Ֆինանսական վարձակալության ձևակերպումներ

Շնորհակալություն հարցի համար: Խնդրում ենք պարզաբանել՝ խոսքը Վարձակալի մոտ լիզինգի ձևակերպման մասին է, թէ՞ Վարձատուի:

Շնորհակալություն:​

Հարգելի Արման,

Շնորհակալություն ենք հայտնում հարցի համար:

Վարձակալի մոտ վարձակալության մեկնարկին վարձակալական պարտավորությունների ամբողջ գումարով կրեդիտագրվում է «ֆինանսական վարձակալության գծով վճարվելիք գումարներ» հաշիվը` վարձակալված ակտիվի արժեքի չափով դեբետագրելով «ֆինանսական վարձակալությամբ օգտագործվող հիմնական միջոցներ» հաշիվը և միաժամանակ` պայմանագրով և մարման ժամանակացույցով սահմանված վարձակալության ամբողջ ֆինանսական (տոկոսային) ծախսերի գումարով դեբետագրելով «Չկրած ֆինանսական ծախս» հաշիվը:
Ֆինանսական ծախսը ճանաչելիս, յուրաքանչյուր ժամանակաշրջանի պարտավորության մնացորդի նկատմամբ հաստատուն պարբերական տոկոսադրույքը պահպանելով, «Չկրած ֆինանսական ծախսեր» հաշիվը կրեդիտով թղթակցում է «ֆինանսական վարձակալության դիմաց տոկոսային ծախսեր» հաշվի դեբետի հետ: Մարման ժամանակացույցով սահմանված վարձակալական պարտավորության բաժնեմասը վճարելիս դրամական փաստոցի արտահոսքի գումարով դեբետագրվում է «ֆինանսական վարձակալության գծով վճարվելիք գումարներ» հաշիվը` կրեդիտագրելով դրամական միջոցներ հաշվառող հաշիվները:

Խնդրում ենք թողնել Ձեր հեռախոսահամարը և էլ. փոստի հասցեն՝ հետագայում Ձեզ հետ կապնվելու և նորությունների մասին տեղեկացնելու նպատակով:

Հարգանքով,
ԱԳԲԱ Լիզինգ