Tag: վարկ

Գայանե․

Բարև Ձեզ, հարգելի հաշվապահներ։ Հարցս հետևյալն է․ կազմակերպությունը, որը շրջհարկով է աշխատում, ուզում է վաճառել տարածքը այլ կազմակերպության։ Ի՞նչ հարկեր են առաջանում, և հաջորդ հարցս՝ տվյալ տարածքը գնվել է վարկով և դեռ մարված չէ, կա՞ տարբերակ, որ գնող կազմակերպությունը ժառանգի վարկը և արդյունքում քիչ վճարի։

Արմեն․

Հարգելի գործընկերներ, ընդհանուր հարկման դաշտում գործող կազմակերպությունը վարկ ունի, որի տոկոսի մի մասը սուբսիդավորվում է պետության կողմից։ Արդյո՞ք սուբսիդիան հարկվում է շահութահարկով։

Անի․

Բարև ձեզ, խնդրում եմ կասե՞ք՝ կազմակերպություը կարո՞ղ է վարկի տոկոսները շրջհարկից նվազեցնել։

Աննա․

Բարև ձեզ, ես և ամուսինս 2023 թ-ին հիփոթեք ենք վերցրել։ Նա վարկառուն է, իսկ ես համավարկառուն։ Նա եկամտային հարկի վերադարձ է ստանում, բայց ես չեմ աշխատում։ Եթե սկսեմ աշխատել, ես էլ եկամտային հարկի վերադարձ կարո՞ղ եմ ստանալ մեր հիփոթեքով, թե՞ ոչ։ Իր ստացած եկամտային հարկը ավելի քիչ է, քան մեր հիփոթեքի տոկոսները։

Արմեն․

Բարև Ձեզ։ Եթե որպես ֆիզիկական անձ տոկոսով փոխառություն եմ տրամադրել այլ ֆիզ․ անձի (կամ իրավաբանական անձի), ստացված տոկոսը ինչքա՞ն է հարկվում, ու արդյո՞ք ֆիզ․ անձը կարող է փոխառություն տրամադրել ՍՊԸ-ի։

Աննա․

Բարև Ձեզ, հարգելի հաշվապահներ, բացել եմ ՍՊԸ, որն աշխատում է հարկման ընդհանուր համակարգում և թերևս փաստացի գործունեություն չի իրականացնում։ Ստացել եմ փոխառություններ և այդ ընթացքում բանկի կողմից, քանի որ բացել եմ հաշիվ և այլն, գանձել են որոշակի ծառայության վճարներ։ Հարցս հետևյալն է․ արդյո՞ք ԱԱՀ-ի հաշվետվությունների մեջ իմ կողմից պետք է նաև այդ գումարները ներառվեին, ՍՊԸ-ն բացվել է սեպտեմբերին։ Եվ նաև հետագայում շահութահարկի հաշվետվության մեջ արդյո՞ք պետք է ներառեմ այդ վճարումները։ Կանխավ շնորհակալություն։

Հայկ․

Բարև Ձեզ։ Կազմակերպությունը օվերդրաֆտ է ստացել։ Կասե՞ք՝ հաշվապահական ձևակերպումները ինչպե՞ս անել։

Նարեկ․

Կազմակերպությունը վարկ է վերցնում բանկից։ Վարկը փոխանցվում է ուրիշ կազմակերպության որպես կանխավճար։ Այդ կազմակերպությունը ապրանքը բերում և մուտքագրվում է կազմակերպություն։ Դրանից հետո փակում ենք բանկի վարկը։ Խնդրում եմ գրել հաշվապահական ձևակերպումները։

Անահիտ․

Բարև Ձեզ, հարգելի հաշվապահներ։ Օգնեք խնդրում եմ․ կարո՞ղ է արդյոք ՍՊԸ-ն (գործում է շրջանառության հարկի դաշտում) բանկից արտարժույթով ստացած վարկը փոխառության պայմանագրով և նույն արտարժույթով (մոտ 700 000$) տրամադրել հիմնադիր տնօրենին: Եթե հնարավոր է, հղում արեք օրենքին։ Շնորհակալություն։

Վահագն․

Բարև Ձեզ։ ԱՁ-ն ցանկանում է վարկ վերցնել արտարժույթով, բայց արտարժույթով ոչ մի գործարք չունի, կարո՞ղ է այդ գումարը կանխիկացնել և փոխանակել արտարժույթի փոխանակման կետում, կամ փոխանցել իր անձնական ֆիզ. անձի հաշվին որպես անտոկոս փոխառություն։ ԱՁ-ն դրամարկղի գիրք չունի, քանի որ աշխատում է միկրոձեռնարկատիրության դաշտում։

Հայկ.

Բարև Ձեզ: Մեր կազմակերպությունն ունի վարկ մեզ սպասարկող բանկում: Ընթացիկ բանկային հաշվի վրա գումարի մուտք է եղել բանկի կողմից, նպատակ դաշտում նշված է՝ տրամադրման վճարների հետվճար/բիզնես վարկ: Բանկի հետ ճշտեցի, ասացին, որ դա մեր գումարն է, որը կարող ենք տնօրինել: Ձևակերպել եմ 631 հաշվի վրա՝ որպես եկամուտ: Հարցս հետևյալն է. շահութահարկով հարկման ենթակա՞ է այդ եկամուտը: Նշեմ, որ ԱԱՀ-ի հաշվարկում չեմ ներառել: Շնորհակալություն։

Վահագն․

ԱՁ-ն ստացել է վարկ իր բանկային հաշվին, որի մի մասը փոխանցվել է իր անձնական ֆիզ. անձի հաշվին, որպես ԱՁ-կողմից տրամադրված անտոկոս փոխառություն ֆիզ անձին (իրեն)։ Այդ փոխառությունը վերադարձվում է մաս-մաս ԱՁ-ի հաշվեհամարին։

Հարց․ թույլատրելի՞ է օրենքի տեսանկյունից։ Այդ փոխառության վերաբերյալ պե՞տք է ինչ որ հաշվետվություն ներկայացնել։ Փոխառությունը չի գերազանցում 20 000 000 դրամը)։ ԱՁ-ն աշխատում է շրջ. հարկի դաշտում։

Դավիթ․

Հարգելի գործընկերներ, ՍՊԸ-ն ունի 1 հիմանդիր, և ունի վարկ, որով կատարում է շենքի շինարարություն: Հողատարածքը և շենքը փաստացի գրավադրված են: Հիմա հիմնադիրը ցանկանում է 50% բաժնեմասը նվիրատվություն կատարել մեկ այլ անձի: Արդյո՞ք վարկի առկայությունը խոչընդոտ է այս դեպքում, ինչպիսի՞ բարդությունների կարող ենք հանդիպել: Շնորհակալություն:

Հայկ․

Բարև բոլորին: Հարգելի մասնագետներ, ճի՞շտ է արդյոք, որ եթե կազմակերպությունն ունի բանկերից վերցրած վարկ, ապա չի կարող իր հիմնադրին անտոկոս փոխառություն տրամադրել: Եթե կարելի է՝ օրենքի հղում կանե՞ք:

Միքայել․

Բարև Ձեզ, հարգելի գործընկերներ։ Մի քանի հարց ունեմ․

– Արդյո՞ք ճիշտ եմ հասկանում, որ ՍՊԸ բացելուց հնարավոր է ընտրել G46.4 Տնտեսական գործունեության դասակարգիչը։ Ի նկատի ունեմ՝ պարտադիր չէ ավելի կոնկրետ կոդ ընտրել (օրինակ G46.4x կամ G46.4x.x)։

– ՍՊԸ բանկային հաշիվը ՍՊԸ գրանցելուց ինչքա՞ն ժամանակ հետո պետք է բացել։

– Ի՞նչ եղանակով է կանոնադրական կապիտալի գումարը նստում ՍՊԸ հաշվին։ Ի՞նչ պետք է անի ՍՊԸ դրա համար։

– Կարո՞ղ է արդյոք ՍՊԸ հիմնադիրը անտոկոս վարկ տալ ՍՊԸ-ին, որպեսզի Հիմնադրի մոտ անիմաստ շահութահարկ չստեղծվի վարկը վերադարձնելիս։

Սամսոն․

Բարև Ձեզ, Ա/Ձ-ն հանդիսանում է շրջանառության հարկ վճարող (5% շրջանառությունից +120 000 շահութահարկ և սոց․ տարեկան) և մատուցում է ՏՏ ոլորտի ծառայություններ արտերկրի կազմակերպությանը։ Այլ աշխատողներ չկան, մենակ է աշխատում։ Ա/Ձ-ն պատրաստվում է բանկից հիպոթեքային վարկ վերցնել։

Հարց 1. Ի՞նչ հարկատեսակի պետք է նա անցնի, որպեսզի կարողանա դիմել ՊԵԿ եկամտային հարկի հետ վերադարձի համար

Հարց 2. Եթե կա այդպիսի հնարավորություն, ի՞նչ դրույքաչափով հարկեր պետք է նա սկսի վճարել նոր հարկման համակարգում

Հարց 3. Երբ հիպոթեքի ժամկետը լրանա, կարո՞ղ է նա նորից հետ վերադարձ կատարել շրջանառության հարկի համակարգին

Մելինե․

Հարգելի հաշվապահներ, եթե ՍՊԸ-ն ժամկետից շուտ մարում է երկարաժամկետ վարկի գումարը, ի՞նչ ձևակերպում է տրվում: Խոսքս վերաբերում է չկրած տոկոսային ծախսեր հաշվի մնացորդին: Եվ փաստացի վճարած վարկի գումարը փոքր է 411 հաշվում առակա գումարից։ Դա ի՞նչ անել։

Արթուր․

Բարև ձեզ, հարգելի հաշվապահներ։ Կբացատրեք խնդրում եմ ՀՕ հոդված 114-ի 1-ին մասի 3-րդ կետի կիրառությունը, բանկ և վարկային կազմակերպություն չհամարվող շահութահարկ վճարողների ստացած վարկերի և (կամ) փոխառությունների գծով հաշվարկվող տոկոսների գումարները, եթե անտոկոս փոխառություններ են տրամադրվել այլ հարկ վճարողների։ Այսինքն՝ ի՞նչ է նշանակում։

Աննա․

Բարև Ձեզ, խնդրում եմ օգնել տալ հաշվապահական ձևակերպումներ ՀԾ-ում հետևյալ գործարքների համար․ ՍՊԸ-ն ստացել է վարկ, այնուհետև այդ վարկը տոկոսով փոխառություն է տվել ֆիզ. անձի, ինչպես նաև հետագա վարկի տոկոսի ծախսի և փոխառության տոկոսի եկամուտի ձևակերպումները: Կանխավ շնորհակալություն:

Հովիկ․

Բարև Ձեզ: Ինձ ասեք խնդրում եմ՝ եթե ես կազմակերպությունում աշխատում եմ քաղաքացիաիրավական պայմանագրով, իմ ստացած աշխատավարձից եկամտային հարկ առաջանու՞մ է արդյոք, որը կկարողանամ օգտագործել հիփոթեքային վարկ վերցնելիս, եթե այո, ապա քանի՞ տոկոսն է կազմում աշխատավարձի։ Շնորհակալություն։

Անահիտ․

Բարև ձեզ, հարգելի հաշվապահներ։ Կբացատրեք խնդրում եմ ՀՕ հոդված 114-ի 1-ին մասի 1-ին կետի կիրառությունը, շահութահարկ վճարողի հարկման բազան որոշելիս ինչպե՞ս է հաշվարկվում համախառն եկամտից չնվազեցվող վարկերի և փոխառությունների գծով հաշվարկվող տոկոսների գումարները: Կանխավ շնորհակալ եմ:

Անահիտ․

Բարև ձեզ, կասե՞ք խնդրում եմ՝ վարկերի համար վճարված տոկոսները շահութահարկի հարկման բազայից նվազեցման ենթակա՞ են, թե՞ ոչ: Կանխավ շնորհակալ եմ:

Էլեն․

Բարև ձեզ։ Ինձ կարո՞ղ եք օգնել՝ պրակտիկայի հաշվետվության մեջ պետք է կատարեմ բանկի ակտիվների հաշվառում։ Օրինակ, բանկը վարկ է տրամադրել հաճախորդին դտ 16010 կտ 30202, հաշվարկել օրական % դրույքը, եկամուտը և մնացածը ըստ հաշվային պլանի հերթականությամբ։ Շատ շնորհակալ կլինեմ օգնության համար։

Վահագն․

Բարև Ձեզ։ Կխնդրեի պատասխանել. Շրջհարկով աշխատող ԱՁ-ն ցանկանում է բանկից վերցնել բիզնես վարկ։ Ի՞նչ խնդիրներ կարող են առաջանալ այդ վարկի ամբողջությամբ կանխիկացման դեպքում։

Մելինե․

Բարև բոլորին։ Հարգելի մասնագետներ, երկու հարց ունեմ։ Եթե կազմակերպությունը նախորդ տարվա հունիսին երկարաժամկետ վարկ է ստացել, առանձնացնելու՞ եմ կարճաժամկետ մասը առաջին տարվա, վարկի համար դա հունիսից մինչև մյուս տարվա հունիսն է այո՞, իսկ տոկոսագումարմերը շահութահարկի հաշվարկում հունիսից մինչև դեկտեմբե՞ր եմ առանձնացնելու։

Աննա․

Բարև Ձեզ: Եթե շրջանառության հարկի դաշտում աշխատող ՍՊԸ-ն վարկ է վերցրել գործունեության ընդլայնման համար, հարկային առումով ինչ որ պարտավորություններ առաջանու՞մ են՝ հաշվետվությունների մեջ ցույց տալու կամ այլ:

Սերգեյ․

Բարև Ձեզ, հարգելի հաշվապահներ: ԱԱՀ-ով աշխատող ՍՊԸ-ն բանկից 500.000.000 վարկ է վերցրել ու լրիվ գումարը անտոկոս փոխառություն տրամադրել հիմնադիրին: Հիմնադիրը ամեն ամիս վարկի մարման չափով գումար է մուտք անում կազմակերպության հաշվին վարկի մայր գումարը և տոկոսները մարելու համար: Ի՞նչ ձևակերպումներ եմ տալու ՀԾ հաշվապահ ծրագրով:

Մելինե․

Հարգելի հաշվապահներ, հարցս դրամարկղային գրքի վարման հետ է կապված։ Եթե երկու ամիս առաջ գործարք է բաց թողնվել և գրքում չի լրացվել, հիմա ինչպե՞ս վարվել։ Ներկայացնեմ իրավիճակը՝ դրամարկղի գիրքը էլեկտրոնային է։ Սակայն երեք ամիս առաջ հանվել էին կանխիկով բոլոր գործարքները, ՀԴՄ-ն, բայց գիրքը չենք փակել։ Դրանից հետո վարկ ենք ստացել կանխիկով և այն դրամարկղ չի մուտքագրվել։ Ինչպե՞ս է ճիշտ վարվել հիմա։ ՍՊԸ-ն աշխատում է շրջհարկով։

Մելինե.

Հարգելի փորձառու հաշվապահներ, խիստ օգնության կարիք ունեմ։ Եթե ՍՊԸ հիմնադիրները վարկ են վերցրել տվյալ ՍՊԸ-ով, սակայն օգտագործել են լրիվ այլ առանձին ՍՊԸ-ի հիմնադրման համար։ Հիմա ես ինչպե՞ս հիմնավորեմ այդ վարկի ծախսը։ Եվ ՍՊԸ տնօրենին տրված փոխառությունը կարո՞ղ է մարվել տնօրենի աշխատավարձից պահելով։ Շնորհակալություն։

Սամվել․

6 ամսից ավելի ունեմ արտադրություն` փոքր բիզնես։ Բիզնես վարկ վերցնելու համար որտե՞ղ դիմեմ` պետության կողմից աջակցություն ստանալու համար։