Tag: արտադրություն

Գոհար․

Բարև ձեզ։ Ցանկանում եմ տանս մեջ արտադրել մոմեր և օճառներ, և օնլայն վաճառք իրականացնել։ Կասե՞ք խնդրեմ՝ գրանցվե՞մ որպես ԱՁ, և ի՞նչ քայլեր են հարկավոր, որպեսզի օրինական դաշտ մտնեմ։

Անահիտ․

Հարգելի հաշվապահներ, եթե ԱՁ ինքն է կարում/արտադրում պայուսակները, որոնք վաճառում է Wildberries – ում, դա կարո՞ղ է համարվել արտադրություն և գործել միկրոձեռնարկատիրության դաշտում, թե՞ այնուամենայնիվ առևտուր է։

Սեդա.

Բարև Ձեզ, ԱՁ-ն զբաղվում է ձեռագործ խաղալիքների ու կախազարդերի արտադրությամբ ու վաճառքով (2025 թվականից), հարկեր չեն գանձվել, վճարել եմ միայն դրոշմանիշային վճարը, շրջանառությունը չի գերազանցում 1.8 մլն-ը։ Այս տարի լինելու՞ են փոփոխություններ, որ կազդեն իմ վրա, կամ արդյո՞ք շրջհարկի դաշտ մտնելու եմ:

Անի․

Հարգելի հաշվապահներ, խնդրում եմ օգնեք լրացնել շահութահարկի հաշվետվությունը։ Ա/Ձ-ն աշխատում է ԱԱՀ-ի դաշտում և զբաղվում է սանտեխնիկայի արտադրությամբ, շրջանառությունը առանց ԱԱՀ կազմում է 2 330 000 դրամ, չունի աշխատողներ, ունի ստացված հարկային հաշիվ 01․07․2026թ-ով (ԱԱՀ-ով 132 000 դրամ), իսկ 2025թ-ով ունի մեկ գնված ապրանք խանութից, որի ՀԴՄ-ում ներառվել է ՀՎՀՀ-ն, արժեքը 27 090 դրամ։ Խնդրում եմ ասեք՝ համախառն եկամուտ դաշտում ինչ թիվ պետք է լրացնել, և նվազեցումների մեջ կարո՞ղ եմ ներառել 2026թ-ին ստացված հաշվի տվյալները, և եթե ԱԱՀ-ով շրջանառությունը կազմել է 2 796 000 (առանց ԱԱՀ 2 330 000), արդյո՞ք պետք է վճարվի առողջապահության ապահովագրության տարեկան վճար։

Խնդրում եմ նշեք նաև՝ ի՞նչ տոկոսով է հաշվարկվում արտադրությամբ զբաղվող Ա/Ձ-ի շահութահարկը։

Քրիստինե․

Բարև Ձեզ, որպես արտադրող QR կոդերի համար համակարգում գրանցվել ենք։ Հիմա պետք է պատվիրենք ծածկագրեր։ Ինչպե՞ս պետք է պատվիրենք ու որտե՞ղ ենք տպելու։ Որպես արտադրող ի՞նչ պետք է անենք։ Նախապես շնորհակալ եմ։

Սոֆյա․

Բարև ձեզ։ Հարգելի հաշվապահներ, ՍՊԸ-ն գրանցված է որպես փայտե իրերի արտադրությամբ զբաղվող ՍՊԸ, սակայն այն զբաղվում է նաև արհեստական քարից իրերի արտադրությամբ։ Կարո՞ղ է արդյոք ՍՊԸ-ն քար ներկրել ՌԴ-ից, ի՞նչ ռիսկեր կան, և ի՞նչ քայլերի հաջորդականություն կառաջանա հաշվետվություններ տալու մասով։ Գործում է շրջհարկի դաշտում, քարի արտադրությամբ զբաղվելու լիցենզիա չունի։ Կանխավ շնորհակալություն։

Աննա․

Բարև ձեզ, ես զբաղվում եմ ձեռագործ իրերի պատրաստմամբ` տոնածառի խաղալիքներ, ամանորյա մոմեր, մոմակալներ և այլն։ Ցանկանում եմ մասնակցել ամանորյա տոնավաճառներին և հետագայում առցանց վաճառք Հայաստանում։ Խնդրում եմ ուղղորդեք ի՞նչ տեսակի ԱՁ պետք է բացել, ինչքա՞ն է հարկվում նմանատիպ գործունեությունը, և արդյո՞ք անհրաժեշտ է ունենալ ՀԴՄ և ինչպիսին։ Կանխավ շնորհակալություն✨

Լիանա․

Ինձ կտրամադրե՞ք տեղեկատվություն պոլիէթիլենային խողովակների արտադրությունը սկսելու վերաբերյալ: Մասնավորապես՝ ո՞ր մարմնին պետք է դիմել, անհրաժե՞շտ է լիցենզիա, թե՞ ոչ, ինչպե՞ս է գործընթացը իրականացվում:

Մերի․

Բարև ձեզ, ես ԱՁ եմ, արտադրում եմ ապրանք և վաճառում Wildberries – ում, պետք է վայլդբերիսին հաշիվ գրեմ։ Կարո՞ղ եմ ամիսը մեկ գրել և մեջը ի՞նչ գումար եմ գրում։ Իր փոխանցա՞ծ գումարը։ Եվ մեկ հարց էլ՝ կարո՞ղ եմ արտադրության կոդ գրել հաշվետվության մեջ և միկրոձեռնարկատիրություն համարվել։

Մարիամ․

Բարև ձեզ։

Ցանկանում եմ բիզնես սկսել և օրինակացնել, ունեմ մի քանի հարց, խնդրում եմ պատասխանել, նախապես շնորհակալություն։

Տան պայմաններում (առանձին խոհանոց) պատրաստելու եմ տորթեր, քաղցրավենիքներ, աշխատակից չեմ ունենալու, վաճառքը իրականացնելու եմ Instagram-յան էջի միջոցով, աշխատելու եմ միայն առաքումով, առաքումը իրականացնելու եմ ես: Բացի այդ ունենալու ենք փաթեթներ, որ օրինակ փոքրիկ տորթ և փոքրիկ շամպայն է լինելու կամ բաժակ է ներառելու փաթեթը , այս դեպքում այլ ապրանքները , որոնք իմ արտադրանքը չեն ինչպե՞ս եմ կարողանալու վերավաճառել։

1. Խնդրում եմ ասեք, այս ոլորտում բիզնես սկսելու քայլերը, ի՞նչ է պետք անել հերթականությունը նաև իմ բիզնեսի համար ամենահարմար կազմակերպաիրավական տեսակը , հարկման տեսակը, պարտավորությունները եւ վճարումները (ամսական եւ տարեկան) որո՞նք են
2. Արդյո՞ք պետք է առանձին հաշիվ բացեմ փոխանցումների համար, նաև կխնդրեմ նշել օնլայն վաճառքի դեպքում ինչպես եմ ՀԴՄ տրամադրելու

Իմ դեպքում օնլայն ՀԴՄ է լինելու և արդյոք ճի՞շտ է, որ ոչ բոլորին են թույլատրում էլեկտրոնային ՀԴՄ։

Վահե․

Հարգելի հաշվապահներ, եթե կազմակերպությունն իրականացնում է սննդամթերքի արտադրություն և այդ արտադրանքի մեծածախ վաճառք, և պարբերաբար առաքված ժամկետանց ապրանքը ճշգրտող հաշվարկային հաշվով հետ է վերադարձնում իր պահեստ, հետո այդ ամբողջ վերադարձված արտադրանքը վերամշակում է և հարկային հաշիվներով որպես անասնակեր վաճառում այլ տնտեսվարողների: Հարց․ իրավունք ունի՞ արդյոք հաշվետու ժամանակաշրջանում իրացված արտադրանքի և վերամշակված արտադրանքի շահութահարկով հարկման բազան որոշելիս նվազեցնել հաշվետու ժամանակաշրջանի ապրանքի արտադրության հետ կապված ամբողջ ծախսերը։

Գուրգեն․

Բարև Ձեզ։ Ես ցանկանում եմ սկսել տնական մրգօղիների արտադրություն, ինչպե՞ս իմանամ թույլտվությունների, լիցենզիայի, աքցիզների և այլ կանոնների մասին։

Վահե․

Հարգելի հաշվապահներ, կազմակերպությունը աշխատում է ընդհանուր հարկման դաշտում և զբաղվում է սննդամթերքի արտադրությամբ, ժամկետանց իրացված ապրանքի վերադարձի ժամանակ նվազեցնում է այդ ապրանքի արտադրության հետ կապված ԱԱՀ։ Հարց․ Շահութահարկի հաշվարկում այդ չնվազեցված ԱԱՀ կարելի՞ է ծախս ճանաչել, խնդրում եմ հղում տալ օրենքի հոդվածին:

Մարիամ․

Բարև Ձեզ, ցանկանում եմ սկսել խմորեղենի փոքրիկ արտադրություն, իսկ իրացումը կազմակերպել խանութների միջոցով։ Սկզբնապես լրացուցիչ աշխատողներ չեն լինելու։ Վերջին հարկային փոփոխությունները հաշվի առնելով՝ կհուշե՞ք, թե ինչ կարգավիճակով է առավել շահեկան մտնել հարկային դաշտ։

Նինա․

Բարև ձեզ, հարգելի հաշվապահներ։ Ես սկսնակ հաշվապահ եմ, և ինձ հետաքրքրում է՝ շրջհարկի նոր օրենքով արտադրությունով զբաղվող ԱՁ-ն ի՞նչ ծախսեր պիտի հաշվի առնի։ Օրինակ՝ հոսանքի, ջրի, աշխատավարձի ծախսերը պակասեցվու՞մ է հաշվարկի ժամանակ, թե՞ ոչ։Կանխավ շնորհակալ եմ։

Աննա․

Հարգելի հաշվապահներ, ձեր խորհրդի կարիքը ունեմ հետևյալ գործունեության համար․

Քաղաքացին փաստաթղթով գնում է վնասված ավտոմեքենա, խոտանում և իր անունով բացված ԱՁ-ով վաճառում որպես ավտոպահեստամասեր։

Հարց 1․ գործունեությունը ԱՁ-ի համար կարո՞ղ է համարվել արտադրություն, քանի որ կատարում է որոշակի գործողություններ՝ քանդում, մասերի լվացում, թարմացում և այլն, և աշխատել միկրոյի դաշտում։

Հարց 2․ Կհաշվարկվի 20 % եկամտային հարկ․ ա) 2024թ․ և առաջ ձեռք բերված՝ վնասված և խոտանված ավտոներից առաջացած ավտոպահեստամասերի վաճառքի նկատմամբ բ) 2025թ․ ձեռք բերված՝ վնասված և խոտանված ավտոներից առաջացած ավտոպահեստամասերի վաճառքի նկատմամբ

Շուշանիկ․

Բարև Ձեզ, հարգելի հաշվապահներ, խնդրում եմ օգնել հետևյալ հարցում: ԱՁ-ն, որն աշխատում է ԱԱՀ-ի դաշտում, զբաղվում է բաժակով սուրճի արտադրությամբ և վաճառքով, ի՞նչ հաշվետվություններ պետք է ներկայացնի և ի՞նչ պարտադիր հարկեր պետք է վճարի: Նաև կխնդրեի պարզաբանել՝ ԱՁ-ն կարող է տնօրեն չունենալ։

Էլինա․

Բարև բոլորին, խնդրում եմ ուղղորդել՝ արդյո՞ք արտադրության մեջ անմիջականորեն ներգրավված աշխատողի պարապուրդում գտնվելու ընթացքում վճարված գումարը կարող է համարվել վարչական, թե՞ մնում է անմիջականորեն ներգրավվածի ծախս։ Շահութահարկի հաշվարկի 1 Բաժնի ո՞ր տողում եմ արտացոլերու այդ ծախսը։ Կանխավ շնորհակալ եմ։

Լուսինե․

Բարև ձեզ, սննդի արտադրությունը, որը պատրաստելու է քաղցրավենիք և հանձնի խանութներին, կարո՞ղ է միկրոյի դաշտում աշխատել։

Արմինե․

Հարգելիներս, կահույքի արտադրությունը կարո՞ղ է միկրոձեռնարկատիրություն համարվել։ Արտադրում, աշխատում ենք պատվերով։

Քնարիկ․

Բարև ձեզ։ Հարցս վերաբերում է շինարարության արտադրության։ Հնարավո՞ր է նյութական արժեքների կոմպլեկտավորումից ստանալ ՀՄ, եթե այո, ինչպիսի՞ հաշվապահական ձևակերպում պետք է տալ։ Նախապես շնորհակալություն։

Նելլի․

Բարև Ձեզ, հարգելի հաշվապահներ, խնդրում եմ կասե՞ք՝ հացի արտադրությունը Երևան քաղաքում կարո՞ղ է 2025 թվականին միկրոձեռնարկատիրության սուբյեկտ համարվել։

Արփինե․

Ողջույն, սիրելի հաշվապահներ։ Մարզում գործող ԱՁ-ն իրականացնում է հացի, հացաբուլկեղենի արտադրություն և վաճառում տեղում, սակայն ունի նաև սառնարաններ և վաճառում է զովացուցիչ ըմպելիքներ։ Ճիշտ եմ չէ՞ հասկացել, որ 2025-ից անցնելու է շրջհարկի դաշտ, քանի որ արտադրությանը զուգահեռ կա առք ու վաճառքի գործունեություն, և չի կարող աշխատել միկրոհամակարգում: Կարող է մնալ միկրոհամակարգում միայն այն դեպքում, եթե վաճառի միայն իր արտադրությունը:

Գոռ․

Բարև Ձեզ։ Կասե՞ք՝ մարզում քարի արտադրամասը համարվու՞մ է միկրոձեռնարկատիդություն։ Տնտեսական դասակարգիչը C23612։

Հրանտ․

Բարև Ձեզ։ Շրջանառության հարկով հարկման օբյեկտ համարվող գործարքներից է հանդիսանում արտադրական գործունեությունը։ Ինչպե՞ս հասկանալ՝ ո՞րն է արտադրական գործունեությունը։ ՀԷԿ-ի կողմից արտադրված էլեկտրաէներգիան դա արտադրակա՞ն գործունեության արդյունք է, թե՞ ոչ։ Ինչպե՞ս կիրառել “արտադրական գործունեություն” տարբերակումը։ Շնորհակալ եմ։

Նանար․

Բարև ձեզ։

Շրջանառության հարկով հարկվող արտադրությամբ զբաղվող ԱՁ-ն ձեռք է բերել ապրանք առանց ՀԴՄ կտրոնի ու հաշիվ վավերագրի։ Ինչպե՞ս պետք է ձևակերպվի գնումը։ Շնորհակալություն։

Տաթևիկ․

Բարև Ձեզ: Հարցս վերաբերում է ֆիզիկական ծավալների հաշվետվությանը: Ո՞ր դեպքում է լրացվում 12-րդ տողը՝ արտադրված (արդյունահանված) արտադրատեսակի (օգտակար հանածոյի) քանակը։ Գինու արտադրության պարագայում մինչև պատրաստի արտադրանք դառնալը, թե՞ շշալցված հստակ քանակը։

Հովհաննես․

Ողջույն։ Մենք պատրաստվում ենք ստարտափ հիմնել, համասեռ արագ պատրաստվող խմորեղենի չոր խմորի արտադրության և վաճառքի։ Կասե՞ք, խնդրեմ, քայլերի հաջորդականությունը լիցենզիա ստանալու և այլնի հետ կապված։ Ու արդյոք կարելի՞ է դա իրականացնել տնային պայմաններում (սկզբի համար իհարկե)։

Գևորգ․

Բարև ձեզ: Կարի արտադրությունը, որը այժմ աշխատում է որպես միկրոձեռնարկատիրություն, և տարեկան շրջանառությունը չի գերազանցում 24 մլն-ը, 2025 թվականի հարկային փոփոխություների արդյունքում կարո՞ղ է մնալ որպես միկրոձեռնարկատիրություն: Եթե այո, աշխատելու է նույն կերպ, ինչ 2024-ին, թե՞ այլ փոփոխություններ կան։ Շնորհակալ կլինեմ արձագանքի համար:

Անի․

Հարգելի հաշվապահներ, կասե՞ք խնդրեմ՝ 2025-ին հացի արտադրություն ու խմորեղենի արտադրությունը կարո՞ղ են մնալ միկրո համակարգում։