Եթե աշխատողը աշխատում է կես դրույքով

2020թ.-ից նվազագույն հաշվարկայինը՝ սոց. վճարն էլ ներառյալ, պետք է կազմի ոչ պակաս 92 618 դրամից, հետևաբար կեսը պետք է կազմի 46 309: Սակայն համաձայն օրենքի՝
3. Դրոշմանիշային վճար չեն վճարում աշխատող այն անձինք, որոնք նույն գործատուի մոտ աշխատում են միայն մեկ աշխատանքային պայմանագրով, և տվյալ հաշվետու ժամանակաշրջանում ստացման ենթակա աշխատավարձը՝ հարկերը և պարտադիր այլ վճարները (ներառյալ՝ դրոշմանիշային վճարը) նվազեցնելուց հետո չի գերազանցում ՀՀ օրենսդրությամբ սահմանված նվազագույն աշխատավարձի չափը: Սույն մասում նշված անձանց փոխարեն դրոշմանիշային վճարները վճարվում են՝
1) Հայաստանի Հանրապետության պետական մարմիններում աշխատող անձանց փոխարեն՝ Հայաստանի Հանրապետության պետական բյուջեից.
2) տեղական ինքնակառավարման մարմիններում աշխատող անձանց փոխարեն՝ համապատասխան համայնքի բյուջեից.
3) այլ գործատուների մոտ աշխատող անձանց փոխարեն՝ տվյալ անձանց աշխատավարձ վճարող գործատուի կողմից՝ նրա միջոցների հաշվին:
Հետևաբար, եթե նշված պայմաններն են, ապա պետք է ստանաք 34 501 դրամ, դրոշմանիշային 1 000 դրամը Ձեզանից չպետք է պահվի: