Անհարգելի բացակայություն

Բարև Ձեզ, Սաթենիկ: Համաձայն Աշխատանքային օրենսգրքի 223-րդ հոդվածի՝ Դուք կարող եք որպես կարգապահական տույժ աշխատողի նկատմամբ կիրառել նշված հոդվածի 1-ին մասի 1-ին կետը՝ նկատողություն, որից առաջ պետք է աշխատողից պահանջեք բացատրագիր: Եթե գործատուի սահմանած ողջամիտ ժամկետում աշխատողն առանց հարգելի պատճառների չի ներկայացնում գրավոր բացատրություն, ապա կարգապահական տույժը կարող է կիրառվել առանց գրավոր բացատրության: Այնուհետև կարող եք կիրառել նույն հոդվածի 3-րդ կետը՝ աշխատանքային պայմանագրի լուծում՝ 113-րդ հոդվածի 1-ին մասի 9-րդ կետի հիմքով՝ անհարգելի պատճառով ամբողջ աշխատանքային օրվա (հերթափոխի) ընթացքում աշխատողի` աշխատանքի չներկայանալու դեպքում: Հիշեք նաև, որ կարգապահական տույժի կիրառման դեպքում պետք է հաշվի առնվեն խախտման ծանրությունը և դրա հետևանքները, աշխատողի մեղքը, այդ խախտման կատարման հանգամանքները և աշխատողի` նախկինում կատարած աշխատանքը: Ազատման հրամանի ձև կարող եք բեռնել այս կայքի Փաստաթղթեր բաժնից: