Category: Այլ

Կարինե.

Ես շատ եմ ուզում իմանալ արտոնագրված հարկի մասին: Ես զբաղվում եմ կոշիկի վերանորոգման աշխատանքով (փինաչի): Ուզում էի իմանալ, բացի տարեկան 80000 – ից, սոց վճարումներ պիտի՞ կատարեմ և պարտադիր պե՞տք է Ա/Ձ կամ ՍՊԸ լինեմ:

Արփինե.

Հարգելի հաշվապահներ, ի՞նչ եք լսել փոխկապակցված անձանց` հիմնադիր լինելու մասին, եթե որևէ տեղեկություն ունեք կամ գիտեք որոշման համար, կիսվեք, գրեք: Շնորհակալություն:

Մարինե.

Բարև Ձեզ։ Խնդրում եմ պատասխանել հետևյսլ հարցիս՝ կա՞ արդյոք օրենք ինտերնետ-խանութների վերաբերյալ: Ես ունեմ Ա/Ձ, սակայն չեմ պատկերացնում, ինչպես պետք է վճարեմ հարկեր։ Առևտուրը չի կատարվելու քարտերի օգնությամբ, այլ միայն կանխիկ՝ առաքման պահին գումար վերցնելով, քանի որ կայքը զբաղված մարդկանց համար է։ Ինչպե՞ս է պետք դա անել, որովհետև չկա շրջանցիկ ՀԴՄ ապարատ։ Իսկ եթե տպել և տանել ՀԴՄ կտրոնը, իսկ հաճախորդը չցանկանա ապրանքը գնել: Խնդրում եմ օգնել ինձ։

Եվգենյա.

Բարև Ձեզ, խնդրում եմ ինձ օգնել մի հարցում, կազմակերպությունը ցանկանում է զբաղվել անշարժ գույքի առք ու վաճառքով, խնդրում եմ ասել, լիցենզիա հարկավո՞ր է, թե՞ ոչ, ի՞նչ հարկով է հարկվելու:

Աղունիկ.

Բարև Ձեզ: Հարգելի հաշվապահներ, խնդրում եմ ասացեք, գործուղման օրերը հաշվելիս արդյոք շաբաթ և կիրակի օրերը հաշվի են առնվում, եթե օրինակ աշխատողը գործուղվել է մեկ ամիս ժամկետով :
Կանխավ շնորհակալ եմ:

Կարինե.

Բարև Ձեզ, հարգելի հաշվապահներ:
Խնդրում եմ օգնեք, կազմակերպությունը զբաղվում է անասնապահությամբ (ՍՊԸ), այդ ոլորտը ինձ համար անծանոթ է, միգուցե կա համապատասխան գրականություն, որից ես կարող եմ օգտվել, կամ դուք կարո՞ղ եք որևէ խորհուրդ տալ հաշվապահության վարման առանձնահատկությունների վերաբերյալ:
Կանխավ շնորհակալ եմ:

Ella.

Բարև ձեզ: Քաղաքաշինության այդ 2 բնագավառներում լիցենզիայի գումարը որքա՞ն է կազմում.
1. բնակելի (բացառությամբ ոչ ձեռնարկատիրական նպատակով կառուցվող անհատական բնակելի տների, ավտոտնակների, օժանդակ շինությունների, ինչպես նաև շինարարության թույլտվություն չպահանջող աշխատանքների), հասարակական և արտադրական (բացառությամբ շինարարության թույլտվություն չպահանջող աշխատանքների)
2. հիդրոտեխնիկական

Շնորհակալություն:

ՀԱՍՄԻԿ2011.

Սիրելի կոլեգաներ, ՍՊԸ-ն 2009թ-ին գործունեությունը դադարեցրել էր: 2010թ.-ին ունեցավ գործունեություն, որից ստացված եկամտից հանելով ծախսերը և հաշվարկելով 20 % շահութահարկ` այն պակաս է ստացվում 1 % նվազագույն շահութահարկից: Հարցս հետևյալն է` տարվա համար շահութահարկի գումարը, որը պետք է վճարվի, եկամտի 1 %-ից պակաս կարո՞ղ է լինել: Ասեմ, որ ՍՊԸ-ն 01.12.10թ.-ից նորից դադարեցրել է գործունեությունը:

Գոհար.

2010 թ-ի հունվար ամսից ՍՊԸ-ն ֆինանասական վատ վիճակի պատճառով դադարեցրել է գործունեությունը: Խնդրում եմ ասեք, ՏՀՏ-ին հաշվեկշիռ և ֆին. հաշվետվություն ներկայացնելու՞ եմ, թե՞ ոչ: Ոչ-ի դեպքում խնդրում եմ նշեք հիմնավորումը: Շնորհակալություն:

Susanna.

Կազմակերպությունը ֆիզ. անձից ձեռք է բերում մեքենա: Ի՞նչ պարտավորություններ են առաջանում կազմակերպության համար:
Շնորհակալություն:

Անդրանիկ.

Բարև ձեզ, խնդրում եմ, եթե հնարավոր է, ինձ օգնել մի հարցում: Ես պետք է կուրսային աշխատանք հանձնեմ (Դրամական միջոցների մասին հաշվետվությունը և լրացման կարգը) թեմայով: Եթե տնտեսագետների մոտ կգտնվի այս թեման, խնդրում եմ օգնել: Նախապես շնորհակալություն:

Անուշիկ.

Ցանկանում եմ ծանոթանալ Հաշվապահական Հաշվառման Միջազգային Ստանդարտներին: Եվ խնդրում եմ, ցանկանում եմ ունենալ նյութեր: Կարո՞ղ եք ուղարկել:

Դավիթ.

Խնդրում եմ ասացեք, ՍՊԸ-ի անվանափոխման համար ի՞նչ թղթեր են պահանջվում և ո՞ր մարմիներին պետք է դիմենք, և ինչքա՞ն ժամանակ է պահանջվում անվանափոխման համար:

Rimma.

Բարև ձեզ, ես ունեմ հումանիտար կրթություն, բայց ցանկություն ունեմ հաճախելու հաշվապահական դասընթացների: Արդյո՞ք հնարավոր է հաշվապահական դասընթացների հաճախելով դառնալ հաշվապահ, և որտե՞ղ խորհուրդ կտաք հաճախել:

Աստղիկ.

Հարգելի հաշվապահներ, հայցում եմ Ձեր օգնությունը: Մեր ընկերությունը գնել է ավտոմեքենա` ներմուծող ընկերությունից: Ավտոմեքենան մարդատար է և օգտագործվելու է որպես ծառայողական: Նրանց կողմից տրված հաշիվ-ապրանքագրում նշված է ԱԱՀ, որը մուծվել է մեր ընկերության կողմից: Խնդրում եմ պարզաբանեք, նշված ԱԱՀ-ի գումարը հաշվանցման ենթակա է, թե ոչ: Կանխավ շնորհակալություն:

Արմեն.

Բարև Ձեզ,
կխնդրեի պատասխանել հետևյալ հարցիս` հասարակական կազմակերպության պետական գրանցումից հետո պարտադի՞ր է այն գրանցել վիճակագրական ծառայությունում: Կխնդրեի հարցին պատասխանեիք` օրենքներից կատարելով համապատասխան մեջբերումներ:
Կանխավ շնորհակալություն:

Հռիփսիմե.

Բարև ձեզ, հարգելի հաշվապահներ, մի հարց ունեմ գլխավոր գրքի վարման մասին: Պարտադի՞ր է, որ կազմակերպության հաշվապահությունը վարի գլխավոր գիրք: Շրջանառության տեղեկագիրը կարող է փոխարինել գլխավոր գրքին: Շնորհակալ եմ:

Անի.

Ավիատոմսերի վաճառքով զբաղվող ընկերությունների համար կա՞ լիցենզավորում:

հարությւն.

Բարև Ձեզ, խնդրում եմ ասեք, որտեղի՞ց կարող եմ վերցնել (բեռնել) հաշվապահական հաշվառման հաշվային պլանը: Կանխավ շնորհակալություն:

ashot.

Կազմակերպության դրամարկղից տրված կանխիկ գումարով հաշվետու անձը կատարում է վճարում բանկային համակարգի միջոցով` ձեռքբերված ապրանքի դիմաց: Համարվու՞մ է արդյոք վճարումը անկանխիկ:

Armine.

Խնդրում եմ ինձ էլ 1C ուղարկեք:

Արմինե.

Հարգելի գործընկերներ, ես կցանկանաի իմանալ, թե Ա/Ձ-ն, որը ավտոլվացվան գործունեություն է ծավալում, ինչ հարկատեսակով պետք է աշխատի: Եվ եթե հաստատագրված վճարով աշխատող գործունեություն է, ապա ելակետային տվյալները որո՞նք են: Կանխավ շնորհակալություն:

Մարիամ.

Խնդրում եմ Ձեզ պատասխանել, արդյոք կա՞ ատեստացիա ՊՈԱԿ – երում:
Շնորհակալություն:

Գոհար.

Բարև:
Ուզում եմ հաճախել 1C ուսուցման դասընթացների, որտե՞ղ խորհուրդ կտաք:

Meline.

Բարև ձեզ հարգելի հաշվապահեր, ես ծանոթ եմ հաշվապահական ծրագրերին, որոշ մասով նաև օրենսդրությանը: Ինչպե՞ս կարող եմ կարճ ժամկետում լրացնել կարևոր պակաս գիտելիքները:

Արփինե.

Բարև ձեզ, հարգելի հաշվապահներ, շնորհավոր բոլորիդ Նոր Տարին և Սուրբ Ծնունդը, հարցս այսպիսին է. ՍՊԸ-ն հոկտեմբերին ձեռք է բերել մարդատար ավտոմեքենա, ի՞նչ հաշվետվություն պետք է հանձնեմ դրա վերաբերյալ: Գույքահարկի՞:
Եվ ընդհանրապես, ի՞նչ պարտավորություններ են առաջանում ՍՊԸ-ի համար:

ԴԱՎԻԹ.

Բարև, հարգելի հաշվապահներ, շնորհավորում եմ Ձեզ Ամանորի առթիվ:
Անհրաժեշտ է որակավորում ունեցող հաշվապահ :
77David շնիկ mail.ru

Aleqs.

Բարև Ձեզ, խնդրում եմ օգնել հետևյալ հարցում.
ֆիզիկական անձն ունի 30 քմ. տարածք, որը տրված է վարձակալության: Վարձակալը կարո՞ղ է 15 քմ. տրամադրել ենթավարձակալության, այսինքն` մի մասը: Քաղ. օրենսգրքի 620 հոդվածում վերջինիս մասին ոչինչ ասված չէ:

Մարինե.

Ասացեք խնդրեմ, ո՞ր ծախսերն են համարվում վարչական ծախսեր:

Վանա.

Հարգելի կոլեգաներ, նախ շնորհավորում եմ բոլորիդ Ամանորը: Հարցս հետևյալն է, խոսակցություններ են հնչում 6 000 000 շրջանառությունը չգերազանցողների վերաբերյալ, ըստ որի դրանք պետք է վճարեն արտոնագրային վճար, փորձում եմ ինչ որ հիմնավորող կամ հաստատող բան գտնել, չի ստացվում, խնդրում եմ արձագանքել, եթե տեղեկացված եք: Կանխավ շնորհակալ եմ: