Tag: սնանկ

Քրիստինե․

Բարև Ձեզ։ Եթե սնանկ կազմակերպությանը հաշիվ դուրս գրվի, ի՞նչ խնդիր կլինի և ի՞նչ պատասխանատվություն ունի հաշվապահը։

Ալլա․

Բարև Ձեզ, խնդրում եմ պատասխանել․ եթե ունենք դեբիտորական պարտք, և տվյալ կազմակերպությունը սնանկ է ճանաչվել, ինչպե՞ս պետք է դուրս գրել այդ պարտքի գումարը, ի՞նչ փաստաթղթեր են հարկավոր, և ի՞նչ ձևակերպում պետք է տրվի: Նախապես շնորհակալություն։

Իրինա․

Սնանկության գործով հանդիսանում եմ պարտապան, պարտատիրոջ գույքի արժեքը աճուրդներով անցնելուց հետո նվազել է 2 անգամ, և ստիպված եմ եղել դիմել դատարան՝ օգտվելու օրենքի՝ գույքը պարտքի դիմաց հանձնելու իմ իրավունքից։ Սնանկության կառավարիչը պնդում է, որ իրավաբանական անձի գույքը սնանկության վարույթում օտարելու դեպքում առաջանում է հարկ 20 տոկոսի չափով։ Արդյո՞ք դա այդպես է, և եթե այո, ինչպե՞ս է մեկնաբանում օրենքը այն մասը, որ օտարվող գույքը չի փակում պարտապանի ամբողջ պահանջը, ինչպես նաև նշեմ, որ գույքը գյուղատնտեսական ապրանքների մշակման հաստոցներ են։

Արդյո՞ք այդ գույքը հանդիսանում է հարկման առարկա։

Գայանե․

Բարև Ձեզ։ Կազմակերպությունը ճանաչվել է սնանկ, կարո՞ղ է հաշիվների փոխմարման եռակողմ համաձայնագիր կազմել և իր կրեդիտորական պարտքը փակել։

Անի․

Բարև Ձեզ, խնդրում եմ կասե՞ք՝ եթե ՍՊԸ -ները փոխկապակցված են, ապա մեկի սնանկությունը ի՞նչ ազդեցություն կարող է ունենալ մյուսի վրա։

Սեդա Հախվերդյան․

Բարև Ձեզ։

Ունենք ընկերություն, որը չի մարել իր պարտքը, 2020թ սնանկ է ճանաչվել, բայց վերջնական վճիռը կայացվել է 2021թ։ Ես այդ պարտքը դուրս եմ գրել 2021թ, սակայն ստուգման ժամանակ ինձ ասում են, որ պետք է այդ պարտքը դուրս գրեի 2020թ, խնդրում եմ ասեք Ձեր կարծիքները:

Արփի․

Բարև Ձեզ, ֆիզիկական անձի կամավոր սնանկության դեպքում, կա՞ աշխատավարձի վճարման սահմանափակում, եթե այո, որտե՞ղ կարող եմ հիմքը տեսնել։ Կանխավ շնորհակալ եմ։

Սնանկ կազմակերպությունից ինչպե՞ս վերադարձնել մեր գումարը։ Կարո՞ղ եք տրամադրել դիմումի ձևը։

Անի.

Բարև Ձեզ։
Ինչպե՞ս է կարգավորվում հիփոթեքայի վարկի միջոցով բնակարանի ձեռքբերման և կառուցապատողի սնանկ ճանաչվելու հարցը, եթե հիփոթեքային վարկը արդեն ամիսներ շարունակ վճարվել է։
Շնորհակալություն։

Արամ․

Հարգելի գործընկերներ, հարցս վերաբերում է 05․10․2017թ․ N 1373-Ն որոշմանը՝ “ՇԱՀՈՒԹԱՀԱՐԿ ՎՃԱՐՈՂՆԵՐԻ (ԲԱՑԱՌՈՒԹՅԱՄԲ ԲԱՆԿԵՐԻ, ՎԱՐԿԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ, ԱՊԱՀՈՎԱԳՐԱԿԱՆ ԸՆԿԵՐՈՒԹՅՈՒՆՆԵՐԻ ԵՎ ԱՐԺԵԹՂԹԵՐԻ ՇՈՒԿԱՅԻ ՄԱՍՆԱԳԻՏԱՑՎԱԾ ԱՆՁԱՆՑ) ԴԵԲԻՏՈՐԱԿԱՆ ՊԱՐՏՔԵՐԻ ՀՆԱՐԱՎՈՐ ԿՈՐՈՒՍՏՆԵՐԻ ՊԱՀՈՒՍՏԻ (ՊԱՀՈՒՍՏԱՖՈՆԴԻ) ՁԵՎԱՎՈՐՄԱՆ, ԴԵԲԻՏՈՐԱԿԱՆ ՈՒ ԿՐԵԴԻՏՈՐԱԿԱՆ ՊԱՐՏՔԵՐԻ ԱՆՀՈՒՍԱԼԻ ՃԱՆԱՉՄԱՆ ԵՎ ԴՈՒՐՍԳՐՄԱՆ ԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ԴԵԿՏԵՄԲԵՐԻ 19-Ի N 2052-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ”։

Սույն որոշմամբ սահմանվում է, որ “այն հարկ վճարողները, որոնք պահուստ (պահուստաֆոնդ) չեն ձևավորում, սույն կարգի 15-րդ կետի համաձայն անհուսալի ճանաչված դեբիտորական պարտքերը դուրս են գրում անհուսալի դառնալու հաշվետու (հարկային) տարում և դուրս գրված դեբիտորական պարտքը հաշվի է առնվում որպես այլ նվազեցում հարկ վճարողի հաշվետու (հարկային) տարվա հարկվող շահույթը (հարկման բազան) կամ հարկային վնասը որոշելիս”:

Իսկ ի՞նչ հերթական քայլերով է ձևավորվում պահուստ (պահուստաֆոնդ), ի՞նչ փաստաթղթեր են անհրաժեշտ, ի՞նչ հաշվապահական ձևակերպումներ պետք է տալ։

Նախապես շնորհակալություն։

Հայկ.

Հարգելի հայրենակիցներ, ձեզ մի հարց ունեմ. ընկերս իմ անունով ՍՊԸ է գրանցել ժամանակին: Հիմա դա ինձ խանգարում է նպաստ ստանալու համար, իսկ ընկերս չի ցանկանում այդ ՍՊԸ-ն վերցնել, քանի որ չի գործել երբևէ, և բացի դա նա ևս նպաստառու է: Հիմա ես այդ ՍՊԸ-ն ի՞նչ անեմ, ինձ մի քանիսը խորհուրդ տվեցին սնանկ ճանաչել կամ լուծարել, բայց դա ժամանակատար գործընթաց է: Ի՞նչ հեշտ տարբերակներ կան:
Նախապես շնորհակալություն:

Սեդա.

Բարև Ձեզ: Մեր ընկերությանը մի ընկերություն պարտք է, սակայն այդ ընկերությունը դատարանի վճռով սնանկ է ճանաչվել: Ինչպե՞ս դուրս գրեմ այդ պարտքը: Ասեմ, որ պահուստային ֆոնդ չեմ ստեղծել:

Աննա.

Ասացեք խնդրեմ` դեկրետային գումարը չեմ ստացել նախատեսած ժամանակին, մոտ մեկ տարի հետո կազմակերպությունը գնացել է սնանկության և ճանաչվել է սնանկ։ Լուծարված կազմակերպությունը չունի ո’չ սեփականություն, ո’չ հաշիվներ, որպեսզի սնանկության գործով կառավարիչը գումար հատկացնի։ Ի՞նչ տարբերակ կա այդ գումարը ստանալու:

Կարինե.

Բարի օր բոլորին: Խնդրում եմ օգնել հետևյալ հարցով. կազմակերպությունն ունի սնանկ կարգավիճակ, սնանկության կառավարչի աշխատավարձը օրենսդրությամբ սահմանված հարկերով հարկվու՞մ է:

Թամարա.

Բարև Ձեզ, հարգելի հաշվապահներ: Ասացեք խնդրեմ, եթե կազմակերպությունն ունի դեբիտորական պարտքեր, բայց գործընկերը դադարեցրել է գործունեությունը կամ սնանկ է ճանաչվել, ինչպե՞ս կարող եմ անհուսալի դեբիտորական պարտք ճանաչել, և հաշվապահական ձևակերպումները խնդրում եմ: Կանխավ շնորհակալություն:

Գայանե.

Բարև Ձեզ: Իրավաբանական անձը ֆիզիկական անձից ձեռք է բերել ավտոմեքենա, ավտոմեքենան ձեռք է բերվել աճուրդով, սնանկության կառավարչի միջոցով: Հարցս հետևյալն է. իրավաբանական անձը որպես հարկային գործակալ պետք է վճարի եկամտահարկ, և եթե այո, ապա ամբողջ վճարված գումարի՞ համար (նկատի ունեմ 146 հոդվածը):

Սյուզաննա.

Բարև ձեզ: Խնդրում եմ օգնել։
Գործընկեր կազմակերպությունը (սնանկ) պարտք է 2019թ. հոկտեմբեր ամսից մոտ 3 մլն ՀՀ դրամ։ Կարո՞ղ ենք արդյոք պարտքն անհուսալի ճանաչել, և եթե այո, ի՞նչ օրենքներով ու որոշումներով առաջնորդվել։
Կանխավ շնորհակալություն։

Անգելինա.

Բարև Ձեզ: Ես գրանցված եմ եղել և գնացել եմ ֆիզարձակուրդ ընդամենը 3 ամիս, որից հետո այդ կազմակերպությունը սնանկ է ճանաչվել: Կա՞ արդյոք տարբերակ, որպեսզի ես շարունակեմ մայրության նպաստը ստանալ:

Աստղիկ.

Բարև Ձեզ: Հարց հաշվապահին.
Դպրոցի բոլոր աշխատակիցները աշխատավարձը ստանում են քարտով, հնարավո՞ր է արդյոք նոր աշխատակցի աշխատավարձը փոխանցվի այլ աշխատակցի քարտին, ըստ տնօրենի հրամանի, քանի որ նոր աշխատակիցը սննակ է, բայց գործը ավարտված չէ:

Հերմինե.

Արդյո՞ք սնանկ ճանաչված քաղաքացին ազատվում է հարկերից:

Անի.

Բարև ձեզ: Խնդրում եմ, օգնեք խորհրդով: Եթե ֆիզ.-ից ֆիզ. եմ գնում, իսկ կազմակերպությունը լուծարման և սնանկ ճանաչվելու գործընթացի մեջ է, կստանա՞մ նպաստը:

Թերեզա.

Ֆինանսական ճգնապատճառով սնանկացել է կազմակերպությունը: Ո՞ր վճարումներն են ենթակա առաջնահերթ կատարման: Խնդրում եմ ասեք` որտե՞ղ կարող եմ ծանոթանալ կարգի հետ:

Ն.Չոփիկյան.

Եթե անհատ ձեռներեցը այլևս ձեռնարկատիրական գործունեությամբ չի զբաղվում, հարկային պարտավորություններ չունի, սակայն ռեգիստրում չի տվել լուծարման դիմում, կշարունակվի՞ սոց. վճարների մուծման պարտավորությունը: Ա/ձ անփութության պատճառով չի լուծարվել և ոչ մի գործունեություն չի ծավալել: Կարո՞ղ է դատարանում բողոքարկվել հարկայինի որոշումը սոց. վճարները հարկադիր ձևով գանձելու մասին: Եթե ոչ, կարո՞ղ է ա/ձ ճանաչվել անվճարունակ: Շնորհակալություն: