Վերջնահաշվարկ

Բարև Ձեզ: Աշխատողի մահվան դեպքում գործատուն միակողմանիորեն լուծում է աշխատանքային պայմանագիրը աշխատողի մահվան օրվանից: Հաշվարկը կատարեք 11.12.2020թ.-ով (23 %-ով), ներկայացրեք եկամտային հարկի ճշգրտված հաշվետվություն, իսկ վճարումը կատարեք հիմա, բայց հաշվի առեք, որ եթե գործատուի մեղքով աշխատավարձի վճարումը կատարվում է աշխատանքային օրենսգրքով, կոլեկտիվ պայմանագրով կամ կողմերի համաձայնությամբ սահմանված ժամկետների խախտումով, ապա գործատուն աշխատավարձի վճարման կետանցված յուրաքանչյուր օրվա համար աշխատողին վճարում է տուժանք` վճարման ենթակա աշխատավարձի 0,15 տոկոսի չափով, բայց ոչ ավելի, քան վճարման ենթակա գումարի չափը. Աշխատանքային օրենսգրքի հոդված 198. Աշխատավարձի և աշխատանքային հարաբերությունների հետ կապված այլ վճարումների ժամկետանց վճարումը:
Վերջնահաշվարկը չօգտագործված արձակուրդի հատուցումն է վճարվելիք վերջին աշխատավարձի հետ միասին: Հնգօրյա աշխատանքային շաբաթվա դեպքում 1 ամսում աշխատողը կուտակում է 1.67 օր արձակուրդ, վեցօրյա աշխատանքային շաբաթվա դեպքում՝ 2 օր: Հաշվարկեք որքան է կուտակել այդ աշխատողը, ստացեք միջին ամսական աշխատավարձը, այնուհետև բաժանեք այն 21-ի՝ հնգօրյայի դեպքում, 25-ի՝ վեցօրյայի դեպքում՝ միջին օրականը ստանալու համար, դա էլ բազմապատկեք կուտակված արձակուրդի օրերով:
Կարդացեք նաև 195-րդ հոդվածը՝ միջին աշխատավարձը: