Անի․ Բարև ձեզ։ Եթե տնօրենը ամենամյա արձակուրդից օգտվում է, այդ դեպքում ինչպե՞ս պետք է գրվի արձակուրդի հրամանը։ Հրամանի մեջ գրվելու է՝ տնօրենին տալ արձակուրդ, թե՞ գրվելու է՝ այսինչ ժամանակահատվածում գտնվելու եմ արձակուրդի մեջ։

Հայկ. Հարգելի կոլեգաներ, ԱԱՀ-ով աշխատող ընկերությունը, շահութահարկի հաշվետվության 8-րդ ձևում չբաշխված շահույթը սխալմամբ գրվել է կրեդիտորական պարտքեր շահաբաժինների մասով: Ի՞նչ խորհուրդ կտաք, ինչպե՞ս վարվենք:

Անի. Ֆիքսված ժամկետով աշխատանքային պայմանագրի կնքման ժամանակ, գործատուն կարո՞ղ է գումարային տուգանք սահմանել՝ աշխատակցի կողմից ժամկետից շուտ պայմանագրի լուծման դեպքում: Կանխաց շնորհակալություն:

Քնարիկ. Աշխատող եմ ընդունել ժամավճարով, աշխատում է օրական երեք ժամ, շաբաթական 4 օր: Ժամային տարիֆը կարո՞ղ եք օգնել, որքա՞ն նշեմ մինիմալով /սոց. վճարող չի/:

Անի. ՍՊԸ-ի տնօրենը հանդիսանում է հիմնադիր` 100 տոկոս բաժնեմասով։ Ի՞նչ գործընթացով է տեղի ունենում հիմնադրի և տնօրենի փոփոխություն, և ի՞նչ փաստաթղթեր են անհրաժեշտ։

Անահիտ. Բարև Ձեզ: Ես ընդհանուր բեռնափոխադրող կազմակերպությունից օգտվել եմ, Մոսկվայից բեռ եմ բերել: Ես ԵՏՄ հայտարարագիր եմ տալու՞ մինչև ամսի 20: Գիտեմ, բայց չգիտեմ տեղափոխվող բեռների կոդերը: Ինձ կհուշե՞ք` մանկական հագուստ, կանացի կուրտկա և կանացի բլուզկաներ: Խնդրում եմ` օգնեք:

Բարև Ձեզ։ Հարկադիր պարապուրդի ժամանակ, երբ աշխատողը վճարվում է 2/3-ի չափով և չի ներկայանում աշխատանքի, կարո՞ղ է բացակայել երկրից։

Լիլիթ. Բարև Ձեզ: Հղիության և ծննդաբերության (140 օր) արձակուրդում գտնվող աշխատողին սոց. փաթեթ փոխանցվու՞մ է, թե՞ ոչ: Կանխավ շնորհակալ եմ:

Անի. Բարև Ձեզ, սիրելի հաշվապահներ: Հարցս հետևյալն է. ԱՁ ԱԱՀ-ով է աշխատում և բեռնափոխադրմամբ է զբաղվում ՀՀ-ՌԴ: Ուզում եմ իմանալ` ԱԱՀ ի՞նչ զրոյական արտոնություններից կարող է օգտվել: Կանխավ շնորհակալ եմ:

Արշալույս. Ես երկրորդ երեխայիս ծնունդից հետո անցել եմ աշխատանքի և օգտվում եմ "դայակ պետության հաշվին" ծրագրից: Կարո՞ղ եմ դարձյալ նստել ֆիզարձակուրդ և ստանալ նպաստ, արդյո՞ք կօգտվեմ պետական աշխատանք ունեցող և գյուղական բնակավայրում ապրող մայրերեին տրվող 53 հազար նպաստից: Կանխավ շնորհակալություն

Օֆա. Բարև Ձեզ: Կասե՞ք` եթե աշխատել եմ 7 ամիս և ֆիզարձակուրդ եմ գնում, որքա՞ն կկազմի ֆիզարձակուրդիս գումարը: Մաքուր աշխատավարձս 90 000դրամ է:

Բարև Ձեզ: Նոր եմ գրանցվել որպես Ա/Ձ: Ընտրություն չունեմ, վճարելու եմ ԱԱՀ, ինձ ասացին: Կհուշե՞ք, էլ ի՞նչ ունեմ վճարելու՝ եկամտային հարկ, սոց. վճար և զինծառայողների հիմնադրամին:

Սյուզան. Բարև Ձեզ։ Ես ուզում եմ ճշտել` թե ինչքանո՞վ է օրենքի սահմաններում Հայաստանում թույլատրվում պատրաստել և վաճառել Սթարբաքսի սուրճ, պատրաստված Սթարբաքսի սարքավորումներով։

Կարինե. Բարև Ձեզ: Մի հարց։ Եթե կազմակերպությունը ոչ նյութական ակտիվ է վաճառել` ի՞նչ հաշիվ պետք է գրի:

Մարիաննա. Բարև Ձեզ, հարգելի հաշվապահներ: ՀՀ-ում գործող ՏՏ ոլորտի կազմակերպությունը ծառայություն է մատուցելու արտասահմանյան կազմակերպությանը։ Բացել եմ ԱՁ, աշխատելու եմ շրջհարկով (արդեն դիմումը տվել եմ), ինչպես նաև բացել եմ բանկային հաշվեհամար ԱՁ-ի համար, որը նշված է Taxservice-ում: Արտասահմանյան կազմակերպությունը` բանկային հաշվեհամարին, ամեն ամիս ծառայության համար պետք է գումար փոխանցի: Ցանկանում եմ իմանալ, այդ գումարը ինչպե՞ս է երևալու ծրագրում (եթե ՀԴՄ չունեմ), քանի որ եռամսյակային շրջհարկի հաշվետվության 16 կետում պետք է գրեմ այդ գումարի չափի 5%-ը: Ես շրջանառության հարկի հաշվետվություն տալիս եմ ԱՁ-ի և ՍՊԸ-ի, բայց ՀԴՄ-ով եմ տեսնում շրջանառություն, իսկ ՏՏ ոլորտը չեմ արել, խնդրում եմ օգնել: Շնորհակալություն:

Նաիրա. Բարև Ձեզ։ Ինպե՞ս և որտեղի՞ց կարող եմ ստանալ հեղինակային իրավունք այն երգի համար, որն ինքս եմ գրել։ Երգը տեղադրված է իմ ՅուԹյուբյան ալիքում։ Ուզում եմ ապացույց ունենամ, որ այն իմ հեղինակածն է։

Մելինե. Բարև Ձեզ: Կազմակերպությունը հողի հարկի և գույքահարկի հաշվետվություն պետք է ներկայացնի մինչև դեկտեմբերի 1-ը, թե՞ միայն վճարում է այդ գումարը: Եթե կարող եք` հղում տվեք: Շնորհակալություն:

Լուսինե. Բարև ձեզ: Ասացեք խնդրեմ` հնարավո՞ր է լինել ֆինանսիստ, առանց հաշվապահություն իմանալու։

Վարդ. Բարև Ձեզ։ Խնդրում եմ ասացեք` եթե ես գրանցված աշխատող եմ և արդեն ստացել եմ նախածննդյան ֆիզարձակուրդի գումարը, ես կարո՞ղ եմ օգտվել պետության կողմից մինչ ծննդյան տրամադրվող մոտավոր 120 000 դրամական օգնությունից։