Tag: ֆիզ. անձ

Աննա․

Հարգելի հաշվապահներ, ե՞րբ կարող եմ դիմել 2025թ-ին վճարված ուսման վարձը ետ ստանալու համար։ Լսել եմ, որ մարտին արդեն կարող եմ հանձնել հայտարարագիրը և ետ ստանալ, արդյո՞ք ճիշտ է։ Շնորհակալություն։

Արմինե․

Հարգելի մասնագետներ,

ԱԱՀ վճարող կազմակերպությունը ֆիզիկական անձից վարձակալել է տարածք՝ համապատասխան պայմանագրի հիման վրա։ Հարկային հաշվառման տեսանկյունից վարձավճարը որպես ծախս ճանաչելու համար արդյո՞ք բավարար է սովորական պայմանագրի առկայությունը, թե՞ անհրաժեշտ է նաև այն հաստատել նոտարով։ Նախապես շնորհակալություն։

Արմեն․

Բարև Ձեզ։ Մատուցում ենք օնլայն խորհրդատվական ծառայություններ (և իրավաբանական անձանց, և ֆիզ․ անձանց)։ Երբեմն ֆիզ․ անձ հաճախորդները չեն ցանկանում տրամադրել անձնագրային տվյալները՝ հաշիվ դուրս գրելու համար։ Այս դեպքում պե՞տք է ՀԴՄ կիրառել։ Եթե այո՝ ֆիզիկական ՀԴՄ սարք, թե՞ օնլայն ՀԴՄ։ Անկանխիկի օրենքում նշվում է, որ խորհրդատվական ծառայությունների վճարները կատարվում են անկանխիկ ձևով։ Այսինքն՝ եթե վճարումը կատարվում է քարտով կամ այլ վճարային համակարգով, կարո՞ղ ենք ՀԴՄ կիրառել, թե՞ ոչ։ Շնորհակալ եմ նախապես։

Նոնա․

Բարև Ձեզ։ Հարկման հատուկ համակարգով աշխատող ՍՊԸ-ն (շրջհարկ վճարող է) վաճառում է հողատարածք ֆիզիկական անձին: Ի՞նչ հարկեր են առաջանում տվյալ դեպքում: Նշեմ, որ շրջհարկի շեմը չի անցնում վաճառքից: Շնորհակալ կլինեմ, եթե արձագանգեք:

Տաթև․

Բարև Ձեզ, ես Տաթևն եմ։ Ունեմ հաշվապահական բազային գիտելիքներ ու պետք է ընկերուհուս արտելի հաշվապահությունը վարեմ։ Հաշվառումից հանած ԱՁ-ն կրկին հաշվառել եմ, ՏԳՏ դասակարգիչը՝ 95․29․0 ՝ ճի՞շտ է սա։ Այժմ պետք է՝ ներկայացնեմ միկրոձեռնարկատիրության սուբյեկտ համարվելու վերաբերյալ հայտարարություն որպես ԱՁ, կամ որպես ԱՁ չհանդիսացող ֆիզիկական անձ։

Հարցս հետևյալն է․ 1-ինի դեպքում առանց ՀԴՄ կարո՞ղ է աշխատել արտելը, թե ոչ, իսկ եթե այո, ապա ի՞նչ պետք է անել։ Իսկ 2-րդի դեպքում, տեղյակ եմ Արտոնագրի մասին, դա ինչպե՞ս ունենալ։ Խնդրում եմ նաև վճարումների մասով օգնել։ Տեղյակ եմ միայն տարեկան 12 000 դրոշմանիշային վճարի մասով միայն։ Կանխավ շնորհակալ եմ։

Ռուզաննա․

Ի՞նչ վճարումներ են առաջանում ֆիզիկական անձի կողմից բնակարանը վաճառելիս։

Արմինե․

Սիրելի հաշվապահներ, ԱԱՀ վճարող համարվող ԱՁ դադարեցման դիմում է ներկայացրել։ Այժմ ցանկանում է գործունեություն ծավալել որպես ֆիզիկական անձ՝ միկրոձեռնարկատիրության համակարգում։ Արդյո՞ք դա հնարավոր է ԱՁ առկայության պայմաններում։ Շնորհակալություն։

Նելլի․

Բարև Ձեզ։ Ֆիզիկական անձը Ռուսաստանից դեկտեմբեր ամսին սահմանված քանակից ավելի ապրանք է ներմուծել, դեռ ոչ ԵՏՄ ներմուծումն է արել, ոչ էլ որևէ հաշվետվություն ուղարկել։ Խնդրում եմ կհուշե՞ք՝ ի՞նչ հնարավոր տույժ ու տուգանք կարող է առաջանալ, և ի՞նչ հաշվետվություններ անհրաժետ կլինի ուղարկել։ Կանխավ շնորհակալություն։

Էվա․

Բարև Ձեզ։ Հեռախոսների վերանորոգումը աշխատում է որպես ֆիզ․ անձ միկրոձեռնարկատիրության դաշտում։ Ի՞նչ հարկեր պետք է վճարի և արդյո՞ք ապահովագրության 129 600 դրամը պարտադիր պետք է վճարի։

Հասմիկ․

Հարգելի հաշվապահներ, խնդրում եմ տեղեկացրեք՝ արտասահմանյան առցանց պարբերագրերի համար Freelance կարգավիճակով պատմություններ գրելու աշխատանքը ի՞նչ հարկատեսակի է դասվելու։ Ես որպես ի՞նչ պետք է գրանցվեմ և որքա՞ն հարկ պետք է վճարեմ։ Կարո՞ղ եմ գործել որպես ֆիզ․ անձ միկրոձեռնարկատիրության դաշտում։ Շնորհակալություն։

Մհեր․

Բարև ձեզ։ Անշարժ գույքի վարձակալության պայմանագրի վերջնաժամկետ օրը լրանալուց հետո չենք շարունակում վարձաակալության տալ, և ընդհանրապես գույքը վարձակալությամբ էլ չի շահագործվելու։ Նախորդ տարիների ընթացքում ՝ պայմանագրի գործողության ժամանակ հարկային վճարումները կատարվել են։ Հարց՝ գործունեությունը դադարեցնելու համար տարածքի սեփականատերը (ֆիզ. անձ ՀՎՀՀ-ով) ինչ-որ գործողություն ունի՞ անելու հարկայինում գործունեությունը կասեցնելու համար, եթե այո, ապա ի՞նչ է պետք անել։

Քրիստինե․

Բարև բոլորին: Եթե ԱՁ-ն եվրո պատուհանի պատվեր է վերցրել Ֆիզիկական անձից, պատվերի գումարը կարո՞ղ է ԱՁ-ի տերը տերմինալով մուտք անի ԱՁ-ի հաշվին տվյալ մարդու անուն ազգանունով: Դա կանխիկ գործարք կհամարվի՞, թե՞ ոչ:

Լիլիա․

Բարև ձեզ։ Կասե՞ք՝ արտելը միկրոյով կարո՞ղ է աշխատել և աշխատող պահել, պե՞տք է գրանցվի որպես ԱՁ, թե՞ կարող է ֆիզ․ անձով աշխատել։

Հակոբ․

Քանի որ որպես ֆիզիկական անձ արդեն ունեմ թե՛ պետական, թե՛ մասնավոր առողջապահական ապահովագրություն, խնդրում եմ պարզաբանել՝ արդյո՞ք ԱՁ գործունեության դեպքում անհրաժեշտ է ունենալ առանձին առողջապահական ապահովագրություն, թե՞ առկա ապահովագրությունները բավարար են։

Առողջության համընդհանուր ապահովագրության մասին հոդված

Զոհրաբ․

Բարև Ձեզ։ Նախատեսում եմ ֆրիլանս թարգմանչական ծառայություններ մատուցել արտասահմանյան կազմակերպություններին։ Ո՞ր տարբերակն է ավելի օպտիմալ. գրանցվել որպես ԱՁ, թե՞ ուղղակի ֆիզ. անձ, և որքա՞ն են հարկային պարտավորությունները այս կամ այն դեպքում։ Նաև հանդիսանում եմ գրանցված աշխատող ՀՀ կազմակերպությունում, որը որպես գործակալ վճարում է իմ համապատասխան հարկերը։

Նարինե․

Հարգելի հաշվապահներ, ես ֆրիլանս աշխատում եմ արտասահմանյան ընկերության հետ։ Ցանկանում եմ հարկայինում հաշվառվել որպես ֆիզ. անձ և վճարել եկամտային հարկ և սոց. վճար։ Ցանկանում էի իմանալ՝ գրանցումը և հաշվարկի ներկայացումը ո՞ր կայքում պետք է իրականացնել՝ file-online.taxservice.am, թե՞ self-portal.taxservice.am։ Արդյո՞ք գրանցումը պետք է հիմա անել, որպեսզի գործունեությունը ապօրինի չլինի, թե՞ դա կարլեի է անել նաև 2026 թվականի ընթացքում։ Կանխավ շնորհակալություն։

Գևորգ․

Հարգելի հաշվապահներ, ֆիզիկական անձը ֆրիլանս ձևաչափով և առանց պայմանագրի իրականացնում է հանակարգչային ծրագրերի թեստավորում (crowdtesting) արտասահմանյան ընկերության համար և ցանկանում է գրանցվել որպես ինքնազբաղված ֆիզիկական անձ։

1. Կարո՞ղ է հարկային հաշվետվությունները և վճարումները ներկայացնել տարեկան կարգով։

2. Պարտադի՞ր է Invoice դուրս գրել, եթե եկամուտը ստացվում է Payoneer-ի միջոցով։

3. Ո՞ր տնտեսական գործունեության կոդով է ճիշտ գրանցվել՝ 62.02 կամ 62.09, թե՞ այլ։

Կանխավ շնորհակալություն։

Շուշան․

Բարև Ձեզ։ Ֆիզիկական անձն ունի պայմանագիր օտարերկրյա կազմակերպության հետ, ըստ որի պետք է հաճախորդների սպասարկմամբ զբաղվի (զանգեր, հաղորդագրություներ)։ Նման դեպքում ի՞նչ գործունեության դասակարգիչ է կիրառվում, արդյո՞ք կարող է միկրոձեռնարկատիրության ռեժիմում աշխատել, գործարքը համարվու՞մ է ծառայությունների արտահանում։

Մարիամ․

Հարգելի հաշվապահներ, եթե ԱՁ-ն իր մեքենան ուզում է տա վարձակալության, պայմանագիր կազմակելիս ԱՁ-ո՞վ պետք է կազմի, թե՞ ֆիզ․ անձով, ու հարկերի հաշվառումը ինչպե՞ս պետք է լինի։

Հայկ․

Բարև Ձեզ ունեմ երկու հարց:

Հարց 1. 2024թ.-ին ՀՀ քաղաքացի ֆիզիկական անձը իր անշարժ գույքը տվել է վարձակալության, գործարքը ստացել է պետական գրանցում: Եկամտային հարկը պահել և վճարել է հարկային գործակալը: Այս տարի այդ ֆիզ անձը պե՞տք է ներկայացնի հայտարարագիր, թե՞ ոչ:

Հարց 2. Հարց 1-ում նշված ֆիզ անձը զավակի համար վճարել է ուսման վարձ 2025թ. օգոստոսին: Արդյո՞ք նա կարող է 2026թ. օգտվել սոցիալական ծախսի փոխհատուցումից: Եթե ոչ, ապա կարո՞ղ է երեխայի մյուս ծնողը օգտվել, որը հանդիսանում է գրանցված աշխատող և հայտարարագիր ներկայացնող:

Նարինե․

ՍՊԸ-ն տրանսպորտային կազմակերպության միջոցով ներմուծել է ապրանք Ռուսաստանից (մասնավոր անձից)։ Հաշիվ վավերագիր չունենք, ունենք транзитная декларация և некомерческая счет-фактура. Այս դեպքում ինչպե՞ս կարող եմ հանձնել մաքսային վիճակագրական հաշվետվությունը և Հայտարարությունը ու Հայտարարագիրը։ Խնդրում եմ հուշեք ինձ։ Կանխավ շնորհակալություն։

Հասմիկ․

Հարգելի հաշվապահներ, կազմակերպությունը համապատասխան բժշկական փաստաթղթերի հիման վրա ցանկանում է դրամական ՕԳՆՈՒԹՅՈՒՆ տրամադրել ՔԱՂԻՐԱՎԱԿԱՆ ծառայություն մատուցող ֆիզիկական անձին։ Արդյո՞ք այս պարագայում կիրառվում են ՀՀ ՀՕ 147 և 120 հոդվածները։

Վիկա․

Հարգելի գործընկերներ, ՍՊԸ-ն վարձակալել է տարածք ֆիզ․ անձից։ Պայմանագիրը որևէ վավերացում չունի, սակայն ՍՊԸ-ն փոխանցումով է վճարում վարձը։ Վարձավճարը գրված է 70 000։ Գործարքը կնքվել է 2024 մայիսից։ ՍՊԸ-ն պե՞տք էր եկամտայինը վճարեր և ներառեր հաշվետվության մեջ։ Իսկ հարկայինը եթե չունի տվյալներ, ի՞նչ կհետևեր դրան։ Ինչպե՞ս կարելի է ուղղել իրավիճակը։ Ուղարկե՞լ անցած ամիսների համար ճշտված հաշվետվություններ և հանձնե՞լ 165 ձևը։

Արթուր․

Հարգելի գործընկերներ, ֆիզ․ անձից գույք ձեռքբերելու դեպքում արդյո՞ք ֆիզ․ անձը կարող է հրաժարվել, որպեսզի հարկային գործակալը պահի եկամտային հարկը՝ փոխարենը առաջարկելով, թե ինքնուրույն կվճարի այն՝ եկամուտների հայտարարագրով հայտարարագրելով։ Շնորհակալություն։

Անի․

Եթե շրջհարկով աշխատող ԱՁ-ն ձեռք է բերում ֆիզ անձանցից խոտաբույսեր հետագայում դրանք վաճառելու նպատակով, ապա կարո՞ղ է գնման ակտով ձեռք բերել և ազատվել եկամտային հարկի 20 % պարտավորությունից, և այդ իմաստով ի՞նչ տարբերություն կա միակողմանի և երկկողմանի գնման ակտերի միջև։ ՀՕ 150 հոդվածի 13-րդ մասի համաձայն շրջհարկով աշխատող ԱՁ-ն ցանկացած ապրանքի ձեռք բերման ժամանակ է ազատվու՞մ եկամտային հարկի պարտավորությունից։

Արմինե․

Բարև Ձեզ: Խնդրում եմ, կասե՞ք, արդյո՞ք կան հստակ ժամկետներ անհատ ձեռնարկատեր չհանդիսացող ֆիզիկական անձի միկրոձեռնարկատիրության սուբյեկտ համարվելու մասին հայտարարություն ներկայացնելու համար: Անձը նոր է սկսելու իր գործունեությունը և առաջին անգամ գրանցվելու հարկային դաշտում:

Սերգեյ․

Հարգելի հաշվապահներ, եթե ֆիզիկական անձին 300 000 դրամի քարածուխ է վաճառվել և հաշիվ վավերագիր է դուրս գրվել, ֆիզիկական անձը կարո՞ղ է կանխիկ վճարել, թե՞ բանկային փոխանցում է անելու:

📢 Կարևոր նորություն՝ եկամուտների հայտարարագրերի ժամկետների վերաբերյալ
Հեղինակ՝ ԱԺ պատգամավոր Բաբկեն Թունյան

Բաբկեն Թունյանը շրջանառության մեջ է դրել նախագիծ, որը նպատակ ունի երկարաձգել ֆիզիկական անձանց եկամուտների հայտարարագրերի ներկայացման վերջնաժամկետները՝ արձագանքելով քաղաքացիների հնչեցրած մտահոգություններին։

🔹 Ի՞նչ է փոխվում.
➡️ 2024 թ․ եկամուտների համար հայտարարագիր ներկայացնելու վերջնաժամկետը կլինի մինչև 2025 թ․ նոյեմբերի 1-ը։
➡️ 2025 թ․ եկամուտների համար՝ 2026 թ․ մարտի 2-ից մինչև նոյեմբերի 1-ը։
➡️ Իսկ 2026 թվականից սկսած, հայտարագրման ժամանակահատվածը կսահմանվի մարտի 2-ից մինչև հուլիսի 1-ը։

📌 Նախագիծը նախատեսվում է ընդունել արտահերթ նիստով և արագացված ընթացակարգով արդեն այս ամսվա ընթացքում։

Սա լուրջ քայլ է՝ ուղղված գործընթացը քաղաքացիների համար առավել հասանելի ու հարմար դարձնելուն։ Մանրամասները կներկայացվեն նիստի ժամանակ։

Մարինե․

Բարև ձեզ։ ՍՊԸ -ն ֆիզ անձից կարո՞ղ է մինչև 300 000 դրամ արժեքով շարժական գույք գնի, և ի՞նչ փաստաթղթավորում է պահանջվում՝ հաշիվ, հաշվետվություններ և այլն։

Նազելի․

Բարև Ձեզ։ Խնդրում եմ պատասխանել հետևյալ հարցերին․

1․ Նոր գրանցված ՍՊԸ (ԱԱՀ-ով հարկվող) հիմնադիրն ու տնօրենը նույն անձն է, կարո՞ղ է որպես ֆիզիկական անձ փոխառություն տալ ՍՊԸ-ին առաջիկա ծախսերի համար մինչ գործունեությամբ շահույթ ստանալը։

2․ ՍՊԸ-ն ի՞նչ տեսակի հաշվետվություններ պետք է ներկայացնի հարկային մարմին, հնարավորության դեպքում խնդրում եմ նշել թվերով։ Շնորհակալություն։