Անի․ Բարև Ձեզ: ԱԱՀ վճարող ՍՊԸ-ն ծառայություններ է մատուցել Ոչ ռեզիդենտ կազմակերպությանը, որի դիմաց վճարել է ոչ ռեզիդենտը: Պարտքը մարվել է, սակայն Արտարժույթի կուրսի տատանման հետևանքով առաջացած վնասը փակելու նպատակով ոչ ռեզիդենտ կազմակերպությունը ցանկանում է գումար փոխանցել: Հարցը. Հաշիվ պե՞տք է գրել, թե՞ ոչ: Ինչպիսի՞ հարկեր կառաջանան։

Անի. Հարգելի՛ հաշվապահներ, իմ կազմակերպությունն աշխատում է ԱԱՀ-ով, հաշիվ է ստացել աշխատանքների կատարման 2021թ. սեպտեմբեր ամսին մեկ այլ կազմակերպությունից, հաստատել է այդ հաշիվը սեպտեմբերին, սակայն այդ կազմակերպությունը դեկտեմբերին իր դուրս գրած հաշիվը չեղարկել է` սխալ գրված բովանդակության պատճառով, և նույն գումարի չափով հաշիվ է դուրս գրել, նշելով մատակարարման օրը սեպտեմբերին: Ինչպե՞ս վարվել ԱԱՀ հաշվետվության հետ: ՀԾ-ում ինչպե՞ս ձևակերպել: Շնորհակալ եմ:

Նունե. Բարև Ձեզ: Եթե նոր անձնագիր եմ վերցրել, բայց հարկայինում հին տվյալներն են գրանցված, խնդի՞ր է: Ի՞նչ պետք է անեմ: Կանխավ շնորհակալություն:

Արմինե․ Հարգելի մասնագետներ, խնդրում եմ օգնել հետևյալ հարցում. եթե ընկերության աշխատակցի հետ կնքված է եղել աշխատանքային պայմանագիր և լիակատար նյութական պատասխանատվության պայմանագիր /օրինակ՝ պահեստի պատասխանատուն է եղել/, սակայն նա անցնում է այլ հաստիքով աշխատանքի, որի հետ չի պահանջվում կնքել լիակատար նյութական պատասխանատվության պայմանագիր, տվյալ դեպքում հաստիքի փոփոխման համաձանագրում կամ հրամանում պարտադի՞ր է նշել՝ լուծել այս ինչ թվականին կնքված լիակատար նյութական պատասխանատվության պայմանագիրը և նշանակել այս ինչ պաշտոնի։ Եթե չնշվի, ապա դա կարո՞ղ է դիտարկվել որպես կոպիտ սխալ, և առհասարակ, ինչպե՞ս է ընթացակարգը: Կանխավ շնորհակալություն:

Սամվել․ Բարև Ձեզ։ Ինձ անհրաժեշտ է ՍՊԸ-ների համար միակ մասնկացի որոշման ձև՝ շահույթի բաշխման վերաբերյալ։

Աննա․ Բարև Ձեզ: Կարո՞ղ եք ուղարկել հրամանի ձև՝ արձակուրդի տեղափոխման վերաբերյալ:

Ակա․ Բարև Ձեզ։ Ինձ պայմանագրի օրինակ է հարկավոր` նախադպրոցական ուսուցման պայմանագիր ծնողի հետ։

Վարդուհի. ՍՊԸ-ն, որն աշխատում է շրջհարկով և ունի 25 աշխատող, մասնավոր կլինիկա է, դրամարկղի գիրք պարտադի՞ր է վարելը:

Արամ. Ինձ կարո՞ղ եք ուղարկել լիազորագրի տիպային ձև մաքսատան համար: Շնորհակալ եմ:

Արթուր. Խնդրում եմ ինձ ուղարկեք փոխադարձ հաշվարկի օրնակելի ձև:

Միլենա․ Բարև ձեզ, հարգելի հաշվապահներ։ ՀԱՐԿ ՎՃԱՐՈՂԻ ԿՈՂՄԻՑ ՏԵՂԵԿՈՒԹՅՈՒՆՆԵՐ ՓԱԿՑՆԵԼՈՒ ՀԱՅՏԱՐԱՐՈՒԹՅԱՆ վրա ու՞մ կնիքն ու ստորագրությունը պետք է լինի, ԱՁ ֊ի՞։

Լուսինե․ Բարև Ձեզ։ Արդյո՞ք կարող ենք հարկային հաշիվը ետին ամսաթվով դուրս գրել։

Արմինե. Բարև Ձեզ: 2 ամիս առաջ աշխատող ենք ընդունել, հիմա փոխվել է անձնագրային տվյալները, ի՞նչ պետք է անել: Խնդրում եմ` մանրամասն գրել:

Անի․ Հարգելի՛ հաշվապահներ, դրամարկղային գրքերի լրացման հետ կապված պարտադի՞ր է ամսվա մնացորդը գրելը: Որտե՞ղ կարող եմ ուղղորդող որևէ բան գտնել: Ստուգումների ժամանակ դրամարկղային գիրքն ստուգու՞մ են, ինչի՞ն են ուշադրություն դարձնում: Կանխավ շնորհակալ եմ:

Լանա․ Արդյո՞ք պետք է ունենալ դրամարկղային գիրք, եթե ՍՊԸ-ն կանխիկ գործարքներ չի իրականացնում՝ աշխատավարձի, առհաշիվ գումարների տրամադրումը կատարվում է անկանխիկ եղանակով:

Անահիտ. Բարև ձեզ: Անվտանգության տեխնիկայի անձնական գրքույկի օրինակ կա՞:

Gegham Bagrazyan. ՀՈԱԿ-ը աղբահանության իրականացնելու համար լիցենզիա ստանալու համար կնքել է պայմանագիր փորձաքննություն իրականացնող կազմակերպության հետ 1 800 000 գումարի չափով 2021թ-ի հոկտեմբերին, բայց աշխատանքների մի մասն է ավարտել, և չի կազմվել ակտ, չեն ներկայացրել հաշիվ ապրանքագիր, չնայած մենք կանխավճար ենք փոխանցել 2021-ի հոկտեմբերին 900 000դրամ, խնդրում եմ օգնեք․ կարո՞ղ են արդյոք 2022թ-ի փետրվարին հաշիվ ներկայացնել՝ մատակարարման ամսաթիվը 2021թ-ի դեկտեմբերով, և ի՞նչ չափով կարող ենք ծախսագրել 2021թ-ով։

Դիաննա․ Բարև Ձեզ։ Մասնավոր մանկապարտեզ բացելու լիցենզիա ստանալու համար ի՞նչ է անհրաժեշտ։