Ինչպե՞ս է հաշվարկվում բյուլետենը

Բարև Ձեզ։ Նախ աշխատակիցը բերում է բժիշկի կողմից տրված անաշխատունակության թերթիկը, որում նշված անաշխատունակության օրերով հաշվարկում եք նպաստը։ Վերցնում եք անաշխատունակությունը առաջանալու ամսվան նախորդող 12 ամիսների ստացած բոլոր վճարները՝ աշխատավարձ, հավելավճար, հավելում, պարգևավճար (1/12 չափով), և բաժանում 12-ի՝ միջին ամսական աշխատավարձը ստանալու համար։ Այնուհետև վերցնում եք այդ թվի 80 %-ը, դա էլ բաժանում 21/25-ի (հնգօրյա/վեցօրյա)՝ միջին օրականը ստանալու համար։ Ստացած թիվն էլ բազմապատկում եք անաշխատունակության օրերի թվով։ Հանում եք եկամտային հարկը և ստանում վճարման ենթակա գումարը։ Հիշեք նաև, որ՝
Եթե վարձու աշխատողի նպաստը հաշվարկելու համար հիմք ընդունվող միջին ամսական աշխատավարձը կամ եկամուտը պակաս է նվազագույն ամսական աշխատավարձի հիսուն տոկոսից, ապա նպաստը հաշվարկվում է նվազագույն ամսական աշխատավարձի հիսուն տոկոսից: