Tag: թույլտվություն

Գուրգեն․

Բարև Ձեզ։ Ես ցանկանում եմ սկսել տնական մրգօղիների արտադրություն, ինչպե՞ս իմանամ թույլտվությունների, լիցենզիայի, աքցիզների և այլ կանոնների մասին։

Նարեկ․

Ես նախատեսում եմ Ռուսաստանից ներկրել էլեկտրական ծխախոտներ։ Խնդրում եմ պարզաբանել հետևյալը՝ ինչպիսի՞ փաստաթղթեր և թույլտվություններ են անհրաժեշտ ներմուծման գործընթացի համար։ Ի՞նչ տեսակի հարկեր կառաջանան ներմուծման ժամանակ (Ներմուծման մաքսատուրք, ԱԱՀ և այլ հարկեր)։ Ի՞նչ հիմունքներով են հաշվարկվում մաքսային վճարները և հարկերը։ Կա՞ն արդյոք որևէ հատուկ սահմանափակումներ կամ կարգավորումներ, որոնք վերաբերում են էլեկտրոնային ծխախոտների ներմուծմանը, որ պետք է հաշվի առնեմ։

Էդիկ․

Բարև Ձեզ, հարգելի խմբակիցներ, ցանկանում եմ փողոցում տեղադրել ծխախոտի վենդինգ մեքենա։ Կարո՞ղ եք հուշել՝ ի՞նչ քայլեր պետք է ձեռնարկեմ թույլտվություն և լիցենզիա ստանալու համար։ Շնորհակալ եմ։

Աննա․

Բարև ձեզ։ ԱՁ-ն ցանկանում է թռչնամիս գնել թռչնաֆաբրիկայից և դրանից ստանալ արտադրանք և մասնատել, փաթեթավորել ու վաճառել: Կասե՞ք՝ ի՞նչ հարկատեսակով պետք է աշխատել, և ի՞նչ է անհրաժեշտ, առհասարակ ի՞նչ փաստաթղթեր են անհրաժեշտ (սերտիֆիկատ, թույլտվություն և այլն)։ Նախապես շնորհակալ եմ։

Մարգարիտա․

Ողջույն, կարո՞ղ եք տալ տեղեկատվություն հետևյալ հարցերի շուրջ:

1. Հյուրատնային գործունեություն ծավալող կամ քոթեջներ տրամադրող ԱՁ-ն կարո՞ղ է արդյոք համարվել միկրոձեռնարկատիրության սուբյեկտ

2. Առաջին կետին զուգահեռ, եթե հանգստի կազմակերպան մեջ ներառվի նաև նախաճաշ (տեղում պատրաստելու եղանակով կամ սննդի կետերից գնելով և հյուրասիրություն կազմակերպելով), արդյո՞ք տվյալ դեպքում էլ կարող է ԱՁ-ն միկրոձեռնարկատիրության սուբյեկտ հանդիսանալ (Հարկային օրենսգրքի հոդված 267, 5-րդ կետի 2-րդ ենթակետ), թե՞ դա համարվում է հանրային սնունդ, որի համար թույլտվություն է պետք ստանալ

Կարեն․

Պլանավորում եմ զբաղվել թարմ քամված հյութերի վաճառքով՝ օգտագործելով միայն միրգ։ Վաճառքը լինելու է խանութից կամ առաքման միջոցով 2-5 լիտրանոց շշերով։ Ի՞նչ թույլտվություն/լիցենզիա է անհրաժեշտ լինելու։ Ի՞նչ հարկեր եմ վճարելու։

Կարինե․

Հարգարժան ընկերներ, ո՞վ կարող է ինձ օգնել՝ առողջության կենտրոնը բացել է Ֆեյսբուքի էջ, և դա ըստ օրենքի համարվում է գովազդի տարածման միջոց, կարո՞ղ եք ինձ ուղարկել առողջապահության նախարարություն ուղարկելու գովազդի թույլտվություն ստանալու հայտի ձև։ Նախապես շնորհակալություն։

Յուրա․

Ողջույն Բոլորին։ Ցանկանում եմ դառնալ ԱՁ և բացել “Լվա ինքդ” ավտոլվացման կետ մեր թաղամասում։ Կասե՞ք քայլերի հերթականությունը, պահանջվող թույլտվությունները տարբեր պետական կառույցների կողմից, հարկատեսակը, և ինչպե՞ս եմ այդ ամեն ինչը վճարելու։ Շնորհակալություն։

Հովհաննես․

Բարև ձեզ: Ես ուզում եմ աղցան վաճառել սուպերմարկետներում: Կասե՞ք՝ ի՞նչ լիցենզիա կամ թույլտվության պետք է ունենալ, և պե՞տք է արդյոք սնունդը բժշկական հետազոտում անցի։

Սուսաննա․

Բարև Ձեզ։ Ունեմ Ա/Ձ, զբաղվում եմ միջազգային էլեկտրոնային առևտրով։ Ներկա պահին ոչ մի վաճառք չի իրականացվել։ Վճարում եմ տարբեր միջազգային ծրագրերի համար կայքում անխափան տեխնոլոգիական ապահովում իրականացնելու համար։ Եվ այդ բոլոր ծախսերը թղթակցում է իմ բիզնես հաշվի հետ։ Ինձ հետաքրքրում է․

1․ Ի՞նչ թույլտվություն է անհրաժեշտ ՀՀ-ում միջազգային առևտուր իրականացնելու համար։ Եվ ո՞ր գործադիր մարմինը պետք է այն տրամադրի

2․ ԱԱՀ հաշվետվության մեջ այդ ծախսերը, որ ես կատարել եմ միջազգային հարթակներում, չի՞ գրանցվելու իմ կողմից ներկայացվող ամսական հաշվետվությունների մեջ։

Կանխավ շնորհակալություն։

Տաթև․

Բարև Ձեզ, խնդրում եմ ասեք՝ պահածոներ պատրաստելու և վաճառելու համար (մուրաբաներ) անհրաժե՞շտ է արդյոք լիցենզիա։

Հարություն․

Հարգելի մասնագետներ, սոսինձ ներմուծելու համար լիցենզիա կամ հատուկ թույլտվությու՞ն է պահանջվում։

Մարիաննա․

Բարև ձեզ, հարգելի հաշվապահներ։ Ծխախոտի վաճառքի թույլտվության համար դիմում եմ տվել dimum.yerevan.am կայքում, բայց պահանջվում է կցել Երևան համայնքի հանդեպ պարտավորությունների բացակայության վերաբերյալ տեղեկանք, դա ո՞րն է։

Նաիրա.

Ավտոյուղերի մանրածախ վաճառքի համար թույլտվությունը որտեղի՞ց պետք է ստանալ՝ թաղապետարանից, թե՞ ՀՏ-ից։ Եվ ի՞նչ փաստաթղթեր պետք է ներկայացնել։

Նարեկ.

Հարգելի հաշվապահներ, հարցս հետևյալն է. կազմակերպությունը բացի հիմնական գործունեությունից, ուզում է զբաղվել նաև միջազգային բեռնափոխադրումների միջնորդային գործունեությամբ։ Բեռնափոխադրվող ապրանքները մի երկրից տեղափոխվելու են այլ երկիր, առանց ՀՀ սահման հատելու, երկաթուղային գծերով։ Խնդրում եմ ուղղորդել՝ անհրաժեշտ է ի՞նչ որ թույլտվություն կամ լիցենզիա նման գործունեությամբ զբաղվելու համար։ Նշեմ նաև, որ տեղափոխվող ապրանքների արժեքը ամբողջությամբ պատվիրատուի կողմը փոխանցելու է միջնորդ կազմակերպությանը, որն էլ իր հերթին փոխանցելու է մատակարար կազմակերպությանը։ Կխնդրեմ մանրամասն մեկնաբանել։

Սամ.

Բարև Ձեզ։ Շարժական սուրճի կետ բացելու համար տարածքի հետ կապված թույլտվություն ստանալու համար որտե՞ղ պետք է դիմեմ։

Սոֆա․

Բարև Ձեզ։ Մի հարց․ եթե ԱՁ-ն ֆրեշ և սուրճ է պատրաստելու, և պաղպաղակ է վաճառելու, հանրային սնունդ է այդ դեպքում համարվելու, և հետաքրքիր է՝ սննդի թույլտվություն կամ այլ բան պե՞տք է։ Շնորհակալ եմ նախապես։

Մարինե.

Եթե աձն ունի 1951թ. Կոնվենցիայի հիմքով ճամփորդական փաստաթուղթ, համարվում է փախստական և ազատվում է աշխատանքի թույլտվություն ստանալու պահանջից, ճի՞շտ եմ հասկանում: Իսկ այս դեպքում կացության կարգավիճակ պետք է, թե՞ ոչ։

Արուսյակ.

Բարև ձեզ: Հարցս հետևյալն է. կարո՞ղ եմ արդյոք ինձ մոտ ուսուցանվող աշակերտին տալ սերտիֆիկատ, եթե հանդիսանում եմ միկրոձեռնարկատեր: Եթե այո, ապա ինչպե՞ս կարող եմ ստանալ թույլտվություն: Նշեմ, որ գործունեությունս նկարչական դասընթացներ են:

Անահիտ.

Բեռնասայլակ (автокар) քշելու համար քշողը թույլտվության փաստաթուղթ պետք է ունենա, թե՞ ոչ: Թե՞ կարող է ցանկացած աշխատող (օրինակ՝ բանվոր այն շահագործի):

Արփի․

Բարև Ձեզ, հարգելի հաշվապահներ։
Գրասենակային աշխատանքի եմ ուզում ընդունել օտարերկրյա քաղաքացու (Վրաստան), եթե քաղաքացին ունենա կացության և սոց․ քարտ, ապա աշխատանքի թույլտվությունը պարտադի՞ր պահանջ է։ Ճի՞շտ եմ հասկանում՝ քաղաքացու համար աշխատանքի թույլտվության փաստաթղթերով զբաղվում է գործատուն, այլ ոչ թե անձամբ ինքը։

Լուսինե.

Բարև Ձեզ: Սրճաղացում տաք սուրճ վաճառելու համար ի՞նչ որ թույլտվություն է պետք: Կանխավ շնորհակալություն:

Շավարշ.

Բարև ձեզ: Հարցս հետևյալն է. խմիչք և ծխախոտ վաճառելու համար համայնքապետարանը պե՞տք է թույլտվություն տա, և թույլտվության արժեքը ինչքա՞ն է:

Անի.

Հարգելի հաշվապահներ, Ա/Ձ-ն պետք է կատարի բեռնափոխադրումներ Հայաստանից այլ երկրներ և այլ երկրներից Հայաստան։ Արդյո՞ք անհրաժեշտ է ինչ-որ թույլտվություն գործունեության իրականացման համար:

Բարև Ձեզ։ Մսի վաճառքի խանութ բացելու համար ի՞նչ նրբություններ ու թույլտվություններ են պետք։

Աննա.

Բարև ձեզ: Անչափահասը ո՞ր տարիքից կարող է աշխատել, շաբաթական քանի՞ ժամ, և ծնողի թույլտվության որևէ ձև կա՞:

Սամվել.

Բարև ձեզ: Ես ցանկանում եմ զբաղվել սալաթների պատրաստման և մատակարարման աշխատանքով: Ցանկանում եմ բացել ընտանեկան բիզնես՝ տնային պայմաններում: Խնդրում եմ, ինձ ուղղություն տաք, թե ինչ փաստաթղթեր և թույլտվություն է պետք նման գործունեություն ծավալելու համար: Շնորհակալություն:

Ռուզաննա.

Բարև ձեզ։ Տանը պատրաստվող կիսաֆաբրիկատների (շերտավոր խմոր, կոտլետներ, պելմեններ) օրինական կազմակերպման համար ի՞նչ թույլտվություններ են հարկավոր: Ունեմ ժամանակավոր դադարեցված ԱՁ՝ միկրոձեռնարկատիրության սուբյեկտ։ Շնորհակալություն:

Ռազ.

Բարև ձեզ։ Պատրաստվում եմ արտադրել կոմպոտ: Խնդրում եմ, ասեք՝ ի՞նչ փաստաթղթեր ու արտոնագրեր/թույլտվություններ են անհրաժեշտ օրենքով աշխատելու համար։

Անդրանիկ․

Բարև ձեզ։ Պատրաստվում եմ բացել մրգային օղու և մսի խանութ։ Օղին վաճառվելու է միայն տնական գյուղացիներից մթերված մրգողի։ Միսը վաճառվելու է թե՛ հում, թե՛ խորոված։ Խնդրում եմ, ասեք՝ ի՞նչ փաստաթղեր ու արտոնագրեր/թույլտվություններ են անհրաժեշտ օրենքով աշխատելու համար։