Պե՞տք է արդյոք կնիք
Տաթևիկ.
Բարև ձեզ։ Ծրագրավորման ուսումնական կենտրոն որպես ԱՁ գրանցելուց հետո կնիք պե՞տք է:
Կորել է կնիքը
Հայկ.
Բարև ձեզ: Ի՞նչ կարելի է անել, եթե կորցրել ենք ՍՊԸ-ի կնիքը: Նախապես շնորհակալություն:
Թարգմանչական գրասենյակ բացելու համար
Սաթ.
Ի՞նչ է անհրաժեշտ թարգմանչական գրասենյակ բացելու համար, և ինչպե՞ս ձեռք բերել կնիք:
Արդյո՞ք պարտադիր է կնիքի առկայությունը
Լուսինե.
Բարև ձեզ, խնդրում եմ ասեք` ՍՊԸ-ի համար կնիքի առկայությունը պարտադի՞ր է, թե ոչ, եթե այո, ո՞ր օրենքով, և պայմանագրի համար միայն ստորագրությունը կարո՞ղ է հիմք հանդիսանալ: Կանխավ շնորհակալություն:
Հանձնման-ընդունման ակտի օրինակելի ձև
Անահիտ.
Խնդրում եմ տրամադրել կնիքի Հանձնման-ընդունման ակտի օրինակելի ձև: ann.markosyan27 շնիկ gmail.com
Գործունեության դադարեցման / լուծարման դեպքում ի՞նչ պետք է անել կլոր կնիքը
Դավիթ.
Բարև Ձեզ: Կցանկանայի իմանալ, թե իրավաբանական անձի գործունեության դադարեցման / լուծարման դեպքում ի՞նչ պետք է անել կլոր կնիքը: Ու՞մ հանձնել, Ոստիկանություն, ՀՀ արդարադատության նախարարություն, թե՞: Ես ծանոթացա "Իրավաբականան անձանց պետական գրանցման մասին" ՀՀ օրենքին, սակայն այնտեղ հստակ ոչինչ չի ասվում: Խնդրում եմ օգնել, կանխավ շնորհակալություն:
ԱՁ ցանկանում է բացել արագ սննդի կրպակ
Տիգրան.
Բարև ձեզ: Ուզում եմ դառնալ անհատ ձեռներեց և բացել արագ սննդի կրպակ: Ի՞նչ է հարկավոր այդ ամենի համար: Կխնդրեմ նշել նաև կնիքի և այլ փաստաթղթերի պարտադիր առկայության վերաբերյալ: Կանխավ շնորհակալ եմ:
Զբոսաշրջային գործունեություն
Emily.
Բարև Ձեզ, հարգելի հաշվապահներ: Կխնդրեի, որ պատասխանեին զբոսաշրջության ոլորտում աշխատող հաշվապահները: Ա/Ձ սկսել է զբաղվել արտասահմանյան երկրների զբոսաշրջային կազմակերպությունների հետ զբոսաշրջային գործունեությամբ և հյուրանոցներում, հանգստյան տներում տեղեր ամրագրելով: Հարցերս հետևյալն են`
1. Արդյո՞ք պետք է Ա/Ձ-արտասահմանյան երկրներ ուղարկվող պայմանագրերի և հաշիվ-ֆակտուրաների համար համար ձեռք բերի կնիք կամ հակառակ դեպքում պե՞տք է արդյոք գլխավոր պայմանագրերը նոտարով հաստատված լինեն:
2. Արդյո՞ք պետք է պայմանագրերը և հաշիվ-ֆակտուրաները լինեն նաև հայերեն տարբերակով, բացի տվյալ երկրի լեզվով գրվածից:
3.Արդյո՞ք Ա/Ձ չի կարող աշխատել միայն բանկային հաշիվներով և պետք է ունենա ՀԴՄ և բացի ՀԴՄ կտրոնից հաճախորդին տրամադրի հաշիվ-ֆակտուրա ռուսերեն կամ անգլերեն, կամ այն երկրի լեզվով, ուր որ գնում է հաճախորդը: Ա/Ձ դեռ շրջանառության հարկ վճարող է:
Եվ վերջում շատ կխնդրեի, որ այս ոլորտում աշխատող հաշվահապներից մեկը իր հեռախոսի համար գրեր, որ հարցերի դեպքում դիմեի, իհարկե եթե կարելի է :) 
ԱՁ-ն նոր է գրանցվել
Zhanna.
Բարև Ձեզ:
Խնդրում եմ օգնել մի քանի խորհրդով ԱՁ-ի հետ կապված:
1. Արդյոք պարտադի՞ր է, որպեսզի ԱՁ-ն ունենա կնիք` կլոր կնիք, դրոշմակնիք կամ այլ:
2. Պետ. ռեգիստրից ԱՁ-ի վկայականը վերցնելուց հետո ԱՁ-ն ի՞նչ այլ պարտավորություններ` հարկային, գործառնական, ունի:
3. Հարկային և մաքսային ծառայություններն առանձնացվա՞ծ են, թե՞ միասնական են գործում:
4. Ինչպե՞ս կարող եմ ճշտել մինչ ապրանքներ ներմուծելը, որքան են դրանց մաքսազերծման արժեքները և ի՞նչ հարկումների են ենթակա: Կանխավ շնորհակալ եմ պատասխանների համար:
Պարտադի՞ր է արդյոք կնքել հարկային հաշիվը
Nelli.
Եթե ԱԱՀ վճարող հարկատուն հարկային հաշիվները դուրս է գրում էլեկտրոնային եղանակով, իսկ նրա գնորդները` ոչ: Պարտադիր է արդյո՞ք հարկային հաշիվ դուրս գրող սուբյեկտը կնքի հարկային հաշիվը:
Կնիքը հաստատելու համար
Edgar.
Հարգելի հաշվապահներ, ես անհատ ձեռներեց եմ և կցանկանայի իմանալ` ի՞նչ փաստաթղթեր է անհրաժեշտ ներկայացնել ՀՏ կնիքը հաստատելու համար:
Արդյո՞ք անհրաժեշտ է փոխել կնիքը
Anna.
Բարև ձեզ: Կարո՞ղ եք ինձ օգնել մի հարցում` եթե ՀՎՀՀ ավելանում է մեկ նիշ (/0 կամ /1), ապա կնիքը նույնպե՞ս անհրաժեշտ է փոխել: Շնորհակալություն:
Կնիք ունենալու վերաբերյալ
Արթուր.
Ճի՞շտ է արդյոք, որ օրենքով չի պարտադրվում ունենալ կնիք:
Շինանյութի վաճառք իրականացնելու համար
Դավիթ.
Բարև ձեզ, հարգարժան հաշվապահներ, խնդրում եմ խորհուրդ տաք: ԱՁ եմ, ունեմ սննդի խանութ, ունեմ բանկային հաշիվ և կնիք: Կարո՞ղ եմ շինանյութի վաճառք իրականացնեմ նույն ԱՁ-ով: Եթե այո, ինչպե՞ս եմ դա կատարում և ձևակերպում հարկայինում: Ձեռքբերումներս հաշիվ-ապրանքագրով են: Որևիցե գիրք պե՞տք է գրանցումների համար: Սա իմ էլեկտրոնային հասցեն է, գրեք, խնդրեմ, կանխավ շնորհակալ եմ: d19742004 շնիկ mail.ru
Վճարման հանձնարարականի վերաբերյալ
Նունե.
Հարգելի հաշվապահներ, որտեղի՞ց կարող եմ վերցնել վճարման հանձնարարականների պարտադիր վավերապայմանների ցանկը: Նայել եմ վճարման հանձնարարականով միջոցների փոխանցումների իրականացման մասին օրենքում, այնտեղ չկա: Իսկ հնարավո՞ր է արդյոք թղթային վճարման հանձնարարական ներկայացնել առանց կազմակերպության կնիքի: Նախապես շնորհակալություն:
Կազմակերպությունը փոխել է անվանումը
Անժելա.
Հարգելի գործընկերներ, խնդրում եմ հուշեք` ինչպես վարվեմ հետևյալ իրավիճակում: Կազմակերպությունը փոխել է անվանումը և հետևաբար կնիքը, մինչ անվանումը փոխելը աշխատողներ է ազատել աշխատանքից, սակայն աշխատանքային գրքույկներում ազատման գրառման տակ կնիք չի դրվել: Ի՞նչ պետք է անեմ հիմա, որպեսզի այդ մարդիկ հետագայում խնդիրներ չունենան: Միգուցե դնե՞մ այժմյան կնիքը, բայց միևնույն ժամանակ տեղեկանք տամ, որ կազմակերպությունն անվանափոխվել է: Նախապես շնորհակալություն:
Աշխատանքային գրքույկի լրացում
Աննա.
Ըստ օրենքի առաջին գործատուն պետք է ուսման տարիները գրանցի աշխատանքային գրքույկում, բայց ինչքանո՞վ ճիշտ կլինի գործատուի կնիքը դնել: Թե՞ աշխատողը բուհում գրանցել տա, նոր ներկայացնի:
ՀՎՀՀ ստանալու համար
S..
Կարո՞ղ եք ասել` ՀՎՀՀ, կնիք և պետ. ռեգիստրի գրանցման վկայական ստանալու համար ինչ փաստաթղթեր են անհրաժեշտ, և ուր պետք է դիմեմ:
Արդյո՞ք անհրաժեշտ է կնիք ունենալ
Լուսինե.
Խնդրում եմ օգնել: Փաստաբանները, եթե ունեն ԱՁ-ի կարգավիճակ, ապա կնիք ունենու՞մ են, և եթե այո, ապա կնիքի վրա հարկային կոդ նշվու՞մ է, թե՞ ոչ: Կանխավ շնորհակալություն:
Էլեկտրոնային ստորագրության ժամանակ
Արթուր.
Խնդրում եմ պատասխանել` էլեկտրոնային ստորագրության ժամանակ կազմակերպության կնիքը անհրաժե՞շտ է, թե՞ ոչ: Խնդրում եմ հիմնավորել պատասխանը որոշման համարով:
Վերջին մեկնաբանություններ