Tag: նպաստ

Կազմակերպությունը կարո՞ղ է չընդունել արձակուրդի դիմումը

Արմինե.

Բարև Ձեզ: Եթե աշխատակցին տրվել է ծննդաբերության արձակուրդ և հիմա ցանկանում է գնալ մինչև 3 տարեկան երեխայի խնամքի արձակուրդ՝ կազմակերպությունը որևէ կերպ կարո՞ղ է չընդունել արձակուրդի դիմումը և աշխատանքից ազատել աշխատակցին: Խնդրում եմ նշեք օրենքի հոդվածը:
Նախապես շնորհակալություն:

Տալ հաշվապահական ձևակերպումներ

Նարեկ.

Խնդրում եմ տալ հաշվապահական ձևակերպում՝
մայրության նպաստը կազմել է 553 545 դրամ, որից պահվել է եկամտային հարկ 127 315 դրամ և աշխատողին փաստացի վճարվել է 426 230 դրամ, որից կազմակերպության տվյալ ամսվա եկամտային հարկը կազմել է 277 170, տարբերությունը՝ 149 060 դրամը փոխհատուցվել է սոց. ծառայության կողմից:

Մայրության նպաստի հաշվարկ համատեղությամբ աշխատանքի դեպքում

Բարև Ձեզ, հարգելի հաշվապահներ: Աշխատակիցս աշխատում է համատեղությամբ՝ հիմնական աշխատավայրը մեզ մոտ՝ 6 ամիս: Մայրության նպաստի հաշվարկման ժամանակ մեր և մյուս կազմակերպության աշխատավարձերը պե՞տք է գումարել միջինը ստանալու համար:

Նպաստի հաշվարկ

Լիաննա․

Բարև Ձեզ, խնդրում եմ կհաշվարկեք իմ ֆիզ․ արձակուրդի գումարը։ Իմ ամսական կեղտոտ աշխատավարձը 161 000 է։ Դեկտեմբեր ամսին ստացել եմ 115 000 պարգեվավճար։ Հուլիս ամսին կգնամ իմ հերթական վճարովի արձակուրդը։ Օգոստոսին նոր գնալու եմ ֆիզ․ արձակուրդ։ Շնորհակալ եմ նախապես։

Ո՞ր ամսվա եկամտային հարկի հաշվարկում պետք է արտացոլել նպաստը

Արամ.

Հարգելի գործընկերներ, կազմակերպության աշխատակցի համար հաշվարկվել է անաշխատունակության նպաստ մարտ ամսվա վերջում, սակայն վճարվել է նպաստը ապրիլին: Հարցս հետևյալն է՝ ո՞ր ամսվա եկամտային հարկի հաշվարկում պետք է արտացոլել նպաստի հաշվարկը: Նախապես շնորհակալություն:

Միջին աշխատավարձի հաշվարկ

Անի.

Մայրության նպաստի հաշվարկման ժամանակ կիսատ ամիսը ներառվու՞մ է հաշվարկի մեջ:

Որքա՞ն է նպաստի չափը

Արամ.

Բարև ձեզ: Որքա՞ն է մինչև 3 տարեկան երեխայի խնամքի արձակուրդում գտնվող անձի նպաստի չափը:

Տալ հաշվապահական ձևակերպումներ

Նարեկ.

Բարև Ձեզ: Խնդրում եմ ասեք՝ ինչպիսի՞ ձևակերպում տալ. աշխատողը ստացել է մայրության նպաստ 420 000, որից 250 000-ը եկամտային հարկի հաշվին է, իսկ 170 000 ստացվել է սոց. ապահով. ծառայությունից:

Երեխայի խնամքի նպաստի վերաբերյալ

Նարինե.
Բարև Ձեզ: Ես ապրում եմ քաղաք Գավառի Հացառատ թաղամասում, բայց մինչև նոյեմբերի սկիզբը եղել եմ գյուղի բնակիչ: Հիմա երեխաս 2 ամսականից ավել է: Ուզում եմ իմանալ, ես կարող եմ մինչև 2 տարեկանի նպաստ ստանալ: Ես և ամուսինս չենք աշխատում:
Խնդրում եմ հստակ պատասխան տվեք:

Մայրության նպաստ

Արփինե.

Աշխատակցին նշանակվել է մայրության նպաստ՝ 09.03.21թ-ից, աշխատակիցը ընդունվել է աշխատանքի 02.07.20թ-ին, քանի որ 12 ամիս չի ձևավորվում ըստ օրենքի հաշվի ենք առնում նաև հաշվարկային ժամանկահատվածում այլ գործատուի կողմից վճարված եկամուտը անկախ աշխատանքային հարաբերությունների ավարտից: 03, 04, 05 ամիսներին ստացել է եկամուտ, սակայն 03 ամսին աշխատել է համատեղությամբ և 2 գործատուների կողմից է ստացել եկամուտ, բայց ըստ օրենքի նույն ամսվա համար միայն մեկ գործատուի կողմից վճարված եկամուտը կարո՞ղ ենք հաշվի առնել չէ, և հաշվարկին 03 ամսվա միայն մեկ գործատուի կողմից վճարված եկամուտն եմ հաշվարկել, արդյո՞ք ճիշտ եմ հաշվարկել։
Նախապես շնորհակալ եմ:

Անաշխատունակության թերթիկի հաշվարկ

Մելինե.

Բարև ձեզ: Եթե անաշխատունակության նպաստի ժամանակ 12 ամիսները չեն ձևավորվում, կարո՞ղ ենք վերցնել նախորդ գործատուի մոտ աշխատած ամիսները, և ընդհանուր գումարը բաժանվում է 12-ի, թե՞ ամիսների քանակի վրա:

Մայրության նպաստ

Nare.

Բարև Ձեզ: Կներեք, ես նպաստ եմ ստանում և ունեմ 2 անչափահաս երեխա, 3-րդ երեխաս նոր է ծնվել: Ես կարո՞ղ եմ մինչև 2 տարեկան երեխայի խնամքի նպաստ ստանալ:

Արդյո՞ք որևէ պահումներ կարող են անել երեխայի խնամքի նպաստից

Տաթև.

Հարցս պահումների վերաբերյալ է։
Արդյո՞ք որևէ պահումներ կարող են անել մայրության նպաստից և երեխայի խնամքի նպաստից, եթե չկատարված վարկային պարտականությունների պատճառով ԴԱՀԿ-ում են հայտնվել բանկային պարտավորություններս։
Շնորհակալություն:

Դեկրետից դեկրետ գնալու վերաբերյալ

Աշխեն.

Բարև Ձեզ։ Ես աշխատող մայր եմ։ Առաջին երեխաս ծնվել է 21/11/2019 թվականին և դեկրետի ժամկետն ավարտելուց հետո ֆիզ. արձակուրդի դիմում գրեցի գոծատուի մոտ ու համապատասխանաբար ստանում եմ երեխայի խնամքի նպաստ։ 01/01/2021 թվականին ծնվեց իմ երկրորդ երեխան, և երեկ դեկրետի ժամկետն ավարտվեց, ու նորից գնացի գոծատուի մոտ դիմում գրելու, որպեսզի հարկային դաշտում իմ երեխայի տվյալները մուտքագրելուց հետո ստանամ նաև երկրորդ երեխայի խնամքի նպաստ։ Այսօր հաշվապահը զանգել, ինձ ասում է, որ հարկայինում իմ տվյալները հնարավոր չի լինում մուտքագրել, որովհետև հնարավոր չի իբրև երկու երեխաների խնամքի նպաստները ստանալ։ Հիմա հարցերս այսպիսին են՝ ինձ ֆիզ.-ից ֆիզ. չի՞ հասնում, ինձ երկու երեխայի համար էլ առանձին-առանձին նպաստ չի՞ հասնում։ Կամ առհասարակ հարկայինում ինչու՞ “Մուտքագրեք” հնարավոր չի լինում տվյալները։ Խնդրում եմ, օգնել հասկանամ, խնդիրն ինչումն է։ Նշեմ նաև, որ սոցապ բաժնում ինձ ասել են, որ նպաստ ստանալու եմ երկու երեխաներին առանձին-առանձին, մինչև երկու երեխաների երկու տարեկանները լրանալը։

Արդյո՞ք գյուղական բնակավայրում բնակվողին հասնում է երեխայի խնամքի նպաստ

Գոհար.

Բարև Ձեզ: Կներեք, ուզում եմ իմանալ, գյուղական գնակավայրում բնակվողին մինչև 2 տարեկան երեխայի խնամքի նպաստ հասնու՞մ է, թե՞ ոչ /70 օրականից սկսած/:

Կարո՞ղ է արդյոք անձը զրկվել մինչև 2 տարեկան երեխայի խնամքի նպաստից

Լուսինե.

Բարև Ձեզ: Հարցս հետևյալն է.
Եթե անձը ցանկանում է ունենալ Ա/Ձ, երբ գտնվում է երեխայի մինչև 2 տարեկան խնամքի արձակուրդում /ֆիզ.արձակուրդը ձևակերպվել է ՊՈԱԿ-ում/, կարո՞ղ է արդյոք զրկվել երեխայի մինչև 2 տարեկան խնամքի նպաստից՝ 53 000 դր-ից /նշեմ, որ ունեմ գյուղական բնակավայրի հաշվառում, Ա/Ձ-ն նույնպես նույն տարածքում է հաշվառվելու/:
Կանխավ շնորհակալություն:

Արձակուրդի օգտագործում մինչև դեկրետ գնալը

Արմինե.

Բարև Ձեզ: Աշխատողը ապրիլ ամսին պետք է գնա ֆիզ. արձակուրդ: Մինչ այդ ուզում է օգտվել իր արձակուրդից, այդ դեպքում հաշվու՞մ ենք փաստացի աշխատած օրերը մինչև ապրիլ ամիս և տրամադրու՞մ:

Պե՞տք է ներառել մարտ ամսվա աշխատավարձը

Անի.

Եթե մայրության նպաստ ներկայացվել է 09.03.20 – 26.07.20 հաշվարկվել և վճարվել է գումարը, այնուհետև 27.07.20 – 10.08.20 համար մարտ ամսվա աշխատավարձը պե՞տք է ներառել, թե՞ ոչ։

Հիվանդաթերթիկի և մայրության նպաստի հաշվարկման հետ կապված

Բարև Ձեզ: Արձակուրդային հաշվարկելիս, եթե նվազագույնից ցածր է՝ հիմք ենք վերցնում նվազագույն աշխատավարձը, իսկ հիվանդության թերթիկի կամ մայրության նպաստի հաշվարկման ժամանակ ինչպե՞ս պետք է անել։

Ինչպե՞ս պետք է հաշվարկել նպաստը

Arevik Hovakimyan.

Ողջույն, հարգելի կոլեգաներ, խնդրում եմ ինձ օգնել հետևյալ հարցում:
Աշխատողը ներկայացրել է անաշխատունակության թերթիկ 140 օրվա համար, այն հաշվարկվել և վճարվել է, սակայն ծննաբերությունը տեղի է ունեցել կեսարյան հատմամբ է նորից տրվել է անաշխատունակության թերթիկ, 15 օրվա: Ասացեք խնդրեմ, ինչպե՞ս պետք է հաշվարկել այդ նպաստը։ Առանձի՞ն 15 օրվա, որպես հիվանդության նպաստ։ Եվ եթե այո, ապա նախորդ 12 ամիսների աշխատավարձի մեջ պե՞տք է ընդգրկել 140 օրվա արդեն, իսկ ստացած նպաստը որպես եկամուտ, թե՞ միայն անաշխատունակության թերթիկ ստանալու ամսվա աշխատավարձն է լրացվում։

Ինչպե՞ս է հաշվարկվելու դեկրետը

Քրիստինե.

Բարև ձեզ, հարգելի հաշվապահներ: Ասեք, խնդրում եմ՝ ինչպե՞ս է հաշվարկվելու իմ դեկրետը, եթե վերջին մեկ տարում աշխատել եմ երեք տարբեր ԱՁ-ների մոտ, ի՞նչ թղթեր են անհրաժեշտ և հերթականությունը:

Երեխայի խնամքի նպաստի վերաբերյալ

Հռիփսիմե.

Բարև ձեզ: Ես Հռիփսիմեն եմ, ունեմ երկու անչափահաս երեխա, բնակվում եմ Տավուշի մարզի Արծվաբերդ գյուղում, նպաստ չեմ ստանում: Խնդրում եմ, ասեք՝ ինչպե՞ս դասավորեմ, որ ամսական 18 000-ից ես էլ ստանամ՝ 4 և 3 տարեկան են երեխաներս:

Մայրության նպաստ

Տիգրանուհի.

Բարև ձեզ: Կներեք, կասե՞ք՝ ես այժմ գտնվում եմ ֆիզ. արձակուրդում, բայց մինչև սեպտեմբեր գնալու եմ աշխատանքի, այնուհետև նորից գնալու եմ ֆիզ., քանի որ հղի եմ: Կասե՞ք՝ ինչքան կկազմի ֆիզ. արձակուրդի գումարը, ամսական աշխատավարձը 130 000 դրամ է:
Նախապես շնորհակալություն:

Արդյո՞ք գործատուն ֆիզ. արձակուրդի գումարը կարող է հաշվարկել այլ կերպ

Լուսինե.

Բարև Ձեզ: Կներեք, կարո՞ղ է գործատուն ֆիզ. արձակուրդի գումարը հաշվարկել այլ կերպ, թե՞ օրենքը բոլորի համար է սահմանված:

Մայրության նպաստ

Մարիամ.

Բարև Ձեզ: Իմ աշխատավարձը 110 000 դրամ է, ինչքա՞ն ֆիզ. արձակուրդ կստանամ:

Մայրության նպաստ

Տաթև.

Բարև Ձեզ:
Եթե անձն ունի Ա/Ձ և գտնվում է ֆիզ. արձակուրդում /ֆիզ. արձակուրդ գնացել է մեկ այլ տեղ աշխատելու ժամանակ/՝ երեխայի մինչև 2 տարեկան խնամքի նպաստից կարո՞ղ է զրկվել Ա/Ձ ունենալու պատճառով: Նշեմ, որ Ա/Ձ-ն հանդիսանում է միկրոձեռնարկություն:

Արդյո՞ք բարդ ծննդաբերությունից հետո ավելանում է ևս 14 օր

Աստղիկ.

Բարև Ձեզ: Խնդրում եմ ինձ պարզաբանեք օրենքով՝ երեխաս ծնվել է մահացած, կեսարյան հատումով ստացել եմ նախա և հետ ծննդյան ա/թ և գումարը: Ինձ կեսարյան հատման համար Ա/Թ 14 օր չի հասնու՞մ /բարդ ծննդաբերությունից հետո ֆիզ. արձակուրդին ավելանում է ևս 15 օր (140 155)/:
Կանխավ շնորհակալ եմ:

Մայրության նպաստ

Մարինե.

Բարև Ձեզ: Ես ընդունվել եմ աշխատանքի սեպտեմբեր ամսին և աշխատավարձս՝ մաքուրը, կազմում է 83 000 դրամ։ Ես որքա՞ն ֆիզ. արձակուրդի գումար պետք է ստանամ /աշխատել եմ 6 օրյա աշխատանքային ռեժիմով և դեկտեմբեր ամսին ստացել եմ 50 000 դրամ հավելավճար/:

Մայրության նպաստ

Անուշ.

Բարև Ձեզ: Կազմակեպությունը աշխատում է միկրոյի դաշտում, իրավական ձևը՝ ՍՊԸ: Աշխատակից պետք է գնա ֆիզ. արձակուրդ: Հարցս հետևյալն է՝ ինչպե՞ս հաշվարկել նպաստը: Նվազագույն աշխատավարձի 50 տոկոսը ասելով ինչպե՞ս հասկանալ՝ վերցնում ենք 78 000-ի, թե՞ 93 300-ի:

ի՞նչպես հաշվարկել նպաստը

Մարիամ.

Բարի երեկո, հարգելի կոլեգաներ։ Հարցս այսպիսինն է՝ ունեմ աշխատակցուհի, ում փետրվարի 15-ից մարտի 15-ը ժամանակահատվածի համար հաշվարկել եմ արձակուրդային, վճարել եմ, և 2 օր առաջ տվյալ աշխատակցուհին ներկայացրել է անաշխատունակության թերթիկ` հղիության և մայրության նպաստ հաշվարկելու համար՝ փետրվարի 23-ից հուլիսի 12-ը։ Ծրագիրը թույլ չի տալիս հաշվարկ կատարել, քանի որ ապագա ամսվան բաժին ընկնող եկամուտ ունի տվյալ աշխատակիցը։ Ի՞նչպես վարվել այս դեպքում, ի՞նչպես հաշվարկել նպաստը։

Մայրության նպաստ

Անուշ.

Բարև Ձեզ, հարգելի հաշվապահներ։
Աշխատակիցը աշխատում է մասնավոր և պետական դպրոցներում: Մասնավոր դպրոցում ամռան 3 ամիսը աշխատակցին ազատում են աշխատանքից, սեպտեմբեր ամսին նորից ընդունում։
1. Մայրության նպաստը ո՞ր գործատուի մոտից պետք է ստանա:
2. Աշխատակիցը կարո՞ղ է իր ցանկությամբ ընտրել այն աշխատավայրը որտեղից նպաստ ստանա:

Մայրության նպաստ

Zhenya.

Բարև Ձեզ: Ներեցեք՝ ուզում եմ իմանալ, ես ինչքա՞ն ֆիզ. արձակուրդ պետք է ստանամ, եթե աշխատում եմ մեկ տարի: Աշխատավարձս՝ կեղտոտ, 108 000 դրամ է կազմում:
Եվ Ա/Ձ ունեմ, բայց միկրո, այդ դեպքում էլ կարո՞ղ եմ ստանալ, թե՞ միայն մեկ աշխատավայրից:

Մայրության նպաստ

Լուսինե.

Բարև Ձեզ: Ես Լուսինեն եմ, աշխատում եմ որպես խորհրդատու վաճառողուհի: 2 ամսից գնալու եմ ֆիզ. արձակուրդ, ուզում եմ իմանալ՝ ինչպե՞ս են հաշվելու իմ ֆիզ. արձակուրդի գումարը, քանի որ ես բավականին բարձր եմ վարձատրվում, բայց գրանցված է ավելի ցածր աշխատավարձ, քան ես ստանում եմ:
Նախապես շնորհակալություն:

Մայրության նպաստ

Սուսի.

Բարև Ձեզ: Գտնվում եմ երեխայի խնամքի արձակուրդում /երեխան 1,3 տարեկան է/: Ապրիլ ամսից վերադառնում եմ աշխատանքի, սակայն սեպտեմբերից նորից գնում եմ ֆիզ. արձակուրդ։ Հիմա ցանկանում եմ իմանալ՝ ինչպե՞ս են հաշվարկելու իմ ֆիզ. արձակուրդիս գումարը /աշխատած ամիսը կազմում է 6 ամիս, աշխատավարձը՝ 180 000դր, ընդհանուր ստաժը տվյալ կազմ. 9տ/:

Ինչպե՞ս է հաշվարկվում դեկրետից դեկրետ արձակուրդայինը

Մելինե.

Բարև Ձեզ: Կասեք՝ ինչպես է հաշվարկվում ֆիզից ֆիզը: Օրինակ՝ եթե աշխատողի մինչև 3 տարեկան երեխայի արձակուրդը վերջանում է 26.02.21-ին և ինքը սպասում է երկրորդ բալիկին, երկրորդ ֆիզը հաշվելու համար ի՞նչն եմ հիմք վերցնում: Եվ առաջինի ավարտից հետո ես ազատում եմ իրեն, թե՞ երկրորդի ավարտից հետո եմ ազատում:

Ե՞րբ պետք է դիմում գրել երեխայի խնամքի արձակուրդի համար

Անի.

Բարև Ձեզ:
Եթե աշխատողի հղիության և ծննդաբերության արձակուրդը լրանում է ս.թ. փետրվարի 19-ին, ե՞րբ պետք է դիմում գրի երեխայի խնամքի արձակուրդ վերցնելու համար, և արդյո՞ք իր ցանկությամբ է լինելու՝ 3 տարով, թե՞ 2 տարով վերցնի խնամքի արձակուրդը:
Եվ արդյո՞ք այդ ժամկետում սոց. վճար է վճարվելու:

Դրոշմանիշային վճարի հետ կապված

Անի.

Բարև Ձեզ: Եթե աշխատողը փետրվարին գտնվել է բյուլետենի մեջ՝ 3 օր։ Փետրվարի դրոշմանիշային վճարի սանդղակը վերցնու՞մ եմ առանց նպաստի գումարի հաշվարկման, թե՞ նպաստն էլ պետք է ներառել։

Մայրության նպաստ

Արման.

Բարև Ձեզ: Մայրության նպաստ եմ հաշվարկում, աշխատակիցը հաշվետու 12 ամիսների ընթացքում գտնվել է առաջին երեխայի՝ մինչև երեք տարեկան երեխայի խնամքի արձակուրդում։ Համաձայն ԺԱՄԱՆԱԿԱՎՈՐ ԱՆԱՇԽԱՏՈՒՆԱԿՈՒԹՅԱՆ ԵՎ ՄԱՅՐՈՒԹՅԱՆ ՆՊԱՍՏՆԵՐԻ ՄԱՍԻՆ օրենքի 22-րդ հովածի 9-րդ կետով ասվում է, որ հաշվարկային ժամանակահատվածի այն ամիսների համար, որոնց ընթացքում վարձու աշխատողը եղել է մինչև երեք տարեկան երեխայի խնամքի արձակուրդում, որպես եկամուտ հաշվառվում է խնամքի արձակուրդն սկսվելու ամսվան նախորդող ամսին աշխատանքային պայմանագրով կամ Հայաստանի Հանրապետության օրենսդրությամբ տվյալ վարձու աշխատողի համար սահմանված հիմնական աշխատավարձը: Ինչպե՞ս վարվեմ, երբ աշխատակիցը ընդունվել է աշխատանքի 2019թ. դեկեմբերի 5-ին և դեկտեմբերի 29-ին ուղարկվել է մինչև երեք տարեկան երեխայի խնամքի արձակուրդում, այսինքն՝ արձակուրդի նախորդ ամսում չի աշխատել։

Մայրության նպաստ

Աննա․

Ֆիզ. արձակուրդից հետո վերադարձել եմ աշխատանքի, հիմա նորից պետք է գնամ ֆիզ․ արձակուրդ: Վերադառնալուց հետո աշխատել եմ 7 ամիս: Ինչպե՞ս է հաշվարկվելու այս դեպքում ֆիզ. արձակուրդի գումարը։

Մայրության նպաստ

Անահիտ.

Բարև Ձեզ։ Ես ունեմ իմ Ա/Ձ-ն, սպասում եմ 3-րդ երեխայիս։ Ուզում եմ իմանամ՝ ի՞նչ ձևով են հաշվում մայրության նպաստը և մինչև 2 տարեկան երեխայի խնամքի նպաստ կարո՞ղ եմ ստանալ։

Արդյո՞ք դադարում է սոցիալական փաթեթը

Լիաննա.

Բարև Ձեզ: Եթե աշխատողը ներկայացրել է մայրության նպաստի թերթիկ՝ այդ դեպքում սոց. փաթեթը դադարու՞մ է:

Մայրության նպաստ

Լիաննա.

Բարև Ձեզ: Եթե ուսուցչուհին ներկայացրել է հունվարին մայրության նպաստ և հունվարին աշխատել է 2 օր՝ ես վճարելու եմ մայրության նպաստը փետրվարին: Այդ դեպքում նպաստի գումարը պե՞տք է գումարեմ հունվարի աշխատած օրերի գումարին նոր պահումներ անեմ, թե՞ փետրվարի աշխատավարձի ժամանակ ցույց տամ մայրության նպաստը:

Մայրության նպաստ

Սուսաննա.

Բարև Ձեզ: Մի հարց ունեմ ու կցանկանայի իմանալ: Ես ֆիզ. արձակուրդում եմ նոյեմբերի 25-ից: Ստացել եմ ինձ հասանելիք ֆիզ. գումարը: Հիմա փոքրիկիս ունեցել եմ կեսարյան հատումով, այսինքն՝ 140 օրվա փոխարեն 155 օր է դառնում օրերի քանակը: Նշանակում է. ես նորից 15 օրվա գումար ունե՞մ ստանալու:

Մայրության նպաստի հաշվարկի վերաբերյալ

Աննա.

Հարգելի հաշվապահներ, եթե մայրության նպաստ է հաշվարկվել՝ 285 526 դրամ՝ 285 526 x 22% = 62 815 (եկամտային հարկ): Վճարման ենթակա և բյուջեից հետ վերադարձվող գումարը հավասար է՝ 285 526 – 62 815 = 222 711, թե՞ 222 711 – 5 500 (դրոշմանիշային վճար) = 217 211: Եվ, եթե նպաստը նշանակվելու է մարտ ամսին՝ այն պետք է ներառել ապրիլին հանձնվող մարտ ամսվա եկամտային հաշվարկի ժամանա՞կ՝ 285 526 դրամն ամբողջությա՞մբ: Իսկ այդ 140 օրերի ընթացքում եկամտայինի զրոյական հաշվարկ է պե՞տք ներկայացնել տվյալ աշխատողի հաշվով։ Նախապես շնորհակալ եմ:

Տեղեկանքի օրինակ

Լիաննա.

Բարև Ձեզ: Որտեղի՞ց կարող եմ ներբեռնել, եթե տվյալ ամսվա համար հաշվարկված եկամտային հարկը բավարար չէ նպաստի` Հայաստանի Հանրապետության պետական բյուջեից վճարման ենթակա գումարները վճարելու համար, գործատուն նպաստի պակասող մասը վճարում է իր միջոցներից, որը փոխհատուցում է լիազոր մարմինը Հայաստանի Հանրապետության կառավարության սահմանած կարգով, գործատուի կողմից հարկային մարմին ներկայացրած տեղեկանքի ձևը:

Աշխատանք համատեղությամբ

Նարե.

Բարև Ձեզ: Սեպտեմբեր ամսից աշխատում եմ Ա/Ձ-ում, դեկտեմբերին ընդունվել եմ դպրոցում աշխատանքի 0.5 միավորով և 2 աշխատանքը միասին համատեղել եմ։ Հուն. 14-ին ֆիզ. արձակուրդ եմ գնալու: Ուզում եմ իմանալ, եթե ֆիզ. արձակուրը ձևակերպվի Ա/Ձ-ից՝ հնարավո՞ր է դպրոցի աշխատանքից դուրս մնալ։

Մայրության նպաստ

Լիաննա.

Բարև ձեզ։ Կօգնե՞ք:
Դպրոցի լաբորանտը ընդունվել է 01.09.2020թ. աշխատանքի 0.5 դրույքով, ամսական 46 309 աշխատավարձով, 14.01.2021թ. գնում է ֆիզ. արձակուրդ։ Ինչպե՞ս հաշվարկել ֆիզ. արձակուրդը:

Մայրության նպաստի վերաբերյալ

Արփինե.

Բարև Ձեզ։ Մայրության նպաստի հաշվարկի ժամանակ որպես աշխատողի ամսական հաստիք հիմք ենք ընդունում հաշվարկային աշխատավարձը, որը ներկայացնում են եկամտայինի հաշվարկի ժամանակ, թե՞ հաշվարկայինից հանում ենք հարկերը և մաքուր վճարված աշխատավարձի չափն ենք հիմք ընդունում։