Tag: միասնական հաշիվ

Իրինա․

Բարև Ձեզ։ Ես մեկ ամիս առաջ եմ գրանցել ԱՁ, և այս ամիս պիտի վճարեմ շրջանառության հարկը։ Խնդրում եմ կասեք՝ փոխանցումը միասնական հաշվեհամարին պարտադի՞ր է կատարել իմ այն հաշվից, որն ԱՁ-ինն է, թե՞ կարող եմ փոխանցել ցանկացած այլ հաշվից, կամ քարտից՝ նշելով ԱՁ անվանումը և հարկ վճարողի համարը։

Ալմաստ․

Բարև Ձեզ։ Եկամտային հարկի հաշվետվության ճշգրտման արդյունքում գերավճար է առաջացել Սոցիալական վճար (հաշվարկի ճշգրտման արդյունքում առաջացած) բաժնում։ Խնդրում եմ կասե՞ք՝ ինչպե՞ս հաշվանցեմ միասնական հաշիվ, եթե հնարավոր է։

Նոնա․

Խնդրում եմ պարզաբանել: Կազմակերպությունը գործում է հարկման ընդհանուր համակարգում: Միասնական հաշվում ունի կուտակված ԱԱՀ-ի դեբետային գումար: Արդյո՞ք ԵՏՄ երկրից ներմուծվող ավտոմեքենայի ԱԱՀ-ը հնարավո՞ր է հաշվանցել այդ դեբետի հաշվին (այսինքն չվճարել ԱԱՀ-ն):

Հայկ․

Բարև Ձեզ, ես հաշվապահ չեմ: Ունեմ Ա/Ձ, որի համար պետք է վճարեմ շահութահարկ: Ո՞ր հաշվեհամարին պետք է փոխանցեմ շահութահարկը: e-payments կայքում կա միասնական հաշիվ, այդ հաշվին կա՞րող եմ փոխանցել: Շնորհակալություն։

Կարեն․

Բարև Ձեզ։ ԱՁ-ի հաշվեհամարից ԴԱՀԿ գումար է քաշել, որը պետք է մարվեր ԱՁ-ի հարկային պարտավորությունից։ Արդեն 10 օր անցել է, բայց միասնական հաշվում մուտք ցույց չի տալիս։ Կասեք՝ ի՞նչ պետք է անել։

Գայանե․

Բարև Ձեզ, կարո՞ղ եք ինձ բացատրել՝ միասնական հաշվում առկա գումարը կարո՞ղ եմ հետ ստանալ։ Կանխավ շնորհակալություն։

Տաթև․

Բարև ձեզ, հարգելիներս: ՍՊԸ-ի տնօրենը հարկերը վճարել է անձնական հաշվից՝ նշելով ՀՎՀՀ և ՍՊԸ-ի անունը: Բայց հարկային պարտավորությունը ցույց է տալիս դեռ: Ինչպե՞ս վարվել: Հնարավո՞ր է հետ նստացնել այդ գումարը: Պետք է պարտադիր ՍՊԸ-ի հաշվից վճարել, ճիշտ է չէ՞:

Մելինե․

Բարև ձեզ, հարգելի հաշվապահներ, կհուշե՞ք խնդրում եմ՝ ՀԾ հաշվապահ ծրագրում (նոր եմ ձեռք բերել), օրինակ, տույժերի ծախսերին հաշվեգրումը, կամ ասենք միասնական հաշվում առկա գումարով եկամտային հարկի մարումը ի՞նչ փաստաթղթերով ձևակերպել, հիշարար օրդե՞ր։ Եվ ձեռք բերված կնիքը ի՞նչ փաստաթղթով մուտքագրել՝ հիմնական միջո՞ց, թե՞ արագամաշ առարկա: Շնորհակալություն։

Արթուր․

Բարև Ձեզ։ Ուզում եմ իմանալ՝ ձեզ հետ նման դեպք պատահե՞լ է, ու ի՞նչ եք արել։

2023-ի հունվարի 9-ին ՊԵԿ միասնական հաշիվ 2022-ի չորրորդ եռամսյակի շրջանառության հարկի չափով գումար եմ փոխանցել՝ իմ ԱՁ-ի «2022-ի չորրորդ եռամսյակի հարկային պարտավորություն» նպատակով։ Միասնական հաշվից առաջին հերթին 2022-ի սոցվճարի գանձում է կատարվել, իսկ մնացորդից՝ 2022-ի չորրորդ եռամսյակի շրջանառության հարկի մարում է կատարվել, որը բնականաբար ավելի քիչ է եղել, քան իրական գումարը։

Հիմա ՊԵԿ-ը տուգանել է՝ հարկերը ժամանակին չվճարելու համար։ Այնինչ 2022-ի սոցվճարի, շահութահարկի ու դրոշմանիշային վճարի համար մինչև 2023-ի ապրիլի 20-ը կարող ենք փոխանցել։

Մանե․

Բարև Ձեզ։ Կարո՞ղ եք նշել, թե որտեղ պետք է վճարվի հսկիչ գնմամբ առաջացած տույժ, տուգանքը։ Միասնական հաշվում պարտավորությունը արտացոլված չէ։

Լիկա.

Հարգելի գործընկերներ, հարցս հետևայն է. ՀՈԱԿ-ը հարկային տեսչությունում ունի գերավճար միասնական հաշվում /եկամտային հարկի գծով/, որը ՀԾ-ում ժամանակին որպես մնացորդ չի մուտքագրվել։ Խնդրում եմ ասեք՝ ի՞նչ ձևակերպում պետք է տալ՝ 1․ սխալն ուղելու համար, 2․ դ-տ պարտքի հաշվին կ-տ պարտքի մարում հաջորդ ամսվա աշխատավարձի եկամտային հարկից։ Նախապես շնորհակալություն։

Աննա.

Բարև Ձեզ։ ԱԱՀ-ով աշխատողը կազմակերպությունը զբաղվում է մեքենայի առքուվաճառքով։ Ավտոմեքենան ներմուծելիս վճարված ԱԱՀ-ի գումարը ե՞րբ կարող է ստանալ որպես ԱԱՀ-ի փոխհատուցվող գումար։ Նկատի ունեմ, ԱԱՀ-ի հաշվետվությամբ ներմուծումից առաջացած դեբետային գումարը ե՞րբ է մուտքագրվում միասնական հաշվին։ (Համապատասխան դիմումը 261 ձևը ներկայացնելուց հետո նկատի ունեմ)։

Հարգելի հաշվապահներ, խնդրում եմ նշել ինչպե՞ս պետք է գրանցել հարկերի միասնական հաշվին փոխանցումը։ Ո՞րն է հարկերի միասնական հաշվի հաշիվն ըստ հաշվային պլանի։

Արուս. Բարև բոլորին: Շրջանառության հարկ վճարող եմ: Այսպիսի մի հարց. երբ հաշվետվությունների ներկայացման կայքում` taxservice -ում, ԱՀՔ քաղվածքն եմ նայում, եկամտային հարկի և սոցիալական վճարի մասով վճարված գումարը երևում է ներքևում` միասնական հաշվում առկա գումարի տակ: Արդյո՞ք դա այդպես էլ պետք է լինի:

Կարեն. Ո՞ր հաշվեհամարին է փոխանցվում պարտադիր կուտակային վճարը։

Մանե. Բարև Ձեզ։ Ներեցեք՝ կարո՞ղ եք օգնել, միկրոյով աշխատող Ա/Ձ տարեկան սոց. վճարը միասնական հաշվեհամարի՞ն է վճարում։

Արուս․ Բարև ձեզ, հարգելի հաշվապահներ։ Շրջանառության հարկով հարկվող ԱՁ-ն բացվել է փետրվարին և դեռ շրջանառություն չունի, և ԱՁ-ի հաշվեհամարի վրա գումար չկա: Էլեկտրոնային համակարգում ուզում եմ միասնական հաշվին վճարել 10 000 դրամ փետրվար ամսվա եկամտայինի և սոց. վճարի համար, կարծում եմ՝ պետք է ԱՁ-ի հաշվեհամարին փոխանցեմ նշված գումարը, նոր վճարեմ, ուրիշ հաշվեհամարից վճարել չի կարելի: Հետևաբար Էլեկտրոնային վճարումներ մասում ՎՃԱՐՄԱՆ ԿԱՐԳԱԴՐՈՒԹՅԱՆ ԼՐԱՑՄԱՆ ՊԱՏՈՒՀԱՆ-ում Վճարողի հաշվեհամար մասում լրացնում եմ ԱՁ-ի հաշվեհամարը, իսկ վճարման նկարագրությունում նշե՞մ եկամտային և սոց վճար:

Վարդուհի. Բարև ձեզ, հարգելի հաշվապահներ: Խնդրում եմ ինձ հուշել` որտեղի՞ց է կատարվում միասնական հաշվին փոխանցված եկ․ հարկի և սոց․ վճարի վերաբաշխումը։

Սուսաննա Բարսեղյան. Բարև Ձեզ։ Խնդրում եմ պատասխանել` եկամտային հարկը ու սոց․ վճարը փոխանցվելու են 900008000490 հաշվեհամարի՞ն։