Ռաֆիկ.

Ինչպե՞ս է հաշվարկվում նախածննդյան արձակուրդը, եթե անձնավորությունը ստանում է բացի աշխատավարձից նաև հավելավճարներ, պարգևատրումներ:

Շողիկ.

Բարև ձեզ: Ես այժմ գտնվում եմ երեխայի խնամքի արձակուրդում: Այն ավարտվում է 2011թ. ապրիլ ամսին: Այժմ հղի եմ և ուզում եմ աշխատանքի դուրս գալ, որպեսզի ստանամ ֆիզ. արձակուրդ: Հարցս հետևյալն է՝ եթե ֆիզ. արձակուրդից գնամ ֆիզ. արձակուրդի, արդյոք կստանա՞մ այն 140 օրվա նպաստը, եթե չաշխատեմ, թե՞ պարտադիր պետք է որոշակի ժամանակ աշխատել:

Կանխավ շնորհակալություն:

Gayane.

Հարգելի հաշվապահներ, եթե աշխատողը աշխատել է 2 տարի 3 ամիս և արձակուրդ չի գնացել, ինչպե՞ս պետք է կատարեմ վերջնահաշվարկ լրիվ չոգտագործած տարիների և օրերի համար:

Gayane.

Բարև ձեզ, հարգելի հաշվապահներ: Խնդրում եմ ինձ օգնեք այս հարցում. 2009թ-ի նոյեմբերի 25-ից կազմակերպությունը ընդունել է աշխատող, մինչև 2011թ-ի հունվար ամիսը արձակուրդ չի գնացել, հունվարի 10-ից ազատվում է աշխատանքից, ես իրեն ինչպե՞ս եմ վերջնահաշվարկ կատարելու:

Մանուշակ.

Ես գտնվում եմ հղիության 37 շաբաթում: Աշխատում եմ երկու կազմակերպություններում, մի աշխատավայրում ձևակերպել են ֆիզ. արձակուրդ ըստ իմ ներկայացրած բուլետենի հղիության համապատասխան ամանակահատվածում, մյուս աշխատավայրում դեռևս արձակուրդի չեմ գնացել: Երկրորդ աշխատավայրի դեպքում ես ուզում եմ միայն ետծննդյան արձակուրդ, սակայն ինձ ասում են, որ դա հնարավոր չէ, արձակուրդը չի կարելի կիսել երկու մասի: Ո՞րքանով են նրանք իրավացի:

Կարինե.

Եթե աշխատողը գտնվում է երեխայի խնամքի արձակուրդում մինչև երեխայի երկու տարին լրանալը, բայց ցանկանում է գնալ աշխատանքի մինչ այդ ժամկետի լրանալը, պետք է նոր դիմում գրի, հրաման ձևակերպվի: Խնդրում եմ օգնեք իմանալ ճիշտ կարգը:

Լուսինե.

Բարև ձեզ, հարգելի հաշվապահներ: Աշխատողը 01.09.2010-30.09.2010 արձակուրդի մեջ է եղել, որից հետո 2 ամիս աշխատել է, դեկտեմբերին հիվանդի խնամակալության համար իր հաշվին արձակուրդ է վերցրել, իսկ 2011թ. հունվարի 11-ից ազատման դիմում է գրել: Այս 2 ամիսների համար արձակուրդային պե՞տք է հաշվարկել, թե՞ ոչ: Սեպտեմբերին արձակուրդայինի հաշվարկ կատարվել է: Կանխավ շնորհակալություն:

Gayane.

Հարգելի հաշվապահներ, խնդրում եմ պատասխանեք հետևյալ հարցին. մեր կազմակերպությունում կա 12 աշխատող, որից մեկը դեկտեմբերի 1-ից վերցրել է իր հաշվին արձակուրդ: Մեր աշխատավարձը դեկտեմբերին եղել է ընդ. 774676 դրամ, իսկ գործատուի սոցըˋ 160002 դրամ, այս գումարից կա մեկ աշխ.102000 հզ.դրամ, սոցը 19100: Դեկտեմբերին ունեցել ենք 4 հոգու պարգևատրում ընդ.396360 դրամ, 75452 սոց: Սոցի թվերը իրար չեն համապատասխանում սոցի հաշվետվությունում, խնդրում եմ պատասխանեք սկսնակիս:

Վահե.

Հարգելի գործնկերներ,
խնդրում եմ ուղարկել, եթե հնարավոր է, աշխատանքի ընդունման, ազատման, գործուղման և արձակուրդի հրամանի ձևեր:
Կանխավ շնորհակալ եմ:
vahe_tigranyan շնիկ mail.ru

Հերմինե.

Հատուկ կատեգորիայի աշխատողների ամենամյա լրացուցիչ արձակուրդի օրացուցային օրերի տևողությունը փոխվե՞լ է արդյոք աշխատանքային օրերով, եթե այո, ապա որտեղի՞ց կարող եմ ձեռք բերել ցանկը:

Մարիամ.

Հարգելի հաշվապահ,
Հարցս հետևյալն է.

Ցանկանում եմ երեք ամսով մեկնել իմ աշխատանքի հետ չկապված դասընթացների, կարո՞ղ եմ արդյոք պահպանել իմ աշխատատեղը, կհաշվարկվի՞ արդյոք այդ ժամանակամիջոցը որպես աշխատանքային ստաժ, ինչպե՞ս պետք է ձևակերպվի արձակուրդը: Խնդրում եմ նշել իրավունքի աղբյուրը:

Գայանե.

Բարև ձեզ: Վերջերս գրախանութներում հայտնվեց նոր, հերթական մատյանըˋ “Մատյան ամենամյա արձակուրդների ժամանակացույցի”: Խնդրում եմ ասել, արդյո՞ք պարտադիր է վերոհիշյալ մատյանի վարույթը, եթե այո, ապա կազմի վրա նշված հրամանը ի՞նչ հիմքով պետք է տալ: Շնորհակալություն:

Մարի.

Բարև ձեզ: Ես այժմ գտնվում եմ երեխայի խնամքի արձակուրդում և երկարացրել եմ այն մինչև 2011թ. սեպտեմբեր ամիսը, բայց այժմ հղի եմ և ուզում եմ աշխատանքի դուրս գալ, որպեսզի ստանամ ֆիզ. արձակուրդ: Հարցս հետևյալն է՝
1. Արդյոք կարո՞ղ եմ մինչև արձակուրդիս ավարտը դուրս գալ աշխատանքի:
2. Եթե ֆիզ. արձակուրդից գնամ ֆիզ. արձակուրդի, արդյոք կստանա՞մ այն 140 օրվա նպաստը, եթե չաշխատեմ:

Կանխավ շնորհակալություն:

Սուրեն.

Հարգելի հաշվապահներ, իրավաբաններ, շատ կարևոր մի հարց ինձ համար. խնդրում եմ ասեք, թե աշխ. օրենսգրքում ասվու՞մ է, որ աշխատավարձը վաղեմության ժամկետ չունի: Արդյո՞ք ամենամյա արձակուրդը աշխատավարձ է: Ըստ իմ տրամաբանության դա այդպես է, սակայն ո՞ր օրենքով, կառ. որոշումով կամ իրավական ակտով է այդ ամենը սահմանվում: Խնդրում եմ ստույգ պատասխան իմանալու դեպքում գրել միայն surentsati շնիկ gmail.com կամ զանգահարել 098344389 հեռ. համարին : Ստույգ պատասխանի դեպքում տեղեկատվություն տրամադրողին պարգև 5000 դրամ, առանց կատակի և մինչև 2010 հունվարի 15-ը: Կանխավ շնորհակալություն ուշադրության համար:

Գարուշ Խաչատրյան.

Ճի՞շտ է արդյոք, որ ըստ նոր օրենսգրքի, պետք է անպայման տրամադրվի ողջ հասանելիք արձակուրդը, նունիսկ եթե աշխատողը չի ցանկանում արձակուրդ գնալ:

Աննա.

Բարև Ձեզ: Ես գտնվում եմ մինչև երկու տարեկան երեխայի խնամքի արձակուրդում: Ստանում եմ նպաստ՝ 18000 դրամ: Ես ցանկանում եմ իմանալ, թե արդյոք պարտադիր է 2011-ին ներկայացնել տեղեկանք աշխատավայրից, քանի որ առաջին անգամ՝ 2010-ին, տեղեկանքի հետ միասին ներկայացրել եմ մի թերթիկ՝ ստորագրված տնօրենի կողմից, որտեղ գրված էր, որ աշխատանքից հեռացվելու կամ աշխատատեղը փակվելու դեպքում տնօրենը պարտավոր է տեղյակ պահել սոց. ապահովության մարմիններին այդ մասին: Գործակալը ամուսնուս ասել է, որ այդ թերթիկի առկայության դեպքում երկրորդ տարվա համար տեղեկանք հարկավոր չէ, սակայն ես կասկածում եմ, և կցանկանայի հաստատ իմանալ և չուշացնել տեղեկանքը: Նախապես շնորհակալություն:

Նարինե.

Եթե աշխատողը ֆիզ արձակուրդ է գնում, և աշխատավարձը ցածր է ՀՀ օրենքով սահմանված նվազագույն աշխատավարձից, ապա նպաստը հաշվարկվում է միջին ամսական եկամտից, թե՞ նվազագույն աշխատավարձից: Աշխատողը համատեղող է:

Վիկտորյա.

Հարգելի գործընկերներ, արդյոք հղի կինը պարտավոր է բյուլետենը ներկայացնելուց հետո գնալ արձակուրդ: Իսկ եթե նա ցանկանում է և ի վիճակի է դեռ աշխատել, հնարավո՞ր է շարունակել աշխատանքը:

Մանուշ.

Բարև ձեզ, ես ՍՊԸ-ում ունեմ գրանցված աշխատող, որը ներկայացրել է 70 օր նախածննդյան անաշխատունակության թերթիկ, ինչպե՞ս պետք է կատարել դրա վճարումը, ի՞նչ փաստաթղթեր և որտե՞ղ պետք է ներկայացնեմ, որպեսզի վճարեմ այդ աշխատողի բյուլետենի վճարումը, եթե տվյալ ամսվա սոցի հաշվարկի գումարը փոքր է բյուլետենի գումարից:
Կնախավ շնորհակալություն:

Անի.

Խնդրում եմ օգնել հետևյալ հարցում: Աշխատողը հոկտեմբեր ամսին ներկայացրել է անաշխատունակության թերթիկ: Հոկտեմբեր ամսին նախորդած 3 ամիսներից մեկ արձակուրդի ամիս է, այդ դեպքում պետք է 2 ամսվա աշխատավարձին գումարել արձակուրդի 1/12, այնուհետև բաժանել 3-ի և բաժանել 30,4-ի: Խնդրում եմ պատասխանեք, այդ տարբերակը ճի՞շտ է:

Արմինե.

Բարև հարգելի հաշվապահներ: Խնդրում եմ ասեք, արձակուրդայինի 35 օրացուցային օրը քանի՞ աշխատանքային օր է դարձել:

Վիկտորյա.

Հարգելի գործընկերներ,
Ճիշտ կլինի արդյոք, եթե ընդունեմ ներքին իրավական ակտ 2009-2010 տարվա կուտակված արձակուրդը 2010-2011 տարի տեղափոխելու մասին, և այդ իրավ. ակտը ստորագրեն բոլոր աշխատողները, յուրաքանչյուր աշխատողի համար առանձին հրաման տալու փոխարեն:

Գոգ.

Եթե աշխատողին ամենամյա արձակուրդը տրամադրվել է մասերով, և մի մասը արդեն օգտագործել է աշխատողը, հրամանի մեջ գրվել է կոնկրետ, թե մյուս կեսը երբ պետք է հատկացվի, օրինակ՝ դեկտեմբերի 1-ին, բայց աշխատողը չի ուզում գնա, այս դեպքում ի՞նչ ենք անում: Նա գրում է դիմում և խնդրում է, որ ամենամյա արձակուրդի չօգտագործված կեսը նրան տրամադրենք այլ ժամանակահատվածում կամ միացնենք հաջորդ տարվա արձակուրդին: Այս դեպքում պարտադի՞ր է հրաման ձևակերպել մինչև դեկտեմբերի 1-ը արձակուրդը տեղափոխելու մասին, թե՞ կնքել ուղղակի համաձայնագիր կամ էլ բավարարվել դիմումով: Խնդրում եմ, պատասխանեք:

Մարիամ.

Բարև բոլորին, խնդրում եմ օգնեք.
1. Ինձ հետաքրքրում է, այժմ է՞լ են պլաստիկ քարտերով վճարումների դեպքում տրվում ՀԴՄ-ի կտրոններ, թե այդ կարգը չի գործում:

2. Եթե աշխատողը աշխատում է առողջության համար վնասակար պայմաններում, ապա հավելյալ արձակուրդի և աշխատավարձի ի՞նչ նորմեր կան:

Լունա.

Բարև Ձեզ հարգելի կոլեգաներ:
Իմ աշխատանքային պրակտիկայում առաջին անգամ է բախտ վիճակվել ունենալու հղի աշխատող: Իհարկե, սա շատ ուրախալի փաստ է, բայց ես կանգնել եմ փակուղու առաջ: Եթե փորձեք ինձ օգնել, շատ շնորհակալ կլինեմ, քանի որ չեմ տուժի ևˊ ես, ևˊ աշխատողը:
Հղի աշխատողին իր իսկ ցանկությամբ տրամադրվել է արձակուրդ 2010թ. հոկտեմբերի29-ից (13.02.2009-13.02.2010թթ աշխատանքի համար) և վերադառնալու էր աշխատանքի 26.11.2010թ (24 աշխ.օր): Սակայն նա բերել է նախածննդյան և հետծննդյան արձակուրդի թերթիկ, որը բժշկի կողմից բացվել է նոյեմբերի 16-ից մինչև 05.ապրիլի2011թ: Ինչպե՞ս վարվեմ, որ աշխատողը չտուժի: Խնդրում եմ խորհուրդ տվեք:Կանխավ շնորհակալություն:

Ara.

Նախապես շնորհակալ եմ, ո՞վ կարող է ինձ հուշել, թե ուսուցչին քանի օրացուցային օր է հասնում արձակուրդ:

Մարինե.

Հարգելի հաշվապահներ, եթե արձակուրդի մի մասը ընկնում է օրինակ հոկտեմբերին, իսկ մյուս մասը նոյեմբերին, մենք պետք է յուրաքանչյուր մասը հարկենք համապատասխան ամսվա մեջ….. հարցս հետևյալն է, երբ աշխատողը վերադառնա արձակուրդից, օրինակ ամսի 10-ին և 15-ին պե՞տք է ստանա աշխատավարձի կանխավճար, ապա պետք է նոյեմբեր ամսվա 5 օրերի հասանելիք աշխատավարձին ավելացնել նոյեմբերի մեջ ընկած արձակուրդայինի գումարը ու նոր հարկել, թե կարելի է դրանք առանձին-առանձին հարկել, որտեղո՞վ է դա կանոնակարգվում, ո՞ր տարբերակն է ավելի ճիշտ:

Արտյոմ.

Սիրելի հաշվապահներ, ասացեք խնդրում եմ, երբ որ աշխատողին ազատելիս վճարվում է վերջնահաշվարկ, որը ներառում է չօգտագործած արձակուրդայինը և տվյալ ամսվա չվճարված աշխատավարձի գումարները, հարկումը կատարելիս դրանք պե՞տք է առանձին հարկել, թե պետք է գումարել իրար, ստանալ 1 համախառն եկամուտ ու նոր հարկել:

Հայկուհի.

Հարգելի հաշվապահներ, խնդրում եմ օգնել: Ընկերության աշխատակիցը գտնվում է երեխայի խնամքի արձակուրդում արդեն մեկ տարի և ստանում է նպաստ: Հունվարին նա նորից պատրաստվում է ծննդաբերելու: Հաշվարկվում է արդյոք նախածննդյան և հետծննդյան արձակուրդ, վճարում, և պահպանվու՞մ են այս դեպքում առաջին երեխայի խնամքի նպաստի ամսական վճարումները մինչև նրա երկու տարին լրանալը: Շնորհակալություն:

Susanna.

Աշխատողը աշխատում է 2 տեղ և պատրաստվում գնալ նախածննդյան արձակուրդ:
Խնդրում եմ օգնել` պետք է նա ստանա նպաստ 2 աշխատավայրից, թե 1-ից` հիմնականից:
Կանխավ շնորհակալություն:

Նաիրա Ն.

Հարգելի հաշվապահներ,
Աշխատողն հունիս ամսին եղել է հերթական արձակուրդում, ազատվելու է աշխատանքից նոյեմբերի 30-ին: Վերջնահաշվարկ հաշվելու համար ետ գնալով վերցնեմ մինչև արձակուրդ եղած ամիսներն, թե արձակուրդի ամիսն բաց թողնելով` ձևավորեմ 12 ամիսները:

Աննա.

Հարգելի հաշվապահներ, իմ ամսական աշխատավարձը հարկումից հետո կազմում է 140 000 դրամ: Խնդրում եմ հաշվարկել, թե որքա՞ն կկազմի իմ ֆիզ. արձակուրդի գումարը 140 օրացուցային օրվա համար:

Սոնա.

Բարև Ձեզ, ասացեք խնդրեմ, ինչպե՞ս է հաշվարկվում ֆիզ. արձակուրդը, լսել եմ, որ ներկայումս արդեն գործում է հաշվարկման ընդհանուր համակարգ (այսինքն` բոլոր հղի կանանց համար այն հաշվարկվում է ըստ որոշակի ֆիքսված գումարի` անկախ աշխատավարձի չափից): Նախապես խնորհակալություն:

Gayane.

Բարև Ձեզ, հարգելի գորընկերներ:
Խնդրում եմ օգնեք սկսնակիս հետևյալ հարցով: Մեր կազմակերպությունը աշխատում է հինգ օրյա ռեժիմով, աշխատողը գնացել է 2010թ-ի հերթական արձակուրդ, նրա տարեկան ստացած գումարը կազմում է ընդամենը 877000դրամ, ինչպե՞ս եմ հաշվարկելու, գարծակիցը 21-ով թե 30.4-ով: Կանխավ շնորհակալ եմ:

Nata.

Արձակուրդում գտնվող աշխատողին փոխարինելու դեպքում փոխարինողին տալիս ենք միայն հրամա՞ն պարտականությունները կատարելու մասին, թե՞ համաձայնագիր էլ է անհրաժեշտ, և աշխատավարձը նույնպե՞ս պետք է նշվի հրամանի մեջ:

Մարիաննա.

Խնդրում եմ ասել ինձ, երեխայի խնամքի նպաստը երեխայի ծնված օրվանի՞ց են տրամադրում, թե՞ հղիության և ծննդաբերության արձակուրդը ավարտվելուց հետո:

Կարինե.

Սիրելի հաշվապահներ, խնդրում եմ ինձ օգնեք մի հարցում. հնարավո՞ր է, որ տնօրենն ու հաշվապահը միևնույն ժամանակ գնան արձակուրդ:

Nata.

Խնդրում եմ այս հարցին պատասխանեք: Եթե աշխատողը ընդունվել է աշխատանքի 2000թ.-ին, արձակուրդ գնալ սկսել է 2005թ.-ից, բայց հրամանում չի նշվում, թե որ ժամանակաշրջանի համար, այժմ տվյալ աշխատողին պետք է արձակուրդ տամ, բայց որ տարվա համար, չգիտեմ: Գոյություն ունի՞ ժամկետ, որ արդեն չենք տալիս արձակուրդ, միայն ազատվելուց ենք տալիս: Եթե ես հրամանում գրեմ 2009-10 թթ-ի համար է արձակուրդը, կարծում եք դա սխալ կլինի՞:

Մանուշ.

Բարև Ձեզ, ես աշխատում եմ հաշվապահ Տեղական ինքնակառավարման մարմիններում, ունեմ աշխատող, որը ընդունվել է աշխատանքի 01.01.2010թ., ես ուզում եմ հաշվարկեմ արձակուրդային գումար այս աշխատողի համար, ուզում եմ իմանամ, նրան պետք է հաշվարկեմ 12 ամսվա համար, թե ոչ, եթե նա աշխատել է 10 ամիս: Եթե 10 ամիս պետք է հաշվեմ, ինչպե՞ս:
Կանխավ շնորհակալություն:

Դիանա.

Խնդրում եմ Ձեզ ինձ օգնել հաշվել, թե ինչքան է իմ ֆիզ.արձակուրդի գումարը կազմելու 2 տարի արձակուրդ վերցնելու դեպքում: Ինչքա՞ն կկազմի հիմնարկի և ինչքա՞ն պետության կողմից տրված գումարը, որպես առաջնածին: Ամսական միջին աշխատավարձս կազմում է 50000 ՀՀ դրամ:
Շնորհակալություն:

Արևիկ.

Խնդրում եմ, ներառեք նաև աշխատավարձի հաշվարկ, արձակուրդային, նաև ֆիզ ուղարկելու համար ի՞նչ հաշվարկներ են պետք:

Թերեզա.

Բարև բոլորին, խնդրում եմ ասեք, եթե տնօրենն է գնում արձակուրդ, նա էլ է գրում դիմում, թե ոչ:
Կանխավ շնորհակալություն:

Ժաննա.

Հարգելի գործընկերներ, թե քանի օր պիտի տրվի գանձապահին որպես լրացուցիչ արձակուրդ, հարցը այդպես էլ մնաց չպարզաբանված:

Հերմինե.

Բարև ձեզ:

Հարցս ավելի շատ ուղում եմ ՀԾ աշխատակիցներին:
Հետևյալ բլոգում ՀԾ աշխատակից Գրիգոր Մակիչյանը բացատրեց, թե ինչպես կատարել վերջնահաշվարկ ՀԾ հաշվապահ համակարգում:
Այդ ձևով չօգտագործված ամենամյա արձակուրդի փոխհատուցում կատարելիս համակարգը այդ փոխհատուցման գումարը չի տեղադրում սոց. վճարների հաշվետվության մեջ և տեղադրում է եկամտահարկի հաշվետվության մեջ 9-րդ տողում:
Հարկային տեսչությունում պնդում են, որ այդ գումարը չպիտի գրվի եկամտահարկի 9-րդ տողում, այլ վերջին` այլ եկամուտներ տողում, քանի որ սոց.-ի 13` հաշվարկված ԱՎՈՒՄ, և եկամտահարկի 9` եկամուտներ, տողերը չեն կարող իրարից տարբեր լինել:

Հարցս հետևյալն է` ի՞նչ հիմք ունի «Հայկական ծրագրերը» վերոհիշյալ հաշվետվությունները այդ ձևով լրացնելու:

Satenik.

Խնդրում եմ պատասխանեք. ուսման ժամանակ ինձ հասնու՞մ է վճարովի արձակուրդ: Ես աշխատում եմ: Խնդրում եմ նշեքˋ օրենքի ո՞ր հոդվածն է կիրառվում:

ԱՆԻ.

Բարև ձեզ: Մեր կազմակերպությունը զբաղվում է շինարարությամբ և գազաֆիկացման աշխատանքներով: Ասացեք, խնդրում եմ, արդյոք մեր կազմակերպության գանձապահի աշխատանքը համարվում է առողջության համար վնասակար, նրան տրվում է արդյոք լրացուցիչ արձակուրդ և աշխատավարձի հավելում: Շնորհակալություն:

Кристина.

Բարև Ձեզ, կարող եք ասել, թե 2010թ. ո՞ր ամսից և ամսի քանիսի՞ց է սկսել գործել նոր աշխատանքային օրենսգիրքը և արդյոք 2007 և 2008թթ. չօդտագորված արձակուրդների հաշվարկը կատարվելու է նոր գործող օրենսդրությամբ:
Կանխավ շնորհակալ եմ:

Դավիթ Ասատրյան.

Արդյոք ՀՀ պետական եկամուտների նախարարի 16 ապրիլի 2001 թվականի N 02/456 հրամանով հաստատված «Եկամտահարկի հաշվարկման և բյուջե վճարման կարգի մասին» հրահանգի 25 կետի 18-րդ օրինակը կարող է հանդիսանալ հիմք ողջ հանրապետությունում արձակուրդայինի հաշվարկման համար:

Ժաննա.

Գանձապահին ամենամյա նվազագույն արձակուրդից բացի քանի՞ օր պետք է տրամադրել որպես լրացուցիչ արձակուրդ: Կանխավ շնորհակալ եմ:

Նատալի.

Խնդրում եմ ինձ ասեք՝ բյուլետենի հաշվարկման ժամանակ, եթե նախորդ 3 ամիսներից 1-ի ընթացքում աշխատողը գտնվել է ամենամյա արձակուրդում, ապա միջին ամսականը որոշելիս ավելի ճիշտ կլինի՞ վերցնել 2 լրիվ աշխատած ամիսների դրույքաչափերը և ավելացնել արձակուրդում գտնված ամսվա դրույքը՝ բաժանած տվյալ ամսվա աշխատանքային օրերի թվով՝ բազմապատկած տվյալ ամսում աշխատած օրերի թվով՝ ավելացրած արձակուրդայինի 1/12-ը, թե՞ ավելի նպատակահարմար է 3 ամիսների դրույքները գումարել, ստացվածը բաժանել 3 ամիսների աշխատած օրերի թվին և բազմապատկել 30,4-ով: Եթե հնարավոր է խնդրում եմ մանրամասնել, թե որ դեպքում է պետք բաժանել աշխատանքային օրերի թվին և որ դեպքում՝ օրացուցային: Ես օգտվել եմ Ժամանակավոր անաշխատունակության մասին ՀՀ օրենքից, եթե կան նաև այլ նյութեր խնդրում եմ նշել: Նախապես անչափ շնորհակալություն: