Ի՞նչ է իրենից ներկայացնում «ինքնահաշիվը»

Հարկային օրենսգրքի 56-րդ հոդվածի 7-րդ մասի համաձայն՝ այն դեպքում, երբ ՀՀ-ում մշտական հաստատություն չունեցող ոչ ռեզիդենտ կազմակերպության կողմից ՀՀ-ում իրականացվող՝ ապրանքի մատակարարման, աշխատանքի կատարման կամ ծառայության մատուցման գործարքի գծով ԱԱՀ-ի հաշվարկման և վճարման պարտավորությունը, օրենսգրքի 4-րդ բաժնի համաձայն, կրում են գործարքի կողմ հանդիսացող՝ ՀՀ ռեզիդենտ կազմակերպությունը, անհատ ձեռնարկատերը, նոտարը, ապա այդ գործարքի մասով հարկային հաշիվը՝ ինքնահաշիվը, դուրս է գրվում ՀՀ ռեզիդենտ կազմակերպության, անհատ ձեռնարկատիրոջ կամ նոտարի կողմից:
Հարկային օրենսգրքի 70-րդ հոդվածի 2-րդ մասի համաձայն՝ ՀՀ-ում մշտական հաստատություն չունեցող ոչ ռեզիդենտ կազմակերպության կողմից ՀՀ-ում իրականացված՝ ապրանքի մատակարարման, աշխատանքի կատարման կամ ծառայության մատուցման ԱԱՀ-ով հարկման ենթակա գործարքների գծով օրենսգրքով սահմանված կարգով և ժամկետներում ԱԱՀ-ի հաշվարկման և վճարման պարտավորությունը այդ ոչ ռեզիդենտ կազմակերպության փոխարեն՝ որպես հարկային գործակալ, կրում են պայմանագրային հարաբերությունների կողմ հանդիսացող ԱԱՀ վճարողները: