Ի՞նչ է իրենից ներկայացնում կրեդիտային ավիզոն

Եթե մատակարարի կողմից ներկայացված հաշիվ-ապրանքագիրը չի համընկնում գնման պատվերում բերված քանակի կամ գումարի հետ՝ մատակարարը թողարկում է կրեդիտային ավիզո սխալ փաստաթղթի համար և ներկայացնում է գնման պատվերի ճշգրիտ տեղեկատվություն պարունակող նոր հաշիվ-ապրանքագիր:

Արևմտյան պրակտիկայում թե’ վաճառված ապրանքների վերադարձի, և թե’ դրանց նվազեցումների սկզբնական հաշվապահական հաշվառման փաստաթուղթը կոչվում է կրեդիտային ավիզո (credit note): Ֆինանսական հաշվետվություններում վաճառված ապրանքների վերադարձը և նվազեցումները իջեցվում են և’ դեբիտորական պարտքերը, և’ վաճառքից ստացվող եկամուտները: Օրինակ, ենթադրենք, մի ընկերություն առաջին տարվա ընթացքում ունի վաճառված ապրանքների $16 000-ի վերադարձ և նվազեցումներ: Ստորև ամփոփ ներկայացված են այդ տարվա համար կատարված ճշգրտումները.
Վաճառված ապրանքների վերադարձի և նվազեցումների մասին ամփոփ գրանցում հաշվառման մատյանում.
Դտ 612 «Իրացված արտադրանքի, ապրանքների հետ վերադարձումից և գների իջեցումից հասույթի ճշգրտում» $16 000
Կտ 221 «Դեբիտորական պարտքեր վաճառքների գծով» $16 000
Ֆինանսական արդյունքների մասին հաշվետվության մեջ «Իրացված արտադրանքի, ապրանքների հետ վերադարձումից և գների իջեցումից հասույթի ճշգրտում» կոչվող հաշվի մնացորդը կանվում է վաճառքից ստացված եկամուտից: Դեբիտորական պարտքերը նույնպես նվազեցվում են` կրեդիտային կողմում $16 000 մուտքագրում կատարելու միջոցով: