ԱՁ զբաղվում է մանրածախ առևտրով

Բարև Ձեզ: Ընտանիքի անդամը չի կարող փոխարինել Ձեզ, հարկայինի աշխատողի համար Ձեր ընտանիքի անդամը համարվում է չգրանցված աշխատող:

Հարգելի Արտաշես, եթե գրանցված աշխատող չէ, ուրեմն չի կարող, քանի որ ՀՀ սոց. ապահովության օրենքի 6-րդ հոդվածի 6-րդ կետում ասվում է՝
Աշխատողի աշխատանքի ընդունումը Հայաստանի Հանրապետության օրենսդրությամբ սահմանված կարգով գրավոր չձևակերպելու (այսինքն` աշխատանքի ընդունման մասին գրավոր հրամանի և (կամ) գրավոր պայմանագրի բացակայության) փաստը Հայաստանի Հանրապետության կառավարության սահմանած կարգով արձանագրելու դեպքում գործատուն տվյալ (արձանագրման) ամսում յուրաքանչյուր չձևակերպված վարձու աշխատողի համար հաշվարկում և վճարում է պարտադիր սոցիալական ապահովության վճար`
ա. 60.000 դրամի չափով, եթե չձևակերպված վարձու աշխատողների թվաքանակը մեկից երեք է,
բ. 150.000 դրամի չափով, եթե չձևակերպված վարձու աշխատողների թվաքանակը չորսից վեց է,
գ. 300.000 դրամի չափով, եթե չձևակերպված վարձու աշխատողների թվաքանակը յոթից ինն է,
դ. 600.000 դրամի չափով, եթե չձևակերպված վարձու աշխատողների թվաքանակը գերազանցում է ինը: