Տեղեկանք տրամադրելու կարգ

Հարգելի Աննա,
տեղեկանքի տրամադրման կարգը սահմանվում է համաձայն “Եկամտային հարկի մասին” ՀՀ օրենքի հոդված 15-ի կետ 2-ով՝ Հարկային գործակալները պարտավոր են ֆիզիկական անձանց պահանջով նրանց տրամադրել հաշվարկված և վճարված եկամուտների, պահված հարկի գումարների, ինչպես նաև գործատուի կողմից աշխատողի համար կատարված կուտակային կենսաթոշակային վճարումների մասին տեղեկանքներ:

Նաև սահմանվում է ՀՀ աշխատանքային օրենսգրքի հոդված 130.-ի կետ 3-ով՝
Աշխատողի ցանկությամբ գործատուն պարտավոր է նրան տրամադրել տեղեկանք աշխատանքային գործառույթների (պարտականությունների), աշխատավարձի, վճարված հարկերի ու պետական սոցիալական ապահովության վճարումների չափի և աշխատանքի գնահատականի վերաբերյալ:

Ինչ վերաբերում է օտար լեզվով տրամադրելուն, դա գործատուի ցանկությամբ կարող է տրամադրվել կամ ոչ, համենայն դեպս արգելող որևէ նորմ չեմ հանդիպել: