QR կոդերը ինչպե՞ս են արտացոլվում հաշվի մեջ

QR կոդերի համար նաև հաշվարկային փաստատթղթերում կոճակ կա, վերջնական սպառման դեպքերի համար

համաձայն ՀՀ կառավարության 2025 թվականի սեպտեմբերի 4-ի N 1264-Ն որոշման, գործարկվել է տեղեկատվական հավելված, որը հնարավորություն է տալիս մինչև ապրանքի օգտագործումը կամ օտարումը ապրանքի վրա փակցված նույնականացման միջոցի շրջանառությունից դուրս բերման վերաբերյալ տեղեկատվությունն էլեկտրոնային եղանակով փոխանցել հարկային մարմնի միասնական շտեմարան հետևյալ դեպքերում․

1) նույնականացման միջոցով դրոշմավորված ապրանքն այլ ապրանքի (այդ թվում՝ կիսաֆաբրիկատի) արտադրության (պատրաստման) մեջ կամ սեփական կարիքների համար օգտագործում։ Սույն ենթակետում նշված դեպքում տեղեկությունը փոխանցում է դրոշմավորված ապրանքն այլ ապրանքի (այդ թվում՝ կիսաֆաբրիկատի) արտադրության (պատրաստման) մեջ կամ սեփական կարիքների համար օգտագործողը (օրինակ՝ հյուրանոցներ, ռեստորաններ, սրճարաններ, գրասենյակներ և այլն)։

2) նույնականացման միջոցով դրոշմավորված ապրանքի (բացառությամբ խմբային փաթեթավորման և ապրանքի հավաքածուի) մասնակի օտարում։ Սույն ենթակետում նշված դեպքում տեղեկությունը փոխանցում է դրոշմավորված ապրանքը մասնակի օտարողը.

3) ծառայության մատուցման ընթացքում նույնականացման միջոցով դրոշմավորված ապրանքի օգտագործում, եթե դրա արժեքը ներառվում է ծառայության արժեքի մեջ։ Սույն ենթակետում նշված դեպքում տեղեկությունը փոխանցում է ծառայություն մատուցողը.

4) 1-3-րդ ենթակետերում չնշված այլ դեպքերում, երբ առկա չէ հսկիչ դրամարկղային մեքենա կիրառող կազմակերպությունների և անհատ ձեռնարկատերերի կողմից hսկիչ դրամարկղային մեքենայի կամ դրան միացված ծրագրային կամ տեխնիկական միջոցներով նույնականացման միջոցներով դրոշմավորված ապրանքների օտարման կամ օտարման պահին ապրանքի դիմաց վճարման փաստ։ Սույն ենթակետում նշված դեպքերում տեղեկությունը փոխանցում է դրոշմավորված ապրանքը շրջանառությունից հանողը։

Հավելվածի անունը՝ «Е-mark receipt», կարող եք ներբեռնել App Store և Play Мarket հարթակներից։