Վարկի տոկոսների նվազեցում շրջանառության հարկից
Անի․
Բարև ձեզ, խնդրում եմ կասե՞ք՝ կազմակերպություը կարո՞ղ է վարկի տոկոսները շրջհարկից նվազեցնել։
Գույքահարկի նվազեցում
Աշոտ․
Բարև ձեզ։ Մեքենայի և տարածքի գույքահարկը շահութահարկով նվազեցվու՞մ է, թե՞ ոչ։
Խոզաբուծության գործունեություն
Արմեն․
Բարև Ձեզ, ունեմ Ա/Ձ, որը աշխատում է շրջանառության հարկով և զբաղվում է խոզաբուծությամբ, այսինքն արտադրական գործունեությամբ, որպես ձեռքբերում ունենում եմ միայն խոզի կեր, հոսանքի, գազի, ջրի հաշիվներ, և վճարում եմ աշխատավարձ, հարցս հետևյալն է՝ կարո՞ղ եմ այս բոլորը դիտել ծախս:
Միկրոձեռնարկատիրությամբ աշխատող ԱՁ տարեկան վճարումներ
Արգիշտի․
Բարև Ձեզ, խնդրում եմ օգնեք: Ա/Ձ-ն, ով զբաղվում է առևտրով, 2024 թվականին աշխատել է միկրոյով, ԱՀՔ քաղվածքով երևում է, որ պետք է վճարի միայն դրոշմանիշային գումարը, բայց պե՞տք է արդյոք վճարի նաև ֆիքսված շահութահարկի գումարը և սոց վճարը։ Եվ ևս մեկ հարց․ Ա/Ձ-ի բոլոր ստացված հաշիվները և ապրանքների մատակարարումները և ծառայությունները կարելի՞ է ներառել նվազեցումների մեջ։
Ապահովագրական և տեխսպասարկման ծախսերի նվազեցում շրջհարկից
Նարե․
Բարև Ձեզ, հարգելի հաշվապահներ, կարո՞ղ եք ասել՝ կազմակերպության ատոմեքենաների ապահովագրության, տեխսպասարկման ծախսերը` որպես վարչական ծախսեր, կարո՞ղ ենք շրջ հարկից նվազեցնել։
Շրջանառության հարկի հաշվետվության լրացում
Արտյոմ․
Բարև ձեզ, մի քանի հարց ունեմ շրջհարկի հաշվետվության լրացման հետ կապված, օրինակ՝
1. Հաշվետվության 5․4․1․ տողում լրացնում եմ ձեռքբերված ապրանքի գի՞նը;
2. 5.4.2 իրացման և վարչական ծախսեր տողում կարո՞ղ եմ գործուղման ծախսեր, կամ աշխատավարձ նվազեցնել;
3. Ի՞նչ է նշանակում Վայլդբերիզի կողմից դուրս գրված հաշիվները՝ հանձնակատարի ծառայություններ, այդ գումարները կարո՞ղ եմ նվազեցնել 5.4.2 տողում:
Շնորհակալություն։
Վաճառք Wildberries հարթակում
Անի․
Բարև Ձեզ, հարցս վերաբերվում է շրջանառության հարկի հաշվարկին, ԱՁ-ն զբաղվում է Wildberries հարթակում վաճառքով, 2025թ․-ի 1-ին եռամսյակի детализация բաժնում պայմանականորեն 60 000 դրամ է, որից այդ եռամսյակում հաշիվ է գրվել Wildberries-ին 15 000 դրամի չափով, մնացածը ապրիլին է գրվել ապրիլի մատակարարումով։ Այդ դեպքում շրջ․ հարկը լինու՞մ է 60 000 * 10% - 15 000 * 9.5% = 4 575
Մաքսատուրքի և ԱԱՀ-ի նվազեցում շրջանառության հարկից
Նարեկ․
Բարև Ձեզ։ Շրջանառության հարկով աշխատող կազմակերպությունը ներմուծում է ապրանք, որի ժամանակ առաջանում է մաքսատուրք և ԱԱՀ։ Հարցս հետևյալն է՝ մաքսատուրքը և ԱԱՀ-ն ավելանու՞մ է ապրանքի արժեքին և համարվու՞մ է ծախս 2025թ-ի համար։
Արտադրական գործունեության շրջհարկի նվազեցումներ
Նինա․
Բարև ձեզ, հարգելի հաշվապահներ։ Ես սկսնակ հաշվապահ եմ, և ինձ հետաքրքրում է՝ շրջհարկի նոր օրենքով արտադրությունով զբաղվող ԱՁ-ն ի՞նչ ծախսեր պիտի հաշվի առնի։ Օրինակ՝ հոսանքի, ջրի, աշխատավարձի ծախսերը պակասեցվու՞մ է հաշվարկի ժամանակ, թե՞ ոչ։Կանխավ շնորհակալ եմ։
Ո՞ր ծախսերը կարելի է նվազեցնել շրջանառության հարկից
Քրիստինե․
Բարև բոլորին: Կազմակերպությունը մատուցում է ծառայություն (նախագծում, ինտերյեր դիզայն): Շրջ. հարկի դաշտում է գործում: Ունի երեք աշխատող՝ մենեջեր, դիզայներ, կոնստրուկտոր, տնօրենը՝ նախագծող: Տարածքը վարձակալությամբ է: Խնդրում եմ օգնեք՝ ո՞ր ծախսերը կարելի է ներառել շրջանառության հարկի նվազեցումների մեջ:
Շրջանառության հարկի նվազեցումներ
Արտյոմ․
Բարև Ձեզ։ Ընկերությունն աշխատում է շրջհարկով ծառայությունների ոլորտում, 2025թ. հարկվելու է 10 տոկոս դրույքաչափով: Հարց. ի՞նչ նվազեցումներ են հնարավոր կիրառել և, եթե այո, ապա հաշվետվության ո՞ր տողում: Շնորհակալություն։
Վարչական ծախսերի նվազեցում շրջանառության հարկից
Նարե․
Բարև Ձեզ, հարգելի հաշվապահներ, կարո՞ղ եք ասել՝ արդյո՞ք հիմա կարող ենք շրջանառության հարկից նվազեցնել նաև վարչական ծախսերը։
Աշխատավարձի և վարձակալական վճարի նվազեցում շրջանառության հարկից
Հայկ․
Բարև Ձեզ։ Հարկային օրենսգրքի համաձայն շրջանառության դաշտում աշխատող առևտրով զբաղվող հարկ վճարողները կարղ են նվազեցնել նաև իրացման ծախսերը։ Հարկային օրենսգրքով սահմանված է, որ՝ իրացման ծախսեր են համարվում, մասնավորապես, ապրանքների մատակարարման, աշխատանքների կատարման և (կամ) ծառայությունների մատուցման հետ կապված` ապրանքների փաթեթավորման, պահպանման, բեռնման, տեղափոխման, բեռնաթափման, ուղեկցման, գովազդի և մարկետինգի ծախսերը։
Հարց․ Առևտրով զբաղվող հարկ վճարողը կարո՞ղ է ծախս ճանաչել վաճառողուհու աշխատավարձը կամ խանութի տարածքի վարձակալական վճարը։
Չինաստանից ներմուծված ապրանքի գումարի նվազեցում հարկի հաշվարկման ժամանակ
Գայանե․
Բարև Ձեզ, Wildberries-ում վաճառքներ անելիս Չինաստանից գնված ապրանքի համար թղթային ինվոյս ունենալը հի՞մք է ծախսերի նվազեցման համար։ Եվ ապրանքների վաճառքի դեպքում պե՞տք է հաշիվ դուրս գրել և ու՞մ անունից։
Գումարի փոխանցում բարեգործական հիմնադրամի
Աշոտ․
Բարև ձեզ։ Եթե կազմակերպությունը գումար է փոխանցում ինչ որ բարեգործական ֆոնդի, դա ծախս համարվու՞մ է, շահութահարկի հաշվետվության մեջ եկամտից կարո՞ղ եմ նվազեցնել։
Պահուստաֆոնդի ձևավորում
Անա․
Հարգելի հաշվապահներ, առաջին անգամ եմ կատարում պահուստաֆոնդի մասհանումներ, խնդրում եմ հուշել՝ ինչպե՞ս է հակադարձվում անհուսալի դեբիտորական պարտքի պահուստի գումարը պատրքը մասնակի մարելու դեպքում։ Պարտքի գումար՝ 285 դոլար։ Եթե պարտքի մարումը կատարելու պահին պահուստում առկա կուտակված գումարը կազմել է 143 դոլար (չվճարված պարտքի գումարի 50 տոկոսը), վճարվել է 150 դոլար։ դտ -223 կտ-614 , 143ի չափով։ Եվ շարունակում եմ պահուստի մասհանումը չմարած գումարին ՝ 135 դոլարի նկատմամբ կիրառում եմ 75 տոկոս։ Պահուստում առկա գումար ՝ 102 դոլար։ Եվ ինչպե՞ս եմ հաշվարկում այն 1373 Ն որոշման համաձայն։ 143ը ճանաչվում է համախառն եկամուտ, բնական է դրամով արտահայտված, իսկ 102-ը այլ նվազեցու՞մ։ Նշեմ նաև, որ 143-ը նախորդ տարի շահութահարկի հաշվարկում արտացոլվել է որպես այլ նվազեցում։ Շնորհակալ եմ։
Գեղեցկության սրահի գործունեություն
Լիլիթ․
Բարև Ձեզ, հարգելի հաշվապահներ, խնդրում եմ ինձ օգնել հետևյալ հարցում. ԱՁ-ն իրականացնում է գեղեցկության սրահի գործունեություն, ծառայությունների մատուցման համար ձեռք է բերում ներկեր և գունաբացող նյութեր, տվյալ նյութերը, որպես ծառայությունների մատուցման հետ կապված նյութածախս կարո՞ղ է ներառել շրջանառության հարկի եռամսյակային հաշվետվությանում։ Կամ արդյո՞ք ճիշտ է, որ առանձին վաճառք լինի, ուղղակի նյութերի մի մասը ստանում է մեծ տարաներով և օգտագործում է մաս- մաս, այս դեպքում դրոշմավորման խնդիր առաջանու՞մ է։ Եթե ունեք այս որորտում փորձ, խնդրում եմ արձագանքեք։
Կոմունալ ծախսերի նվազեցում
Լիանա․
Խնդրում եմ հուշել՝ արդյո՞ք առևտրային գործունեություն ծավալող (հագուստի առք ու վաճառք) ԱՁ - ն շրջ. հարկի հաշվետվություն ներկայացնելիս կոմունալ ծախսերը կարող է նվազեցնել։
Առևտրի ոլորտի շրջանառության հարկ 2025
Վահագն․
Բարև Ձեզ։ Մի հարց իմ մոտ առաջացավ։ 2025թ․-ին առևտրի ոլորտը շրջանառության հարկը հաշվելու ժամանակ հարկը կարող ենք նվազեցնել ձեռք բերված ապրանքների մասով 9,5 տոկոսով, հիմա ենթադրենք վաճառել ենք ապրանք 2 000 000 դրամի, ձեռք ենք բերել օրինակ 2 500 000 դրամի ապրանք հարկային հաշիվներով, ձեռք բերումների 9,5 տոկոս նվազեցումը վերաբերվու՞մ 2 500 000 դրամին և կապ չունի՞, որ այդ ձեռք բերված ապրանքների համար մատակարարներին մնացել ենք պարտք։ Ինչու՞ եմ հարցնում՝ հաշվարկի մեջ այդ տողը գրված է Առևտրական (առք ու վաճառքի) գործունեության առարկա հանդիսացող ապրանքների սկզբնական արժեք։
Հյուրատնային բիզնես
Մարիա․
Բարև Զեզ։ Ա/Ձ -ն զբաղվում է հյուրատնային բիզնեսով (Booking և Airbnb կայքերով օրավարձով բնակարան է տալիս), 24 մլն շեմը չի անցնում (1 բնակարան), միկրոձեռնարկատիրության տակ կարո՞ղ է աշխատել և հարկ չվճարել: Իսկ շրջհարկի դաշտ մտնելու դեպքում կոմունալ ծախսերը և մյուս սպասարկման ծախսերը կարո՞ղ է ներառել:
Վերջին մեկնաբանություններ