Վերջնահաշվարկի իրականացման ձև

Բարև Ձեզ, Հրանտ: Գումարեք ազատման ամսվան նախորդող 12 ամիսների ընթացքում Ձեր ստացած աշխատավարձերը, հավելավճարները, հավելումները, պարգևավճարները (1/12 չափով), կեղտոտ գումարների մասին է խոսքը, և բաժանեք 12-ի՝ միջին ամսական աշխատավարձը ստանալու համար, որը պետք է պակաս չլինի նվազագույն ամսական աշխատավարձից: Ստացված գումարը բաժանեք 21-ի (5-օրյա աշխատանքային շաբաթվա դեպքում) և 25-ի (6-օրյա աշխատանքային շաբաթվա դեպքում)՝ միջին օրական աշխատավարձը ստանալու համար: Դա էլ բազմապատկեք կուտակված արձակուրդի օրերով. 21 ամսում 5-օրյայի դեպքում Դուք կուտակել եք 35 օր, 6-օրյայի դեպքում՝ 42 օր արձակուրդ: Այդ գումարից էլ պետք է հանեք եկամտային հարկը՝ 22 %, սոց. վճարը՝ 3.5 % (եթե սոց. վճար կատարող եք) և դրոշմանիշային վճարը: Վերջնահաշվարկում ներառվում է նաև աշխատած վերջին ամսվա կամ օրերի աշխատավարձը: