Մարինե.

Բարև Ձեզ։ Հնարավո՞ր է մեքենայի վին կոդով իմանալ թե մեքենան ե՞րբ է մաքսազերծվել ՀՀ-ում։

Մարիամ.

Բարև ձեզ։ Խնդրում եմ ասեք՝ եթե երկու ֆիզ. անձերի միջև կատարվել է մեքենայի առքուվաճառք՝ 2021թ, սակայն անվանափոխություն և պետական գրանցում չի կատարվել մինչ օրս /19.07.22թ/, այժմ գրանցելիս արդյո՞ք անկանխիկ վճարման նոր փոփոխությունները պիտի գործեն, քանի որ վճարվել է 2021թ-ին, և ի՞նչ հարկ է առաջանում նման գործարքի ժամանակ։

Աննա.

Հարգելի հաշվապահներ, եթե կազմակերպությունը զբաղվում է ավտոմեքենաների առք և վաճառքով, ապա ձևակերպումները կատարվու՞մ են պահեստի մուտքի օրդերով և հաշիվ ապրանքագրով։ ԱԱՀ-ն կարողանու՞մ եմ հաշվանցել։ Իսկ եկամտի ճանաչման պահը, երբ է ընդունվում՝ ավտոմեքենային պետական գրանցման պահին, թե՞ վաճառքի իրականացման պահին։ Մինչև վաճառելը ավտոմեքենաները կազմակերպության անունով պետք է գրանցվեն, թե՞ դա դիտվում է որպես ապրանք։
Շնորհակալ կլինեմ շատ արձագանքի համար։

Վարդուհի․

Բարև ձեզ, հարգելի հաշվապահներ: Ֆիզիկական անձինք 15 000 դոլար մեքենայի առք վաճառք անելու դեպքում, ֆիզ անձանց մասով եկամտային հարկ առաջանու՞մ է, թե՞ ոչ։

Թագուհի․

Բարև Ձեզ, հարգելի հաշվապահներ։ Եթե կա տրանսպորտային միջոցի մաշվածության հաշվարկի ձև, խնդրում եմ տրամադրել, եթե ոչ, խնդրում եմ ասեք ինչպե՞ս մաշվածության հաշվարկ կատարեմ։

Նանե.

Բարև Ձեզ։ Եթե կազմակերպությունը գնել է բեռնատար ավտոմեքենա, այն շահագործման է հանձնել, հաշվարկել է մաշվածություն, և մի քանի ամիս անց վաճառել է ֆիզ. անձի՝ գնման գնից կրկնակի էժան, սակայն կատարել է շուկայական գնահատում, և շուկայական գնահատման արժեքից բարձր է եղել վաճառքի գինը։ Այս դեպքում ձեռքբերման և վաճառքի գների տարբերության ԱԱՀ պե՞տք է հաշվանցումից նվազեցնեմ, թե՞ ոչ։

Հասմիկ.

Բարև Ձեզ: Ընկերությունն իր ավտոմեքենան պետք է խոտանի: Խնդրում եմ տրամադրել խոտանման ակտի ձև։ Շնորհակալություն:

Արթուր.

Եթե ԱԱՀ վճարողը ֆիզ. անձից ձեռք է բերել ավտոմեքենա` գնման ակտով, պետք է նաև հաշի՞վ դուրս գրի ֆիզ. անձի անունից: Եթե չէ` ի՞նչ ձևով է հաշվառումը իրականացվում, որ հարկայինում երևա:

Արաքսյա․

Բարև Ձեզ։ Խնդրում եմ, կասե՞ք՝ ավտոլվացման կետը (автомойка) ի՞նչ հարկով է հարկվում։

Նելլի․

Բարև ձեզ, հարգելի հաշվապահներ։ Եթե կազմակերպության բեռնատար մեքենան վթարի է ենթարկվել՝ լիզինգով վերցված, ապահովագրությունը փոխատուցել է և մեքենան վերանորոգվել է։ Էս դեպքում էլ՞ վերանորոգման գումարը պետք դիտարկել կապիտալ բնույթի ծախս ու ավելացնել հաշվեկշռային արժեքին։ Շնորհակալություն։

Մայիս Հովհաննիսյան.

Բարև Ձեզ: Այսպիսի խնդիր է առաջացել. քաղաքացու ավտոմեքենան հափշտակվել է և գտնվում է “փնտրվող համարանիշների հաշվառման շտեմարանում”, իսկ գույքահարկի հաշվարկումը շարունակվում է: Այդ դեպքում՝ ի՞նչ կարգով կարելի է դադարեցնել գույքահարկի հաշվարկը:

Լիաննա․

Բարև ձեզ, հարգելի մասնագետներ։ Ով ՊԱՐԶ լեզվով կբացատրի եկամտային հարկի մասին օրենքից այս դեպքերը։ 1) Շրջհարկով աշխատող ՍՊԸ-ն ֆիզ․ անձից ձեռք է բերել ավտոմեքենա (10, թե՞ 5 տոկոս պետք է վճարի)։ 2) Այդ նույն մեքենան վաճառում է ա) 365 օրվա ընթացքում բ) 365 օրը լրանալուց հետո։

Նարինե․

Հարգելի գործընկերներ, ՍՊԸ-ն աշխատում է շրջհարկով, ձեռք է բերել լիզինգով բեռնատար, հանձնման-ընդունման ակտում առանձնացված ԱԱՀ-ն արդյո՞ք պետք է գումարել արժեքին ձևակերպման ժամանակ, թե՞… ի՞նչ պետք է անել։ Կանխավ շնորհակալություն։

Գայանե․

Բարև Ձեզ, հարգելի հաշվապահներ։ Կխնդրեի հարցիս պատասխանել. ՓԲԸ հիմնարկին պատկանող ավտոմեքենաներից մեկը վարում է տնօրենը, մյուսը հիմնարկում հիմնական աշխատող վարորդը, ամբողջ երթը գրանցվել է ուղեթերթում։ Ես պետք է ըստ այդ ուղեթերթերի հրաման գրեմ, ինչպե՞ս ձևակերպեմ հրամանը։

Էդ.

Որքա՞ն կկազմեն երրորդ երկրից 2017 կամ 2018 թվականների արտադրության ավտոմեքենաների մաքսազերծման գումարները։ Եթե արկա է հաշվարկի ալգորիթմ` կխնդրեմ ուղարկել։

ՍԵդա Հախվերդյան.

Բարև Ձեզ: Ընկերությունը խանութից գնել է մարդատար ավտոմեքենա, դրա ԱԱՀ-ն ինչպե՞ս է հաշվանցվում և, եթե հետո վաճառենք այդ մեքենան` ի՞նչ պետք է անենք հաշվանցված ԱԱՀ-ի հետ:

Աննա.

Հարգելի գործընկերներ, տնօրենի անձնական մեքենան տրված է վարձակալության կազմակերպությանը: Այն ծառայում է ինչպես կազմակերպության կարիքների համար, այնպես էլ տնօրենի անձնական կարիքների համար: Ի՞նչ խնդիրներ կարող են առաջանալ այս դեպքում` կապված բենզինի ծախս ճանաչելու հետ: Արդյո՞ք երթուղային թերթիկների կազմումը բավարար է ծախսի հիմնավորման համար: Շնորհակալություն:

Եթե չունեմ վարորդական վկայական` կարո՞ղ եմ ավտոմեքենա գնել և իմ անունով գրանցել նոտարական կարգով:

Լևոն.

Բարև Ձեզ: Մեքենայի առքուվաճառքի համար գույքահարկի զրոյականը ներակայացնելուց վճարվում է մինչև վաճառքի գործարքի կատարման ամիսը ներառյա՞լ, թե՞ ամբողջ տարվա համար։ Վաճառքը կկայանա այս հունվարին։ Եվս մեկ հարց. եթե մեքենայի գնորդը ՌԴ քաղաքացի է և լիազորել է ՀՀ քաղաքացուն գնելու ավտոմեքենան, ապա այդ դեպքում առքուվաճառքի պայմանագիրը նոտարական վավերացման կարիք ունի՞։ Կանխավ շնորհակալություն։

Վահագն.

ԱՁ-ն զբաղվում է ավտոպահեստամասերի վաճառքով, 2021թ.-ին աշխատել է միկրոյի դաշտում, քանի որ այն գտնվել է Երևանից դուրս` մարզում։ Պե՞տք է արդյոք միկրոձեռնարկատիրության տարեկան հաշվետվության մեջ առանձնացնել յուղերի, անտիֆրիզի, քսանյութերի դասակարգիչը։ Եթե այո, ապա ո՞ր դասակարգիչն է նախատեսված դրա համար