Արդյո՞ք կարելի է միաժամանակ հանդես գալ և Ա/Ձ-ի, և ՍՊԸ-ի հիմնադիր տնօրեն

Կարելի է , բայց այդ դեպքում և ԱՁ և ՍՊԸ կգործեն ընդհանուր հարկման դաշտում , որպես փոխկապակցված կազմակերպություններ։
ՀՕ Հոդված 30. Փոխկապակցված կազմակերպությունները և (կամ) ֆիզիկական անձինք
1. Օրենսգրքի կիրառության իմաստով` կազմակերպությունները և (կամ) ֆիզիկական անձինք համարվում են փոխկապակցված, եթե`
1) ռեզիդենտ առևտրային կազմակերպության կանոնադրական (բաժնեհավաք) կապիտալի 20 տոկոս և ավելի փայաբաժինը (բաժնետոմսը, բաժնեմասը) պատկանում է այլ ռեզիդենտ առևտրային կազմակերպությանը, անհատ ձեռնարկատիրոջը կամ նոտարին.
2) ռեզիդենտ առևտրային կազմակերպության կանոնադրական (բաժնեհավաք) կապիտալի 20 տոկոս և ավելի փայաբաժինը (բաժնետոմսը, բաժնեմասը) պատկանում է անհատ ձեռնարկատեր չհանդիսացող այն ֆիզիկական անձին, որին միաժամանակ պատկանում է այլ ռեզիդենտ առևտրային կազմակերպության կանոնադրական (բաժնեհավաք) կապիտալի 20 տոկոս և ավելի փայաբաժինը (բաժնետոմսը, բաժնեմասը):

Կարող եք, բայց եթե տնօրենը որպես հիմնադիր 20% և ավելի մասնաբաժին ունենա պետք է 2-ն էլ աշխատեն հարկման ընդհանուր համակարգում՝ ԱԱՀ դաշտում։