Մարիետտա․
Բարև Ձեզ։ Եթե աշխատողը գործատուի մոտ աշխատել է 7 ամիս, և ներկայացրել է անաշխատունակության թերթիկ (հիվանդության), միջին աշխատավարձը ստանալու համար ընդհանուր եկամուտը բաժանում եմ 12-ի, թե՞ 7-ի (նախկինում չի աշխատել): Շնորհակալություն։
Կայք հաշվապահների համար և ոչ միայն…
on Ոչ ռեզիդենտի եկամուտների հայտարարագիր: “Ոչ, կարիք չկա, որովհետև ՍՊԸ-ն որպես հարկային գործակալ արդեն իսկ ներկայացրել է 165ձևը:” Apr 18, 10:36on Հաշվապահական խնդիր: “Ներկայացնում եմ մեր արհեստական բանականությամբ աշխատող հաշվապահի պատասխանը. Բացեք հղումը, փորձեք. https://chat.openai.com/g/g-NR9SIk18j-hashvapah Երբ մեկ ավտոմեքենան պոկանակվում է նմանատիպ մեկ այլ…” Apr 17, 18:56
on ԱՁ համարվել է ԱԱՀ վճարող: “Եթե հայտ չեք ներկայացրել շրջհարկով աշխատելու համար համակարգը ավտոմատ գցում է ԱԱՀ-ի դաշտ։ Այս տարի ստիպված ԱԱՀ-ով պետք է աշխատեք,…” Apr 17, 17:10- on Ո՞ր օրվա փոխարժեքը կիրառել: “Հիմք ընդունեք ինվոյսի ամսաթվի նախորդ օրվա ԿԲ-ի փոխարժեքը։” Apr 17, 17:06
on Հանրային հատվածի հաշվապահի որակավորում: “ամեն դեպքում մեր հետևորդներից եթե կլինեն մարդիկ որ ունեն, խնդեմ ուղարկեք վերը նշված էլ հասցեին։ կանխավ շնորհակալ եմ” Apr 17, 15:31
Բարև Ձեզ, Մարիետտա։ Բոլոր նպաստների հաշվարկման ժամանակ միջին աշխատավարձը ստանալու համար հաշվարկվող մեծությունը բաժանվում է 12-ի՝ անկախ աշխատած ամիսների։
Շնորհակալություն, իսկ օրենքի հղումը կարո՞ղ եք գրել, ես չգտա։
ՀՀ օրենքը ժամանակավոր անաշխատունակության և մայրության նպաստների մասին:
Եթե որևէ պատճառով տասներկու ամիսները չեն ձևավորվում կամ միջին ամսական աշխատավարձը հաշվարկելու պահանջն առաջացել է մինչև աշխատողի առաջին աշխատանքային տարին լրանալը, ապա աշխատողի միջին աշխատավարձի չափը հաշվարկվում է` տվյալ ժամանակահատվածում մյուս բոլոր ամիսների ընթացքում աշխատողի համար հաշվարկված աշխատանքի վարձատրության բոլոր տեսակների (բացառությամբ պարգևատրման գումարների) ընդհանուր գումարն այդ ամիսների թվի վրա բաժանելու միջոցով, իսկ պարգևատրման գումարները միջին աշխատավարձի մեջ հաշվի են առնվում 1/12-ի չափով: Այսինքն` վերցնում եք 7 ամիսը:
Հարգելի Տիգրան, ԱՕ-ի հոդված 195-ի համաձայն միջին աշխատավարձ հաշվարկելու համար ճիշտ է՝ վերցնում եք փաստացի աշխատած ամիսների քանակը։ Սակայն անաշխատունակության նպաստի հաշվարկման ժամանակ, համաձայն “Ժամանակավոր անաշխատունակության և մայրության նպաստների մասին” ՀՀ օրենքի հոդված 22-ի․
Վարձու աշխատողի միջին ամսական աշխատավարձը հաշվարկվում է ժամանակավոր անաշխատունակությունն առաջանալու ամսվան նախորդող տասներկու հերթական օրացուցային ամիսների (այսուհետ` հաշվարկային ժամանակահատված) համար տվյալ գործատուի կողմից վարձու աշխատողին վճարված (վճարման ենթակա) եկամուտը տասներկուսի բաժանելու միջոցով:
Եթե տասներկու ամիսներ չեն ձևավորվում, ապա միևնույն է՝ ստացված գումարը բաժանում եք տասներկուսի։
Հասկանալի է, սակայն միջինի հաշվարկման միասնական կարգը սահմանված է ԱՕ-ով, հետևաբար առաջնորդվելու եք ԱՕ-ով, իսկ Ձեր նշած օրենքը հարցի պատասխանը չի պարունակում:
Տիգրան, նպաստներ վճարելու դեպքում միջին ամսական աշխատավարձի հաշվարկման կարգը այլ է, բաժանվում է 12-ի, ԱՕ-ով չենք առաջնորդվում, նպաստների համար կա առանձին օրենք, ավելին՝ նպաստի հաշվարկման ժամանակ չի կիրառվում նաև 195-րդ հոդվածի հետևյալ պարբերությունը՝ հաշվառման ենթակա տասներկու ամիսներում չպետք է ներառվեն այն ամիսները, որոնց ընթացքում աշխատողը եղել է ժամանակավոր անաշխատունակության մեջ և (կամ) արձակուրդում և (կամ) ոչ իր մեղքով պարապուրդում: Հաշվառման ենթակա ամիսներում այդ ամիսները ներառվում են:
Մարիաննա ժամ. նպաստների օրենքը սահմանում է առանձնահատկություները դրանց հաշվարկի, սակայն երբ օրենքը չի տալիս հարցի պատասխանը, ապա այն պետք է լինի օրենսգրքում, այո, բյուլետենի հաշվարկի համար արձակուրդը, բյուլետենը հաշվառվում են միջինի հաշվով:
Նշված հոդվածում չի ասվում այն մասին, որ եթե մարդը չի աշխատել 12 ամիս, ապա պետք է բաժանվի 12-ի, բայց կա մեկ այլ բան, որ եթե 12 ամիս չի աշխատել, ապա աշխատողը կարող է ներկայացնել նախորդ աշխատավայրում աշխատելու մասին տեղեկանք և հաշվարկել ըստ այդ տվյալների:
Բարև Ձեզ։ Կարծում եմ՝ Մարիաննան ճիշտ է, ընդհանուր եկամուտը բաժանում են 12-ի։ Տվյալ դրույթը ընդունել են այն նպատակով, որպեսզի հղի կանայք նպաստ ստանալու նպատակով չընդունվեն աշխատանքի, օրինակ, մեկ ամսով, և ստանան մեծ չափի նպաստ, քանի որ այդ մեկ ամսվա աշխատավարձը դիտավորյալ մեծ է գրվել։
Ժամանակավոր անաշխատունակության եվ մայրության նպաստների մասին ՀՀ օրենք, հոդված 22, մաս 7․ Վարձու աշխատողի միջին ամսական աշխատավարձը հաշվարկվում է ժամանակավոր անաշխատունակությունն առաջանալու ամսվան նախորդող տասներկու հերթական օրացուցային ամիսների (այսուհետ` հաշվարկային ժամանակահատված) համար տվյալ գործատուի կողմից վարձու աշխատողին վճարված (վճարման ենթակա) եկամուտը ՏԱՍՆԵՐԿՈՒՍԻ բաժանելու միջոցով: