշխատանքի է ընդունվել 01.09.2010թ., ոչ մի տեղ չի աշխատել: Անաշխատունակության թերթիկ է ներկայացրել 12.03.2011թ. 70 օրվա համար: Ես վճարել եմ հին օրենքով այդ 70 օրը և 85 օրվա համար բերել է 21.05.2011թ.: Ինչպե՞ս հաշվարկեմ միջինը, վերցնեմ նախո՞րդը, թե՞ իր աշխատած 6 ամիսների գումարը բաժանեմ 12-ի, և ֆիզ.-ի գումարը մտնու՞մ է արդյոք այդ 6 ամիսների գումարի մեջ:

Եվա.

Հարգելի հաշվապահներ, խնդրում եմ հնարավորինս շուտ պատասխանել: Մեր ընկերության աշխատակիցը, որն աշխատում էր 2010թ. օգոստոս ամսից և արձակուրդ չի գնացել (վճարովի արձակուրդի մասին է խոսքը), 2011թ. ապրիլ ամսին իր հաշվին արձակուրդ է վերցրել (չվճարվող արձակուրդ) 1 ամիս ժամանակով և ժամկետի ավարտից հետո այլևս աշխատանքի չի ներկայացել: Իմացանք, որ արտերկիր է գնացել: Հիմա պետք է աշխատանքից ազատենք: Ինչպե՞ս վարվել: Ազատման դիմում չկա: Արդյո՞ք չօգտագործած արձակուրդի փոխհատուցում տրվելու է: Ասեմ, որ աշխատած-չվճարված օրական չունի: Եթե հաշվարկեմ, ապա ու՞մ վճարեմ:

Սոնյա.

Խնդրում եմ պատասխանել: Ես ինքս հաշվապահ եմ: Սակայն դպրոցից տեղապոխվել եմ Ա/Ձ մոտ: Ներկա պահին գնում եմ ֆիզարձակուրդ: Աշխատել եմ դեկտեմբերի 1-ից, մայիսի 23-ին ստացել եմ արձակուրդ: Սակայն հարկայինը ինձ համոզում է, որ իմ 5 ամսվա աշխատավարձը պետք է բաժանեմ 12-ի: Արդյո՞ք նման օրենք կա, և որտե՞ղ կարող եմ կարդալ այդ մասին: Նախապես շնորհակալ եմ:

Լիաննա.

Հարգելի կոլեգաներ, խնդրում եմ ինձ օգնել այս հարցում. աշխատողս ֆիզից ֆիզ է գնում, միջինը հաշվարկելու համար ի՞նչ գումար ենք վերցնում, իր նախկին տարիֆիկացիայի թիվը, թե՞ նվազագույնը (32500):

Անի.

Հարգելի հաշվապահներ, ես գնացել եմ ֆիզ. արձակուրդի մայիսի 16-ից, պայմանագրիս ժամկետը ավարտվում է հուլիսի 1-ին, ինչպե՞ս պետք է հաշվարկվի հղիության և ծննդաբերության նպաստը, 140 օրվա պե՞տք է վճարեն, թե՞ ոչ, կանխավ շնորհակալություն:

Ֆլորա.

Հարգելի հաշվապահներ, աշխատողն ընդունվել է մեզ մոտ համատեղության կարգով, հիմա չվճարվող արձակուրդ է ուզում, կարո՞ղ ենք տալ, թե՞ պետք է միաժամանակ հիմնական աշխատատեղից էլ վերցնի:

Վարդուհի.

Հարգելի հաշվապահներ, խնդրում եմ պատասխանեք, թե արդյոք հղիության և ծննդաբերության արձակուրդի ժամանակ կուտակվում են արձակուրդայիններ։ Կանխավ շնորհակալություն։

Անուշ.

Եթե աշխատանքի է ընդունվել սեպտեմբերի 9-ին, հղիության և ծննդաբերության արձակուրդը ձևակերպվել է ապրիլի 11-ից, աշխատած ժամանակահատվածի միջինը հաշվելու համար սեպտեմբերի և ապրիլի կիսատ ամիսները մեկ լրիվ համարվու՞մ է, թե՞ ընդհանրապես չենք վերցնում:

Լիանա.

Հարգելի հաշվապահներ, խնդրում եմ պատասխանել ինձ համար շատ կարևոր հարցի: Պետք է կատարեմ վերջնահաշվարկ, ծանոթացել եմ աշխատանքային օրենսգրքի փոփոխություններին: Մեր կազմակերպությունը անվտանգության ծառայություն է տրամադրում, այսինքն 6-օրյա աշխ. շաբաթ: Աշխատողները հիմնականում պահնորդներ են: Ինչպե՞ս կատարեմ վերջնահաշվարկ, եթե աշխատել է 01.12.2009 մինչև 30.04.2011, 40000 դր միջին աշխատավարձով, արձակուրդի չի դիմել: Խնդրում եմ բացատրել մանրամասնորեն: Կանխավ շնորհակալություն:

Սիրանուշ.

Ես արդեն գտնվում եմ ֆիզ. արձակուրդում: Փաստացի ինձ վճարել են դեկրետային գումարը 162 000 դրամ սահմանաչափով: Աշխատում եմ բանկում, բազմիցս հետաքրքրվել եմ կառավարության նոր որոշմամբ, որտեղ ասվում է, որ վերը նշված շեմը հանվել է, բայց ուրեմն ինչու՞ իմ հիմնարկության կողմից չի կատարվում վերահաշվարկ, եթե որոշումը արդեն ստորագրվել է Ազգային ժողովի կողմից: Սիրելի հաշվապահներ, օգնեք խնդրում եմ:

Անահիտ.

Սիրելի հաշվապահներ, խնդրում եմ օգնել: Հաշվապահական ի՞նչ ձևակերպումներ պետք է տալ ֆիզ. արձակուրդի ժամանակ: Կանխավ շնորհակալ եմ:

mariana.

Հարգելի կոլեգաներ, խնդրում եմ օգնեք: Եթե տեղակալը փոխարինում է բաժնի պետին վերջինիս` իր հաշվին երկու ամիս արձակուրդում գտնվելիս, տեղակալը ինչպե՞ս պիտի վարձատրվի, հավելավճարո՞վ, թե՞ ոչ:

Լիանա.

Բարև Ձեզ, հոգատար հաշվապահներ: Խնդրում եմ, հնարավորության դեպքում շտապ պատասխանել հետևյալ հարցին: Ինչպե՞ս կհաշվարկվի ԱՁ-ի հղիության և ծննդաբերության արձակուրդը, եթե ան/թ տրվել է 31.03.2011թ. – 06.07.2011թ: Նախապես շնորհակալություն:

Ռիպա.

Բարև ձեզ: Ես գտնվում եմ նորածին երեխայի խնամքի համար տրամադրվող արձակուրդում: Արձակուրդից դեռ ունեմ ևս մեկ տարի: Արձակուրդի ընթացքում կծնվի իմ երկրորդ երեխան: Ես ուզում եմ իմանալ, հիմնարկը ինձ պե՞տք է վճարի հղիության բյուլետենի (140 օրվա) աշխատավարձը, թե՞ ոչ: Եվ վճարման համար ես պե՞տք է դուրս գամ աշխատանքի, թե՞ դա անպայման չէ: Շնորհակալոթյուն:

Anna.

Խնդրում եմ պատասխանել հետևյալ հարցիս. ԲՈՒՀ-ի քննությունների համար աշխատողին տրվող արձակուրդը հաշվարկվում է ամենամյա արձակուրդի՞ց, թե՞ առանձին: Նախապես շնորհակալություն:

Խաչիկ.

Հարգելի հաշվապահներ, ես հաշվապահ չեմ, բայց ուզում եմ իմանալ, թե ինչպես է հաշվարկվում արձակուրդայինը։ Որտեղի՞ց կարող եմ իմանալ մանրամասն հաշվարկի մեխանիզմը։ Կանխավ շնորհակալություն։

Սոնա.

Հարգելի հաշվապահներ, եթե աշխատողը կազմակերպությունում աշխատել է 6 ամսից պակաս, ապա նրան վերջնահաշվարկի ժամանակ հասնու՞մ է փոխհատուցում չգնացած արձակուրդի համար, թե՞ ոչ:
Շնորհակալություն:

Էմմա.

Եթե աշխատողը 15.11.2010թ. ընդունվել է աշխատանքի, արձակուրդ չի գնացել և 04.04.2011թ. ազատվում է աշխատանքից, նոր օրենքով ինչպե՞ս պետք է տալ վերջնահաշվարկ:

Սվետլանա.

Հարգելի հաշվապահներ,
ես նույնպես մինչև այժմ վերջնահաշվարկից սոց. չեմ հաշվարկել, սակայն միշտ անհամապատասխանություն եմ տեսել: Այժմ ես մեկ անգամ ևս մանրամասն կարդացի “Հարկ վճարողի սեղանի գիրքը” և էջ 210-ում` “Աշխատանքային պայմանագիրը լուծվելու դեպքում” պարբերության մեջ վերջին նախադասությունը մանրամասնում է` վարձու աշխատողին վճարվող վերջնահաշվարկի գումարը կազմող աշխատավարձից և դրան հավասարեցված այլ վճարումներից սոցիալական վճարները հաշվարկվում են ընդհանուր սահմանված կարգով: Այսինքն չօգտագործված արձակուրդը, որը աշխատողին աշխատանքից ազատվելիս վճարվում է, դիտվում է որպես աշխատավարձին հավասարեցված վճարում: Դա նպաստ կամ այլ փոխհատուցում չէ: Հարգարժան հաշվապահներ, խնդրում եմ արձագանքել:

Ֆլորա.

Հարգելի հաշվապահներ,
աշխատողի աշխատանքից ազատվելու դիմումի համաձայն տնօրենը 28.12.2010-ին հրաման է գրել 10.01.2011թ-ին աշխատողին աշխատանքից ազատելու և վերջնահաշվարկ կատարելու մասին: Խնդրում եմ ասեք, 2011թ.-ի այդ 10 օրվա համար աշխատողը վարձատրվելու՞ է, թե՞ ոչ, իսկ աշխատողին վճարվել է միայն 10 չօգտագործված արձակուրդի համար:

Մարինե.

Բարև Ձեզ, սիրելի գործընկերներ, խնդրում եմ ինձ օգնեք ճիշտ կատարել ֆիզ-արձակուրդի հաշվարկը: Արձակուրդը սկսվելու է մայիսի 1-ին, աշխատում է 6-օրյա գրաֆիկով և վերջին 12 ամիսներում ստացել է տարբեր աշխատավարձեր: Շնորհակալություն:

Սուսաննա.

Բարև ձեզ, հարգելի հաշվապահներ: Խնդրում եմ ինձ շտապ պատասխանեք: Իմ աշխատակիցներից մեկը ընդունվել է աշխատանքի 01.06.2005թ, սակայն 2010թ հուլիս ամսին գտնվել է արձակուրդում: Մարտի 15-ին ազատվել է աշխատանքից: Քանի՞ ամսվա վերջնահաշվարկ պետք է հաշվարկեմ:

Մայա.

Խնդրում եմ օգնեք հաշվել հերթական արձակուրդը նոր հաշվարկման եղանակով, եթե ամսական դրույքաչափը կազմում է 80 000 դրամ, և արձակուրդը հաշվարկվում է 24 աշխատանքային օրով (հնգօրյա աշխատանքային շաբաթի դեպքում):
Նախապես շնորհակալություն:

Անահիտ.

6 ամսվա աշխատող եմ և գտնվում եմ հղիության 5-րդ ամսում: Կցանկանայի իմանալ, թե ինչպիսի փոփոխություններ են տեղի ունեցել հղիության ու ծննդաբերության նպաստ ստանալու հետ կապված, և այդ փոփոխություններով արդյո՞ք ինձ տրամադրվելու է օրինական վճարովի արձակուրդ: Եթե այո, ինչպես է հաշվարկվելու: Աշխատավարձս 55000 դրամ է: Եվ եթե պայմանագրիս ժամկետը լրանա ֆիզարձակուդիս ընթացքում, կարո՞ղ են ինձ աշխատանքից հեռացնել, թե՞ ոչ: Պատասխանելիս, եթե կարելի է, նշեք հոդվածները: Շնորհակալություն:

Հակոբ.

Բարև ձեզ, հարգելի կոլեգաներ: Հարցս հետևյալն է.
եթե գործատուն աշխատողին տալիս է իր հաշվին արձակուրդ մեկ ամիս ժամկետով, արդյո՞ք այս դեպքում խնդիրներ են առաջանում սոց. վճարի հետ կապված: Խոսքս գործատուի սոց. վճարի մասին է: Այսինքն անկախ ամեն ինչից պե՞տք է գոնե 7000 դրամ նվազագույն գումարը փոխանցել: Եթե փոխանցվի, ապա այս դեպքում ԱՎՈՒՄ-ն ու ՍՈՑ-ի հաշվարկը իրար չեն բռնի: Միգուցե ես ինչ որ բան բա՞ց եմ թողել:

Անահիտ.

Հարգելի գործընկերներ, կխնդրեի, որ ինձ ուղարկեիք գործուղման հրամանի ձևը, ներքին և անհատական հաստիքացուցակի ձև, օրինակ, ինչպես նաև արձակուրդների ժամանակացույց կազմելու ձևը։ Նախապես շնորհակալություն։

anahitpapikyan շնիկ yahoo.com

Աննա.

Հարգելի հաշվապահներ, խնդրում եմ ինձ օգնեք հետևյալ հարցում: Աշխատողը գնացել է արձակուրդ 11.02.2011-08.02.2011: Սակայն արձակուրդի ընթացքում աշխատողը ներկայացրել է դիմում աշխատանքից ազատման: Հունվարին հաշվարկել եմ 33333, իսկ փետրվարին 14286: Հաշվարկել եմ 3% – 1000դր հունվարի համար, իսկ փետրվարի – 429 դրամ: Գործատուի սոցը հունվարի համար հաշվարկել եմ 8999, իսկ փետրվարին արդյո՞ք գործատուն սոց. չի վճարում:

Գայանե Ա.

Բարև Ձեզ, շնորհավորում եմ բոլոր Կանանց մարտի 8-ը:
Հարգելի հաշվապահներ, հարցս հետևյալն է` եթե աշխատողը աշխատել է 3 ամիս, այնուհետև գնացել է ֆիզ.արձակուրդ, հիմա նրա միջին ամսականը հաշվարկելիս պե՞տք է 3 ամսվա գումարը բաժանեմ 12-ի:
Շնորհակալություն:

Զառա.

1. Կազմակերպությունն ունի տնօրեն և հաշվապահ: Ինչպե՞ս տնօրենին տրամադրել հերթական արձակուրդ, անցնու՞մ են արդյոք պարտականությունները հաշվապահի վրա նրա բացակայության ժամանակ:

2. Եթե արձակուրդը (10 աշխատանքային օր) տրամադրվում է 01.03.2011թ.-ից, վճարումը կատարվում է 3 օր առաջ, ձևակերպումը կատարում ենք մա՞րտ ամսին: Հաշվարկը կատարվում է մա՞րտ ամսվա աշխատավարձի հետ, թե՞ փետրվար:

Լիլյանա.

Եթե աշխատողը ֆիզ. արձակուրդից նորից ֆիզ. արձակուրդ է գնում, ինչպե՞ս հաշվարկ անել, եթե չի աշխատում, կամ մեկ ամիսը բավարա՞ր է, որպեսզի աշխատի արձակուրդ գնալուց առաջ:

Նարինե.

Հարգելի կոլեգաներ, խնդրում եմ օգնեք ինձ: Ես ունեմ աշխատակցուհի, որի աշխատանքաին պայմանագիրը ավարտվում է 28.02.2011-ին, իսկ 18.01.2011-ին գնացել է հղիության և ծննդաբերության արձակուրդ: Ես պետք է անաշխատունակության նպաստը հաշվեմ մինչև պայմանագրի ավարտը ընկած ժամանակահատվածի՞ համար, թե՞ անաշխատունակության թերթիկի ամբողջ օրերի համար:
Կանխավ շնորհակալություն:

Արմինե.

Բարև Ձեզ: Ես 2005թ. սեպտեմբերից աշխատում եմ 0,5 դրույքով և ստանում եմ 32500 դրամ աշխատավարձ: Ս/թ մարտի 1-ից աշխատելու եմ մեկ այլ հիմնարկում ( համատեղության կարգով ) ևս 0,5 դրույքով` 32500դրամ աշխատավարձ ( որքանով տեղյակ եմ` մինչև 1,5 դրույքը թուլատրելի է ) և ես գտնվում եմ հղիության 3-րդ ամսում: Խնդրում եմ Ձեզ պատասխանեք հարցիս` ինչպե՞ս կվճարվի ֆիզ. արձակուրդս և որքան կկազմի: Նախապես շնորհակալություն:

Սյուզի.

Արդյոք պահվու՞մ է սոց 3% և գործատուի սոցիալական վճար արձակուրդայինից:

Սյուզի.

Խնդրում եմ պատասխանեք հարցիս:
Ինչպե՞ս հաշվել ամենամյա արձակուրդը, եթե աշխատողն աշխատում է 5 աշխատանքային օրով, յուրաքանչյուր օրը 4 ժամ: Քանի՞ օր է հասնում նրան արձակուրդ 1 տարվա համար: Կանխավ շնորհակալ եմ:

Հասմիկ.

Խնդրում եմ, պատասխանեք: Նոր փոփոխություններից ելնելով` արդյո՞ք վերջնահաշվարկից կատարվում են պահումներ` սոց. և եկամտահարկ: Խոսքս միայն վերջնահաշվարկի մասին է` առանց աշխատավարձի: Ասեմ, որ ոչ մի անգամ արձակուրդ չի գնացել: Խնդրում եմ պատասխանել շտապ:

Ստելլա.

Բարև ձեզ, խնդրում եմ ինձ օգնեք մի հարցում, հատկապես նրանք, ովքեր լավ իրազեկված են այսպիսի իրադրություններից: Ես պետք է ստանամ ֆիզարձակուրդի գումար, որի հաշվարկման կարգը ինձ շատ զարմացրեց: Ըստ նոր ընդունված օրենքի հիմա աշխատավարձի միջինը հաշվում են` վերցնելով ամբողջ տարվա (12 ամսվա) աշխատավարձը և աշխատանքային օրերի քանակը: 1. Խնդրում եմ ասեք, ճի՞շտ է, որ այն ամիսները, որոնց ընթացքում ես ունեցել եմ բյուլետեն, հաշվարկվում են կիսատ և աշխատավարձի միջինը հաշվարկելիս այդ ամիսները դուրս են մնում: Ես աշխատել եմ ուղիղ մեկ տարի և գնացել ֆիզ. արձակուրդ, այսինքն 12 ամսվա միջինը հաշվելիս նրանք հանել են իմ բյուլետենով ամիսները և ամառային արձակուրդի 2 ամիսները: Մնացած 6 ամսվա գումարի միջինն են հանել:
2. Բացի այդ գումարները, հաշվարկից դուրս են եկել նաև այդ ամիսների ընթացքում իմ աշխատած օրերի քանակը: (Ապրիլին ես ունեցել եմ 1 շաբաթվա բյուլետին, հաշվելիս միջինը, նրանք այդ ամիսը համարել են կիսատ և հանել հաշվից): Բայց չէ՞ որ նրանք ինձ վճարել են այդ մի շաբաթվա համար:
3. Խնդրում եմ ինձ որևէ օրինակով բացատրեք, թե ինչ է կատարվում:

Կանխավ շնորհակալություն:

Լիլիթ.

Բարև ձեզ: Ես հղիության 5-րդ ամսում եմ գտնվում, ստանում եմ 120 000 դրամ աշխատավարձ: Կխնդրեի՝ ասեք ինձ ֆիզ. արձակուրդի հաշվարկման ձևը, և ե՞րբ կարող եմ գնալ արձակուրդ:

Ani.

Բարև ձեզ: Ես աշխատում եմ հասարակական կազմակերպությունում որպես հիմնական աշխատող, բայց շուտով գնալու եմ ֆիզ. արձակուրդ, խնդրում եմ ասեք` ինձ հասնու՞մ է ֆիզ. արձակուրդի համար նախատեսված գումարը: Շնորհակալություն:

Արմինե.

Բարև ձեզ, սիրելի հաշվապահներ: Ես մարզադպրոցի հաշվապահ եմ: Մարզիչս փետրվարի 7-ին ազատվել է աշխատանքից: Հիմա ես նրան պետք է վճարեմ հունվարի աշխատավարձ + փետրվարի 7օրվա աշխատավարձ + վերջնահաշվարկ: Վերջնահաշվարկը հաշվելիս, եթե 1 ամսվան հասնում է 2.5օր արձակուդային, ապա փետրվարի 7 օրվան ինչքա՞ն արձակուրդային օր հաշվեմ: Խնդրում եմ շտապ պատասխանեք:

Տաթև.

Հարգելի հաշվապահներ, բարև Ձեզ: Խնդրում եմ օգնել ինձ հաշվել ֆիզ. արձակուրդը ՀՀ աշխ. օրենսգրքի վերջին փոփոխություններից հետո:

Ella.

Եթե աշխատողին վճարել են ամսվա վերջում աշխատավարձ 31/01/11, և այդ օրը աշխատողը գրում է ազատման դիմում, և ազատման հրամանը տրվել է 31/01/11, ես ինչպե՞ս և ե՞րբ կարող եմ վճարել չօգտագործված արձակուրդի գումարը, որ հունվար ամսվա եկամտահարկը շեղում չտա: Ես աշխատավարձից արդեն գանձել եմ եկամտահարկ, ես կարո՞ղ եմ եկամտահարկ հաշվարկել չօգտագործված արձակուրդի գումարից: Շնորհակալ եմ:

Աիդա.

Խնդրում եմ պատասխանել հետևյալ հարցիս. ԲՈՒՀ-ի քննությունների համար աշխատողին տրվող արձակուրդը համարվու՞մ է վճարովի, թե՞ անվճար տրվող արձակուրդ: Այն հաշվարկվում է ամենամյա արձակուրդի՞ց, թե՞ առանձին: Նախապես շնորհակալություն:

Աննա.

Հարգելի հաշվապահներ, ի՞նչ ձևակերպում պետք է տալ հաշվային պլանով (դտ/կտ) ամենամյա հերթական արձակուրդի գումարին: Օրինակ՝ աշխատակիցը արձակուրդի գնացել է 01-28.02.2010թ. , արձակուրդայինը վճարվել է 29.01.10թ.` Դտ.229.1 – Կտ.251.1- X , 28.02.10թ.-ով տրվել է հետևյալ ձևակերպումները՝
Դտ.713.1 – Կտ.527.2- X / հաշվարկում/
Դտ.713.1 – Կտ.525.1- X / գործ.սոց./
Դտ.527.2 – Կտ.525.1- X / 3 % սոց./
Դտ.527.2 – Կտ.229.1- X / աշխատավարձի գծով Դ.Պ. մարում/
Խնդրում եմ ասեք, արդյո՞ք ճիշտ են տրվել ձևակերպումները:
Կանխավ շնորհակալություն:

Մանուշ.

Արձակուրդ գնալու ժամանակ, եթե կա կողմերի համաձայնությունը, անպայմա՞ն է արձակուրդի ժամանակացույցը:

Մուշեղ.

Պայմանագրային աշխատողի համար ինչպե՞ս է հաշվարկվում արձակուրդը, եթե պայմանագիրը 1 տարով է կնքված:

Տաթև.

Հարգելի հաշվապահներ, բարև Ձեզ: Խնդրում եմ օգնել ինձ հաշվել ֆիզ. արձակուրդը ՀՀ աշխ. օրենսգրքի վերջին փոփոխություններից հետո:

Նախապես շնորհակալ եմ:

Արմինե.

Բարև ձեզ, հարգելի հաշվապահներ: Ես մարզադպրոց ՊՈԱԿ-ի հաշվապահն եմ: Մեր մարզիչներից մեկը, որը աշխատում է վեցորյայով, դրույքը 42900դրամ է, և նրա արձակուրդը 35 օրացույցային օր է, որը, ինչքանով որ տեղյակ եմ, դարձել է 30 աշխատանքային, վերջին արձակուրդը գնացել է 2010թ-ի օգոստոսին, 2011թ հունվարի 20-ից ազատվել է աշխատանքից: Խնդրում եմ ասեք` ինչպես կատարեմ վերջնահաշվարկը: Հունվարի աշխատավարձն հաշվե՞մ այսպես 42900/23*13: Աշխատավարձն ու վերջնահաշվարկը գումարե՞մ իրար, հետո կատարե՞մ պահումները: Նախապես շնորհակալ եմ: Խնդրում եմ շուտ պատասխանեք: