ԱՁ հարկեր 2024

Հարգելի Արմինե, քանի որ չեք ասել, թե հարկման որ դաշտում եք աշխատում, ապա հնարավորինս կներկայացնեմ
Եթե միկրոձեռնարկատիրության համակարգում եք աշխատելու, վճարելու եք դրոշմանիշային վճար տարեկան կտրվածքով, ըստ սանդղակի․
• Մինչև 2 400 000 դրամ հաշվարկման բազայի դեպքում – 18 000 դրամ
• 2 400 001-ից մինչև 6 000 000 դրամ հաշվարկման բազայի դեպքում – 24 000 դրամ
• 6 000 001-ից մինչև 12 000 000 դրամ հաշվարկման բազայի դեպքում – 48 000 դրամ
• 12 000 001 դրամ և ավելի հաշվարկման բազայի դեպքում – 120 000 դրամ
Եթե ունենալու եք աշխատողներ, ապա աշխատավարձի մասով հարկերը և վճարները հաշվարկելու եք սովորական կարգով, ինչպես մյուս հարկատուների մոտ (տես ներքևում)։
Շրջանառության հարկի համակարգում աշխատելու դեպքում առաջանալու է շրջանառության հարկ ըստ ՀՕ հոդված 258 սանդղակի:
Հարկման ընդհանուր համակարգում աշխատելու դեպքում առաջանում է շահութահարկ 18% և ԱԱՀ 20%:
Աշխատավարձերի և ծառայությունների մատուցման (քաղաքացիաիրավական) պայմանագրերի դեպքում առաջանում են․
եկամտային հարկ 20%, սոցիալական վճար 5%, դրոշմանիշային վճար ըստ սանդղակի․
• Մինչև 100 000 դրամ հաշվարկման բազայի դեպքում՝ 1 500 դրամ
• 100 001-ից մինչև 200 000 դրամ հաշվարկման բազայի դեպքում՝ 3 000 դրամ
• 200 001-ից մինչև 500 000 դրամ հաշվարկման բազայի դեպքում՝ 5 500 դրամ
• 500 001-ից մինչև 1 000 000 դրամ հաշվարկման բազայի դեպքում՝ 8 500 դրամ
• 1 000 001 դրամ և ավելի հաշվարկման բազայի դեպքում՝ 15 000 դրամ
Կարևորը, եթե 2023թ. հունվարից եք աշխատել և ծնված եք 1974թ.-ից հետո, ապա կվճարեք 60000 դրամ եկ. և 60000 սոց միասնական հաշվին: Չմոռանաք այս մասով հաշվետվություն ներկայացնել ՊԵԿ։