Թույլատրվու՞մ է արդյոք Ֆիզ. արձակուրդում գտնվող աշխատողի փոխարեն նոր աշխատող ընդունել

Հարգելի Արշակ, պարապուրդը աշխատավայրում ստեղծված այն իրավիճակն է, որի ժամանակ գործատուն, արտադրական կամ օբյեկտիվ այլ պատճառներով պայմանավորված, չի կարողանում ապահովել աշխատողի` աշխատանքային պայմանագրով նախատեսված աշխատանքը: Այդ դեպքում նոր աշխատողը ի՞նչ աշխատանք կատարելու համար է ընդունվում աշխատանքի:

Իսկ ընդհանրապես, ֆիզ. արձակուրդում գտնվող աշխատողի հետ աշխատանքային պայմանագրի լուծումը արգելվում է: Հոդված 114, Մաս 2, կետ 2.1: Թույլատրվում է ժամանակավոր աշխատող ընդունել, ընդ որում՝ պայմանագրի ժամկետը նշվում է մինչև ֆիզ. արձակուրդում գտնվող աշխատողի` աշխատանքի վերադառնալը:

Արգելք կա ֆիզ. արձակուրդում գտնվող աշխատողին աշխատանքից ազատելու համար: Աշխատանքը կատարելու համար կարող են ընդունել ժամանակավոր աշխատողի, բայց մինչև այն ժամանակը, երբ նախորդ աշխատողը կվերադառնա արձակուրդից: Իսկ եթե պարապուրդ չի ձևակերպվել, և աշխատավարձն էլ լրիվ վճարվել է, ուրեմն աշխատավայրի կարգավիճակը մնացել է նույնը, և այստեղ հարցը այն չէ, որ պարապուրդի ժամանակ են նոր աշխատակից ընդունում, այլ ընդհանրապես ֆիզ. արձակուրդում գտնվող աշխատողի փոխարեն: ԱՕ-ում հատուկ չի նշվում, որ արգելվում է պարապուրդի ժամանակ աշխատող ընդունել, բայց չէ՞ որ կնքվող պայմանագրի մեջ նշվում է, թե տվյալ աշխատակիցը ինչ աշխատանք պետք է կատարի, իսկ եթե չկա նման աշխատանք, ապա ի՞նչ նշվի: