Լուսինե․

Բարև ձեզ, սննդի արտադրությունը, որը պատրաստելու է քաղցրավենիք և հանձնի խանութներին, կարո՞ղ է միկրոյի դաշտում աշխատել։

Ալիսա․

Եթե ՍՊԸ-ն աշխատում է շրջանառության հարկով, շահաբաժին ճանաչու՞մ է, թե՞ ոչ։

Սասուն․

Բարև Ձեզ, աշխատակցին ավել վճարված աշխատավարձի հետ պահելու կարգը ինչպե՞ս է:

Օլգա․

Բարև Ձեզ։ Խնդրում եմ օգնել, մի քանի հարցերին պատասխանել: Պետք է ԱՁ բացեմ և մատուցեմ հոգեբանական խորհրդատվություն:

1․ Ի՞նչ կոդ պետք է ընտրել ծառայությունների դասակարգչում, քանի որ ես հոգեբույժ/հոգեթերապևտ չեմ:

2․ Հաշիվ դուրս գրելու ժամանակ ինչպե՞ս նշեմ ծառայությունների տեսակը, որպեսզի խնդիր չառաջանա:

Շնորհակալ կլինեմ օգնության համար:

Աննա․

Եթե նախկին գործատուն աշխատողների հետ չի կնքել աշխատանքային պայմանագիր, բայց կա հրաման աշխատանքի ընդունելու վերաբերյալ ու այդ աշխատողների դրույքաչափերում, պաշտոններում և աշխատավարձերում անընդհատ փոփոխություններ է արել, հիմա գործատուն փոխվել է ու ինչպե՞ս անի, որ ճիշտ լինի, եթե առկա չէ պայմանագիր, բայց կարիք կա տվյալ աշխատողի պաշտոնի կամ դրույքաչափի փոփոխություն անել։

Ալլա․

Բարև Ձեզ, հարգելի հաշվապահներ, այսպիսի հարց ունեմ․ 2022թ. ապրանք ձեռք բերելու համար կանխավճար եմ փոխանցել, առաջացել է ԴՏ պարտք, այս տարի տվյալ կազմակերպությունը սնանկ է ճանաչվել, կարո՞ղ եմ այդ պարտքը համարել անհուսալի և դուրս գրել ԴՏ 714 ԿՏ 224։

Սամվել․

Հարցս վերաբերվում է հայտարարագրմանը: 2024 թվականի ընթացքում պարբերաբար կատարել եմ լիցքավորում Վիվառոյում և ունեցել եմ ելքագրումներ 1 000 դրամից մինչև 800 000 դրամ: Բնականաբար արդյունքում ավելի շատ լիցքվորում եմ կատարել, քան ելքագրումներ: Խնդրում եմ օգնել, թե ինչը պետք է հայտարարագրեմ։ Ելքագրումների ընդհանուր գումարը ամբողջ 2024 թվականի, անկախ 1 ելքագրման գումարի չափից և անկախ նրարից, որ ելքագրման և լիցքավորման տարբերությունը բացասական է, թե՞ մեկ այլ բան է նախատեսված այդ մասով։

Գոհար․

Հարգելի հաշվապահներ, որո՞նք են հասարակական կազմակերպությունների հաշվետվությունները և ի՞նչ ժամանակահատվածով են տրվում։ Շնորհակալություն։

Մարիամ․

Բարև Ձեզ, որ խնդրեմ կասե՞ք՝ հերթափոխով աշխատողները տոն օրերին աշխատելու դեպքում պետք է վճարվեն կրկնակի չափով, թե՞ նորմալ:

Քրիստինե․

Բարև Ձեզ։ Եթե կազմակերպությունը ֆիզիկական անձից գնել է գործիք (զոդման ապարատ) և տվյալ ամսվա մեջ եկամտային հարկի հաշվետվության մեջ ներկայացվել է այդ գումարը, հիմա հարց․ կազմակերպությունը տվյալ մարդու անունով պե՞տք է ներկայացնի 165 ձևը մինչև մարտի 1-ը, թե՞ ոչ։

Գրիգոր․

Բարև Ձեզ։ Շրջանառության հարկով աշխատող կազմակերպությունը նախորդ տարիներին ունի ձեռքբերումներ միակողմանի գնման ակտով (առհաշիվ մինչև 300 000 դրամ փոխանցվել է գործադիր տնօրենի հաշվարկային հաշվին, ով էլ ձեռք բերված ապրանքները ներկայացրել է միակողմանի գնման ակտով՝ այսինքն ձևակերպել է շուկայից) և 01․01․2025թ, դրությամբ ունենք մնացորդներ ինչպես միակողմանի գնման ակտով ձեռքներումներից, այնպես է հարկային հաշվով դուրս գրված ձեռքբերումներից։

Հարցս հետևյալն է՝ գույքագրման արդյունքները պե՞տք է արդյոք մինչև փետրվարի 1-ը ներկայացնել ՊԵԿ, եթե այո՝ ինչպես, և նախորդ տարիների ձեռքբերումների մասով այս տարի 20% եկամտային հարկ վճարելու՞ ենք արդյոք։ Իմ կարծիքով չպետք է վճարենք, սակայն արդեն մի քանի հաշվապահներից լսել եմ, որ այդ նախորդ մնացորդները եթե ձեռք են բերված միակողմանի գնման ակտով, այս տարի վճարելու ենք 20 % եկամտային հարկը։ Ես հարկային փոփոխություններում այդ մասին չկարողացա գտնել որևէ բան։ Խնդրում եմ, եթե այդպես է, օրենքի հղում ուղարկեք։ Շնորհակալություն։

Լիանա․

Բարև ձեզ։ Շրջանառության հարկով աշխատող կազմակերպությունը ցանկանում է կնքել հանձնարարության պայմանագիր որպես հանձնարարող, որտեղ հանձնակատարը պարտավորվում է հանձնարարողի անունից և նրա հաշվին կատարել ավիատոմսերի վաճառք։ Կասե՞ք՝ այս դեպքում ո՞րն է համարվելու Հանձնարարողի հարկման բազան ՝ ամբո՞ղջ ստացված գումարը, թե՞ միջնորդավճարը։

Անի․

Բարև Ձեզ։ Կխնդրեմ տալ հստակ տեղեկություն փոխարինող աշխատողին մայրության նպաստ տրամադրելու մասով։ Եթե փոխարինող աշխատողը գնում է ֆիզ, իսկ հիմնական աշխատակիցը վերադառնում է աշխատանքի, արդյո՞ք փոխարինող աշխատողը ոչ մի աջակցություն (նպաստ) չի ստանում։ Այդ ժամանակ Գործատուն կարո՞ղ է փոխարինող աշխատողի պայմանագիրը որոշակի ժամկետովը փոխել անորոշ ժամկետով և տրամադրել ֆիզ արձակուրդ, և ի՞նչ հիմքերով։

Բարև Ձեզ։ Սիրելի մասնագետներ, կխնդրեի օգնել ճիշտ ընտրել աուդիոձայնագրություններ մատուցող ԱՁ-ի դասակարգիչը, ես ուզում եմ գրել R90030, և արդյո՞ք այս ոլորտը կարող է միկրոյի դաշտում աշխատել։

Գագիկ․

Բարև Ձեզ: Կմեկնաբանե՞ք հետևյալը, թե ինչ է նշանակում միկրոձեռնարկատիրության սուբյեկտ չեն կարող համարվել ... աշխատանքներին կամ ծառայություններին համանման գործունեությունները: Ո՞րն է համանմանության սահմանումը։ Տվյալ դեպքում ցանկանում եմ հասկանալ՝ ինչու՞ է լուսանկարչական գործունեությունը (դասակարգիչը՝ 74,20,0) համարվում համանման դիզայներականին։

Դավիթ․

Բարև Ձեզ, հարգելի հաշվապահներ։

Հարկային օրենսգրքում, եկամտային հարկին վերաբերվող մասւմ, այսպիսի բան է գրված․

Հոդված 147. Նվազեցվող եկամուտները (նվազեցումները) 1. Հարկման բազան որոշելու նպատակով նվազեցվող եկամուտներ են համարվում՝ ․․․ 16) սեփականության իրավունքով իրենց պատկանող գույքի օտարումից անհատ ձեռնարկատեր և նոտար չհանդիսացող ֆիզիկական անձանցից ստացվող եկամուտները: ․․․ Այսինքն եթե մարդը (ֆիզիկական անձը) իրեն պատկանող բնակարանը վաճառում է մի այլ մարդու (ֆիզիկական անձի), նա հարկ այդ եկամտից չի վճարում։

Հիմա հարցս՝ իսկ եթե այն մարդը, ում վաճառվում է բնակարանը, գրանցված է որպես անահատ ձեռնարկատե՞ր։ Նա փաստորեն "անհատ ձեռնարկատեր չհանդիսացող ֆիզիկական անձ" չի՞ կարող համարվել, և վաճառողը պիտի մուծի եկամտային հա՞րկ։ Ես հասկանում եմ, որ դա մի քիչ աբսուրդ է հնչում, բայց օրենքւմ կարծես հենց դա է գրված։ Կարո՞ղ եք մեկնաբանել, թե իրանակում ընդունված պրակտիկայում ոնց է արվում։ Կանխավ շնորհակալ եմ։

Հարգելի գործընկերներ, 2025թ. փետրվարի 1-ը միկրոձեռնարկատիրության սուբյեկտի՝ 2024թ․ իրացման շրջանառության վերաբերյալ հաշվետվության ներկայացման վերջնաժամկետն է։ Պետք է հանձնել ձև N 256. “Հաշվետվություն միկրոձեռնարկատիրության սուբյեկտի իրացման շրջանառության վերաբերյալ”:

ՀՀ Հարկային օրենսգիրք, Հոդված 270. Միկրոձեռնարկատիրության սուբյեկտների կողմից հարկային հաշվարկներ ներկայացնելը․

Միկրոձեռնարկատիրության սուբյեկտ համարվող ռեզիդենտ առևտրային կազմակերպությունները և անհատ ձեռնարկատերերը (բացառությամբ բացառապես Օրենսգրքի բաղկացուցիչ մասը կազմող հավելված 3-ով սահմանված գործունեության տեսակների մասով միկրոձեռնարկատիրության սուբյեկտ համարվող անհատ ձեռնարկատերերի) մինչև հարկային տարվան հաջորդող հարկային տարվա փետրվարի 1-ը ներառյալ Օրենսգրքի 53-րդ հոդվածով սահմանված կարգով հարկային մարմին են ներկայացնում հաշվետվություն` նախորդ հարկային տարվա ընթացքում գործունեության բոլոր տեսակների մասով իրացման շրջանառության վերաբերյալ:

Արմինե․

Հարգելիներս, կահույքի արտադրությունը կարո՞ղ է միկրոձեռնարկատիրություն համարվել։ Արտադրում, աշխատում ենք պատվերով։

Անդրանիկ․

Բարև ձեզ։ Ես ուզում եմ տարածք վերցնել և զբաղվել արագ սննդի վաճառքով։ Ի՞նչ հարկեր պետք է մուծեմ, և հնարավո՞ր է աշխատել որպես ԱՁ։ Շնորհակալ կլինեմ օգնության համար։