Բյուլետենի հաշվարկ

Բարև Ձեզ, Էմիլի։ Վերցնում եք պահանջն առաջանալու ամսվան նախորդող 12 ամիսների ընթացքում նրա ստացած բոլոր տեսակի վճարները (կեղտոտ գումարների մասին է խոսքը)՝ աշխատավարձ, հավելավճար, հավելում, պարգևավճար (1/12 չափով)։ Եթե 12 ամիսները չեն ձևավորվում, վերցնում եք նաև այլ գործատուի մոտ աշխատած ժամանակահատվածում (այդ 12 ամսվա ընթացքում) նրա ստացած եկամուտը, եթե այդ գործատուի հետ այժմ աշխատանքային հարաբերությունների մեջ չէ։ Ստացված հանրագումարը բաժանում եք 12-ի՝ միջին ամսական աշխատավարձը ստանալու համար։ Այնուհետև վերցնում եք այդ գումարի 80%-ը, բաժանում 21-ի՝ հնգօրյա աշխատանքային շաբաթվա դեպքում, 25-ի՝ վեցօրյա աշխատանքային շաբաթվա դեպքում՝ միջին օրական աշխատավարձը ստանալու համար, դա էլ բազմապատկում եք անաշխատունակության օրերի թվով (հանգստյան օրերը հանած)։ Բայց ի տարբերություն առաջվան՝ այժմ վճարվում են բոլոր օրերը՝ 1-5 օրերը գործատուի միջոցների հաշվին, մնացածը՝ բյուջեի։ Այնուհետև հանում եք 22 % եկամտային հարկը և ստանում վճարման ենթակա գումարը։