Tag: դեղատուն

Բարև Ձեզ։ Խնդրում եմ օգնել հասկանալ, նոր բացված Ա/Ձ է․

1. Տնային կենդանիների համար կերի մանրածափ առևտուր մասնագիտացված խանութում

2. Անասնակերերի մանրածախ առևտուր մասնագիտացված խանութում։

Ասեք խնդրում եմ՝ կարո՞ղ եմ անասնաբուժական դեղատուն բացել սեփական տան մեջ, ինչպե՞ս և ի՞նչ է հարկավոր։

Սաթիկ․

Բարև Ձեզ, կազմակերպությունը ցանկանում է դեղորայքի բարեգործական գնում կատարել ֆիզ. անձի համար: Կասե՞ք՝ կարգը ինչպես է լինելու, եթե ոչ մի դեղատուն չի համաձայնվում ֆիզ անձի անունով հաշիվ դուրս գրել: Պատճառաբանում են օրենքի փոփոխություն, կասե՞ք՝ ո՞ր օրենքի մասին է խոսքը: Կանխավ շատ շնորհակալ եմ։

Բարև Ձեզ։ Խնդրում եմ պատասխանել՝ դեղատունը, որը մանրածախ առևտրով է զբաղվում, կարո՞ղ է հաշիվ դուրս գրել օրինակ՝ դպրոցի համար, որին մատակարարել է առաջին օգնության դեղեր։

Մաշա․ Ողջույն, հարգելի հաշվապահներ։ Որևէ մեկը դեղատան լիցենզիաի գործողության դադարեցման հայտով դիմե՞լ է ԱՆ, եթե այո, հայտի կամ դիմումի ձև կխնդրեի։ Կանխավ շնորհակալ եմ։

Մաշա․ Ողջույն, հարգելի հաշվապահներ։ Դեղատունը գտնվում է ժամանակավոր դադարի մեջ, դեղերի մեծ մասը վաճառել է այլ դեղատնային գործունեություն իրականացնող տնտեսվարողի, որի համար գրվել է հաշվարկային փաստաթուղթ, բայց կա նաև մոտ 20 մլն-ի ապրանքային մնացորդ։ Ի՞նչ խնդիր կա, եթե ապրանքը ուղղակի մնա և ոչինչ չարվի, կազմակերպությունը աշխատում է շրջ․ հարկով։ Կանխավ շնորհակալ եմ։

Նելլի. Բարև ձեզ։ Ա/Ձ-ն ապրանքների տեղափոխության ծառայություն պետք է մատուցի կազմակերպությանը, ով զբաղվում է դեղերի և հարդեղատնային ապրանքների վաճառքով։ Կարո՞ղ է արդյոք աշխատել միկրո համակարգով։

Անի. Բարև Ձեզ, հարգելի կոլեգաներ: Դեղատունը բացի հարկային հաշվետվություններից, ներկայացնու՞մ է արդյոք հաշվետվությունններ Առողջապահության կամ Բնապահպանության նախարարություններին:

Խնդրում եմ, պատասխանեք՝ դեղատան աշխատակցին վերաբերու՞մ է նվազագույն աշխատավարձի մասին օրենքի հետևյալ հոդվածը. Հոդված 2.1. Առողջապահության, հոգաբարձության (խնամակալության), մանկական-դաստիարակչական, էներգամատակարարման, գազամատակարարման, ջերմամատակարարման, կապի և աշխատանքի այլ առանձնահատուկ բնույթ ունեցող բնագավառների աշխատողների նվազագույն ժամային տարիֆային դրույքը որոշվում է սույն օրենքի 1-ին հոդվածով սահմանված նվազագույն ամսական աշխատավարձը բաժանելով Հայաստանի Հանրապետության օրենսդրությամբ այդ աշխատողների` ամսվա համար սահմանված աշխատաժամանակի նորմալ տևողությանը: Նշեմ, որ գիշերային հերթափոխով չի աշխատում, աշխատում է ժամը 09:00-ից 22:00-ն:

Նաիրա. Բարև Ձեզ: Ես ուզում եմ բացել դեղատուն, բայց համապատասխան մասնագիտություն չունեմ, կարո՞ղ եմ, թե՞ ոչ:

Սիրանուշ. Ինձ հետաքրքրում է դեղատնային գործունեության լիցենզավորման կարգը:

Լուսինե. Բարև Ձեզ: Ինչպե՞ս ստանալ դեղատնային լիցենզիա:

Աննա. Ասացեք խնդրեմ, Ա/Ձ-ն իրականացնում է դեղաբույսերի վաճառք, տուփերը գնում է, դեղաբույսերը տուփերի մեջ փաթեթավորում և վաճառում դեղատներին։ Ի՞նչ հարկատեսակով խորհուրդ կտաք շարունակել աշխատել (այժմ համարվում է միկրոեռնարկատիրության սուբեկտ):

Sima. Բուժքրոջ դիպլոմով լիցենզիա կարո՞ղ եմ ստանալ դեղատուն բացելու համար:

Գայան. Եթե ունենք վարձակալած տարածք, բայց այն ունի արտադրական նշանակության տարածք՝ ինձ կտրամադրե՞ն լիցենզիա դեղատուն բացելու համար:

Բարև Ձեզ: Ասացեք խնդրեմ՝ ինչպե՞ս կարելի է սկսել դեղատնային գործունեություն: Ի՞նչ է դրա համար անհրաժեշտ:

Arpi. Շրջանառության հարկ վճարող դեղատունը դեղերը ձեռք է բերում ԱԱՀ վճարող ընկերությունից։ Շրջանառության հարկի հաշվետվության մեջ ապրանքների ձեռքբերման ծախսը հաշվու՞մ եմ ԱԱՀ ներառյալ /նվազեցման համար/:

Arpi. Խնդրում եմ պատասխանեք` վարում եմ դեղատան և ատամնաբուժարանի հաշվետվություն: Շրջհարկ վճարող են 2-ն էլ: Դեղատան դեպքում շրջարկը 1,5%, քանի որ բոլոր ապրանքները հաշվով եմ ձեռքբերում: Իսկ ատամնաբուժարանի դեպքում, եթե 5% է՝ հաշվով կատարած ծախսերս չեմ նվազեցնելու՞:

Անի. Բարև Ձեզ, խնդրում եմ ասել դեղատուն բացելու համար ի՞նչ է անհրաժեշտ, եթե մասնագիտությամբ դեղագետ, դեղագործ չես, նաև խնդրում եմ ասել՝ լիցենզիա ստանալու կարգը։ Շնորհակալություն:

Բարև Ձեզ: Արդյո՞ք դեղատները և ատամնաբուժարանները կարող են համարվել միկրոձեռնարկատեր:

Դեղատանը, եթե առկա է ժամկետանց դեղորայք, որը ըստ կարգի ոչնչացման թույլտվություն ունեցող կազմակերպության կողմից ոչնչացվում է, որի համար դուրս է գրում հաշիվ, ստորագրում է ակտ դեղերի անվանցանկով, հարկային առումով որևէ՞ անելիք կա, թե՞ պետք է բազայից դուրս գրվի համապատասխան ակտի։