Վեներա․

Բարև Ձեզ, ես անցյալ տարի մարտ ամսից եղել եմ ֆիզ. արձակուրդի մեջ, վերադարձել եմ այս տարվա փետրվարին, իմ ֆիզ. արձակուրդի մեջ եղած ժամանակահատվածի համար հասանելիք հերթական արձակուրդ ունե՞մ ես։

Անահիտ․

Բարև ձեզ։ Արդյո՞ք ԱՁ գրանցվելուց հետո մինչև 2տ երեխայի խնամքի նպաստը այլևս չեմ ստանա։

Արմենուհի․

Բարև Ձեզ: Ունեմ շրջհարկով գործող ԱՁ։ Դեկրետի անցնելու դեպքում հաշվարկը կատարելիս հիմք պետք է ընդունվի վերջին 3 տարիների, թե՞ 6 ամիսների ընթացքում ստացված եկամուտը։

Գուրգեն․

Բարև Ձեզ։ Ես ցանկանում եմ սկսել տնական մրգօղիների արտադրություն, ինչպե՞ս իմանամ թույլտվությունների, լիցենզիայի, աքցիզների և այլ կանոնների մասին։

Տաթևիկ․

Հարգելի հաշվապահներ, որևէ մեկը կարո՞ղ է ինձ օգնել վերագրում անեմ Վերո համակարգով, առաւին անգամ եմ անելու, քանի որ բավականին մեծ քանակությամբ դեռ ունենք դրոշմապիտակներ, ժամկետի մեջ, նախապես շնորհակալություն։

Անի․

Բարև ձեզ, խնդրում եմ կասե՞ք՝ կազմակերպություը կարո՞ղ է վարկի տոկոսները շրջհարկից նվազեցնել։

Արման․

Բարև Ձեզ։ 2025 թվականին որքա՞ն է ցորենի 40 %-ոց օղու ակցիզային հարկի դրույքաչափը։

Լիանա․

Բարև Ձեզ։ Դրամարկղային գրքի մեջ սկզբնական մնացորդը 0 է մնացել ու փակել եմ: Ինչ որ տարբերակ կա՞ շտկելու։

Կարինե․

Ինչպե՞ս է հաշարկվում ճանապարհածախսը դեպի Իջևան։ Կանխավ շնորհակալություն։

Գագիկ․

Ողջույն ձեզ։ ԱՁ-ով կատարում եմ ներմուծում ՌԴ-ի օնլայն հարթակներից, և ցանկանում եմ օրինական վաճառք իրականցնել։ Ի՞նչ թղթեր են հարկավոր՝ միայն ֆակտուրա լոգիստիկի կողմից բավարա՞ր է, եթե այո, ես որևէ թուղթ պե՞տք է տրամադրեմ, թե դա բեռնափոխադրումներ կատարող ընկերության պարտավորությունների մեջ է տրամադրել, ու այդ ֆակտուրան բավարար է օրինական դաշտում աշխատելու համար։

Անի․

Բարև Ձեզ։ ՍՊԸ-ն տարածք է վեցրել վարձակալությամբ, կիսել և սարքել է փոքր խանութներ և տվել վարձակալությամբ։ Արդյո՞ք ՍՊԸ-ն համարվում է առևտրի իրականացման վայրի կազմակերպիչ։

Արտյոմ․

Հարգելի հաշվապահներ,

Հարցս հետևյալն է․ կազմակերպությունն աշխատում է ԱԱՀ դաշտում։ Ուզում է ներմուծել մարդատար մեքենա և անհատույց տրամադրել, արտահանել ՌԴ-ում գոծող իր դուստր ընկերությանը։ Կօգնե՞ք հասկանալ ընթացակարգը և առաջացող հարկային պարտավորությունները։

Կիմա․

Բարև ձեզ։ Կարո՞ղ եմ խնդրել օգնել հասկանալ․ ՀԿ գործունեության դադարեցման դեպքում հարկային ստուգում պարտադիր կերպով իրականացնելու՞ են, թե՞ պարտադիր պայման չէ և կարող է առանց դրա էլ փակվել։ Եթե իրականացվում է, ի՞նչ խորությամբ ստուգման մասին է խոսք, ի՞նչ է իրենից ենթադրում։

Էմմա․

Բարև ձեզ, հարցս հետևյալն է․ աշխատողը գողություն է արել և դրա համար ազատվել է աշխատանքից՝ ՀՀ ԱՕ-ի 113-րդ հոդվածի 6-րդ կետով, ճի՞շտ է արդյոք այդ կետի կիրառումն այս դեպքում, եթե՝ ոչ, ո՞րն է պետք նշել։ Ո՞նց պետք է հրամանի ձևակերպումը տալ։ Եթե նման դեպքի համար ունեք ինչ-որ հրամանի ձևանմուշ, գոնե մոտավոր գրեք էլի։ Կանխավ շատ շնորհակալ եմ։

Աննա․

Բարև Ձեզ։ Որ խնդրեմ ինձ կասե՞ք՝ մսամթերքի գնման ակտի առկայության դեպքում հարկը ինչքա՞ն է կազմում:

Հասմիկ․

Բարև Ձեզ։ Ինձ անհրաժեշտ է իրի խոտանման ակտի օրինակելի ձև, եթե այս հարցում կարող եք օգտակար լինել, շատ շնորհակալ կլինեմ ։

Կարեն․

Բարև Ձեզ, հաշվապահներ ջան։ Եթե աշխատակիցը ներկայացրել է ժամանակավոր անաշխատունակության թերթիկ (մայրության նպաստի) մարտի 10-ին, սակայն գործատուն ապրիլի 26-ի դրությամբ դեռ չի վճարել։ Օրենքով ի՞նչ քայլեր կարող է կատարել աշխատակիցը։ Ի՞նչ հետևանքներ կարող է ունենալ գործատուի համար։ Նախապես շնորհակալություն։