Tag: ՀՄ

Մարիաննա․

Բարև Ձեզ, խնդրում եմ պատասխանել․ արդյո՞ք վերանորոգման, ներքին հարադարման աշխատանքների գումարը ավելացվում է հիմնական միջոցների սկզբնական արժեքին հանրային հատվածում։

Քրիստինե․

Բարև Ձեզ։ Ա/Ձ-ն միկրոյով է աշխատում, կար ու ձև է անում։ Իր կարի մեքենան վաճառել է ինչ որ Հասարակական Կազմակերպության։ Ես հաշիվ պիտի դուրս գրեմ կարի մեքենայի վաճառք (հիմնական միջոց)։ Եկամտային հաշվարկի մեջ ցույց տա՞մ իմ վաճառած հիմնական միջոցը և 10% հարկ։

Քրիստինա․

Բարև Ձեզ։ Եթե հիմնական միջոցը ձեռք է բերված գնման ակտով ,ապա դրա մաշվածքի ծախսը շահութահարկի հաշվարկման ժամանակ չի՞ նվազեցվի։

Հայկուհի․

Բարև Ձեզ։ Խնդրում եմ պատասխանել հետևյալ հարցին․ Կազմակերպությունը ունի մաշված հիմնական միջոցներ, որոնք ենթակա չեն օգտագործման: Ինչպե՞ս վարվել՝ անհրաժեշտ է անպայման վաճառք ձևակերպել, թե՞ ուղղակի դուրսգրման ակտով շահագործումից հանել։

Ջուլիա․

Բարև ձեզ, հարգելի հաշվապահներ։ Հարցս հետևյալն է՝ ԱԱՀ դաշտում աշխատող ընկերությունը ֆիզ անձից հիմնական միջոց է ձեռքբերում 1 000 000 դրամ արժեքով, ինչպիսի՞ հարկային պարտավորություններ կառաջանան։

Քրիստինե․

Բարև Ձեզ: Մեր ՍՊԸ լիզինգով մեքենա է ձեռք բերել, ի՞նչ հաշվապահական ձևակերպումներ է անհրաժեշտ կատարել: Քանի որ մեքենայի սեփականության իրավունքը լիզինգ տրամադրող ընկերությանն է, ես չեմ կարող չէ՞ այն որպես հիմնական միջոց դիտել: Լիզինգի մարելու համար ամսական արված վճարումները, ապահովագրական վճարները, գույքահարկը ծախսերի մեջ կարո՞ղ եմ ներառել: Նշեմ, որ մեր ընկերությունը ԱԱՀ վճարող է: Շնորհակալություն:

Կարեն․

Բարև Ձեզ։ Ընկերությունը աշխատում է ԱԱՀ-ով, ունի մեքենաներ, որոնք ցանկանում է վաճառել։ 1-ին մեքենային մնացել է 500 000 ՀՀ դրամ, որպեսզի մաշվի, այն պետք է վաճառի 1 500 000 ՀՀ դրամով։

2-րդ մեքենան ամբողջությամբ մաշվել է, պետք է վաճառի 1 000 000 ՀՀ դրամով։

Կասե՞ք՝ որքա՞ն ԱԱՀ և շահութահարկ պետք է վճարել։

Գոհար․

Բարև Ձեզ։ Աշխատում եմ շրջ. հարկի 5 տոկոս դաշտում։ Հիմնական միջոցը նվիրատվություն եմ անում տղայիս, ճի՞շտ եմ հարկում - 10 տոկոս կադաստրային արժեքի և 10 տոկոս եկամտային հարկ։ Խնդրում եմ ասեք։

Կարեն․

Բարև Ձեզ։ ԱԱՀ-ով աշխատող Կազմակերպությունը լիզինգով ստացել է հիմնական միջոց, որի դիմաց լիզինգատուն գրել է լիզինգի հանձնման ընդունման ակտի հաշիվ։ Կապիտալ գումարը (առանց ԱԱՀ) 70 000 000 է, որը ձևակերպել եմ դ․տ 119 կտ 413։ Ամեն ամիս լիզինգատուն հաշիվ է գրում, որի մեջ ներաված է վարձավճարը, որի ընդհանուր գումարը ես արդեն ձևակերպել եմ, ինչպես նաև տոկոսագումարը։ Օրինակ, առաջին ամսվա համար գրվել է՝ 845 000 ՀՀ դրամ ԱԱՀ-ով վարձավճար և տոկոսագումար առանց ԱԱՀ 984 600 ՀՀ դրամ։ Հարց։ Այդ հաշիվները ո՞նց ճիշտ մուտքագրեմ և ի՞նչ գործառնություններ տամ։

Նանա․

Բարև Ձեզ: Ավտոմեքենաների վրա տեղադրվող գազաբալոնները հիմնական միջո՞ց են համարվում։

Մելինե․

Հարգելի հաշվապահներ, ԱԱՀ-ով աշխատող ՍՊԸ է, հիմնադրվել է անցած տարի, ունի մի շարք հիմնական միջոցներ, որոնք ոչ մի փաստաթղթով ձևակերպված չեն (հիմնադիրներն են ներդրել կանոնադրական կապիտալում, բայց պետռեգիստրում էլ դրանք չկան, միայն գործարար պլանում են երևում և ՍՊԸ-ի տեխնիկական բնութագրում, այս փաստաթղթերը ունե՞ն իրավական ուժ)։ Գիտեմ, որ դրանց համար մաշվածությում չեմ կարող հաշվարկել և նվազեցնել շահութահարկից։

Հիմա հարցս. Իսկ ֆինանսական հետևանք որոշելիս (շահաբաժին վճարելու համար ) կարո՞ղ եմ ներառել դրանք։ Նույն կերպ հաշվից վճարոում ենք գրասենյակի էլեկտրաէներգիայի վճարը (ֆիզ անձի բնակարանի հասցեն է), սակայն էլ ցանցից հարկային հաշիվ չենք ստանում։ Այս ծախսը կարո՞ղ եմ վերագրել ֆին արդյունքին։

Շնորհակալություն։

Հապետ․

Հարգելի գործընկերներ, ընկերությունը զբաղվել է զովացուցիչ ըմպելիքների արտադրությամբ և ունի տերմինալներ: Գործունեությունը իրականացրել է միկրոձենարկատիրական գործունեության ռեժիմում: 29․03․2023թ․ վաճառել է տերմինալները: Կհամարվի՞ գործարքը առ ու վաճառք (վաճառվել է հիմնական միջոց), և արդյո՞ք անհրաժեշտ է ներկայացնել շրջանառության հարկ վճարող համարվելու դիմում։

Սա էլ եմ կարդացել, ՊԵԿ-ի թեժ գծից ասեցին որ տնտեսական գործունեության դասակարգիչով պետք է որակեք դա՝ կցված փաստաթուղթ

Էլինա․

Հարգելի հաշվապահներ, խնդրում եմ հուշել՝ ԱԱՀ հետաձգում հասկացությունը ի՞նչ գործողություններ է պահանջում։ Խոսքը գնում է 2021թվականին ներմուծված որպես ՀՄ համակարգիչների մասին (8471 կոդով) ։ Ներմուծելու պահին ԱԱՀ չի վճարվել, պահանջ չի եղել։ Ենթադրել եմ, որ դա մեխանիկորեն է կատարվում։ Մաքսայինի թեժ գծի հետ խոսալուց, եթե ճիշտ հասկացա, պարզվում է, որ դիմում պիտի գրվեր, որպեսզի ԱԱՀ պարտավորությունը համարվեր հետաձգված։ Եվ հիմա, քանի որ դիմում չի գրվել, դա դուրս է գալիս, որ չկատարած հարկային պարտավորություն է, և պիտի գանձվի տույժերով ներառյալ, բայց միասնական հաշվում չունեմ ԱԱՀ մասով պարտավորություն։ Խնդրում եմ՝ ով ունեցել է ԱԱՀ-ի հետաձգման փորձ, արձագանքել, կանխավ շնորհակալ եմ։

Կարեն․

Բարև Ձեզ։ ԱԱՀ-ով աշխատող ԱՁ-ն լիզինգով ստացել է հիմնական միջոց։ Գույքի ձեռքբերման գինը՝ 57 600 000, կանխավճարի չափը՝ 5 760 000, պայմանագրի գումարը՝ 51 840 000։ Լիզինգային ընկերությունից ստացել ենք հարկային հաշիվ՝ վարձավճար 594 900 ներառյալ ԱԱՀ և տոկոսագումար 677 000 առանց ԱԱՀ։ Որ խնդրեմ՝ կասե՞ք, թե հաշվապահական ի՞նչ ձևակերպումներ պետք է տրվի։

Արման․

Բարև Ձեզ, ինձ անհրաժեշտ են նյութեր հիմնական միջոցների ինքնարժեքի ձևավորման, ռեգիստրի, մաշվածության մասին, կամ հենց բուն հիմնական միջոցների մասին։ Շատ շնորհակալ կլինեմ, կից կուղարկեմ էլ․ փոստի հասցե՝ enokyanarman@mail.ru

Ալլա․

Բարև ձեզ, հարգելի հաշվապահներ։ Այսպիսի հարց ունեմ՝ հիմնական միջոցը, որը չի օգտագործվում, կարո՞ղ եմ շահագործումից հանել և մաշվածություն չհաշվել, ծախսերս շատ են, չեմ ուզում վնաս ցույց տամ:

Նար․

Բարև ձեզ։ Ինձ անհրաժեշտ է նյութ՝ հիմնական միջոցների և դրանց օգտագործման արդյունավետության վերլուծության վերաբերյալ՝ 2018թ-ից սկսած հրատարակության։ Լեզուն կապ չունի, միայն կարո՞ղ եք ասել՝ որտեղի՞ց կարող եմ օգտվել։

Դերենիկ․

Բարև ձեզ։ Անհատ ձեռներեց եմ և ցանկանում եմ Չինաստանից ձեռք բերել խառատային cnc հաստոց արտադրությունը զարգացնելու համար։ Հաստոցի գինը մոտ 4 000 000 դրամ է, քաշը 2500կգ։ Կասե՞ք՝ ինչքան կկազմի մաքսազերծումը մոտավոր։

Ռուբեն․

Բարև ձեզ: Կազմակերպությունը ներմուծել է հիմնական միջոց՝ ավտոմեքենա: Բեռնափոխադրման ծախսի գումարը պե՞տք է ներառել ինքնարժեքի մեջ և մաշվածքը հաշվել հանրագումարից։