Tag: ՀՄ

Հասմիկ․

Հարգելի գործընկերներ, 2025-ին ձեռք եմ բերել հիմնական միջոց, շահագործել եմ մոտ 1 տարի, այնուհետև 2026թ-ին հետ եմ վերադարձրել մատակարարին։ Մատակարարը դուրս է գրել ճշգրտող հաշիվ և հետ է փոխանցել գումարը։

1․ Ի՞նչ ձևակերպումներ են անհրաժեշտ

2․ Արդյո՞ք առաջանում է հասույթ

Էվա․

Բարև Ձեզ։ Նոր ձեռք բերված ՀԴՄ-ի գումարը կարո՞ղ եմ նվազեցվող ծախս համարել, թե՞ ոչ։

Վարդան․

Բարև ձեզ: Շրջ. հարկով աշխատող ՍՊԸ-ի վրա ավտոմեքենա գրանցելը դրական և բացասական կողմերը կասե՞ք: Նախապես շնորհակալ եմ։

Հապետ.

Բարև Ձեզ, կոլեգաներ: Ընկերությունը, որը զբաղվում է բետոնի արտադրությամբ, ցանկանում է վաճառել իր բեռնատար (բետոնախառնիչ) ավտոմեքենան: Մնացորդային արժեքը զրո է: 2026թ-ի համար կարո՞ղ է ներկայացնել միկրոձեռնարկատիրության համակարգում գործունեություն իրականացնելու դիմում և կատարել վերը նշված գործարքը։

Նարինե․

Բարև ձեզ, ԱԱՀ-ով աշխատող ՍՊԸ բեռնատար ավտոմեքենան վթարի է ենթարկվել և այլևս պիտանի չէ շահագործման։ ԱՊՊԱ-ն վնասը արձանագրել է 8 մլն, իսկ փոխհատուցելու է առավելագույն չափով՝ 1,6 մլն։ Արդյո՞ք կարելի է այս դեպքում մեքենան լուծարել և հարկային տեսանկյունից ծախս ճանաչել և եթե այո, ի՞նչ հիմքեր են պետք դրա համար։

Էլինա․

Հարգելի հաշվապահներ, ինչպե՞ս է ֆիզիկապես դուրս գրվում / ապաճանաչվում 0 ՀՀ դրամ հաշվեկշռային արժեքով և ՕԾԺ լրացած, գույքը ընդհանուր հարկման դաշտում աշխատող ՍՊԸ-ում։ ՀՕ 122-ով կորստի ճանաչումը և N 1261-Ն որոշման դրույթները վերաբերվում են շահութահարկի հարկման բազայի նվազեցումներին, իսկ եթե հարկման բազայի որոշման նպատակ չկա՞։ Կա՞ արդյոք մի որոշում, որը կարգավորում է գույքի դուրս գրման փաստը, և արդյո՞ք վերահսկող մարմնի հետաքրքրության տեսադաշտում է այս հարցը։ Շնորհակալ եմ։

Lia.

Բարև Ձեզ։ Երաշխիքային սպասարկման շրջանակներում արտադրողը իրականցրել է սարքավորման մասի փոխարինում։ Գնորդի մոտ դա հանդիսանում է ՀՄ-ի մաս։ Բայց այդ մասը որպես առանձին միավոր ձեռք չի բերվել։ Հիմա արտադրողը վաճառողի միջոցով գնորդին է փոխանցում նոր մասերը։ Հին մասերը գնորդը պետք է ապաճանաչի՞, այնուհետև նորը վերակառուցի՞։ Այստեղ հարցն այն է, որ այդ մասերի ակզբնական արժեքները չգիտենք։ Հին անորակ սարքավորումները արդյո՞ք պետք է ոչնչացվեն։

Արմինե․

Բարև Ձեզ։ 3-րդ երկրից հիմնական միջոց ենք ներմուծել։ Ես արել ՊՄՕ և ԲՄՀ փաստաթղթերը։ Որ խնդրեմ կասե՞ք՝ դրանից հետո ի՞նչ ձևակերպումներով պետք է պահեստից ելք անեմ և դարձնեմ հիմնական միջոց։

Արմինե․

Բարև Ձեզ։ Որ խխնդրեմ կասե՞ք՝ հիմնական միջոցի սկզբնական արժեքի քանի % պետք է գերազանցի ստացված ծառայությունը համ ապրանքը, որպեսզի համարվի կապիտալ ծախս։

Արմինե․

Բարև ձեզ։ ԱԱՀ-ով աշխատող կազմակերպությունը սեպտեմբերին ԱՄՆ-ից ներմուծել է մարդատար ավտոմեքենա, որի մաքսային արժեքը կազմում է 2 821 244, վճարվել է ներմուծման մաքսատուրք՝ 564 249, բնապահպանական հարկ՝112 850 և ԱԱՀ՝ 677 099։ Վաճառվել է 28․03․2025-ին, 4 140 000 դրամով (ներառյալ ԱԱՀ)։ Հաշվարկվել է մաշվածություն 218 650 դրամ։ Խնդրում եմ ասել, թե որքան շահութահարկ կառաջանա այս դեպքում։ Կանխավ շնորհակալ եմ։

Արսեն․

Բարև Ձեզ։ Կազմակերպությունը մեքենայի ձեռք բերման ժամանակ վճարել է 12 000 համարանիշի ստացում, 5 000 մեքենայի գրանցում, 6 000 գրանցման վկայական, 150 000 ցանկալի համարանիշի արժեք։ Այս վճարումներից որո՞նք պետք է գրանցվեն որպես մեքենայի ինքնարժեք, որոնք ծախսագրվեն։ Շնորհակալություն։

Սերգեյ․

Բարև Ձեզ: Հարգելի հաշվապահներ, անվտանգության տեսախցիկները ինչպե՞ս ձևակերպել ՀԾ-ով, եթե չի գերազանցում 50 000 դրամը: Իսկ եթե գերազանցում է, որպես ի՞նչ ակտիվ եմ դիտարկելու և որքա՞ն մաշվածության ժամկետով։

Նարե․

Բարև Ձեզ։ Հարգելի հաշվապահներ, եթե ԱԱՀ-ով աշխատող ՍՊԸ-ն եվրոպական երկրից ստացել է դրամաշնորհ, որով պետք է ձեռք բերի սեփական օգտագործման հիմնական միջոցներ, ապա․

1. դրամաշնորհի գումարը հարկվո՞ւմ է ԱԱՀ-ով,
2. արդյո՞ք պետք է դրամաշնորհի համար ինքնահաշիվ գրել, եթե պայմանագրով չի պարտադրվում,
3. եթե դրամաշնորհը ստացվել է եվրոյով և հաշիվ չի գրվում, ապա ԱԱՀ-ի հաշվետվության մեջ ո՞ր օրվա փոխարժեքով պետք է արտացոլել դրամաշնորհի գումարը։

Կանխավ շնորհակալություն։

Ժաննա․

Բարև ձեզ, հարգելի հաշվապահներ, խնդրում եմ օգնեք հետևյալ հարցում։ Կազմակերպությունը դուրս է գրել թանկարժեք սարքավորում անսարք լինելու պատճառով՝ 57 մլն դրամի, արդյո՞ք դուրս գրման ծախսը (57 մլն դրամը) նվազեցվում է շահութահարկից։ Շնորհակալություն։

Քնարիկ․

Բարև ձեզ։ Հարցս վերաբերում է շինարարության արտադրության։ Հնարավո՞ր է նյութական արժեքների կոմպլեկտավորումից ստանալ ՀՄ, եթե այո, ինչպիսի՞ հաշվապահական ձևակերպում պետք է տալ։ Նախապես շնորհակալություն։

Գևորգ․

Հարգելի հաշվապահներ, արդյո՞ք ճիշտ եմ կատարել հաշվարկը: Կազմակերպությունը 11.08.2022-ին շրջանառության հարկի համակարգից անցել է ընդհանուր հարկման համակարգ: 19.04.2022-ին ձեռք է բերել հիմնական միջոց 30 մլն դրամ արժողությամբ, 8 տարի (96 ամիս) օգտակար ծառայության ժամկետով: Համաձայն հարկային օրենսգրքի 264-րդ հոդվածի ընդհանուր հարկման կարգում մաշվածությունը կսկսվի հաշվարկվել 01.09.2022-ից, հիմնական միջոցի հաշվեկշռային արժեքը կլինի 28 626 712 դրամ, օգտակար ծառայության մնացորդային ժամկետը՝ 92 ամիս:

Վահե․

Ողջույն, հարգելի հաշվապահներ։ Ա կազմնակերպության սեփականատերերը ցանկանում են Ա կազմակերպության իրենց բաժնեմասին համապատասխան հաստոցները Ա կազմակերպությունից դուրս գալով ներդնել Բ կազմակերպությունում: Ա կազմակերպության հիմնադիրները նաև հանդիսանում են Բ կազմակերպության հիմնադիրներ: ։նդրում եմ հայտնել Ձեր կարծիքը այս գործառույթի հետ կապված, և քայլերի հերթականությունը և նպատակահարմարությունը հարկերի առաջացման առումով:

Կօգնե՞ք տալ ձևակերպումները։ Ձևակերպել հաստոցի վերադասակարգման և վաճառքի գործառնությունները։ Հաստոցի սկզբնական արժեքը 600 000 դրամ է, օգտակար ծառայության սահմանված ժամկետը՝ 5 տարի: Մաշվածության հաշվարկման համար կիրառվել է գծային եղանակ։ Երեք տարի անց հաստոցը վերադասակարգվել է որպես վաճառքի համար պահվող և դրանցից մեկ ամիս անց՝ վաճառվել 336 000 դրամով, ներառյալ՝ ՍՍՀ-ն: Վաճառքի գումարը ստացվելու է առաջիկա ամսվա ընթացքում: Հաշվետու անձըվճարել է միջնորդավճար հաստոցի վաճառքի համար` 15 000 դրամ՝ գումարած ԱԱՀ-ն։

Այլ հաշվապահական խնդիրներ

Նելլի․

Բարև ձեզ։ ԵՏՄ-ից ներմուծվել է հիմնական միջոց և պազվել է, որ սխալ ՀՄ է, պետք է ետ վերադարձվի: Ի՞նչ ընթացակարգով է կատարվում այդ վերադարձը: Կանխավ շորհակալ եմ:

Քրիստինա․

Բարև ձեզ, հարգելի կոլեգաներ, նման իրավիճակ ունեմ․ ՍՊԸ-ն վարձակալել է հողակտոր և այդ հողակտորի վրա կառուցել է պահեստ, կատարվել է մեծ ծախս, գրվել են բոլոր ծախսերի հաշիվները ֆիրմային, հիմա ես կարո՞ղ եմ այդ պահեստը որպես ՀՄ հաշվառել։

Աշոտ․

Բարև Ձեզ։ ԱԱՀ Վճարող համարվող կազմակերպությունը ՀՄ է վաճառում ֆիզ․ անձին։ Ի՞նչ հարկային պարտավորություններ են առաջանալու, և ինչպիսի՞ հաշիվ պետք է դուրս գրվի։

Նաիրա․

Բարև ձեզ։ Կազմակերպությունը 2018 թվականի փետրվարի 1-ին կանոնադրական խնդիրների լուծման պայմանով այլ կազմակերպությունից պայմանով ստացել է սարքավորում, որի իրական արժեքը ստացման պահին գնահատվել է 6․000․000 դրամ։ Որքա՞ն կկազմի կազմակերպության հետաձգված հասույթի մնացորդը 2018 թվականի դեկտեմբերի 31-ին, եթե սարքավորման օգտակար ծառայության ժամկետը 5 տարի է։

Աշոտ․

Բարև ձեզ։ Ինձ ո՞վ կարող է օգնել լիզինգի ձևակերպումների հետ կապված հարցով։

Կազմակերպությունը լիզինգով ՀՄ է ձեռք բերել՝ կանխավճարով։ Կանխավճարը ՀԾ-ում ձևակերպել եմ Դտ 152 Կտ 252 11 000 000։ Լիզինգ տրամադրող կազմակերպությունը դուրս է գրել հետևյալ հաշիվները։

1․ Միջնորդավճարի հաշիվ 6 000 դր՝ ձևակերպել եմ դտ 713 Կտ 521
2․ Լիզինգի առարկայի հանձնման-ընդունման ակտ, մեկ տողով ՀՄ արժեք 22 000 000, մյուս տողով մաքսազերծման ծախս 85 000
3․ Մեկնարկային վարձավճար 2 տողով, մեկում 11 000 000, մյուսում 42 000 + ԱԱՀ, և նույն հաշվի 3-րդ տողում տոկոսագումար՝ 33 000, իսկ լրացուցիչ տվյալներում գրված է, որ 24 000-ը վճարման ենթակա չէ
4․ Վարձավճար 2 տողով, տողերից մեկը ԱԱՀ-ով, իսկ 3-րդ տողում գրված է տոկոսագումար 101 000, լրացուցիչ տվյալներում գրված է՝ 74 000-ը վճարման ենթակա չէ։

Որ խնդրեմ կօգնեք ՀԾ ում ձևակերպումները տամ։

Գայանե․

Հարգելի հաշվապահներ, դպրոցը ձեռք է բերել գույք․

1. 2 հատ 14 000 դրամ և 1 հատ 13 000 դրամ արժողությամբ գրքեր, ծառայության ժամկետը 20 տարի
2. 1 հատ կշեռք 20 000 դրամ արժողությամբ, ակնկալվում է օգտագործել մեկ տարուց ավել
3. Աղբամաններ 8 000 դրամ արժողությամբ, որոնք ակնկալվում է օգտագործել ավելի քան մեկ տարի ժամանակահատվածում

Խնդրում եմ պատասխանել՝ ինչպե՞ս պետք է հաշվառել վերոնշյալ գույքը՝ որպես արագամաշ առարկաներ, թե՞ հիմնական միջոցներ

Ժաննա․

Բարև ձեզ։ Կազմակերպությունը ձեռք է բերել 6 000 000 դրամ և 1 550 000 դրամ արժեքով լամպեր բժշկական սարքավորման համար։ Այն ընդունել ենք որպես ՀՄ, և սկսել եմ հաշվարկել ամորտիզացիա 5 տարի ժամկետով։ Սակայն ընկերության Կառավարչական ընկերությունը առաջակում է 6 000 000 արժեքով լամպի համար ամորտիզացիան 5 տարվա փոխարեն հաշվել 1 տարում , իսկ 1 550 000 արժողությամբը՝ 3 տարում։ Հարգելի հաշվապահներ, խնդրում եմ օգնեք՝ եթե վարվեմ նրանց պահանջով, արդո՞ք ճիշտ կլինի, և օրենք չե՞մ խախտի։

Վահագն․

Բարև Ձեզ։ ԱՁ-ն զբաղվում է ավտոպահեստամասերի վաճառքով և աշխատում է շրջ. հարկով։ Մի տարի առաջ ամբարձիչ սարքավորում ներմուծեցինք ՌԴ-ից, ավտոտեխսպասարկման կետ բացելու համար, բայց սպասարկման կետը չբացվեց, և հիմա այդ հիմնական միջոցը այս տարի վաճառեցինք։

Հիմա հարց․ այդ գույքի վաճառքի գումարը պետք է գրեմ շրջ. հարկի հաշվետվության առևտրի տողում, թե՞ 16 տողում (Այլ գործունեությունից կամ այլ ակտիվների օտարումից ստացվող եկամուտներ)։ Եվ ամենակարևորը՝ ի՞նչ դասակարգիչ նշեմ հաշվետվության մեջ։ Նույն դասակարգիչն, ինչ որ ավտոպահեստամասերի վաճառքի դեպքում։

Գայանե․

Բարև Ձեզ։ Խնդրում եմ պատասխանել՝ կազմակերպությունը 2023թ ապրիլի 1-ն ձեռք է բերել 1 500 000 դրամով սարքավորում, որը տեղակայվել է 2023թ մայիսի 1-ն՝ դառնալով մատչելի օգտագործման համար: Սակայն սարքավորման շահագործումը սկսվել է 2023թ հուլիսի մեկից: Որքա՞ն կկազմի սարքավորման մաշվածության ծախսը 2023թ դեկտեմբերի 31-ին, եթե սարքավորման օգտակար ծառայության ժամկետը 8 տարի է։

Հարութ․

Խնդիր. Հիմնական միջոցների լուծարող հանձնաժողովը լուծարման ակտով լուծարել է հաստոց 985 000 դրամ սկզբնական արժեքով, 820 000 դրամ կուտակված մաշվածքով։ Հաստոցի ապատեղակայման համար հաշվարկվել են 20 000 դրամաշխատավարձ և 5 000 դրամ սոցապ հատկացումներ։ Հաստոցի լուծարքից ստացվել է 35 000 դրամի ջարդոն, որը մուտքագրվել է օժանդակ նյութերի պահեստ։ Տալ հաշվապահական ձևակերպումները։

Այլ հաշվապահական խնդիրներ

Հարութ․

Խնդիր. Կազմակերպության արտադրամասի շենքի տանիքի կապիտալ նորոգման նպատակով կատարվել են հետևյալ ծախումները. 1․ Շինանյութեր` 250 000 2․ Հաշվարկված աշխատավարձ 300 000 3․ Հաշվարկված սոցապ հատկացումներ` 45 000 4․ Այլ ծախսեր` փոխանցված հաշվարկային հաշվից` 30 000 դրամ; Ընդամենը 625 000

Նորոգվող շենքի սկզբնական արժեքը 50 000 000 դրամ է, օգտակար ծառայության ժամկետը` 20 տարի։ Վերանորոգումը կատարվել է շահագործման 10-րդ տարվա վերջին։ Նախատեսվել է նորոգումից հետո շենքի ծառայության ժամկետը ավելացել է 50 տարով։ Հաշվապահորեն ձևակերպել
• Կապիտալ նորոգման ծախսումների գումարը,
• Նորոգման աշխատանքների ավարտից հետո կատարված ծախսումները կապիտալացումը,
• Հաշվել նորոգումից հետո շենքի տարեկան մաշվածությունը

Դիտել այլ հաշվապահական խնդիրներ

Արեգա․

Բարև Ձեզ։ Խնդրում եմ պատասխանեք հետևյալ հարցիս. 20.12.2022թ․ լիզինգով ձեռք եմ բերել արևային պանելներ՝ 26 920 000 դրամ արժողությամբ։

Հարց 1. 2023թ համար ինչպե՞ս հաշվարկեմ ամորտիզացիան

Հարց 2. օգտակար ծառայության ժամկետը քանի՞ տարի է

Հարց 3. Հաշվապահական ձևակերպումները

Կանխավ շնորհակալություն։