Մայրության նպաստ

Պետք է վերցնել պահանջն առաջանալու ամսվան նախորդող 12 ամիսների ընթացքում ստացած ամբողջ եկամուտը՝ աշխատավարձ, հավելավճարներ, հավելումներ, լրավճարներ, պարգևավճարներ, նպաստներ, արձակուրդային վճարներ (հաշվառման ենթակա ամիսներում ներառվում է նաև նախորդ գործատուի կողմից վճարված եկամուտը), և բաժանել 12-ի։ Եթե ստացված միջին ամսական աշխատավարձը պակաս է լինում նվազագույն ամսական աշխատավարձի 50 %-ից, ապա որպես միջին պետք է վերցնել նվազագույն ամսական աշխատավարձի 50 %-ը, նպաստների դեպքում այն կազմում է 43 038 դրամ։ Եթե ընդունենք, որ տվյալ աշխատողի դեպքում միջինը վերցրել ենք 43 038 դրամը, ապա՝ 43038/30,4*140=198201, հանած 21 % եկամտային հարկը, վճարման ենթակա մայրության նպաստը կկազմի 156 579 դրամ։ Միջինը կախված է 12 ամիսների ընթացքում ստացած եկամուտից։
Եթե գործատուն միկրոձեռնարկատիրության սուբյեկտ է, ապա միջինը նույնպես վերցնում ենք 43 038 դրամը, և այդ դեպքում եկամտային հարկը 5 000 դրամ է։