Եթե ՍՊԸ-ն իրեն պատկանող անշարժ գույքը վաճառում է

Եթե գործարքը հարկվի շրջանառության հարկով` վաճառքի գնի 10 %, իսկ եթե շահութահարկով և ԱԱՀ-ով, ապա դրանց համապատասխան տոկոսադրույքներով ու հաշվարկներով, սակայն.
1) Շահութահարկի մասով – “Շահութահարկի մասին” ՀՀ օրենքի հոդված 43.
…
դ) շենքերի, շինությունների (այդ թվում` անավարտ, կիսակառույց), բնակելի կամ այլ տարածքների օտարման դեպքում եկամտի ստացման իրավունքը համարվում է ձեռք բերված գործարքի կատարման օրվա դրությամբ: Բացառությամբ բռնագրավման, նվիրատվության կամ այլ ձևով պետությանը օտարման դեպքերի, հարկվող շահույթը որոշելիս շենքերի, շինությունների (այդ թվում` անավարտ, կիսակառույց), բնակելի կամ այլ տարածքների օտարումից եկամուտը հաշվարկվում է գույքահարկով հարկման նպատակով` դրանց համար օրենքով սահմանված կարգով որոշվող արժեքից ոչ պակաս չափով: Այդ չափից պակաս հատուցման դեպքում տարբերությունը գործարքի կատարման օրը դիտվում է որպես նոր սեփականատիրոջը ներված պարտավորություն:

2) ԱԱՀ-ի մասով – “Ավելացված արժեքի հարկի մասին” ՀՀ օրենքի հոդված 8.
…
9) շենքերի, շինությունների (այդ թվում` անավարտ (կիսակառույց)), բնակելի կամ այլ տարածքների օտարման դեպքում ԱԱՀ-ով հարկվող շրջանառությունը որոշվում է սույն հոդվածով սահմանված կարգով, բայց ոչ պակաս՝ գույքահարկով հարկման նպատակով՝ դրանց համար օրենքով սահմանված կարգով որոշվող արժեքից, բացառությամբ սույն կետով նախատեսված դեպքի: