Author: Accountant.am

Մարիամ․

Բարև ձեզ։

Ցանկանում եմ բիզնես սկսել և օրինակացնել, ունեմ մի քանի հարց, խնդրում եմ պատասխանել, նախապես շնորհակալություն։

Տան պայմաններում (առանձին խոհանոց) պատրաստելու եմ տորթեր, քաղցրավենիքներ, աշխատակից չեմ ունենալու, վաճառքը իրականացնելու եմ Instagram-յան էջի միջոցով, աշխատելու եմ միայն առաքումով, առաքումը իրականացնելու եմ ես: Բացի այդ ունենալու ենք փաթեթներ, որ օրինակ փոքրիկ տորթ և փոքրիկ շամպայն է լինելու կամ բաժակ է ներառելու փաթեթը , այս դեպքում այլ ապրանքները , որոնք իմ արտադրանքը չեն ինչպե՞ս եմ կարողանալու վերավաճառել։

1. Խնդրում եմ ասեք, այս ոլորտում բիզնես սկսելու քայլերը, ի՞նչ է պետք անել հերթականությունը նաև իմ բիզնեսի համար ամենահարմար կազմակերպաիրավական տեսակը , հարկման տեսակը, պարտավորությունները եւ վճարումները (ամսական եւ տարեկան) որո՞նք են
2. Արդյո՞ք պետք է առանձին հաշիվ բացեմ փոխանցումների համար, նաև կխնդրեմ նշել օնլայն վաճառքի դեպքում ինչպես եմ ՀԴՄ տրամադրելու

Իմ դեպքում օնլայն ՀԴՄ է լինելու և արդյոք ճի՞շտ է, որ ոչ բոլորին են թույլատրում էլեկտրոնային ՀԴՄ։

Կարեն․

Հարգելի հաշվապահներ, ընկերությունը շրջանառության հարկի դաշտում է, ռեստորանի տարածքում դրվել է սարք, որը հոսանք է ծախսում, կցանկանայի իմանալ՝ ի՞նչ տարբերակներով կարելի է վճարել այդ հոսանքի ծախսը։ Ու արդյո՞ք հնարավոր է մեր ընկերությունից վճարել այլ ընկերության հոսանքի վճարը, համապատասխան չափով ինչքան որ սարքը ծախսում է, վարձատուից հաշիվ չպահանջել և մեր մոտ այդ կատարված վճարը որպես ծախս չներկայացնել։
Հարցը հիմանակնում նրանում է, որ գործընկերներին չծանրաբեռնել հավելյալ հաշիվ գրելով։ Մուտքի համար 10% հարկվում է և որպես ծախս նվազեցում տալը տվյալ դեպքում առաջնային չէ։

Էլինա․

Բարև ձեզ։ Ֆիզարձակուրդ եմ գնում 01.07.2025-ին, աշխատանքային պայմանագիրս սեպտեմբերի մեկից է եղել։ Հուլիս-հոկտեմբեր ներառյալ աշխատել եմ նաև այլ վարյրում։ Արդյո՞ք մայրության նպաստի գումարը հաշվելիս հաշվապահը պետք է հաշվի առնի նաև այդ աշխատավարձը։ Եթե այո, ապա ի՞նչ մեխանիզմով։ Ես պե՞տք է տեղեկանք ներկայացնեմ, առ այն որ աշխատել ու վարձատրվել եմ տվյալ վայրից, թե՞ այդ տեղեկատվությունն իրեն հասանելի է։

Անի․

Օզոնով վաճառք իրականացնելու հետ կապված 2 հարց ունեմ․
1․ հաշիվը ու՞մ պետք է դուրս գրվի ՝ ՕՄԱՐՄ ՍՊԸ ին, թե՞ յուրաքանչյուր գնորդի անունով
2․ եթե յուրաքանչյուր վաճառքի համար գնորդի անունով պետք է գրվի, ապա ինչպե՞ս լրացնել անձնագրային տվյալները

Ռոբերտ․

Բարև Ձեզ։ Առևտրական գործունեութամբ զբաղվող շրջ. հարկ վճարող կազմակերպությունը պե՞տք է գույքագրի ապրանքները, եթե այո՝ իրավական ակտի հղում կտրամադրե՞ք։

Նարինե․

Բարև Ձեզ, եթե մի կազմակերպությունը ԱԱՀ-ով հարկվող ՍՊԸ է, ցանկանում է ստեղծել այլ ՍՊԸ, որտեղ ինքը հանդիսանում է որպես 100% բաժնետեր, ապա նոր ստեղծված ՍՊԸ-ն ի՞նչ հարկով է հարկվելու։ Տվյալ նոր ՍՊԸ-ն եթե շահաբաժին է վճարում իր հիմնադիր ընկերությանը, ապա դրանից ի՞նչ հարկեր են առաջանում։ Հիմնադիր ընկերությունը նոր ստեղծած ընկերության ծախսերի համար ներդրումները ի՞նչ ձևով կարող է անել՝ փոխանցման, թե՞ փոխառության ձևով։

Սեյրան․

Քանի՞ ժամ կարելի է բացակայել աշխատանքից։

Աննա․

Բարի երկուշաբթի բոլորին, ցանկանում եմ Ձեզանից խլել մի քանի րոպե ժամանակ, եթե ստացվի)
Վաղուց չեմ եղել հարցազրույցների, բայց պատրաստվում եմ փոխել աշխատանքս ու քանի որ ունեմ խնդիր (կապված լարված ժամանակ հարցերին բանավոր պատասխանելու և միտքս ճիշտ ու արագ ձևակերպելու հետ, դեռ ուսանողական տարիներից միակ բարձր գնահատական ստանալուս տարբերակը նստել հանգիստ մտքերս հավաքել գրելն էր, բանավորը մի խայտառակություն) կցանկանայի իմանալ՝ մոտավոր ի՞նչ հարցեր են տրվում հաշվապահներին հարցազրույցների ժամանակ։

Եթե նաև հուշեիք հաշվապահական գրասենյակներ, որտեղ կարելի է դիմել աշխատանքի համար, ուրեմն չգիտեմ, վիրտուալ կոնյակ-բամբանյերկա ինձանից )
Շնորհակալություն։

Agata.

Բարև Ձեզ: Եթե աշխատողը ոչ ստանդարտ գրաֆիկով է աշխատում, օրինակ՝ շաբաթական 2 օր, կամ շաբաթական 4 օր, այս դեպքում նրան տարվա ընթացքում քանի՞ աշխ. օր վճարովի արձակուրդ է հասնում: Եվ արդյո՞ք միջին աշխատավարձը հաշվարկվում է սովորական աշխատողների նման: Աշխատավարձը ամսական դրույքաչափ է: Շնորհակալություն։

Սոֆյա․

Բարև Ձեզ։ Հարգելի հաշվապահներ, կազմակերպությունը ՍՊԸ է և աշխատում է շրջհարկով։ Գործունեությունը՝ օտար լեզվի դասեր և փայտե իրերի արտադրություն։ Հարցը հետևյալն է ․ Կարելի՞ է արդյոք ՍՊԸ-ի անվան տակ այլ դասակարգիչով գործունեություն ծավալել (ֆեյսբուքյան էջում գովազների տեղադրում վճարովի հիմունքներով), և ձևավորված վճարը ուղարկել ՍՊԸ-ի հաշվեհամարին։ Եթե այո, ի՞նչ դասակարգիչ է, որքա՞ն է հարկվելու, ինչպե՞ս պետք է հաշվապահորեն ցույց տալ այս հաշիվների մուտքը հաշվեհամարին, եթե անկանխիկով պետք է աշխատենք, և կա՞ արդյոք օրենսդրական որոշում օնլայն գործունեության վերաբերյալ։ Շնորհակալություն։

Վարդուհի․

Բարի օր բոլորին: Հարցս կապված է Wildberries – ի միջոցով ապրանքների վաճառքի հաշվապահության հետ: Եթե ըստ դետալիզացիայի տվյալների նախորդ շաբաթ հաշիվ է դուրս գրվել, իսկ այս շաբաթ ցույց է տալիս որ վերադարձվել է, դա հարկային հաշիվներով ինչպե՞ս պետք է ձևակերպեմ։ Նախորդ շաբաթվա հաշիվը չեղարկել և նորը գրեմ առանց վերադարձած ապրանքի, թե՞ ճշգրտող հաշիվ դուրս գրեմ։

Եվ մի հարց էլ` ամեն անգամ ապրանքը պահեստ տանելիս պե՞տք է տեղափոխման փաստաթուղթ կազմեմ։

Քրիստինե․

Բարև Ձեզ, խնդրում եմ պատասխանել հարցիս. Եթե աշխատողը օգտվել է իրեն հասանելիք ամենամյա արձակուրդից և դրանից հետո աշխատել 3 ամիս, հարցս հետևյալն է. արդյո՞ք այդ դեպքում պետք է կատարել վերջնահաշվարկ։

Վիկա․

Հարգելի գործընկերներ, ՍՊԸ-ն վարձակալել է տարածք ֆիզ․ անձից։ Պայմանագիրը որևէ վավերացում չունի, սակայն ՍՊԸ-ն փոխանցումով է վճարում վարձը։ Վարձավճարը գրված է 70 000։ Գործարքը կնքվել է 2024 մայիսից։ ՍՊԸ-ն պե՞տք էր եկամտայինը վճարեր և ներառեր հաշվետվության մեջ։ Իսկ հարկայինը եթե չունի տվյալներ, ի՞նչ կհետևեր դրան։ Ինչպե՞ս կարելի է ուղղել իրավիճակը։ Ուղարկե՞լ անցած ամիսների համար ճշտված հաշվետվություններ և հանձնե՞լ 165 ձևը։

Աննա․

Բարև Ձեզ։ Ընկերության համատեղության կարգով աշխատողն ցանկանում է վերցնել չվճարվող արձակուրդ։ Քանի՞ օր համատեղությամբ աշխատողին կարող է տրամադրվել չվճարվող արձակուրդ ՝ մեկ տարվա ընթացքում։ Շնորհակալություն։

Աննա․

Հարգելի հաշվապահներ, մայրության նպաստից պահվող եկամտային հարկը վճարելու է գործատու՞ն, թե՞ ամբողջապես ՀՀ պետ բյուջեն: Կանխավ շնորհակալ եմ։

Մարիամ․

Բարև Ձեզ, հարգելի մասնակիցներ և մասնագետներ, հարցս այսպիսին է:
Երաժշտական քոլեջում աշխատող զինղեկը քանի՞ օր ամենամյա արձակուրդի իրավունք ունի, զինղեկը համարվում է վարչական աշխատող: Կանխավ շնորհակալություն:

Քրիստինե․

Բարև բոլորին: Եթե ԱՁ-ն, որը աշխատում է միկրոյով, պլաստիկ շշերից պատրաստում են ավելներ և խանութներին պետք է հանձնեն: Խանութը պահանջում է, որ հարկային հաշիվ դուրս գրեն, ԱՁ ի՞նչ պարտավորություններ ունի անելու և հարկային հաշիվ իրավունք ունի՞ դուրս գրելու:

Հայկ․

Բարև Ձեզ։ Հարկային օրենսգրքի 60-րդ հոդվածի 3-րդ մասի համաձայն՝
Բեռների, փոստի և (կամ) ուղևորների` ցանկացած տեսակի տրանսպորտային միջոցով փոխադրման տրանսպորտային ծառայության մատուցման գործարքը ԱԱՀ-ով հարկման օբյեկտ չի համարվում, եթե այն սկսվում և ավարտվում է Հայաստանի Հանրապետության տարածքից դուրս: Սույն մասի կիրառության իմաստով` տրանսպորտային ծառայություն է համարվում նաև այլ կազմակերպությունների և (կամ) ֆիզիկական անձանց միջոցով (ներգրավմամբ) Հայաստանի Հանրապետության տարածքից դուրս սկսվող և Հայաստանի Հանրապետության տարածքից դուրս ավարտվող բեռների, փոստի և (կամ) ուղևորների փոխադրման կազմակերպման միջնորդական գործունեությունը:

Հարց. ՀՀ ռեզիդենտ կազմակերպությունն իրականացրել է բեռնափոխադրում օտարերկյա Ա երկրից դեբի Բ երկիր։ Այս դեպքում ՀՀ ռեզիդենտ կազմակերպությունը հաշիվ չի՞ գրելու և եթե այս գործարքը ԱԱՀ-ով հարկվող օբյեկտ չի, ի՞նչ նրբություն կա։

Նաիրա․

Բարև ձեզ, հարցս վերաբերվում է մայրության նպաստի հաշվարկմանը։
Աշխատողը սկզբում ներկայացրել էր 140 օրվա անաշխատունակության թերթիկ, բարդ ծննդաբերությունից հետո ներկայացրել է ևս 15 օրվա անաշխատունակության թերթիկ։ Հարց՝ ինչպե՞ս հաշվարկել 15 օրվա համար միջին օրականը, արդյո՞ք պետք է վերցնել նույն 140 օրվա համար հաշվարկած միջին օրականի թիվը։

Գոռ․

Բարև Ձեզ,
Հարգելի հաշվապահներ, ինձ անհրաժեշտ է բացել ԱՁ Youtube adsense-ից վաստակած գումարը օրինական կերպով ստանալու և հարկ վճարելու համար։
Ի՞նչ դասակարգիչ է պետք կիրառել այս պարագայում։
Շնորհակալություն։

Ռոբ․

Բարև Ձեզ, կազմակերպությունը աշխատում է շրջ. հարկով և ունի վարձակալությամբ վերցրած մեքենա, որի համար գնում ենք ամեն ամիս վառելիք։ Խնդրում եմ ասեք՝ ի՞նչ կարգով պետք է վառելիքը ցույց տալ ծախս, կա՞ արդյոք նորմա։

Վիկա․

Բարև Ձեզ։ ՍՊԸ–ն պետք է անժամկետ դադար տրվի, ունի տնօրեն և մեկ աշխատող։ Երկուսին էլ պետք է ազատեմ, վճարեմ վերջնահաշվարկ (չօգտագործված արձակուրդային օրերի համար)։ Իսկ արձակման նպաստ վճարվելու՞ է։

Յանա․

Հարգելի հաշվապահներ, խնդրում եմ պատասխանեք՝ արդյո՞ք պետք է վարձատրվի փորձաշրջանը: Կանխավ շնորհակալ եմ։

Անի․

Հարգելի հաշվապահներ, արդյո՞ք նոր փոփոխություններով պարտադիր է, որ ՀԿ գլխավոր հաշվապահը լինի որակավորված և ունենա լիցենզիա։

Կարինե․

Բարև Ձեզ։ Եթե կազմակերպությունը կանխիկ գործարքներ չունի, կարո՞ղ է էլեկտրոնային դրամարկղային գրքի հայտ չներկայացնել և չունենալ։ Շնորհակալություն։

Կարինե․

Խնդրում եմ պատասխանել հարցին. եթե աշխատողն ամեն աշխատանքային ամսվա մեջ ունի չվճարվող արձակուրդի օրեր, ամենամյա արձակուրդ հաշվելիս ինչպե՞ս հաշվել։ Եթե կա օրենքում նման կետ՝ կխնդրեմ հղումն ասել։

Արթուր․

Հարգելի գործընկերներ, ֆիզ․ անձից գույք ձեռքբերելու դեպքում արդյո՞ք ֆիզ․ անձը կարող է հրաժարվել, որպեսզի հարկային գործակալը պահի եկամտային հարկը՝ փոխարենը առաջարկելով, թե ինքնուրույն կվճարի այն՝ եկամուտների հայտարարագրով հայտարարագրելով։ Շնորհակալություն։

Լիկա․

Բարև Ձեզ։ Հարգելի հաշվապաներ, աշխատողը 05․08․2022թ․ մինչև 19․05․2025թ․ գտնվել է մինչև երեք տարեկան երեխայի խնամքի արձակուրդում, 20․05․2025թ․ վերադարձել է աշխատանքի։ 09․06․2025թ․ մինչև 14․06․2025թ․ ներկայացրել է անաշխատունակության թերթիկ։ Ինչպե՞ս պետք է հաշվարկը կատարվի, արդյո՞ք հաշվարկի միջինի հիմք պետք է վերցնենք գործող նվազագույն աշխատավարձի չափը։ Շնորհակալ եմ նախօրոք։

Հերմինե․

Բարև Ձեզ։ Շրջանառության հարկով աշխատող ԱՁ-ն կարո՞ղ է դուրս գրել հարկային հաշիվ, հանձնել ԱԱՀ հաշվարկ և վճարել ԱԱՀ, եթե գործընկերը միայն այդ պայմանով է համաձայն համագործակցել։ Շահութահարկի դաշտ անցնելու ռիսկ կա։