Կարի արհեստանոց բացելու համար

Կարող եք գործել միկրոձեռնարկատիրության դաշտում առանց Ա/Ձ գրանցվելու էլ: Հարկային մարմին պետք է ներկայացնեք միկրոձեռնարկատիրության սուբյեկտ համարվելու վերաբերյալ հայտարարություն: Հայտարարությունը ներկայացնում եք գործունեության իրականացման որևէ ժամանակահատվածի՝ հարկային տարվա ընթացքում ընտրված ցանկացած հաշվետու ամսվա կամ մեկից ավելի հաշվետու ամիսների կամ հարկային տարվա կամ հարկային տարիների համար՝ մինչև տվյալ գործունեության տեսակն իրականացնելը: Հարկային մարմինը հայտարարությունը ներկայացնելու օրվան հաջորդող մեկ աշխատանքային օրվա ընթացքում տրամադրում է իր կողմից սահմանված ձևով միկրոձեռնարկատիրության սուբյեկտ համարվելու վերաբերյալ արտոնագիր: