Նարինե․

Բարև Ձեզ։ Եթե նշված ժամկետում աշխատավարձի չվճարման դեպքում գործատուն յուրաքանչյուր օրվա համար վճարում է տույժ հասանելիք աշխատավարձի 0.15% չափով, հարկեր պահվու՞մ են, թե՞ ոչ։ 0.15% -ի չափով հենց աշխատակցին է վճարվում, թե՞ 0.15% -ից հարկումից հետո առաջացած գումարն է վճարվում աշխատակցին: Դրամարկղայի՞ն մեթոդն է կիրառվում արդյոք նման դեպքում:

Սոնա․

Բարև ձեզ։ Կասե՞ք խնդրեմ՝ եթե ես աշխատում եմ հեռահար, դասավանդում եմ, այժմ ցանկանում եմ գրանցվել որպես ԱՁ, և ամեն ամիս գումարը տարբեր է, ինչպե՞ս է հաշվարկվելու հարկը։

Անուշ․

Բարև ձեզ։ Կասե՞ք՝ եթե աշխատողներ կան, ում արձակուրդները 2016-2017թթ չեն օգտագործել (այն ժամանակ չեն տվել, ոչ աշխատողի մեղավորությումբ), եթե հիմա ցանկանում ենք տալ այդ արձակուրդները, կասե՞ք՝ ինչպե՞ս են հաշվում, ա՞յդ տարվա աշխատավարձով, թե՞ ներկա, օրենքի հղում եթե կա, խնդրում եմ նշել։

Ինեսա․

Բարև ձեզ։ Հարցս հետևյալն է․ արտագնա տուրիզմը հարկվու՞մ է արդյոք ԱԱՀ-ով։

Ալլա․

Բարև ձեզ: Մեր ՍՊԸ-ն տարածք է վարձակալում: Պայմանագիրը կա: Ինչպե՞ս անել, որ կոմունալների համար հաշիվ ստանանք, և արդյո՞ք միայն տնօրենը կարող է դա անել:

Սերգեյ․

Բարև ձեզ: Հարգելի հաշվապահներ, կազմակերպությունը ամեն տարի համայնքապետարանին վճարում է պետական տուրք գովազդային վահանակի համար: Հաշվապահական ինչպիսի՞ ձևակերպումներ պետք է տալ:

Արամ․

Փետրվարի 27-ին գրանցել եմ ԱՁ, երեկ լրացրել եմ 201 հաշվետվությունը շրջհարկով աշխատելու մասին, ԱՁ-ն գործելու է ՏՏ ոլորտում, աշխատող չունեմ, գիտեմ որ պետք է վճարեմ շրջհարկ, սոց․ վճար և ֆիքսված հարկ։ Ուզում էի իմանալ՝ ամսական և եռամսյակային ի՞նչ հաշվետվություններ պետք է ներկայացնեմ։ Շնորհակալ եմ։

Աննա․

ՍՊԸ-ի միանձնյա հիմնադրի փոփոխության համար ի՞նչ փաստաթղթեր և ի՞նչ վճարումներ են անհրաժեշտ:

Վարդան․

Բարև ձեզ։ Եթե ապրանքներ ենք գնել պատվիրել և օնլայն և տեղի խանութներից, որ գործունեություն իրականացվի օրթոդոնտիկ ստոմատոլոգիական, բայց տարածքի հետ կապված խնդրով չի ստացվում այն իրականացնել, և այդ ապրանքները չմնալու համար օնլայն սեփական կայքում գովազդելով վաճառվի, այդ դեպքում ինչ-որ խնդիր կառաջանա՞ հարկային պարտավորության հետ կապված։ Շնորհակալություն։

Տաթև․

Բարև ձեզ, հարգելիներս։ Հարցս հետևյալն է. եթե ծառայությունների մատուցման հաշիվ վավերագիրը ՍՊԸ-ն գրում է ֆիզիկական անձին (ՍՊԸ-ն գործում է շրջանառության հարկի դաշտում), գործարքի տեսակը դաշտում ի՞նչ ենք նշում։ Շնորհակալ կլինեմ արձագանքի համար։

Արամ․

Բարև ձեզ։ Գրանցել եմ ԱՁ, հիմա պետք է հայտարարություն տամ շրջհարկով աշխատելու համար։ Որտե՞ղ պետք է այդ հայտարարությունը տամ, շնորհակալ եմ։

Մերի․

Բարև ձեզ։ Երբ հայտարարագիր ներկայացնող անձը դիմում է կազմակերպություն հաշիվ վավերագիր դուրս գրելու համար, որևէ ընթացակարգ կա՞ սահմանված կազմակերպության համար՝ պարտադիր պահանջվող փաստաթղթեր, դիմումի ձև, հաշիվ վավերագիր դուրս գրելու հրամանի ձև և այլն։

Գայանե․

Բարև Ձեզ։ Դպրոցում անցկացվելու է ներքին աուդիտ: Ներքին աուդիտի պահանջվող փաստաթղթերի ցանկում նշված է՝ Գույքագրման տեղեկագրերի փաթեթներ 2023-2024թթ համար: Դպրոցներից անցյալ աուդիտների ժամանակ նման փաստաթղթեր չեն պահանջվել: Խնդրում եմ օգնել հասկանալ՝ ի՞նչ է իրենից ներկայացնում գույքագրման փաթեթը: Ի՞նչ տվյալներ են պետք լրացման համար: Նախապես շնորհակալություն։

Հայկ․

Բարև Ձեզ: Գիտեմ, որ տերմինալով կատարված վճարումը համարվում է անկանխիկ: Օրինակ՝ տնօրենը տերմինալով ընկերությանը պատկանող հեռախոսի վարձն է վճարել, որը ձևակերպել եմ դտ 52131 - կտ 228: Հիմա 228 հաշվի պարտքը պետք է մարել՝ վճարելով տնօրենի բանկային հաշվեհամարի՞ն: Նշեմ, որ ընկերության դրամարկղում գումար չկա: Շնորհակալություն։

Մարի․

Բարև ձեզ։ Ցանկանում եմ բացել գեղեցկության սրահ, որտեղ ես աշխատելու եմ մենակ՝ որպես վարսահարդար և հնարավոր է նաև դիմահարդար։ Ինչի՞ց եմ սկսելու։ Եվ արդյո՞ք միկրոբիզնես է համարվում։ Ամսական մոտավոր որքա՞ն են կազմելու հարկերը։

Սոնա․

Ողջույն, հարգելի՛ հաշվապահներ։ Կասե՞ք՝ որպես ֆրիլանսեր աշխատելու դեպքում, եթե եկամուտը քիչ է, ոչ ստաբիլ (ամսական 300 դրամից քիչ), ո՞րն է հարկային պարտավորությունները կատարելու ամենահարմար տարբերակը, որպեսզի շատ չտուժեմ։ Նախապես շնորհակալ եմ արձագանքի համար։

Բելլա․

Ողջույն, սիրելի հաշվապահներ։ Ռեստորանային ոլորտը ինչպե՞ս կարող է անցում կատարել պարտադիր դրոշմավորման ենթակա ապրանքների նույնականացմանը։ Արդյո՞ք խնդիրներ կառաջանան մարտի 1-ից չունենալու դեպքում։ Նշեմ նաև, որ մեր դեպքում նման ապրանքներից են՝ գազավորված ըմպելիքները, սուրճը, գարեջուրը։

Սերինե․

Բարև ձեզ։ Կա՞ որևէ հարթակ, որտեղ կարող եմ տեսնել իմ աշխատանքային ստաժը։

Թովմաս․

Հարգելի ընկերներ, շատ շնորհակալ կլինեմ, եթե ինձ ուղարկեք ՍՊԸ-ի աշխատանքային ներքին կանոնակարգի օրինակելի ձև։ էլ․փոստ․ tonnysean@yahoo.com

Ալլա․

Բարև Ձեզ, խնդրում եմ պատասխանել․ եթե ունենք դեբիտորական պարտք, և տվյալ կազմակերպությունը սնանկ է ճանաչվել, ինչպե՞ս պետք է դուրս գրել այդ պարտքի գումարը, ի՞նչ փաստաթղթեր են հարկավոր, և ի՞նչ ձևակերպում պետք է տրվի: Նախապես շնորհակալություն։