Tag: տերմինալ

Քրիստինե․

Բարև բոլորին: Եթե ԱՁ-ն եվրո պատուհանի պատվեր է վերցրել Ֆիզիկական անձից, պատվերի գումարը կարո՞ղ է ԱՁ-ի տերը տերմինալով մուտք անի ԱՁ-ի հաշվին տվյալ մարդու անուն ազգանունով: Դա կանխիկ գործարք կհամարվի՞, թե՞ ոչ:

Հայկ․

Բարև Ձեզ: Գիտեմ, որ տերմինալով կատարված վճարումը համարվում է անկանխիկ: Օրինակ՝ տնօրենը տերմինալով ընկերությանը պատկանող հեռախոսի վարձն է վճարել, որը ձևակերպել եմ դտ 52131 – կտ 228: Հիմա 228 հաշվի պարտքը պետք է մարել՝ վճարելով տնօրենի բանկային հաշվեհամարի՞ն: Նշեմ, որ ընկերության դրամարկղում գումար չկա: Շնորհակալություն։

Հասմիկ․

Ողջույն, հարգելի կոլեգաներ։ Թարգմանչությամբ զբաղվող ԱՁ-ն նաև տերմինալ է տեղադրել այն տարածքում, որտեղ իրականացնում է թարգմանչական գործունեությունը, տերմինալը անհատույց է իրեն տրվել, տարածքը իր անունով չի։ Խնդրում եմ ուղղորդել՝ ի՞նչ հարկատեսակով է հարկվելու, տերմինալի դասակարգիչը և արդյո՞ք տարածքի և տերմինալի անհատույց վարձակալության պայմանագիր անհրաժեշտ է, որտեղ տեղադրված է տերմինալը։ Կանխավ շնորհակալ եմ։

Հայկ․

Բարև Ձեզ: Աշխատողին հոկտեմբեր ամսվա համար աշխատավարձի կանխավճար էի փոխանցել, սակայն ամբողջ ամիս չի աշխատել և ազատվել է աշխատանքից: Վերջնահաշվարկի արդյունքում պարզվեց, որ ավել վճարված մասը նա պետք է հետ փոխանցի: Աշխատողը փոխանցումը արել է տերմինալով, այլ ոչ թե իր բանկային հաշվից: Նպատակն էլ նշել է հաշվի համալրում: Սա խնդիրներ կառաջացնի՞ արդյոք: Շնորհակալություն։

Աննա․

Բարև ձեզ, հարգելի հաշվապահներ։ Ծանո՞թ եք Onepay համակարգին, ուզում եմ հասկանամ՝ այդ ծառայության միջոցով գումարը որ նստում է բանկային հաշվին, անկանխիկ ՀԴՄ պե՞տք է տպվի, թե՞ ոչ, այս պարագայում խոսքը վերաբերվում է Տեխ. զննման կայանին, կանխավ շնորհակալ եմ:

Հարգելի հաշվապահներ, տերմինալով հաշվի համալրումը արդյո՞ք անկանխիկ է համարվում: ԱՁ, ով աշխատում է շրջհարկով, կարո՞ղ է օրվա վերջում դրամարկղում հավաքված գումարը, որն առաջացել է մանրածախ առևտրից, տերմինալի միջոոցով փոխանցի ԱՁ-ի բանկային հաշվին և հաշվից էլ փոխանցի մատակարարների հաշվին:

Աննա․

Բարև ձեզ, հարգելի հաշվապահներ։ Մեքենաների տեխզննման համար անհրաժե՞շտ է ՀԴՄ, եթե վճարումը կատարվում է տերմինալով, կանխավ շնորհակալ եմ։

Հայկ․

Բարև Ձեզ: ՍՊԸ հիմնադիր և տնօրեն հանդիսացող անձը բանկի տերմինալով կատարել է ընկերության հաշվի համալրում: Արդյո՞ք ճիշտ կլինի դա ձևակերպել որպես նրան մինչ այդ տրված փոխառությունների մարում, եթե բանկի քաղվածքում նպատակը նշված է հաշվի համալրում: Եթե ոչ, ապա ի՞նչ ձևակերպել (դրամարկղում բավարար գումար չկա դրամարկղից ելք ցույց տալու համար): Շնորհակալություն։

Ժաննա․

Բարև Ձեզ, խնդրում եմ օգնել․ ՍՊԸ-ն Իզիփեյ-ի հետ կնքել է պահատվության պայմանագիր, որից հետո ՍՊԸ-ի տարածքում տեղադրել է վճարային տերմինալ, և Իզիփեյը պարտավորվում է ՍՊԸ-ին վճարել ամսավճար։ Խնդրում եմ օգնել տալ դրա հաշվապահական ձևակերպումները։

Եվա․

Բարև Ձեզ: Վճարային տերմինալ է, աշխատում է շրջ. հարկով, շատ եմ խնդրում կասե՞ք՝ ո՞ր ձևով պետք ուղարկեմ եռամսյակային հաշվետվությունը: Ես 232 -ով եմ լրացրել, բայդ դա ճիշտ է, դա առևտուր չի, միգուցե այլ նշեմ: Կանխավ շնորհակալ եմ:

Վահագն․

Բարև Ձեզ։ Տերմինալով բանկային հաշվի վրա փոխանցումները համարվու՞մ են անկանխիկ վճարում։

Էվա․

Բարև Ձեզ: Խնդրում եմ օգնեք գտնել վճարային տերմինալի գործունեության դասակարգիչը: Կանխավ շնորհակալություն:

Անի․

Բարև Ձեզ, հարգելի հաշվապահներ, խնդրում եմ օգնեք. կարո՞ղ է արդյոք միկրոյով աշխատող ԱՁ-ն իր ՀԴՄ- ի սպասարկման գումարը վճարել տերմինալի միջոցով: Դա կհամարվի՞ արդյոք կանխիկ վճարում։

Ալլա.

Բարև Ձեզ, հարգելի հաշվապահեր։ Խնդրում եմ պատասխանել հետևյալ հարցին. բժշկական ծառայության դիմաց վճարումը կատարվել է տերմինալի միջոցով։ Արդյո՞ք անհրաժեշտ է ՀԴՄ–ով այդ գումարը ներկայացնել որպես անկանխիկ։

Նարե.

Բարև ձեզ, հարգելի հաշվապահներ։ Եթե Ա/Ձ-ն ոչ թե իր հաշվից է վճարում աշխատավարձ, այլ տերմինալով է փոխանցում, դա ևս դիտվու՞մ է չէ աշխատավարձի անկանխիկ վճարում։

Բժշկական ծառայության համար իրականացվել է անկանխիկ վճարում տերմինալով /easy pay/։ Հարց՝ արդյո՞ք պարտադիր է հաշվարկային փ-թ դուրս գերլ և ի՞նչ անել, եթե հաճախորդը հրաժարվում է անձնագրային տվյալներ տրամադրել հաշիվ դուրս գրելու համար։ Նշեմ նաև, որ Իզի փեյ Սպը-ն տրամադրում է հաշվետվություն օրական մուտքերի վերաբերյալ։

Արամ․

Որպես իրավաբանական անձ, վճարային տերմինալներ ներմուծելու դեպքում, ինչպե՞ս է հաշվարկվում դրանց մաքսազերծումը։

Արփինե.

Բարև Ձեզ։ Արդյո՞ք կարելի է հուլիսի 1-ից հարկային պարտավորությունները՝ դրոշմանիշային վճարը և հդմ սպասարկման վճարը վճարել տերմինալի միջոցով։

Նունե.

Պետ. ռեգիստրում միկրոձեռնարկատիրոջ ԱՁ-ն հանելուց հետո ի՞նչ պետք է արվի (մթերային խանութում տերմինալ է դրել)։

Քրիստինե․

Բարև ձեզ։ Եթե գործընկերը պարտքը տերմինալով է փոխանցել, որի վրա նշված չի իր տվյալնմերը, ինչպե՞ս կարող եմ ձևակերպել դա։

Լիաննա․

Հարգելի գործընկերներ, եթե ՍՊԸ-ն իր հարկային վճարումները, հաշվարկային հաշվի համալրումները կատարել է տերմինալով, այս դեպքում չկա՞ չէ վճարման համձնարարագիր փաստաթուղթը, և որպես գործարքը հավաստող փաստաթուղթ տերմինալի տված կտրոնները կցվու՞մ են գործերին։ Ու եթե չեն պահպանվել այդ կտրոնները, կարելի՞ է բանկային հաշվի քաղվածքը կցել ելքի օրդերներին։
Շնորհակալություն։

Արմեն.

Բարև ձեզ: Օնլայն խանութի վճարումները արտասահմանից ստանալու համար վճարային տերմինալ պետք է միացնեմ, որը պարտադիր աշխատում է գրանցված ֆիրմայի հետ (ֆիզ.անձ չի գրանցում): Ասեք խնդրեմ` տվյալ գործունեությամբ զբաղվելու համար ԱՁ, թե՞ ՍՊԸ, և որքա՞ն են հարկերը:

Անահիտ Եփ․

Բարև ձեզ հարգելի հաշվապահներ, ընկերությունը ցանկանում է տեղադրել վճարային տերմինալներ, սուրճի ապարատներ, կասե՞ք խնդրեմ՝ ի՞նչ հարկատեսակով են հարկվում այդ գործունեությունները։

Դիանա.

Հարգելի հաշվապահներ,
ընկերությունը զբաղվում է ինտերնետ ծառայության մատակարարմամբ։ Ֆիզ. անձիք վճարումները կատարում են տերմինալներով։ Այդ գումարները ստանում ենք տերմինալների կողմից կատարված բանկային փոխանցումներից։ Խնդրում եմ` տվեք հաշվապահական ձևակերպումները։

Նախապես շնորհակալ եմ:

Ողջույն, հարգելի խմբակիցներ։

2020թ. հունվարի 1-ից գիտեմ, որ ուժի մեջ է մտել երրորդ երկրներից ներմուծման հետևյալ ձևաչափը՝ նախկինում ամսվա կտրվածքով 1 ներմուծում կատարելու 200 000 դրամի սահմանափակումը վերացվել է, և փոխարենն այժմ ֆիզ. անձը կարող է ամսվա կտրվածքով ներմուծումներ կատարել, սակայն, եթե նույն օրվա դրությամբ նույն անձի անունով մեկից ավել ապրանք է մուտք արվում մաքսային տերմինալ, ապա երկրորդի համար անձը պարտավոր է մաքսազերծում իրականացնել։ Դա այդպե՞ս է, թե՞ պարզապես մի քանի ապրանք կարող է մտնել նույն անձի անունով, նույն օրը մաքսային տերմինալ, բայց  100 000 դրամը կամ 21 կգ-ը գերազանցելու դեպքում պետք է մաքսազերծում արվի գերազանցող մասի համար։

Սաթեն.

Խնդրում եմ պատասխանեք՝ էլ. ստորագրության գումարը վճարվել է տերմինալով /դրա համար հաշիվ չեմ ստացել, և աշխատում եմ ԱԱՀ-ով/: Ինչպե՞ս վարվեմ:

Բարև Ձեզ: Խնդրում եմ պատասխանել. արդյոք վճարային տերմինալով վճարում կատարելու դեպքում կարո՞ղ եմ նաև ՀԴՄ կտրոն պահանջել: Վճարումը կատարել եմ բժշկական կենտրոնում՝ բուժօգնության դիմաց: Վերցրել եմ տերմինալի անդորրագիրը: Այժմ անհրաժեշտ է ՀԴՄ կտրոն, սակայն կենտրոնը հրաժարվում է տրամադրել՝ պատճառաբանությամբ, որ վճարումը տերմինալով է կատարվել: Խնդրում եմ ասել՝ ի՞նչ օրենքով է սա կանոնակարգվում: Արդյո՞ք տերմինալը պետք է միացված լինի ՀԴՄ-ին և արդյո՞ք այս դեպքում պարտավոր են տրամադրել ՀԴՄ կտրոն:
Կանխավ շնորհակալ եմ:

Բարև ձեզ։

Ա/Ձ-ն տեղադրում է վճարային տերմինալներ Երևան քաղաքում։

Հարց՝ ի՞նչ հարկատեսակով կարող է աշխատել՝ միկրոձեռնարկատիրության համակարգու՞մ, թե՞ շրջանառության հարկի դաշտում, և ամսական ի՞նչ հաշվետվություններ պետք է ուղարկի։ Շնորհակալություն։

Դավիթ.

Բարև ձեզ: Կասե՞ք՝ խանութի հաշվապահական հաշվառում վարելու հարկայինները վճարելու համար պարտադի՞ր է ունենալ լիցենզավորված ՀԾ ծրագիր: Եվս մեկ հարց. հնարավո՞ր է հարկայինները տերմինալով վճարել:

Արմեն.

Շրջանում աշխատող Ա/Ձ-ն մանրածախ առևտրով է զբաղվում, ունի վճարային տերմինալ, որի միջնորդավճարի համար Իզի Փեյ ընկերությանը ամեն ամիս ծառայությունների մատուցման հաշիվ է ներկայացնում: Հարցս հետևյալն է՝ կարո՞ղ եմ միկրոձեռնարկատիրության համակարգում աշխատել: