Գիշերավարձի ծախսեր

Հարգելի Գայանե Շահութահարկի մասին օրենքի 16 հոդվածի դ կետում ասվում, է որ “դ) Հայաստանի Հանրապետության տարածքից դուրս գործուղման ծախսերի, իսկ Հայաստանի Հանրապետության տարածքում` օրապահիկի ծախսերի համար Հայաստանի Հանրապետության կառավարության սահմանված չափը գերազանցող ծախսերը հարկման նպատակով համախառն եկամտից չնվազեցվող ծախսեր են”, իսկ ՀՀ կառավարության N 753 որոշման 3-րդ կետի Թ ենթակետում ասվում է. “թ) Հայաստանի Հանրապետության տարածքում գործուղման օրապահիկի ծախսերը` գործուղվողի գործուղման մեջ գտնվելու յուրաքանչյուր օրացուցային օրվա համար 8 հազ. դրամը չգերազանցող գումարի չափով, ընդ որում` շինարարություն իրականացնող հարկ վճարողների համար Հայաստանի Հանրապետության տարածքում օրապահիկի ծախսերի ամսական գումարը չի կարող գերազանցել տվյալ շինարարությունում ընդգրկված յուրաքանչյուր վարձու աշխատողի հաշվով հաշվարկված տվյալ ամսվա աշխատանքի վարձատրությանն ուղղված միջոցների և դրանց հավասարեցված եկամուտների գումարից:
Ընդ որում, գործուղման օրապահիկի ծախսերը չեն հատուցվում հիմնական աշխատանքի վայրից մինչև 30 կմ հեռավորությամբ գործուղված աշխատողին”: ՀՀ տարածքից դուրս գործուղման օրապահիկի ծախսերի չափերի մասին խորհուրդ կտայի կարդալ ՀՀ կառավարության 2005թ. դեկտեմբերի 29-ի N 2335-N որոշման մեջ:
Իսկ հաշվապահական հաշվառման տեսանկյունից սահմանափակումներ չկան, սհամանափակումները գործում են միայն Շահութակարկի իմաստով ծախս ճանաչելու դեպքում: