Category: Աշխատավարձ, կադրեր

Մարիամ․

Բարև ձեզ, երաժշտական քոլեջում քաղիրավական պայմանագրով աշխատողը պետք է մեկնի արտերկիր՝ համերգների։ Ինչպե՞ս ճիշտ ձևակերպել փաստաթղթերը, եթե օրենքով քաղիրավական պայմանագրով աշխատողին արձակուրդ չի տրամադրվում։ Կանխավ շնորհակալ եմ։

Աննա․

Բարև Ձեզ։ Եթե աշխատակիցը մինչև մարտ ստացել է 300 000 դրամ աշխատավարձ, այժմ ստանում է 75 000, ապահովագրավճարի 4 800 դրամը պետք է փոխանցվի ընկերության հաշվից, թե՞ ահնատը իր հաշվից վճարի։

Մարիա․

Բարև ձեզ, խնդրում եմ օգնել ճիշտ ձևակերպման հարցում։ ​Համայնքի ավագանու որոշմամբ աշխատողների աշխատավարձը բարձրացել է հունվարի 1-ից (որոշման մեջ նշված է, որ ուժի մեջ է մտնում հունվարի 1-ից)։ Քանի որ հունվարի 1-ը և 2-ը ոչ աշխատանքային օրեր են եղել, և կազմակերպությունը սկսել է աշխատել հունվարի 3-ից, տնօրենը հրամանը տալիս է հունվարի 3-ին։ Արդյո՞ք ճիշտ է հունվարի 3-ին տրված հրամանի և համաձայնագրի մեջ նշել, որ աշխատավարձը բարձրանում է (փոփոխությունը տարածվում է) հունվարի 1-ից։ Ինչպե՞ս է ճիշտ ձևակերպել տեքստը, որպեսզի իրավական առումով խնդիր չլինի։

Էլեն․

Բարև ձեզ, խնդրում եմ պարզաբանել՝ եթե աշխատակիցը իր աշխատանքի ընթացքում կատարում է պարտականությունները տարբեր հասցեներում, արդյո՞ք ճիշտ կլինի աշխատանքային պայմանագրում աշխատանքի վայրը նշել որպես «ՀՀ տարածք»՝ հավելելով, որ աշխատանքը կրում է շարժական բնույթ։

Հապետ․

Բարև Ձեզ, ի՞նչ պատասխանատվության միջոց է կիրառվելու առողջության ապահովագրության վճարը ժամանակին չվճարելու համար։

Սերգեյ․

Բարև Ձեզ։ Հարցս հետևյալի մասին է. ցանկանում ենք ընդունել աշխատակից, որը ունի հիմնական աշխատանք՝ շաբաթական 40 ժամ տևողոությամբ, իսկ մեր մոտ աշխատելու է միայն շաբաթ և կիրակի օրերը։ 6 օրյա աշխատանքային գրաֆիկ է։ Շաբաթ օրը աշխատելու է 8 ժամ, իսկ կիրակի օրը 12 ժամ։ Ինչպե՞ս է կատարվելու վճարումը, ինչպե՞ս ճիշտ կազմել աշխատանքային պայմանագիրը։

Մագաղատ․

Բարև Ձեզ։ Ինձ անհրաժեշտ է մշակույթի պալատի ստեղծագործական աշխատանք իրականացնող աշխատողների համար արդյո՞ք կա օրենսդրական ակտ, որով կարող ենք առաջնորդվել և տվյալ աշխատողների համար սահմանել աշխատաժամանակ։ Անկեղծ ասած ես գտնում եմ, որ կարող եմ ֆիքսել ներքին կարգապահական կանոնակարգում և աշխատանքային պայմանագրում որ աշխատում են ոչ նորմալ աշխատանքային օրով, շաբաթական 40 ժամ տևողությամբ, սահմանվում է 1 օր հանգստյան օր պայմանավորված փորձերով, կազմակերպչական աշխատանքներով և միջոցառումներով։ Կխնդրեի արձագանքել՝ ովքեր բախվել են նման հարցերի։

Liana.

Բարև Ձեզ։ Նոր եմ վերադարձել մինչև 3 տարեկան երեխայի խնամքի արձակուրդից։ Արդեն աշխատում եմ գրեթե 1 ամիս։ Կրկին հղի եմ։ Հանդիսանում եմ քաղծառայող՝ Մասնագիտական պաշտոնների 2-րդ ենթախմբի աշխատակից եմ։ Նվազագույն պաշտոնային դրույքաչափը՝ ըստ իմ պաշտոնի խմբի 267.072 դրամ է, որի ժամանակ ստացել եմ մաքուր եկամուտ 193.000 դրամ։ Հիմա Ֆիզարձակուրդից վերադառնալուց հետո իմ գործակիցը դարձել է 3.53, հիմնական աշխատավարձս կազմում է 293.696 դրամ, մաքուր գալիս է 214.000 դրամ։ Հղիությունով պայմանավորված աշխատելու եմ մոտ 6 ամիս։ Ուզում եմ իմանալ՝ որքա՞ն կկազմի մոտավոր իմ հղիության և ծննդաբերության արձակուրդի նպաստի չափը այն պարագայում, երբ ես ֆիզարձակուրդի անցնելիս կաշխատեմ միայն 6 ամիսը, և ոչ մեկ տարի։ Ինչպե՞ս է հաշվարկվելու չաշխատած մյուս 6 ամիսների գումարի չափը։ Խնդրում եմ, եթե հնարավոր է, ներկայացնել նաև հաշվարկի կարգը՝ հաշվարկելով միայն աշխատավարձի հիման վրա, քանի որ դեռևս տեղյակ չեմ, թե արդյոք որևէ այլ կողմնակի գումարներ ես կստանամ այս ամիսների ընթացքում։ Կանխավ շնորհակալ եմ։

Մարինե․

Ինչպե՞ս է հաշվարկվում մայրության նպաստը քաղաքացիաիրավական (ծառայությունների մատուցման) պայմանագրով աշխատող մայրերի դեպքում։

Եղսիկ․

Բարև Ձեզ, հարգելի հաշվապահներ, խնդրում եմ օգնել․ աշխատողը ժամանակին չի ներկայացրել անաշխատունակության թերթիկը։ Թերթիկի բացակայության պատճառով հունվար ամսին տվյալ աշխատողին տրվել է աշխատավարձ, իսկ փետրվար ամսին չի տրվել։ Հունվար ամսվա եկամտայինը տրվել է աշխատավարձին համապատասխան։ Պարզվում է՝ անաշխատունակության թերթիկը 05․01․26թ-19․05․26թ օրերի համար արդեն լրացված է բժշկի կողմից, աշխատողն էլ 302 000 դր ստացել է իր նպաստը։ Ինչպե՞ս վարվեմ, կանխավ շնորհակալություն։

Սերժ․

Հարգելի մասնագետներ, ՀՀ ԱՕ 195-րդ հոդվածի 2-րդ մասի համաձայն՝ 2. Աշխատողի միջին ամսական աշխատավարձի չափը որոշվում է այդպիսի պահանջ առաջանալու ամսվան նախորդող վերջին տասներկու ամիսների ընթացքում տվյալ գործատուի կողմից տվյալ աշխատանքային պայմանագրի շրջանակներում աշխատողի համար հաշվարկված աշխատանքի վարձատրության բոլոր տեսակների (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ) ընդհանուր գումարը տասներկուսի բաժանելու միջոցով: ՀԱՐՑԸ՝ եթե անձը դիմել է ամենամյա արձակուրդ գնալու համար մարտի 11-ին և արձակուրդ գնալու սկիզբ նշել է մայիսի 20-ը, այս դեպքում ո՞ր օրն է համարվում պահանջն առաջանալու օրը:

Սերգեյ․

Բարև Ձեզ: Հարցս վերաբերում է համատեղությամբ աշխատանքին: Եթե աշխատանքային օրենսգրքի Հոդված 139 կետ 5-ով՝ Տարբեր գործատուների կամ նույն գործատուի մոտ երկու և ավելի աշխատանքային պայմանագրերով աշխատողի ամենօրյա աշխատաժամանակի տևողությունը (ներառյալ` հանգստի և սնվելու համար ընդմիջումները) չի կարող անցնել օրական 12 ժամից: Իսկ Աշխատաժամանակի առավելագույն տևողությունը, ներառյալ` արտաժամյա աշխատանքը, չի կարող անցնել օրական 12 ժամից (հանգստի և սնվելու համար` ընդմիջումը ներառյալ), իսկ շաբաթվա ընթացքում` 48 ժամից: Ապա արդյո՞ք կարելի է հետևություն անել, որ եթե հիմնական աշխատավայրում մարդ աշխատում է 40 ժամ, ապա այլ գործատուի մատ կարող է աշխատել միայն 8 ժամ, ընդհանուր՝ 48 ժամ:

Եվ երկրորդ հարցս. Եթե աշխատող ընդունում ենք միայն շաբաթ և կիրակի օրերի համար՝ համատեղության կարգով, ապա կիրակի օրվա համար կրկնակի ենք վարձատրելու, թե՞ դա մտնում է աշխատանքային գրաֆիկի մեջ: Նախապես շնորհակալություն:

Նաիրա․

Բարև Ձեզ։ Խնդրում եմ պարզաբանել՝ ոչ ռեզիդենտ վարձու աշխատողը համարվու՞մ է առողջության համընդհանուր ապահովագրավճար վճարող։

Տաթև․

Բարև ձեզ։ Եթե աշխատողին ազատել են աշխատանքից, բողոքարկվել է դատարանին։ Մինչև դատարանի որոշումը այլ գործատուի մոտ աշխատանքի անցնելու պարագայում շարունակու՞մ է անձը գտնվել հարկադիր պարապուրդում։

Լիլիթ․

Հարգելի հաշվապահներ, որքա՞ն է կազմում ՏՏ ոլորտում գործող կազմակերպության աշխատակիցների եկամտային հարկը։ Արդյո՞ք գործում է 10% դրույքաչափ բոլոր աշխատակիցների համար։ Շնորհակալություն։

Աստղիկ․

Բարև Ձեզ։ Այսպիսի հարց ունեմ․ աշխատում եմ սեպտեմբեր ամսից, աշխատավարձս եղել է 4 ամիս 83 250 դրամ, իսկ հունվար ամսից բարձրացել է 103 100 դրամ է դարձել։ 5 օր բացակայել եմ և բերել եմ բյուլետեն 5 օրվա համար։ Նշեմ, որ 5 օրյա եմ աշխատում։ Ինչքա՞ն պետք է ստանամ փետրվար ամսին։

Յանա․

Հարգելի հաշվապահներ, անաշխատունակության նպաստից պահվու՞մ է սոց. վճար: Առհասարակ ի՞նչ պահումներ են կատարվում։ Կանխավ շնորհակալություն։

Անուշ․

Հարգելի հաշվապահներ, ունեմ աշխատակից, ում Նոյեմբեր ամսվա ԱՎՈՒՄ-ը գերազանցել է 200 000 դրամը, դեկտեմբեր ամսվա հաշվարկված աշխատավարձից վճարվել է ապահովագրավճար, և դեկտեմբեր ամսին ներկայացրել է ՀԾ թերթիկ։ Արդյո՞ք գործատուի միջոցների հաշվին պետք է հունվար ամսվանից իրականացվի նրա ապահովագրավճարների վճարումը և մինչև ե՞րբ։ Կխնդրեմ արձագանքել։ Կանխավ շնորհակալ եմ։

Աշոտ․

Բարև Ձեզ։ Խնդրում եմ կասե՞ք՝ վարձու աշխատողը, ով ՌԴ քաղաքացի է և այստեղ ունի ապրելու, աշխատելու իրավունք, համարվո՞ւմ է սոց․ վճար կատարող, թե՞ ոչ։

Աննա․

Բարև ձեզ։ ՍՊԸ-ն եթե նոր է բացվում, մեկ մասնակից ունի, տնօրեն ռեգիստրով հենց հիմնադիրին է, taxservice-ում պարտադի՞ր է տնօրեն գրանցելը, և հետագայում փոփոխման դեպում տնօրենը ռեգիստրի վկայականում է՞լ պետք է փոխվի։

Հայկանուշ․

Բարև Ձեզ։ Քաղաքացիաիրավական պայմանագրով Արմաթ ԻԼ խմբավար եմ։ Միաժամանակ աշխատում եմ դպրոցում որպես էլեկտրոնային մասնագետ։ Հարց՝ քաղաքացիաիրավական ծառայությունը հաստի՞ք է, թե՞ մատուցած ծառայություն։ Ինձ առարկում են, որ ես պետք է աշխատեմ էլ․ մասնագետ 0,75 դրույքով, քանի որ 2 աշխատանքը միասին շաբաթական 48 ժամը գերազանցում է։ Նշեմ, որ Արմաթ խմբակ պարապում եմ 2 խմբով յուրաքանչյուր խմբի հետ քաղաքացիաիրավական պայմանագրով տրված շաբաթական 4 ժամ 30 րոպե։

Հայկ․

Բարև ձեզ։ Հարցս վերաբերում է դրոշմանիշային վճարներին։ Ինչպես գիտենք՝ 2026 թ. հունվարից մինչև 1 մլն աշխատավարձ ստացողներինը դրոշմանիշային վճարը դարձել է 1 000 դրամ ։ Իսկ եթե օրինակ ոչ լրիվ աշխատաժամանակով աշխատողը ստանում է ամսական մաքուր 60 000 դրամ, ապա այդ 1 000 դրամը գործատու՞ն է շարունակում վճարել։ Այս մասով փոփոխություն կա՞, թե՞ ոչ։ Շնորհակալություն։

Գայանե․

Հարգելի գործընկերներ, անկեղծ ասած հարկադիր պարապուրդի հաշվարկի մեջ եմ դժվարանում, ո՞ր տարբերակն է ճիշտ, եթե աշխատողն աշխատում է 123 000 դրույքաչափով, 8 ժամյա աշխատանքային գրաֆիկով, հարկադիր պարապուրդի հաշվարկը 1 ամսվա համար այսպե՞ս է․

1. 123 000 * 2 / 3 = 82 000 ու դրանից պահվի հարկերը,
2. թե՞ այս եղանակով` 90 020(մ.) / 21 / 8 = 535.8 535.8*21 = 11 252.5 վճարման ենթակա

Կանխավ շնորհակալություն:

Մարիամ․

Խնդրում եմ հստակեցնել՝ եթե գործող աշխատողի համար իրականացվում է պաշտոնի փոփոխություն և աշխատավարձի բարձրացում, արդյո՞ք անհրաժեշտ է աշխատողի համաձայնությունը (էլեկտրոնային ստորագրությամբ համաձայնագրով) էլ. համակարգում։

Լիլիթ․

Խնդրում եմ օգնեք հետևյալ հարցում։ Աշխատակիցները աշխատում են գործավարձով և ամեն ամիս խիստ տարբեր աշխատավարձ են ստանում։ Եթե նոյեմբերի աշխատավարձը կազմել է 285 000, դեկտեմբերը 620 000, հունվարը 450 000, խնդրում եմ ասեք՝ ապահովագրավճարը և դրոշմանիշային վճարը որքա՞ն պետք է պահվի դեկտեմբեր և հունվար ամիսներին։ Կանխավ շնորհակալություն։

Արմինե․

Բարև Ձեզ, հարգելի հաշվապահներ, խնդրում եմ ուղղորդել. Աշխատակիցն ունի հաշմանդամության կարգ, նրա համար գործատուն իր ֆինանսական միջոցներից, 2025թ. նոյեմբեր ամսում հաշվարկել և վճարել է ապահովագրավճար: Որտեղի՞ց պետք է վերցնել դիմումի ձևը և ու՞ր պետք է ուղարկվի դիմումը, որպեսզի վճարված ապահովագրավճարը հետ վերադարձվի գործատուին:

Արեն․

Բարև ձեզ։ Եթե կազմակեպությունը խախտում է Աշխատանքային օրենսգրքի հադված 185, մաս 1, որտե՞ղ պետք է դիմել, որպեսզի պատկան մարմինները ստուգեն և պատժեն տվյալ կազմակերպությանը։

Գոհար․

Հարգելի հաշվապահներ, նախկինում 1000+ կայքով կարողանում էինք տեսնել կազմակերպության վճարած դրոշմանիշայինները ըստ ամիսների, այժմ չեմ կարողանում գտնել, թաքսերվիսում սխալ պարտավորություն է ցույց տալիս, ի՞նչ տարբերակով կարող եմ համեմատել։

Արմինե․

Բարև ձեզ։ Խնդրում եմ օգնեք հասկանալ՝ եթե աշխատողը 0.5 դրույքով է աշխատում, 4 ժամ օրական, հարկադիր պարապուրդի ընթացքում ինչպե՞ս է վարձատրվում, եթե առհասարակ աշխատանքի չի գնում և աշխատանք չի կատարում: Անչափ շնորհակալ եմ։

Գոհար․

Կազմակերպությունը զբաղվում է մասնագիտացված շինարարական գործունեությամբ: 2025թ ՀՀ տարածքում իրականացրել է տվյալ գործունեություն, որի համար ըստ օրենսդրության պարտավոր էր գործուղում ձևակերպել, սակայն գործուղման գումարները ժամանակին չեն վճարվել: Կարո՞ղ է արդյոք 2026թ-ին վճարել։ Արդյո՞ք հարկային պարտավորություն կառաջանա այդ դեպքում։